1 וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃
2 נְקֹ֗ם נִקְמַת֙ בְּנֵ֣י יִשְׂרָאֵ֔ל מֵאֵ֖ת הַמִּדְיָנִ֑ים אַחַ֖ר תֵּאָסֵ֥ף אֶל־עַמֶּֽיךָ׃ neqom niqemat beney yiseraʾel meʾet hamideyaniym ʾaḥar teʾasef ʾel־ʿameykha׃
3 וַיְדַבֵּ֤ר מֹשֶׁה֙ אֶל־הָעָ֣ם לֵאמֹ֔ר הֵחָלְצ֧וּ מֵאִתְּכֶ֛ם אֲנָשִׁ֖ים לַצָּבָ֑א וְיִהְיוּ֙ עַל־מִדְיָ֔ן לָתֵ֥ת נִקְמַת־יְהוָ֖ה בְּמִדְיָֽן׃ wayedaber mosheh ʾel־haʿam leʾmor heḥaletsu meʾitekhem ʾanashiym latsavaʾ weyiheyu ʿal־mideyan latet niqemat־yehwah bemideyan׃
4 אֶ֚לֶף לַמַּטֶּ֔ה אֶ֖לֶף לַמַּטֶּ֑ה לְכֹל֙ מַטֹּ֣ות יִשְׂרָאֵ֔ל תִּשְׁלְח֖וּ לַצָּבָֽא׃ ʾelef lamaṭeh ʾelef lamaṭeh lekhol maṭowt yiseraʾel tisheleḥu latsavaʾ׃
5 וַיִּמָּֽסְרוּ֙ מֵאַלְפֵ֣י יִשְׂרָאֵ֔ל אֶ֖לֶף לַמַּטֶּ֑ה שְׁנֵים־עָשָׂ֥ר אֶ֖לֶף חֲלוּצֵ֥י צָבָֽא׃ wayimaseru meʾalefey yiseraʾel ʾelef lamaṭeh sheneym־ʿasar ʾelef ḥalutsey tsavaʾ׃
6 וַיִּשְׁלַ֨ח אֹתָ֥ם מֹשֶׁ֛ה אֶ֥לֶף לַמַּטֶּ֖ה לַצָּבָ֑א אֹ֠תָם וְאֶת־פִּ֨ינְחָ֜ס בֶּן־אֶלְעָזָ֤ר הַכֹּהֵן֙ לַצָּבָ֔א וּכְלֵ֥י הַקֹּ֛דֶשׁ וַחֲצֹצְרֹ֥ות הַתְּרוּעָ֖ה בְּיָדֹֽו׃ wayishelaḥ ʾotam mosheh ʾelef lamaṭeh latsavaʾ ʾotam weʾet־piyneḥas ben־ʾeleʿazar hakohen latsavaʾ ukheley haqodesh waḥatsotserowt hateruʿah beyadow׃
7 וַֽיִּצְבְּאוּ֙ עַל־מִדְיָ֔ן כַּאֲשֶׁ֛ר צִוָּ֥ה יְהוָ֖ה אֶת־מֹשֶׁ֑ה וַיַּֽהַרְג֖וּ כָּל־זָכָֽר׃ wayitsebeʾu ʿal־mideyan kaʾasher tsiuah yehwah ʾet־mosheh wayaharegu kal־zakhar׃
8 וְאֶת־מַלְכֵ֨י מִדְיָ֜ן הָרְג֣וּ עַל־חַלְלֵיהֶ֗ם אֶת־אֱוִ֤י וְאֶת־רֶ֙קֶם֙ וְאֶת־צ֤וּר וְאֶת־חוּר֙ וְאֶת־רֶ֔בַע חֲמֵ֖שֶׁת מַלְכֵ֣י מִדְיָ֑ן וְאֵת֙ בִּלְעָ֣ם בֶּן־בְּעֹ֔ור הָרְג֖וּ בֶּחָֽרֶב׃ weʾet־malekhey mideyan haregu ʿal־ḥaleleyhem ʾet־ʾewiy weʾet־reqem weʾet־tsur weʾet־ḥur weʾet־revaʿ ḥameshet malekhey mideyan weʾet bileʿam ben־beʿowr haregu beḥarev׃
9 וַיִּשְׁבּ֧וּ בְנֵי־יִשְׂרָאֵ֛ל אֶת־נְשֵׁ֥י מִדְיָ֖ן וְאֶת־טַפָּ֑ם וְאֵ֨ת כָּל־בְּהֶמְתָּ֧ם וְאֶת־כָּל־מִקְנֵהֶ֛ם וְאֶת־כָּל־חֵילָ֖ם בָּזָֽזוּ׃ wayishebu veney־yiseraʾel ʾet־neshey mideyan weʾet־ṭapam weʾet kal־behemetam weʾet־kal־miqenehem weʾet־kal־ḥeylam bazazu׃
10 וְאֵ֤ת כָּל־עָרֵיהֶם֙ בְּמֹ֣ושְׁבֹתָ֔ם וְאֵ֖ת כָּל־טִֽירֹתָ֑ם שָׂרְפ֖וּ בָּאֵֽשׁ׃ weʾet kal־ʿareyhem bemowshevotam weʾet kal־ṭiyrotam sarefu baʾesh׃
11 וַיִּקְחוּ֙ אֶת־כָּל־הַשָּׁלָ֔ל וְאֵ֖ת כָּל־הַמַּלְקֹ֑וחַ בָּאָדָ֖ם וּבַבְּהֵמָֽה׃ wayiqeḥu ʾet־kal־hashalal weʾet kal־hamaleqowḥa baʾadam uvabehemah׃
12 וַיָּבִ֡אוּ אֶל־מֹשֶׁה֩ וְאֶל־אֶלְעָזָ֨ר הַכֹּהֵ֜ן וְאֶל־עֲדַ֣ת בְּנֵֽי־יִשְׂרָאֵ֗ל אֶת־הַשְּׁבִ֧י וְאֶת־הַמַּלְקֹ֛וחַ וְאֶת־הַשָּׁלָ֖ל אֶל־הַֽמַּחֲנֶ֑ה אֶל־עַֽרְבֹ֣ת מֹואָ֔ב אֲשֶׁ֖ר עַל־יַרְדֵּ֥ן יְרֵחֹֽו׃ ס wayaviʾu ʾel־mosheh weʾel־ʾeleʿazar hakohen weʾel־ʿadat beney־yiseraʾel ʾet־hasheviy weʾet־hamaleqowḥa weʾet־hashalal ʾel־hamaḥaneh ʾel־ʿarevot mowʾav ʾasher ʿal־yareden yereḥow׃ s
13 וַיֵּ֨צְא֜וּ מֹשֶׁ֨ה וְאֶלְעָזָ֧ר הַכֹּהֵ֛ן וְכָל־נְשִׂיאֵ֥י הָעֵדָ֖ה לִקְרָאתָ֑ם אֶל־מִח֖וּץ לַֽמַּחֲנֶֽה׃ wayetseʾu mosheh weʾeleʿazar hakohen wekhal־nesiyʾey haʿedah liqeraʾtam ʾel־miḥuts lamaḥaneh׃
14 וַיִּקְצֹ֣ף מֹשֶׁ֔ה עַ֖ל פְּקוּדֵ֣י הֶחָ֑יִל שָׂרֵ֤י הָאֲלָפִים֙ וְשָׂרֵ֣י הַמֵּאֹ֔ות הַבָּאִ֖ים מִצְּבָ֥א הַמִּלְחָמָֽה׃ wayiqetsof mosheh ʿal pequdey heḥayil sarey haʾalafiym wesarey hameʾowt habaʾiym mitsevaʾ hamileḥamah׃
15 וַיֹּ֥אמֶר אֲלֵיהֶ֖ם מֹשֶׁ֑ה הַֽחִיִּיתֶ֖ם כָּל־נְקֵבָֽה׃ wayoʾmer ʾaleyhem mosheh haḥiyiytem kal־neqevah׃
16 הֵ֣ן הֵ֜נָּה הָי֨וּ לִבְנֵ֤י יִשְׂרָאֵל֙ בִּדְבַ֣ר בִּלְעָ֔ם לִמְסָר־מַ֥עַל בַּיהוָ֖ה עַל־דְּבַר־פְּעֹ֑ור וַתְּהִ֥י הַמַּגֵּפָ֖ה בַּעֲדַ֥ת יְהוָֽה׃ hen henah hayu liveney yiseraʾel bidevar bileʿam limesar־maʿal bayhwah ʿal־devar־peʿowr watehiy hamagefah baʿadat yehwah׃
17 וְעַתָּ֕ה הִרְג֥וּ כָל־זָכָ֖ר בַּטָּ֑ף וְכָל־אִשָּׁ֗ה יֹדַ֥עַת אִ֛ישׁ לְמִשְׁכַּ֥ב זָכָ֖ר הֲרֹֽגוּ׃ weʿatah hiregu khal־zakhar baṭaf wekhal־ʾishah yodaʿat ʾiysh lemishekav zakhar harogu׃
18 וְכֹל֙ הַטַּ֣ף בַּנָּשִׁ֔ים אֲשֶׁ֥ר לֹא־יָדְע֖וּ מִשְׁכַּ֣ב זָכָ֑ר הַחֲי֖וּ לָכֶֽם׃ wekhol haṭaf banashiym ʾasher loʾ־yadeʿu mishekav zakhar haḥayu lakhem׃
19 וְאַתֶּ֗ם חֲנ֛וּ מִח֥וּץ לַֽמַּחֲנֶ֖ה שִׁבְעַ֣ת יָמִ֑ים כֹּל֩ הֹרֵ֨ג נֶ֜פֶשׁ וְכֹ֣ל ׀ נֹגֵ֣עַ בֶּֽחָלָ֗ל תִּֽתְחַטְּא֞וּ בַּיֹּ֤ום הַשְּׁלִישִׁי֙ וּבַיֹּ֣ום הַשְּׁבִיעִ֔י אַתֶּ֖ם וּשְׁבִיכֶֽם׃ weʾatem ḥanu miḥuts lamaḥaneh shiveʿat yamiym kol horeg nefesh wekhol ׀ nogeaʿ beḥalal titeḥaṭeʾu bayowm hasheliyshiy uvayowm hasheviyʿiy ʾatem usheviykhem׃
20 וְכָל־בֶּ֧גֶד וְכָל־כְּלִי־עֹ֛ור וְכָל־מַעֲשֵׂ֥ה עִזִּ֖ים וְכָל־כְּלִי־עֵ֑ץ תִּתְחַטָּֽאוּ׃ ס wekhal־beged wekhal־keliy־ʿowr wekhal־maʿaseh ʿiziym wekhal־keliy־ʿets titeḥaṭaʾu׃ s
21 וַיֹּ֨אמֶר אֶלְעָזָ֤ר הַכֹּהֵן֙ אֶל־אַנְשֵׁ֣י הַצָּבָ֔א הַבָּאִ֖ים לַמִּלְחָמָ֑ה זֹ֚את חֻקַּ֣ת הַתֹּורָ֔ה אֲשֶׁר־צִוָּ֥ה יְהוָ֖ה אֶת־מֹשֶֽׁה׃ wayoʾmer ʾeleʿazar hakohen ʾel־ʾaneshey hatsavaʾ habaʾiym lamileḥamah zoʾt ḥuqat hatowrah ʾasher־tsiuah yehwah ʾet־mosheh׃
22 אַ֥ךְ אֶת־הַזָּהָ֖ב וְאֶת־הַכָּ֑סֶף אֶֽת־הַנְּחֹ֙שֶׁת֙ אֶת־הַבַּרְזֶ֔ל אֶֽת־הַבְּדִ֖יל וְאֶת־הָעֹפָֽרֶת׃ ʾakhe ʾet־hazahav weʾet־hakasef ʾet־haneḥoshet ʾet־habarezel ʾet־habediyl weʾet־haʿofaret׃
23 כָּל־דָּבָ֞ר אֲשֶׁר־יָבֹ֣א בָאֵ֗שׁ תַּעֲבִ֤ירוּ בָאֵשׁ֙ וְטָהֵ֔ר אַ֕ךְ בְּמֵ֥י נִדָּ֖ה יִתְחַטָּ֑א וְכֹ֨ל אֲשֶׁ֧ר לֹֽא־יָבֹ֛א בָּאֵ֖שׁ תַּעֲבִ֥ירוּ בַמָּֽיִם׃ kal־davar ʾasher־yavoʾ vaʾesh taʿaviyru vaʾesh weṭaher ʾakhe bemey nidah yiteḥaṭaʾ wekhol ʾasher loʾ־yavoʾ baʾesh taʿaviyru vamayim׃
24 וְכִבַּסְתֶּ֧ם בִּגְדֵיכֶ֛ם בַּיֹּ֥ום הַשְּׁבִיעִ֖י וּטְהַרְתֶּ֑ם וְאַחַ֖ר תָּבֹ֥אוּ אֶל־הַֽמַּחֲנֶֽה׃ פ wekhibasetem bigedeykhem bayowm hasheviyʿiy uṭeharetem weʾaḥar tavoʾu ʾel־hamaḥaneh׃ f
25 וַיֹּ֥אמֶר יְהוָ֖ה אֶל־מֹשֶׁ֥ה לֵּאמֹֽר׃ wayoʾmer yehwah ʾel־mosheh leʾmor׃
26 שָׂ֗א אֵ֣ת רֹ֤אשׁ מַלְקֹ֙וחַ֙ הַשְּׁבִ֔י בָּאָדָ֖ם וּבַבְּהֵמָ֑ה אַתָּה֙ וְאֶלְעָזָ֣ר הַכֹּהֵ֔ן וְרָאשֵׁ֖י אֲבֹ֥ות הָעֵדָֽה׃ saʾ ʾet roʾsh maleqowḥa hasheviy baʾadam uvabehemah ʾatah weʾeleʿazar hakohen weraʾshey ʾavowt haʿedah׃
27 וְחָצִ֙יתָ֙ אֶת־הַמַּלְקֹ֔וחַ בֵּ֚ין תֹּפְשֵׂ֣י הַמִּלְחָמָ֔ה הַיֹּצְאִ֖ים לַצָּבָ֑א וּבֵ֖ין כָּל־הָעֵדָֽה׃ weḥatsiyta ʾet־hamaleqowḥa beyn tofesey hamileḥamah hayotseʾiym latsavaʾ uveyn kal־haʿedah׃
28 וַהֲרֵמֹתָ֨ מֶ֜כֶס לַֽיהוָ֗ה מֵאֵ֞ת אַנְשֵׁ֤י הַמִּלְחָמָה֙ הַיֹּצְאִ֣ים לַצָּבָ֔א אֶחָ֣ד נֶ֔פֶשׁ מֵחֲמֵ֖שׁ הַמֵּאֹ֑ות מִן־הָאָדָם֙ וּמִן־הַבָּקָ֔ר וּמִן־הַחֲמֹרִ֖ים וּמִן־הַצֹּֽאן׃ waharemota mekhes layhwah meʾet ʾaneshey hamileḥamah hayotseʾiym latsavaʾ ʾeḥad nefesh meḥamesh hameʾowt min־haʾadam umin־habaqar umin־haḥamoriym umin־hatsoʾn׃
29 מִמַּֽחֲצִיתָ֖ם תִּקָּ֑חוּ וְנָתַתָּ֛ה לְאֶלְעָזָ֥ר הַכֹּהֵ֖ן תְּרוּמַ֥ת יְהוָֽה׃ mimaḥatsiytam tiqaḥu wenatatah leʾeleʿazar hakohen terumat yehwah׃
30 וּמִמַּחֲצִ֨ת בְּנֵֽי־יִשְׂרָאֵ֜ל תִּקַּ֣ח ׀ אֶחָ֣ד ׀ אָחֻ֣ז מִן־הַחֲמִשִּׁ֗ים מִן־הָאָדָ֧ם מִן־הַבָּקָ֛ר מִן־הַחֲמֹרִ֥ים וּמִן־הַצֹּ֖אן מִכָּל־הַבְּהֵמָ֑ה וְנָתַתָּ֤ה אֹתָם֙ לַלְוִיִּ֔ם שֹׁמְרֵ֕י מִשְׁמֶ֖רֶת מִשְׁכַּ֥ן יְהוָֽה׃ umimaḥatsit beney־yiseraʾel tiqaḥ ׀ ʾeḥad ׀ ʾaḥuz min־haḥamishiym min־haʾadam min־habaqar min־haḥamoriym umin־hatsoʾn mikal־habehemah wenatatah ʾotam lalewiyim shomerey mishemeret mishekan yehwah׃
31 וַיַּ֣עַשׂ מֹשֶׁ֔ה וְאֶלְעָזָ֖ר הַכֹּהֵ֑ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayaʿas mosheh weʾeleʿazar hakohen kaʾasher tsiuah yehwah ʾet־mosheh׃
32 וַיְהִי֙ הַמַּלְקֹ֔וחַ יֶ֣תֶר הַבָּ֔ז אֲשֶׁ֥ר בָּזְז֖וּ עַ֣ם הַצָּבָ֑א צֹ֗אן שֵׁשׁ־מֵאֹ֥ות אֶ֛לֶף וְשִׁבְעִ֥ים אֶ֖לֶף וַחֲמֵֽשֶׁת־אֲלָפִֽים ׃ wayehiy hamaleqowḥa yeter habaz ʾasher bazezu ʿam hatsavaʾ tsoʾn shesh־meʾowt ʾelef weshiveʿiym ʾelef waḥameshet־ʾalafiym ׃
33 וּבָקָ֕ר שְׁנַ֥יִם וְשִׁבְעִ֖ים אָֽלֶף׃ uvaqar shenayim weshiveʿiym ʾalef׃
34 וַחֲמֹרִ֕ים אֶחָ֥ד וְשִׁשִּׁ֖ים אָֽלֶף׃ waḥamoriym ʾeḥad weshishiym ʾalef׃
35 וְנֶ֣פֶשׁ אָדָ֔ם מִן־הַ֨נָּשִׁ֔ים אֲשֶׁ֥ר לֹֽא־יָדְע֖וּ מִשְׁכַּ֣ב זָכָ֑ר כָּל־נֶ֕פֶשׁ שְׁנַ֥יִם וּשְׁלֹשִׁ֖ים אָֽלֶף׃ wenefesh ʾadam min־hanashiym ʾasher loʾ־yadeʿu mishekav zakhar kal־nefesh shenayim usheloshiym ʾalef׃
36 וַתְּהִי֙ הַֽמֶּחֱצָ֔ה חֵ֕לֶק הַיֹּצְאִ֖ים בַּצָּבָ֑א מִסְפַּ֣ר הַצֹּ֗אן שְׁלֹשׁ־מֵאֹ֥ות אֶ֙לֶף֙ וּשְׁלֹשִׁ֣ים אֶ֔לֶף וְשִׁבְעַ֥ת אֲלָפִ֖ים וַחֲמֵ֥שׁ מֵאֹֽות׃ watehiy hameḥetsah ḥeleq hayotseʾiym batsavaʾ misepar hatsoʾn shelosh־meʾowt ʾelef usheloshiym ʾelef weshiveʿat ʾalafiym waḥamesh meʾowt׃
37 וַיְהִ֛י הַמֶּ֥כֶס לַֽיהוָ֖ה מִן־הַצֹּ֑אן שֵׁ֥שׁ מֵאֹ֖ות חָמֵ֥שׁ וְשִׁבְעִֽים׃ wayehiy hamekhes layhwah min־hatsoʾn shesh meʾowt ḥamesh weshiveʿiym׃
38 וְהַ֨בָּקָ֔ר שִׁשָּׁ֥ה וּשְׁלֹשִׁ֖ים אָ֑לֶף וּמִכְסָ֥ם לַיהוָ֖ה שְׁנַ֥יִם וְשִׁבְעִֽים׃ wehabaqar shishah usheloshiym ʾalef umikhesam layhwah shenayim weshiveʿiym׃
39 וַחֲמֹרִ֕ים שְׁלֹשִׁ֥ים אֶ֖לֶף וַחֲמֵ֣שׁ מֵאֹ֑ות וּמִכְסָ֥ם לַֽיהוָ֖ה אֶחָ֥ד וְשִׁשִּֽׁים׃ waḥamoriym sheloshiym ʾelef waḥamesh meʾowt umikhesam layhwah ʾeḥad weshishiym׃
40 וְנֶ֣פֶשׁ אָדָ֔ם שִׁשָּׁ֥ה עָשָׂ֖ר אָ֑לֶף וּמִכְסָם֙ לַֽיהוָ֔ה שְׁנַ֥יִם וּשְׁלֹשִׁ֖ים נָֽפֶשׁ׃ wenefesh ʾadam shishah ʿasar ʾalef umikhesam layhwah shenayim usheloshiym nafesh׃
41 וַיִּתֵּ֣ן מֹשֶׁ֗ה אֶת־מֶ֙כֶס֙ תְּרוּמַ֣ת יְהוָ֔ה לְאֶלְעָזָ֖ר הַכֹּהֵ֑ן כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayiten mosheh ʾet־mekhes terumat yehwah leʾeleʿazar hakohen kaʾasher tsiuah yehwah ʾet־mosheh׃
42 וּמִֽמַּחֲצִ֖ית בְּנֵ֣י יִשְׂרָאֵ֑ל אֲשֶׁר֙ חָצָ֣ה מֹשֶׁ֔ה מִן־הָאֲנָשִׁ֖ים הַצֹּבְאִֽים׃ umimaḥatsiyt beney yiseraʾel ʾasher ḥatsah mosheh min־haʾanashiym hatsoveʾiym׃
43 וַתְּהִ֛י מֶחֱצַ֥ת הָעֵדָ֖ה מִן־הַצֹּ֑אן שְׁלֹשׁ־מֵאֹ֥ות אֶ֙לֶף֙ וּשְׁלֹשִׁ֣ים אֶ֔לֶף שִׁבְעַ֥ת אֲלָפִ֖ים וַחֲמֵ֥שׁ מֵאֹֽות׃ watehiy meḥetsat haʿedah min־hatsoʾn shelosh־meʾowt ʾelef usheloshiym ʾelef shiveʿat ʾalafiym waḥamesh meʾowt׃
44 וּבָקָ֕ר שִׁשָּׁ֥ה וּשְׁלֹשִׁ֖ים אָֽלֶף׃ uvaqar shishah usheloshiym ʾalef׃
45 וַחֲמֹרִ֕ים שְׁלֹשִׁ֥ים אֶ֖לֶף וַחֲמֵ֥שׁ מֵאֹֽות׃ waḥamoriym sheloshiym ʾelef waḥamesh meʾowt׃
46 וְנֶ֣פֶשׁ אָדָ֔ם שִׁשָּׁ֥ה עָשָׂ֖ר אָֽלֶף׃ wenefesh ʾadam shishah ʿasar ʾalef׃
47 וַיִּקַּ֨ח מֹשֶׁ֜ה מִמַּחֲצִ֣ת בְּנֵֽי־יִשְׂרָאֵ֗ל אֶת־הָֽאָחֻז֙ אֶחָ֣ד מִן־הַחֲמִשִּׁ֔ים מִן־הָאָדָ֖ם וּמִן־הַבְּהֵמָ֑ה וַיִּתֵּ֨ן אֹתָ֜ם לַלְוִיִּ֗ם שֹֽׁמְרֵי֙ מִשְׁמֶ֙רֶת֙ מִשְׁכַּ֣ן יְהוָ֔ה כַּאֲשֶׁ֛ר צִוָּ֥ה יְהוָ֖ה אֶת־מֹשֶֽׁה׃ wayiqaḥ mosheh mimaḥatsit beney־yiseraʾel ʾet־haʾaḥuz ʾeḥad min־haḥamishiym min־haʾadam umin־habehemah wayiten ʾotam lalewiyim shomerey mishemeret mishekan yehwah kaʾasher tsiuah yehwah ʾet־mosheh׃
48 וַֽיִּקְרְבוּ֙ אֶל־מֹשֶׁ֔ה הַפְּקֻדִ֕ים אֲשֶׁ֖ר לְאַלְפֵ֣י הַצָּבָ֑א שָׂרֵ֥י הָאֲלָפִ֖ים וְשָׂרֵ֥י הַמֵּאֹֽות׃ wayiqerevu ʾel־mosheh hapequdiym ʾasher leʾalefey hatsavaʾ sarey haʾalafiym wesarey hameʾowt׃
49 וַיֹּֽאמְרוּ֙ אֶל־מֹשֶׁ֔ה עֲבָדֶ֣יךָ נָֽשְׂא֗וּ אֶת־רֹ֛אשׁ אַנְשֵׁ֥י הַמִּלְחָמָ֖ה אֲשֶׁ֣ר בְּיָדֵ֑נוּ וְלֹא־נִפְקַ֥ד מִמֶּ֖נּוּ אִֽישׁ׃ wayoʾmeru ʾel־mosheh ʿavadeykha naseʾu ʾet־roʾsh ʾaneshey hamileḥamah ʾasher beyadenu weloʾ־nifeqad mimenu ʾiysh׃
50 וַנַּקְרֵ֞ב אֶת־קָרְבַּ֣ן יְהוָ֗ה אִישׁ֩ אֲשֶׁ֨ר מָצָ֤א כְלִֽי־זָהָב֙ אֶצְעָדָ֣ה וְצָמִ֔יד טַבַּ֖עַת עָגִ֣יל וְכוּמָ֑ז לְכַפֵּ֥ר עַל־נַפְשֹׁתֵ֖ינוּ לִפְנֵ֥י יְהוָֽה׃ wanaqerev ʾet־qareban yehwah ʾiysh ʾasher matsaʾ kheliy־zahav ʾetseʿadah wetsamiyd ṭabaʿat ʿagiyl wekhumaz lekhaper ʿal־nafeshoteynu lifeney yehwah׃
51 וַיִּקַּ֨ח מֹשֶׁ֜ה וְאֶלְעָזָ֧ר הַכֹּהֵ֛ן אֶת־הַזָּהָ֖ב מֵֽאִתָּ֑ם כֹּ֖ל כְּלִ֥י מַעֲשֶֽׂה׃ wayiqaḥ mosheh weʾeleʿazar hakohen ʾet־hazahav meʾitam kol keliy maʿaseh׃
52 וַיְהִ֣י ׀ כָּל־זְהַ֣ב הַתְּרוּמָ֗ה אֲשֶׁ֤ר הֵרִ֙ימוּ֙ לַֽיהוָ֔ה שִׁשָּׁ֨ה עָשָׂ֥ר אֶ֛לֶף שְׁבַע־מֵאֹ֥ות וַחֲמִשִּׁ֖ים שָׁ֑קֶל מֵאֵת֙ שָׂרֵ֣י הָֽאֲלָפִ֔ים וּמֵאֵ֖ת שָׂרֵ֥י הַמֵּאֹֽות׃ wayehiy ׀ kal־zehav haterumah ʾasher heriymu layhwah shishah ʿasar ʾelef shevaʿ־meʾowt waḥamishiym shaqel meʾet sarey haʾalafiym umeʾet sarey hameʾowt׃
53 אַנְשֵׁי֙ הַצָּבָ֔א בָּזְז֖וּ אִ֥ישׁ לֹֽו׃ ʾaneshey hatsavaʾ bazezu ʾiysh low׃
54 וַיִּקַּ֨ח מֹשֶׁ֜ה וְאֶלְעָזָ֤ר הַכֹּהֵן֙ אֶת־הַזָּהָ֔ב מֵאֵ֛ת שָׂרֵ֥י הָאֲלָפִ֖ים וְהַמֵּאֹ֑ות וַיָּבִ֤אוּ אֹתֹו֙ אֶל־אֹ֣הֶל מֹועֵ֔ד זִכָּרֹ֥ון לִבְנֵֽי־יִשְׂרָאֵ֖ל לִפְנֵ֥י יְהוָֽה׃ פ wayiqaḥ mosheh weʾeleʿazar hakohen ʾet־hazahav meʾet sarey haʾalafiym wehameʾowt wayaviʾu ʾotow ʾel־ʾohel mowʿed zikarown liveney־yiseraʾel lifeney yehwah׃ f