Jérémie 3

¹ לֵאמֹ֡ר הֵ֣ן יְשַׁלַּ֣ח אִ֣ישׁ אֶת־אִשְׁתֹּו֩ וְהָלְכָ֨ה מֵאִתֹּ֜ו וְהָיְתָ֣ה לְאִישׁ־אַחֵ֗ר הֲיָשׁ֤וּב אֵלֶ֙יהָ֙ עֹ֔וד הֲלֹ֛וא חָנֹ֥וף תֶּחֱנַ֖ף הָאָ֣רֶץ הַהִ֑יא וְאַ֗תְּ זָנִית֙ רֵעִ֣ים רַבִּ֔ים וְשֹׁ֥וב אֵלַ֖י נְאֻם־יְהֹוָֽה׃ leʾmor hen yeshalaḥ ʾiysh ʾet־ʾishetow wehalekhah meʾitow wehayetah leʾiysh־ʾaḥer hayashuv ʾeleyha ʿowd halowʾ ḥanowf teḥenaf haʾarets hahiyʾ weʾate zaniyt reʿiym rabiym weshowv ʾelay neʾum־yehowah׃

² שְׂאִֽי־עֵינַ֨יִךְ עַל־שְׁפָיִ֜ם וּרְאִ֗י אֵיפֹה֙ לֹ֣א [שֻׁגַּלְתְּ כ] (שֻׁכַּ֔בְּתְּ ק) עַל־דְּרָכִים֙ יָשַׁ֣בְתְּ לָהֶ֔ם כַּעֲרָבִ֖י בַּמִּדְבָּ֑ר וַתַּחֲנִ֣יפִי אֶ֔רֶץ בִּזְנוּתַ֖יִךְ וּבְרָעָתֵֽךְ׃ seʾiy־ʿeynayikhe ʿal־shefayim ureʾiy ʾeyfoh loʾ [shugalete kh] (shukabete q) ʿal־derakhiym yashavete lahem kaʿaraviy bamidebar wataḥaniyfiy ʾerets bizenutayikhe uveraʿatekhe׃

³ וַיִּמָּנְע֣וּ רְבִבִ֔ים וּמַלְקֹ֖ושׁ לֹ֣וא הָיָ֑ה וּמֵ֨צַח אִשָּׁ֤ה זֹונָה֙ הָ֣יָה לָ֔ךְ מֵאַ֖נְתְּ הִכָּלֵֽם׃ wayimaneʿu reviviym umaleqowsh lowʾ hayah umetsaḥ ʾishah zownah hayah lakhe meʾanete hikalem׃

⁴ הֲלֹ֣וא מֵעַ֔תָּה [קָרָאתִי כ] (קָרָ֥את ק) לִ֖י אָבִ֑י אַלּ֥וּף נְעֻרַ֖י אָֽתָּה׃ halowʾ meʿatah [qaraʾtiy kh] (qaraʾt q) liy ʾaviy ʾaluf neʿuray ʾatah׃

⁵ הֲיִנְטֹ֣ר לְעֹולָ֔ם אִם־יִשְׁמֹ֖ר לָנֶ֑צַח הִנֵּ֥ה [דִבַּרְתִּי כ] (דִבַּ֛רְתְּ ק) וַתַּעֲשִׂ֥י הָרָעֹ֖ות וַתּוּכָֽל׃ פ hayineṭor leʿowlam ʾim־yishemor lanetsaḥ hineh [dibaretiy kh] (dibarete q) wataʿasiy haraʿowt watukhal׃ f

⁶ וַיֹּ֨אמֶר יְהוָ֜ה אֵלַ֗י בִּימֵי֙ יֹאשִׁיָּ֣הוּ הַמֶּ֔לֶךְ הֲ‍ֽרָאִ֔יתָ אֲשֶׁ֥ר עָשְׂתָ֖ה מְשֻׁבָ֣ה יִשְׂרָאֵ֑ל הֹלְכָ֨ה הִ֜יא עַל־כָּל־הַ֣ר גָּבֹ֗הַּ וְאֶל־תַּ֛חַת כָּל־עֵ֥ץ רַעֲנָ֖ן וַתִּזְנִי־שָֽׁם׃ wayoʾmer yehwah ʾelay biymey yoʾshiyahu hamelekhe ה‍raʾiyta ʾasher ʿasetah meshuvah yiseraʾel holekhah hiyʾ ʿal־kal־har gavoah weʾel־taḥat kal־ʿets raʿanan watizeniy־sham׃

⁷ וָאֹמַ֗ר אַחֲרֵ֨י עֲשֹׂותָ֧הּ אֶת־כָּל־אֵ֛לֶּה אֵלַ֥י תָּשׁ֖וּב וְלֹא־שָׁ֑בָה [וַתֵּרֶאה כ] (וַתֵּ֛רֶא ק) בָּגֹודָ֥ה אֲחֹותָ֖הּ יְהוּדָֽה׃ waʾomar ʾaḥarey ʿasowtah ʾet־kal־ʾeleh ʾelay tashuv weloʾ־shavah [watereʾh kh] (watereʾ q) bagowdah ʾaḥowtah yehudah׃

⁸ וָאֵ֗רֶא כִּ֤י עַל־כָּל־אֹדֹות֙ אֲשֶׁ֤ר נִֽאֲפָה֙ מְשֻׁבָ֣ה יִשְׂרָאֵ֔ל שִׁלַּחְתִּ֕יהָ וָאֶתֵּ֛ן אֶת־סֵ֥פֶר כְּרִיתֻתֶ֖יהָ אֵלֶ֑יהָ וְלֹ֨א יָֽרְאָ֜ה בֹּֽגֵדָ֤ה יְהוּדָה֙ אֲחֹותָ֔הּ וַתֵּ֖לֶךְ וַתִּ֥זֶן גַּם־הִֽיא׃ waʾereʾ kiy ʿal־kal־ʾodowt ʾasher niʾafah meshuvah yiseraʾel shilaḥetiyha waʾeten ʾet־sefer keriytuteyha ʾeleyha weloʾ yareʾah bogedah yehudah ʾaḥowtah watelekhe watizen gam־hiyʾ׃

⁹ וְהָיָה֙ מִקֹּ֣ל זְנוּתָ֔הּ וַתֶּחֱנַ֖ף אֶת־הָאָ֑רֶץ וַתִּנְאַ֥ף אֶת־הָאֶ֖בֶן וְאֶת־הָעֵֽץ׃ wehayah miqol zenutah wateḥenaf ʾet־haʾarets watineʾaf ʾet־haʾeven weʾet־haʿets׃

¹⁰ וְגַם־בְּכָל־זֹ֗את לֹא־שָׁ֨בָה אֵלַ֜י בָּגֹודָ֧ה אֲחֹותָ֛הּ יְהוּדָ֖ה בְּכָל־לִבָּ֑הּ כִּ֥י אִם־בְּשֶׁ֖קֶר נְאֻם־יְהוָֽה׃ פ wegam־bekhal־zoʾt loʾ־shavah ʾelay bagowdah ʾaḥowtah yehudah bekhal־libah kiy ʾim־besheqer neʾum־yehwah׃ f

¹¹ וַיֹּ֤אמֶר יְהוָה֙ אֵלַ֔י צִדְּקָ֥ה נַפְשָׁ֖הּ מְשֻׁבָ֣ה יִשְׂרָאֵ֑ל מִבֹּגֵדָ֖ה יְהוּדָֽה׃ wayoʾmer yehwah ʾelay tsideqah nafeshah meshuvah yiseraʾel mibogedah yehudah׃

¹² הָלֹ֡ךְ וְקָֽרָאתָ֩ אֶת־הַדְּבָרִ֨ים הָאֵ֜לֶּה צָפֹ֗ונָה וְ֠אָמַרְתָּ שׁ֣וּבָה מְשֻׁבָ֤ה יִשְׂרָאֵל֙ נְאֻם־יְהוָ֔ה לֹֽוא־אַפִּ֥יל פָּנַ֖י בָּכֶ֑ם כִּֽי־חָסִ֤יד אֲנִי֙ נְאֻם־יְהוָ֔ה לֹ֥א אֶטֹּ֖ור לְעֹולָֽם׃ halokhe weqaraʾta ʾet־hadevariym haʾeleh tsafownah weʾamareta shuvah meshuvah yiseraʾel neʾum־yehwah lowʾ־ʾapiyl panay bakhem kiy־ḥasiyd ʾaniy neʾum־yehwah loʾ ʾeṭowr leʿowlam׃

¹³ אַ֚ךְ דְּעִ֣י עֲוֹנֵ֔ךְ כִּ֛י בַּיהוָ֥ה אֱלֹהַ֖יִךְ פָּשָׁ֑עַתְּ וַתְּפַזְּרִ֨י אֶת־דְּרָכַ֜יִךְ לַזָּרִ֗ים תַּ֚חַת כָּל־עֵ֣ץ רַעֲנָ֔ן וּבְקֹולִ֥י לֹא־שְׁמַעְתֶּ֖ם נְאֻם־יְהֹוָֽה׃ ʾakhe deʿiy ʿaonekhe kiy bayhwah ʾelohayikhe pashaʿate watefazeriy ʾet־derakhayikhe lazariym taḥat kal־ʿets raʿanan uveqowliy loʾ־shemaʿetem neʾum־yehowah׃

¹⁴ שׁ֣וּבוּ בָנִ֤ים שֹׁובָבִים֙ נְאֻם־יְהוָ֔ה כִּ֥י אָנֹכִ֖י בָּעַ֣לְתִּי בָכֶ֑ם וְלָקַחְתִּ֨י אֶתְכֶ֜ם אֶחָ֣ד מֵעִ֗יר וּשְׁנַ֙יִם֙ מִמִּשְׁפָּחָ֔ה וְהֵבֵאתִ֥י אֶתְכֶ֖ם צִיֹּֽון׃ shuvu vaniym showvaviym neʾum־yehwah kiy ʾanokhiy baʿaletiy vakhem welaqaḥetiy ʾetekhem ʾeḥad meʿiyr ushenayim mimishepaḥah weheveʾtiy ʾetekhem tsiyown׃

¹⁵ וְנָתַתִּ֥י לָכֶ֛ם רֹעִ֖ים כְּלִבִּ֑י וְרָע֥וּ אֶתְכֶ֖ם דֵּעָ֥ה וְהַשְׂכֵּֽיל׃ wenatatiy lakhem roʿiym kelibiy weraʿu ʾetekhem deʿah wehasekeyl׃

¹⁶ וְהָיָ֡ה כִּ֣י תִרְבּוּ֩ וּפְרִיתֶ֨ם בָּאָ֜רֶץ בַּיָּמִ֤ים הָהֵ֙מָּה֙ נְאֻם־יְהוָ֔ה לֹא־יֹ֣אמְרוּ עֹ֗וד אֲרֹון֙ בְּרִית־יְהוָ֔ה וְלֹ֥א יַעֲלֶ֖ה עַל־לֵ֑ב וְלֹ֤א יִזְכְּרוּ־בֹו֙ וְלֹ֣א יִפְקֹ֔דוּ וְלֹ֥א יֵעָשֶׂ֖ה עֹֽוד׃ wehayah kiy tirebu uferiytem baʾarets bayamiym hahemah neʾum־yehwah loʾ־yoʾmeru ʿowd ʾarown beriyt־yehwah weloʾ yaʿaleh ʿal־lev weloʾ yizekeru־vow weloʾ yifeqodu weloʾ yeʿaseh ʿowd׃

¹⁷ בָּעֵ֣ת הַהִ֗יא יִקְרְא֤וּ לִירוּשָׁלִַ֙ם֙ כִּסֵּ֣א יְהוָ֔ה וְנִקְוּ֨וּ אֵלֶ֧יהָ כָֽל־הַגֹּויִ֛ם לְשֵׁ֥ם יְהוָ֖ה לִירוּשָׁלִָ֑ם וְלֹא־יֵלְכ֣וּ עֹ֔וד אַחֲרֵ֕י שְׁרִר֖וּת לִבָּ֥ם הָרָֽע׃ ס baʿet hahiyʾ yiqereʾu liyrushalim kiseʾ yehwah weniqeuu ʾeleyha khal־hagowyim leshem yehwah liyrushalim weloʾ־yelekhu ʿowd ʾaḥarey sherirut libam haraʿ׃ s

¹⁸ בַּיָּמִ֣ים הָהֵ֔מָּה יֵלְכ֥וּ בֵית־יְהוּדָ֖ה עַל־בֵּ֣ית יִשְׂרָאֵ֑ל וְיָבֹ֤אוּ יַחְדָּו֙ מֵאֶ֣רֶץ צָפֹ֔ון עַל־הָאָ֕רֶץ אֲשֶׁ֥ר הִנְחַ֖לְתִּי אֶת־אֲבֹותֵיכֶֽם׃ bayamiym hahemah yelekhu veyt־yehudah ʿal־beyt yiseraʾel weyavoʾu yaḥedaw meʾerets tsafown ʿal־haʾarets ʾasher hineḥaletiy ʾet־ʾavowteykhem׃

¹⁹ וְאָנֹכִ֣י אָמַ֗רְתִּי אֵ֚יךְ אֲשִׁיתֵ֣ךְ בַּבָּנִ֔ים וְאֶתֶּן־לָךְ֙ אֶ֣רֶץ חֶמְדָּ֔ה נַחֲלַ֥ת צְבִ֖י צִבְאֹ֣ות גֹּויִ֑ם וָאֹמַ֗ר אָבִי֙ [תִּקְרְאוּ־ כ] (תִּקְרְאִי־לִ֔י ק) וּמֵאַחֲרַ֖י לֹ֥א [תָשׁוּבוּ כ] (תָשֽׁוּבִי׃ ק) weʾanokhiy ʾamaretiy ʾeykhe ʾashiytekhe babaniym weʾeten־lakhe ʾerets ḥemedah naḥalat tseviy tsiveʾowt gowyim waʾomar ʾaviy [tiqereʾu־ kh] (tiqereʾiy־liy q) umeʾaḥaray loʾ [tashuvu kh] (tashuviy׃ q)

²⁰ אָכֵ֛ן בָּגְדָ֥ה אִשָּׁ֖ה מֵרֵעָ֑הּ כֵּ֣ן בְּגַדְתֶּ֥ם בִּ֛י בֵּ֥ית יִשְׂרָאֵ֖ל נְאֻם־יְהוָֽה׃ ʾakhen bagedah ʾishah mereʿah ken begadetem biy beyt yiseraʾel neʾum־yehwah׃

²¹ קֹ֚ול עַל־שְׁפָיִ֣ים נִשְׁמָ֔ע בְּכִ֥י תַחֲנוּנֵ֖י בְּנֵ֣י יִשְׂרָאֵ֑ל כִּ֤י הֶעֱוּוּ֙ אֶת־דַּרְכָּ֔ם שָׁכְח֖וּ אֶת־יְהֹוָ֥ה אֱלֹהֵיהֶֽם׃ qowl ʿal־shefayiym nishemaʿ bekhiy taḥanuney beney yiseraʾel kiy heʿeuu ʾet־darekam shakheḥu ʾet־yehowah ʾeloheyhem׃

²² וּבוּ בָּנִ֣ים שֹׁובָבִ֔ים אֶרְפָּ֖ה מְשׁוּבֹֽתֵיכֶ֑ם הִנְנוּ֙ אָתָ֣נוּ לָ֔ךְ כִּ֥י אַתָּ֖ה יְהֹוָ֥ה אֱלֹהֵֽינוּ׃ uvu baniym showvaviym ʾerepah meshuvoteykhem hinenu ʾatanu lakhe kiy ʾatah yehowah ʾeloheynu׃

²³ אָכֵ֥ן לַשֶּׁ֛קֶר מִגְּבָעֹ֖ות הָמֹ֣ון הָרִ֑ים אָכֵן֙ בַּיהֹוָ֣ה אֱלֹהֵ֔ינוּ תְּשׁוּעַ֖ת יִשְׂרָאֵֽל׃ ʾakhen lasheqer migevaʿowt hamown hariym ʾakhen bayhowah ʾeloheynu teshuʿat yiseraʾel׃

²⁴ וְהַבֹּ֗שֶׁת אָֽכְלָ֛ה אֶת־יְגִ֥יעַ אֲבֹותֵ֖ינוּ מִנְּעוּרֵ֑ינוּ אֶת־צֹאנָם֙ וְאֶת־בְּקָרָ֔ם אֶת־בְּנֵיהֶ֖ם וְאֶת־בְּנֹותֵיהֶֽם׃ wehaboshet ʾakhelah ʾet־yegiyʿa ʾavowteynu mineʿureynu ʾet־tsoʾnam weʾet־beqaram ʾet־beneyhem weʾet־benowteyhem׃

²⁵ נִשְׁכְּבָ֣ה בְּבָשְׁתֵּ֗נוּ וּֽתְכַסֵּנוּ֮ כְּלִמָּתֵנוּ֒ כִּי֩ לַיהוָ֨ה אֱלֹהֵ֜ינוּ חָטָ֗אנוּ אֲנַ֙חְנוּ֙ וַאֲבֹותֵ֔ינוּ מִנְּעוּרֵ֖ינוּ וְעַד־הַיֹּ֣ום הַזֶּ֑ה וְלֹ֣א שָׁמַ֔עְנוּ בְּקֹ֖ול יְהֹוָ֥ה אֱלֹהֵֽינוּ׃ ס nishekevah bevashetenu utekhasenu kelimatenu kiy layhwah ʾeloheynu ḥaṭaʾnu ʾanaḥenu waʾavowteynu mineʿureynu weʿad־hayowm hazeh weloʾ shamaʿenu beqowl yehowah ʾeloheynu׃ s