Ésaïe 6

¹ בִּשְׁנַת־מֹות֙ הַמֶּ֣לֶךְ עֻזִּיָּ֔הוּ וָאֶרְאֶ֧ה אֶת־אֲדֹנָ֛י יֹשֵׁ֥ב עַל־כִּסֵּ֖א רָ֣ם וְנִשָּׂ֑א וְשׁוּלָ֖יו מְלֵאִ֥ים אֶת־הַהֵיכָֽל׃ bishenat־mowt hamelekhe ʿuziyahu waʾereʾeh ʾet־ʾadonay yoshev ʿal־kiseʾ ram wenisaʾ weshulayw meleʾiym ʾet־haheykhal׃

² שְׂרָפִ֨ים עֹמְדִ֤ים ׀ מִמַּ֙עַל֙ לֹ֔ו שֵׁ֧שׁ כְּנָפַ֛יִם שֵׁ֥שׁ כְּנָפַ֖יִם לְאֶחָ֑ד בִּשְׁתַּ֣יִם ׀ יְכַסֶּ֣ה פָנָ֗יו וּבִשְׁתַּ֛יִם יְכַסֶּ֥ה רַגְלָ֖יו וּבִשְׁתַּ֥יִם יְעֹופֵֽף׃ serafiym ʿomediym ׀ mimaʿal low shesh kenafayim shesh kenafayim leʾeḥad bishetayim ׀ yekhaseh fanayw uvishetayim yekhaseh ragelayw uvishetayim yeʿowfef׃

³ וְקָרָ֨א זֶ֤ה אֶל־זֶה֙ וְאָמַ֔ר קָדֹ֧ושׁ ׀ קָדֹ֛ושׁ קָדֹ֖ושׁ יְהוָ֣ה צְבָאֹ֑ות מְלֹ֥א כָל־הָאָ֖רֶץ כְּבֹודֹֽו׃ weqaraʾ zeh ʾel־zeh weʾamar qadowsh ׀ qadowsh qadowsh yehwah tsevaʾowt meloʾ khal־haʾarets kevowdow׃

⁴ וַיָּנֻ֙עוּ֙ אַמֹּ֣ות הַסִּפִּ֔ים מִקֹּ֖ול הַקֹּורֵ֑א וְהַבַּ֖יִת יִמָּלֵ֥א עָשָֽׁן׃ wayanuʿu ʾamowt hasipiym miqowl haqowreʾ wehabayit yimaleʾ ʿashan׃

⁵ וָאֹמַ֞ר אֹֽוי־לִ֣י כִֽי־נִדְמֵ֗יתִי כִּ֣י אִ֤ישׁ טְמֵֽא־שְׂפָתַ֙יִם֙ אָנֹ֔כִי וּבְתֹוךְ֙ עַם־טְמֵ֣א שְׂפָתַ֔יִם אָנֹכִ֖י יֹושֵׁ֑ב כִּ֗י אֶת־הַמֶּ֛לֶךְ יְהוָ֥ה צְבָאֹ֖ות רָא֥וּ עֵינָֽי׃ waʾomar ʾowy־liy khiy־nidemeytiy kiy ʾiysh ṭemeʾ־sefatayim ʾanokhiy uvetowkhe ʿam־ṭemeʾ sefatayim ʾanokhiy yowshev kiy ʾet־hamelekhe yehwah tsevaʾowt raʾu ʿeynay׃

⁶ וַיָּ֣עָף אֵלַ֗י אֶחָד֙ מִן־הַשְּׂרָפִ֔ים וּבְיָדֹ֖ו רִצְפָּ֑ה בְּמֶ֨לְקַחַ֔יִם לָקַ֖ח מֵעַ֥ל הַמִּזְבֵּֽחַ׃ wayaʿaf ʾelay ʾeḥad min־haserafiym uveyadow ritsepah bemeleqaḥayim laqaḥ meʿal hamizebeaḥ׃

⁷ וַיַּגַּ֣ע עַל־פִּ֔י וַיֹּ֕אמֶר הִנֵּ֛ה נָגַ֥ע זֶ֖ה עַל־שְׂפָתֶ֑יךָ וְסָ֣ר עֲוֹנֶ֔ךָ וְחַטָּאתְךָ֖ תְּכֻפָּֽר׃ wayagaʿ ʿal־piy wayoʾmer hineh nagaʿ zeh ʿal־sefateykha wesar ʿaonekha weḥaṭaʾtekha tekhupar׃

⁸ וָאֶשְׁמַ֞ע אֶת־קֹ֤ול אֲדֹנָי֙ אֹמֵ֔ר אֶת־מִ֥י אֶשְׁלַ֖ח וּמִ֣י יֵֽלֶךְ־לָ֑נוּ וָאֹמַ֖ר הִנְנִ֥י שְׁלָחֵֽנִי׃ waʾeshemaʿ ʾet־qowl ʾadonay ʾomer ʾet־miy ʾeshelaḥ umiy yelekhe־lanu waʾomar hineniy shelaḥeniy׃

⁹ וַיֹּ֕אמֶר לֵ֥ךְ וְאָמַרְתָּ֖ לָעָ֣ם הַזֶּ֑ה שִׁמְע֤וּ שָׁמֹ֙ועַ֙ וְאַל־תָּבִ֔ינוּ וּרְא֥וּ רָאֹ֖ו וְאַל־תֵּדָֽעוּ׃ wayoʾmer lekhe weʾamareta laʿam hazeh shimeʿu shamowʿa weʾal־taviynu ureʾu raʾow weʾal־tedaʿu׃

¹⁰ הַשְׁמֵן֙ לֵב־הָעָ֣ם הַזֶּ֔ה וְאָזְנָ֥יו הַכְבֵּ֖ד וְעֵינָ֣יו הָשַׁ֑ע פֶּן־יִרְאֶ֨ה בְעֵינָ֜יו וּבְאָזְנָ֣יו יִשְׁמָ֗ע וּלְבָבֹ֥ו יָבִ֛ין וָשָׁ֖ב וְרָ֥פָא לֹֽו׃ hashemen lev־haʿam hazeh weʾazenayw hakhebed weʿeynayw hashaʿ pen־yireʾeh veʿeynayw uveʾazenayw yishemaʿ ulevavow yaviyn washav werafaʾ low׃

¹¹ וָאֹמַ֕ר עַד־מָתַ֖י אֲדֹנָ֑י וַיֹּ֡אמֶר עַ֣ד אֲשֶׁר֩ אִם־שָׁא֨וּ עָרִ֜ים מֵאֵ֣ין יֹושֵׁ֗ב וּבָתִּים֙ מֵאֵ֣ין אָדָ֔ם וְהָאֲדָמָ֖ה תִּשָּׁאֶ֥ה שְׁמָמָֽה׃ waʾomar ʿad־matay ʾadonay wayoʾmer ʿad ʾasher ʾim־shaʾu ʿariym meʾeyn yowshev uvatiym meʾeyn ʾadam wehaʾadamah tishaʾeh shemamah׃

¹² וְרִחַ֥ק יְהוָ֖ה אֶת־הָאָדָ֑ם וְרַבָּ֥ה הָעֲזוּבָ֖ה בְּקֶ֥רֶב הָאָֽרֶץ׃ weriḥaq yehwah ʾet־haʾadam werabah haʿazuvah beqerev haʾarets׃

¹³ וְעֹ֥וד בָּהּ֙ עֲשִׂ֣רִיָּ֔ה וְשָׁ֖בָה וְהָיְתָ֣ה לְבָעֵ֑ר כָּאֵלָ֣ה וְכָאַלֹּ֗ון אֲשֶׁ֤ר בְּשַׁלֶּ֙כֶת֙ מַצֶּ֣בֶת בָּ֔ם זֶ֥רַע קֹ֖דֶשׁ מַצַּבְתָּֽהּ׃ פ weʿowd bah ʿasiriyah weshavah wehayetah levaʿer kaʾelah wekhaʾalown ʾasher beshalekhet matsevet bam zeraʿ qodesh matsavetah׃ f