Deutéronome 3

¹ וַנֵּ֣פֶן וַנַּ֔עַל דֶּ֖רֶךְ הַבָּשָׁ֑ן וַיֵּצֵ֣א עֹוג֩ מֶֽלֶךְ־הַבָּשָׁ֨ן לִקְרָאתֵ֜נוּ ה֧וּא וְכָל־עַמֹּ֛ו לַמִּלְחָמָ֖ה אֶדְרֶֽעִי׃ wanefen wanaʿal derekhe habashan wayetseʾ ʿowg melekhe־habashan liqeraʾtenu huʾ wekhal־ʿamow lamileḥamah ʾedereʿiy׃

² וַיֹּ֨אמֶר יְהוָ֤ה אֵלַי֙ אַל־תִּירָ֣א אֹתֹ֔ו כִּ֣י בְיָדְךָ֞ נָתַ֧תִּי אֹתֹ֛ו וְאֶת־כָּל־עַמֹּ֖ו וְאֶת־אַרְצֹ֑ו וְעָשִׂ֣יתָ לֹּ֔ו כַּאֲשֶׁ֣ר עָשִׂ֗יתָ לְסִיחֹן֙ מֶ֣לֶךְ הָֽאֱמֹרִ֔י אֲשֶׁ֥ר יֹושֵׁ֖ב בְּחֶשְׁבֹּֽון׃ wayoʾmer yehwah ʾelay ʾal־tiyraʾ ʾotow kiy veyadekha natatiy ʾotow weʾet־kal־ʿamow weʾet־ʾaretsow weʿasiyta low kaʾasher ʿasiyta lesiyḥon melekhe haʾemoriy ʾasher yowshev beḥeshebown׃

³ וַיִּתֵּן֩ יְהוָ֨ה אֱלֹהֵ֜ינוּ בְּיָדֵ֗נוּ גַּ֛ם אֶת־עֹ֥וג מֶֽלֶךְ־הַבָּשָׁ֖ן וְאֶת־כָּל־עַמֹּ֑ו וַנַּכֵּ֕הוּ עַד־בִּלְתִּ֥י הִשְׁאִֽיר־לֹ֖ו שָׂרִֽיד׃ wayiten yehwah ʾeloheynu beyadenu gam ʾet־ʿowg melekhe־habashan weʾet־kal־ʿamow wanakehu ʿad־biletiy hisheʾiyr־low sariyd׃

⁴ וַנִּלְכֹּ֤ד אֶת־כָּל־עָרָיו֙ בָּעֵ֣ת הַהִ֔וא לֹ֤א הָֽיְתָה֙ קִרְיָ֔ה אֲשֶׁ֥ר לֹא־לָקַ֖חְנוּ מֵֽאִתָּ֑ם שִׁשִּׁ֥ים עִיר֙ כָּל־חֶ֣בֶל אַרְגֹּ֔ב מַמְלֶ֥כֶת עֹ֖וג בַּבָּשָֽׁן׃ wanilekod ʾet־kal־ʿarayw baʿet hahiwʾ loʾ hayetah qireyah ʾasher loʾ־laqaḥenu meʾitam shishiym ʿiyr kal־ḥevel ʾaregov mamelekhet ʿowg babashan׃

⁵ כָּל־אֵ֜לֶּה עָרִ֧ים בְּצֻרֹ֛ות חֹומָ֥ה גְבֹהָ֖ה דְּלָתַ֣יִם וּבְרִ֑יחַ לְבַ֛ד מֵעָרֵ֥י הַפְּרָזִ֖י הַרְבֵּ֥ה מְאֹֽד׃ kal־ʾeleh ʿariym betsurowt ḥowmah gevohah delatayim uveriyḥa levad meʿarey haperaziy harebeh meʾod׃

⁶ וַנַּחֲרֵ֣ם אֹותָ֔ם כַּאֲשֶׁ֣ר עָשִׂ֔ינוּ לְסִיחֹ֖ן מֶ֣לֶךְ חֶשְׁבֹּ֑ון הַחֲרֵם֙ כָּל־עִ֣יר מְתִ֔ם הַנָּשִׁ֖ים וְהַטָּֽף׃ wanaḥarem ʾowtam kaʾasher ʿasiynu lesiyḥon melekhe ḥeshebown haḥarem kal־ʿiyr metim hanashiym wehaṭaf׃

⁷ וְכָל־הַבְּהֵמָ֛ה וּשְׁלַ֥ל הֶעָרִ֖ים בַּזֹּ֥ונוּ לָֽנוּ׃ wekhal־habehemah ushelal heʿariym bazownu lanu׃

⁸ וַנִּקַּ֞ח בָּעֵ֤ת הַהִוא֙ אֶת־הָאָ֔רֶץ מִיַּ֗ד שְׁנֵי֙ מַלְכֵ֣י הָאֱמֹרִ֔י אֲשֶׁ֖ר בְּעֵ֣בֶר הַיַּרְדֵּ֑ן מִנַּ֥חַל אַרְנֹ֖ן עַד־הַ֥ר חֶרְמֹֽון׃ waniqaḥ baʿet hahiwʾ ʾet־haʾarets miyad sheney malekhey haʾemoriy ʾasher beʿever hayareden minaḥal ʾarenon ʿad־har ḥeremown׃

⁹ צִידֹנִ֛ים יִקְרְא֥וּ לְחֶרְמֹ֖ון שִׂרְיֹ֑ן וְהָ֣אֱמֹרִ֔י יִקְרְאוּ־לֹ֖ו שְׂנִֽיר׃ tsiydoniym yiqereʾu leḥeremown sireyon wehaʾemoriy yiqereʾu־low seniyr׃

¹⁰ כֹּ֣ל ׀ עָרֵ֣י הַמִּישֹׁ֗ר וְכָל־הַגִּלְעָד֙ וְכָל־הַבָּשָׁ֔ן עַד־סַלְכָ֖ה וְאֶדְרֶ֑עִי עָרֵ֛י מַמְלֶ֥כֶת עֹ֖וג בַּבָּשָֽׁן׃ kol ׀ ʿarey hamiyshor wekhal־hagileʿad wekhal־habashan ʿad־salekhah weʾedereʿiy ʿarey mamelekhet ʿowg babashan׃

¹¹ כִּ֣י רַק־עֹ֞וג מֶ֣לֶךְ הַבָּשָׁ֗ן נִשְׁאַר֮ מִיֶּ֣תֶר הָרְפָאִים֒ הִנֵּ֤ה עַרְשֹׂו֙ עֶ֣רֶשׂ בַּרְזֶ֔ל הֲלֹ֣ה הִ֔וא בְּרַבַּ֖ת בְּנֵ֣י עַמֹּ֑ון תֵּ֧שַׁע אַמֹּ֣ות אָרְכָּ֗הּ וְאַרְבַּ֥ע אַמֹּ֛ות רָחְבָּ֖הּ בְּאַמַּת־אִֽישׁ׃ kiy raq־ʿowg melekhe habashan nisheʾar miyeter harefaʾiym hineh ʿaresow ʿeres barezel haloh hiwʾ berabat beney ʿamown teshaʿ ʾamowt ʾarekah weʾarebaʿ ʾamowt raḥebah beʾamat־ʾiysh׃

¹² וְאֶת־הָאָ֧רֶץ הַזֹּ֛את יָרַ֖שְׁנוּ בָּעֵ֣ת הַהִ֑וא מֵעֲרֹעֵ֞ר אֲשֶׁר־עַל־נַ֣חַל אַרְנֹ֗ן וַחֲצִ֤י הַֽר־הַגִּלְעָד֙ וְעָרָ֔יו נָתַ֕תִּי לָרֻֽאוּבֵנִ֖י וְלַגָּדִֽי׃ weʾet־haʾarets hazoʾt yarashenu baʿet hahiwʾ meʿaroʿer ʾasher־ʿal־naḥal ʾarenon waḥatsiy har־hagileʿad weʿarayw natatiy laruʾuveniy welagadiy׃

¹³ וְיֶ֨תֶר הַגִּלְעָ֤ד וְכָל־הַבָּשָׁן֙ מַמְלֶ֣כֶת עֹ֔וג נָתַ֕תִּי לַחֲצִ֖י שֵׁ֣בֶט הַֽמְנַשֶּׁ֑ה כֹּ֣ל חֶ֤בֶל הָֽאַרְגֹּב֙ לְכָל־הַבָּשָׁ֔ן הַה֥וּא יִקָּרֵ֖א אֶ֥רֶץ רְפָאִֽים׃ weyeter hagileʿad wekhal־habashan mamelekhet ʿowg natatiy laḥatsiy sheveṭ hamenasheh kol ḥevel haʾaregov lekhal־habashan hahuʾ yiqareʾ ʾerets refaʾiym׃

¹⁴ יָאִ֣יר בֶּן־מְנַשֶּׁ֗ה לָקַח֙ אֶת־כָּל־חֶ֣בֶל אַרְגֹּ֔ב עַד־גְּב֥וּל הַגְּשׁוּרִ֖י וְהַמַּֽעֲכָתִ֑י וַיִּקְרָא֩ אֹתָ֨ם עַל־שְׁמֹ֤ו אֶת־הַבָּשָׁן֙ חַוֹּ֣ת יָאִ֔יר עַ֖ד הַיֹּ֥ום הַזֶּֽה׃ yaʾiyr ben־menasheh laqaḥ ʾet־kal־ḥevel ʾaregov ʿad־gevul hageshuriy wehamaʿakhatiy wayiqeraʾ ʾotam ʿal־shemow ʾet־habashan ḥaot yaʾiyr ʿad hayowm hazeh׃

¹⁵ וּלְמָכִ֖יר נָתַ֥תִּי אֶת־הַגִּלְעָֽד׃ ulemakhiyr natatiy ʾet־hagileʿad׃

¹⁶ וְלָרֻאוּבֵנִ֨י וְלַגָּדִ֜י נָתַ֤תִּי מִן־הַגִּלְעָד֙ וְעַד־נַ֣חַל אַרְנֹ֔ן תֹּ֥וךְ הַנַּ֖חַל וּגְבֻ֑ל וְעַד֙ יַבֹּ֣ק הַנַּ֔חַל גְּב֖וּל בְּנֵ֥י עַמֹּֽון׃ welaruʾuveniy welagadiy natatiy min־hagileʿad weʿad־naḥal ʾarenon towkhe hanaḥal ugevul weʿad yaboq hanaḥal gevul beney ʿamown׃

¹⁷ וְהָֽעֲרָבָ֖ה וְהַיַּרְדֵּ֣ן וּגְבֻ֑ל מִכִּנֶּ֗רֶת וְעַ֨ד יָ֤ם הָֽעֲרָבָה֙ יָ֣ם הַמֶּ֔לַח תַּ֛חַת אַשְׁדֹּ֥ת הַפִּסְגָּ֖ה מִזְרָֽחָה׃ wehaʿaravah wehayareden ugevul mikineret weʿad yam haʿaravah yam hamelaḥ taḥat ʾashedot hapisegah mizeraḥah׃

¹⁸ וָאֲצַ֣ו אֶתְכֶ֔ם בָּעֵ֥ת הַהִ֖וא לֵאמֹ֑ר יְהוָ֣ה אֱלֹהֵיכֶ֗ם נָתַ֨ן לָכֶ֜ם אֶת־הָאָ֤רֶץ הַזֹּאת֙ לְרִשְׁתָּ֔הּ חֲלוּצִ֣ים תַּֽעַבְר֗וּ לִפְנֵ֛י אֲחֵיכֶ֥ם בְּנֵֽי־יִשְׂרָאֵ֖ל כָּל־בְּנֵי־חָֽיִל׃ waʾatsaw ʾetekhem baʿet hahiwʾ leʾmor yehwah ʾeloheykhem natan lakhem ʾet־haʾarets hazoʾt lerishetah ḥalutsiym taʿaveru lifeney ʾaḥeykhem beney־yiseraʾel kal־beney־ḥayil׃

¹⁹ רַ֠ק נְשֵׁיכֶ֣ם וְטַפְּכֶם֮ וּמִקְנֵכֶם֒ יָדַ֕עְתִּי כִּֽי־מִקְנֶ֥ה רַ֖ב לָכֶ֑ם יֵֽשְׁבוּ֙ בְּעָ֣רֵיכֶ֔ם אֲשֶׁ֥ר נָתַ֖תִּי לָכֶֽם׃ raq nesheykhem weṭapekhem umiqenekhem yadaʿetiy kiy־miqeneh rav lakhem yeshevu beʿareykhem ʾasher natatiy lakhem׃

²⁰ עַ֠ד אֲשֶׁר־יָנִ֨יחַ יְהוָ֥ה ׀ לַֽאֲחֵיכֶם֮ כָּכֶם֒ וְיָרְשׁ֣וּ גַם־הֵ֔ם אֶת־הָאָ֕רֶץ אֲשֶׁ֨ר יְהוָ֧ה אֱלֹהֵיכֶ֛ם נֹתֵ֥ן לָהֶ֖ם בְּעֵ֣בֶר הַיַּרְדֵּ֑ן וְשַׁבְתֶּ֗ם אִ֚ישׁ לִֽירֻשָּׁתֹ֔ו אֲשֶׁ֥ר נָתַ֖תִּי לָכֶֽם׃ ʿad ʾasher־yaniyḥa yehwah ׀ laʾaḥeykhem kakhem weyareshu gam־hem ʾet־haʾarets ʾasher yehwah ʾeloheykhem noten lahem beʿever hayareden weshavetem ʾiysh liyrushatow ʾasher natatiy lakhem׃

²¹ וְאֶת־יְהֹושׁ֣וּעַ צִוֵּ֔יתִי בָּעֵ֥ת הַהִ֖וא לֵאמֹ֑ר עֵינֶ֣יךָ הָרֹאֹ֗ת אֵת֩ כָּל־אֲשֶׁ֨ר עָשָׂ֜ה יְהוָ֤ה אֱלֹהֵיכֶם֙ לִשְׁנֵי֙ הַמְּלָכִ֣ים הָאֵ֔לֶּה כֵּֽן־יַעֲשֶׂ֤ה יְהוָה֙ לְכָל־הַמַּמְלָכֹ֔ות אֲשֶׁ֥ר אַתָּ֖ה עֹבֵ֥ר שָֽׁמָּה׃ weʾet־yehowshuaʿ tsiueytiy baʿet hahiwʾ leʾmor ʿeyneykha haroʾot ʾet kal־ʾasher ʿasah yehwah ʾeloheykhem lisheney hamelakhiym haʾeleh ken־yaʿaseh yehwah lekhal־hamamelakhowt ʾasher ʾatah ʿover shamah׃

²² לֹ֖א תִּֽירָא֑וּם כִּ֚י יְהוָ֣ה אֱלֹֽהֵיכֶ֔ם ה֖וּא הַנִּלְחָ֥ם לָכֶֽם׃ ס loʾ tiyraʾum kiy yehwah ʾeloheykhem huʾ hanileḥam lakhem׃ s

²³ וָאֶתְחַנַּ֖ן אֶל־יְהוָ֑ה בָּעֵ֥ת הַהִ֖וא לֵאמֹֽר׃ waʾeteḥanan ʾel־yehwah baʿet hahiwʾ leʾmor׃

²⁴ אֲדֹנָ֣י יְהוִ֗ה אַתָּ֤ה הַֽחִלֹּ֙ותָ֙ לְהַרְאֹ֣ות אֶֽת־עַבְדְּךָ֔ אֶ֨ת־גָּדְלְךָ֔ וְאֶת־יָדְךָ֖ הַחֲזָקָ֑ה אֲשֶׁ֤ר מִי־אֵל֙ בַּשָּׁמַ֣יִם וּבָאָ֔רֶץ אֲשֶׁר־יַעֲשֶׂ֥ה כְמַעֲשֶׂ֖יךָ וְכִגְבוּרֹתֶֽךָ׃ ʾadonay yehwih ʾatah haḥilowta lehareʾowt ʾet־ʿavedekha ʾet־gadelekha weʾet־yadekha haḥazaqah ʾasher miy־ʾel bashamayim uvaʾarets ʾasher־yaʿaseh khemaʿaseykha wekhigevurotekha׃

²⁵ אֶעְבְּרָה־נָּ֗א וְאֶרְאֶה֙ אֶת־הָאָ֣רֶץ הַטֹּובָ֔ה אֲשֶׁ֖ר בְּעֵ֣בֶר הַיַּרְדֵּ֑ן הָהָ֥ר הַטֹּ֛וב הַזֶּ֖ה וְהַלְּבָנֹֽון׃ ʾeʿeberah־naʾ weʾereʾeh ʾet־haʾarets haṭowvah ʾasher beʿever hayareden hahar haṭowv hazeh wehalevanown׃

²⁶ וַיִּתְעַבֵּ֨ר יְהוָ֥ה בִּי֙ לְמַ֣עַנְכֶ֔ם וְלֹ֥א שָׁמַ֖ע אֵלָ֑י וַיֹּ֨אמֶר יְהוָ֤ה אֵלַי֙ רַב־לָ֔ךְ אַל־תֹּ֗וסֶף דַּבֵּ֥ר אֵלַ֛י עֹ֖וד בַּדָּבָ֥ר הַזֶּֽה׃ wayiteʿaber yehwah biy lemaʿanekhem weloʾ shamaʿ ʾelay wayoʾmer yehwah ʾelay rav־lakhe ʾal־towsef daber ʾelay ʿowd badavar hazeh׃

²⁷ עֲלֵ֣ה ׀ רֹ֣אשׁ הַפִּסְגָּ֗ה וְשָׂ֥א עֵינֶ֛יךָ יָ֧מָּה וְצָפֹ֛נָה וְתֵימָ֥נָה וּמִזְרָ֖חָה וּרְאֵ֣ה בְעֵינֶ֑יךָ כִּי־לֹ֥א תַעֲבֹ֖ר אֶת־הַיַּרְדֵּ֥ן הַזֶּֽה׃ ʿaleh ׀ roʾsh hapisegah wesaʾ ʿeyneykha yamah wetsafonah weteymanah umizeraḥah ureʾeh veʿeyneykha kiy־loʾ taʿavor ʾet־hayareden hazeh׃

²⁸ וְצַ֥ו אֶת־יְהֹושֻׁ֖עַ וְחַזְּקֵ֣הוּ וְאַמְּצֵ֑הוּ כִּי־ה֣וּא יַעֲבֹ֗ר לִפְנֵי֙ הָעָ֣ם הַזֶּ֔ה וְהוּא֙ יַנְחִ֣יל אֹותָ֔ם אֶת־הָאָ֖רֶץ אֲשֶׁ֥ר תִּרְאֶֽה׃ wetsaw ʾet־yehowshuaʿ weḥazeqehu weʾametsehu kiy־huʾ yaʿavor lifeney haʿam hazeh wehuʾ yaneḥiyl ʾowtam ʾet־haʾarets ʾasher tireʾeh׃

²⁹ וַנֵּ֣שֶׁב בַּגָּ֔יְא מ֖וּל בֵּ֥ית פְּעֹֽור׃ פ waneshev bagayeʾ mul beyt peʿowr׃ f