Psaumes 68

¹ לַמְנַצֵּ֥חַ לְדָוִ֗ד מִזְמֹ֥ור שִֽׁיר׃ lamenatseaḥ ledawid mizemowr shiyr׃

² יָק֣וּם אֱ֭לֹהִים יָפ֣וּצוּ אֹויְבָ֑יו וְיָנ֥וּסוּ מְ֝שַׂנְאָ֗יו מִפָּנָֽיו׃ yaqum ʾelohiym yafutsu ʾowyevayw weyanusu mesaneʾayw mipanayw׃

³ כְּהִנְדֹּ֥ף עָשָׁ֗ן תִּ֫נְדֹּ֥ף כְּהִמֵּ֣ס דֹּ֭ונַג מִפְּנֵי־אֵ֑שׁ יֹאבְד֥וּ רְ֝שָׁעִ֗ים מִפְּנֵ֥י אֱלֹהִֽים׃ kehinedof ʿashan tinedof kehimes downag mipeney־ʾesh yoʾvedu reshaʿiym mipeney ʾelohiym׃

⁴ וְֽצַדִּיקִ֗ים יִשְׂמְח֣וּ יַֽ֭עַלְצוּ לִפְנֵ֥י אֱלֹהִ֗ים וְיָשִׂ֥ישׂוּ בְשִׂמְחָֽה׃ wetsadiyqiym yisemeḥu yaʿaletsu lifeney ʾelohiym weyasiysu vesimeḥah׃

⁵ שִׁ֤ירוּ ׀ לֵֽאלֹהִים֮ זַמְּר֪וּ שְׁ֫מֹ֥ו סֹ֡לּוּ לָרֹכֵ֣ב בָּ֭עֲרָבֹות בְּיָ֥הּ שְׁמֹ֗ו וְעִלְז֥וּ לְפָנָֽיו׃ shiyru ׀ leʾlohiym zameru shemow solu larokhev baʿaravowt beyah shemow weʿilezu lefanayw׃

⁶ אֲבִ֣י יְ֭תֹומִים וְדַיַּ֣ן אַלְמָנֹ֑ות אֱ֝לֹהִ֗ים בִּמְעֹ֥ון קָדְשֹֽׁו׃ ʾaviy yetowmiym wedayan ʾalemanowt ʾelohiym bimeʿown qadeshow׃

⁷ אֱלֹהִ֤ים ׀ מֹ֘ושִׁ֤יב יְחִידִ֨ים ׀ בַּ֗יְתָה מֹוצִ֣יא אֲ֭סִירִים בַּכֹּושָׁרֹ֑ות אַ֥ךְ סֹ֝ורֲרִ֗ים שָׁכְנ֥וּ צְחִיחָֽה׃ ʾelohiym ׀ mowshiyv yeḥiydiym ׀ bayetah mowtsiyʾ ʾasiyriym bakowsharowt ʾakhe sowrariym shakhenu tseḥiyḥah׃

⁸ אֱ‍ֽלֹהִ֗ים בְּ֭צֵאתְךָ לִפְנֵ֣י עַמֶּ֑ךָ בְּצַעְדְּךָ֖ בִֽישִׁימֹ֣ון סֶֽלָה׃ א‍lohiym betseʾtekha lifeney ʿamekha betsaʿedekha viyshiymown selah׃

⁹ אֶ֤רֶץ רָעָ֨שָׁה ׀ אַף־שָׁמַ֣יִם נָטְפוּ֮ מִפְּנֵ֪י אֱלֹ֫הִ֥ים זֶ֥ה סִינַ֑י מִפְּנֵ֥י אֱ֝לֹהִ֗ים אֱלֹהֵ֥י יִשְׂרָאֵֽל׃ ʾerets raʿashah ׀ ʾaf־shamayim naṭefu mipeney ʾelohiym zeh siynay mipeney ʾelohiym ʾelohey yiseraʾel׃

¹⁰ גֶּ֣שֶׁם נְ֭דָבֹות תָּנִ֣יף אֱלֹהִ֑ים נַחֲלָתְךָ֥ וְ֝נִלְאָ֗ה אַתָּ֥ה כֹֽונַנְתָּֽהּ׃ geshem nedavowt taniyf ʾelohiym naḥalatekha wenileʾah ʾatah khownanetah׃

¹¹ חַיָּתְךָ֥ יָֽשְׁבוּ־בָ֑הּ תָּ֤כִ֥ין בְּטֹובָתְךָ֖ לֶעָנִ֣י אֱלֹהִֽים׃ ḥayatekha yashevu־vah takhiyn beṭowvatekha leʿaniy ʾelohiym׃

¹² אֲדֹנָ֥י יִתֶּן־אֹ֑מֶר הַֽ֝מְבַשְּׂרֹ֗ות צָבָ֥א רָֽב׃ ʾadonay yiten־ʾomer hamevaserowt tsavaʾ rav׃

¹³ מַלְכֵ֣י צְ֭בָאֹות יִדֹּד֣וּן יִדֹּד֑וּן וּנְוַת בַּ֝֗יִת תְּחַלֵּ֥ק שָׁלָֽל׃ malekhey tsevaʾowt yidodun yidodun unewat bayit teḥaleq shalal׃

¹⁴ אִֽם־תִּשְׁכְּבוּן֮ בֵּ֪ין שְׁפַ֫תָּ֥יִם כַּנְפֵ֣י יֹ֭ונָה נֶחְפָּ֣ה בַכֶּ֑סֶף וְ֝אֶבְרֹותֶ֗יהָ בִּֽירַקְרַ֥ק חָרֽוּץ׃ ʾim־tishekevun beyn shefatayim kanefey yownah neḥepah vakesef weʾeverowteyha biyraqeraq ḥaruts׃

¹⁵ בְּפָ֘רֵ֤שׂ שַׁדַּ֓י מְלָ֘כִ֤ים בָּ֗הּ תַּשְׁלֵ֥ג בְּצַלְמֹֽון׃ befares shaday melakhiym bah tasheleg betsalemown׃

¹⁶ הַר־אֱ֭לֹהִים הַר־בָּשָׁ֑ן הַ֥ר גַּ֝בְנֻנִּ֗ים הַר־בָּשָֽׁן׃ har־ʾelohiym har־bashan har gavenuniym har־bashan׃

¹⁷ לָ֤מָּה ׀ תְּֽרַצְּדוּן֮ הָרִ֪ים גַּבְנֻ֫נִּ֥ים הָהָ֗ר חָמַ֣ד אֱלֹהִ֣ים לְשִׁבְתֹּ֑ו אַף־יְ֝הוָ֗ה יִשְׁכֹּ֥ן לָנֶֽצַח׃ lamah ׀ teratsedun hariym gavenuniym hahar ḥamad ʾelohiym leshivetow ʾaf־yehwah yishekon lanetsaḥ׃

¹⁸ רֶ֤כֶב אֱלֹהִ֗ים רִבֹּתַ֣יִם אַלְפֵ֣י שִׁנְאָ֑ן אֲדֹנָ֥י בָ֝֗ם סִינַ֥י בַּקֹּֽדֶשׁ׃ rekhev ʾelohiym ribotayim ʾalefey shineʾan ʾadonay vam siynay baqodesh׃

¹⁹ עָ֘לִ֤יתָ לַמָּרֹ֨ום ׀ שָׁ֘בִ֤יתָ שֶּׁ֗בִי לָקַ֣חְתָּ מַ֭תָּנֹות בָּאָדָ֑ם וְאַ֥ף סֹ֝ורְרִ֗ים לִשְׁכֹּ֤ן ׀ יָ֬הּ אֱלֹהִֽים׃ ʿaliyta lamarowm ׀ shaviyta sheviy laqaḥeta matanowt baʾadam weʾaf sowreriym lishekon ׀ yah ʾelohiym׃

²⁰ בָּ֤ר֣וּךְ אֲדֹנָי֮ יֹ֤ום ׀ יֹ֥ום יַֽעֲמָס־לָ֗נוּ הָ֘אֵ֤ל יְֽשׁוּעָתֵ֬נוּ סֶֽלָה׃ barukhe ʾadonay yowm ׀ yowm yaʿamas־lanu haʾel yeshuʿatenu selah׃

²¹ הָ֤אֵ֣ל ׀ לָנוּ֮ אֵ֤ל לְֽמֹושָׁ֫עֹ֥ות וְלֵיהוִ֥ה אֲדֹנָ֑י לַ֝מָּ֗וֶת תֹּוצָאֹֽות׃ haʾel ׀ lanu ʾel lemowshaʿowt weleyhwih ʾadonay lamawet towtsaʾowt׃

²² אַךְ־אֱלֹהִ֗ים יִמְחַץ֮ רֹ֤אשׁ אֹ֫יְבָ֥יו קָדְקֹ֥ד שֵׂעָ֑ר מִ֝תְהַלֵּ֗ךְ בַּאֲשָׁמָֽיו׃ ʾakhe־ʾelohiym yimeḥats roʾsh ʾoyevayw qadeqod seʿar mitehalekhe baʾashamayw׃

²³ אָמַ֣ר אֲ֭דֹנָי מִבָּשָׁ֣ן אָשִׁ֑יב אָ֝שִׁ֗יב מִֽמְּצֻלֹ֥ות יָֽם׃ ʾamar ʾadonay mibashan ʾashiyv ʾashiyv mimetsulowt yam׃

²⁴ לְמַ֤עַן ׀ תִּֽמְחַ֥ץ רַגְלְךָ֗ בְּ֫דָ֥ם לְשֹׁ֥ון כְּלָבֶ֑יךָ מֵאֹיְבִ֥ים מִנֵּֽהוּ׃ lemaʿan ׀ timeḥats ragelekha bedam leshown kelaveykha meʾoyeviym minehu׃

²⁵ רָא֣וּ הֲלִיכֹותֶ֣יךָ אֱלֹהִ֑ים הֲלִ֘יכֹ֤ות אֵלִ֖י מַלְכִּ֣י בַקֹּֽדֶשׁ׃ raʾu haliykhowteykha ʾelohiym haliykhowt ʾeliy malekiy vaqodesh׃

²⁶ קִדְּמ֣וּ רִים אַחַ֣ר נֹגְנִ֑ים בְּתֹ֥וךְ עֲ֝לָמֹ֗ות תֹּופֵפֹֽות׃ qidemu riym ʾaḥar nogeniym betowkhe ʿalamowt towfefowt׃

²⁷ בְּֽ֭מַקְהֵלֹות בָּרְכ֣וּ אֱלֹהִ֑ים יְ֝הוָ֗ה מִמְּקֹ֥ור יִשְׂרָאֵֽל׃ bemaqehelowt barekhu ʾelohiym yehwah mimeqowr yiseraʾel׃

²⁸ שָׁ֤ם בִּנְיָמִ֨ן ׀ צָעִ֡יר רֹדֵ֗ם שָׂרֵ֣י יְ֭הוּדָה רִגְמָתָ֑ם שָׂרֵ֥י זְ֝בֻל֗וּן שָׂרֵ֥י נַפְתָּלִֽי׃ sham bineyamin ׀ tsaʿiyr rodem sarey yehudah rigematam sarey zevulun sarey nafetaliy׃

²⁹ צִוָּ֥ה אֱלֹהֶ֗יךָ עֻ֫זֶּ֥ךָ עוּזָּ֥ה אֱלֹהִ֑ים ז֝֗וּ פָּעַ֥לְתָּ לָּֽנוּ׃ tsiuah ʾeloheykha ʿuzekha ʿuzah ʾelohiym zu paʿaleta lanu׃

³⁰ מֵֽ֭הֵיכָלֶךָ עַל־יְרוּשָׁלִָ֑ם לְךָ֤ יֹובִ֖ילוּ מְלָכִ֣ים שָֽׁי׃ meheykhalekha ʿal־yerushalim lekha yowviylu melakhiym shay׃

³¹ גְּעַ֨ר חַיַּ֪ת קָנֶ֡ה עֲדַ֤ת אַבִּירִ֨ים ׀ בְּעֶגְלֵ֬י עַמִּ֗ים מִתְרַפֵּ֥ס בְּרַצֵּי־כָ֑סֶף בִּזַּ֥ר עַ֝מִּ֗ים קְרָבֹ֥ות יֶחְפָּֽצוּ׃ geʿar ḥayat qaneh ʿadat ʾabiyriym ׀ beʿegeley ʿamiym miterapes beratsey־khasef bizar ʿamiym qeravowt yeḥepatsu׃

³² יֶאֱתָ֣יוּ חַ֭שְׁמַנִּים מִנִּ֣י מִצְרָ֑יִם כּ֥וּשׁ תָּרִ֥יץ יָ֝דָ֗יו לֵאלֹהִֽים׃ yeʾetayu ḥashemaniym miniy mitserayim kush tariyts yadayw leʾlohiym׃

³³ מַמְלְכֹ֣ות הָ֭אָרֶץ שִׁ֣ירוּ לֵאלֹהִ֑ים זַמְּר֖וּ אֲדֹנָ֣י סֶֽלָה׃ mamelekhowt haʾarets shiyru leʾlohiym zameru ʾadonay selah׃

³⁴ לָ֭רֹכֵב בִּשְׁמֵ֣י שְׁמֵי־קֶ֑דֶם הֵ֥ן יִתֵּ֥ן בְּ֝קֹולֹו קֹ֣ול עֹֽז׃ larokhev bishemey shemey־qedem hen yiten beqowlow qowl ʿoz׃

³⁵ תְּנ֥וּ עֹ֗ז לֵֽאלֹ֫הִ֥ים עַֽל־יִשְׂרָאֵ֥ל גַּאֲוָתֹ֑ו וְ֝עֻזֹּ֗ו בַּשְּׁחָקִֽים׃ tenu ʿoz leʾlohiym ʿal־yiseraʾel gaʾawatow weʿuzow basheḥaqiym׃

³⁶ נֹ֤ורָ֥א אֱלֹהִ֗ים מִֽמִּקְדָּ֫שֶׁ֥יךָ אֵ֤ל יִשְׂרָאֵ֗ל ה֤וּא נֹתֵ֨ן ׀ עֹ֖ז וְתַעֲצֻמֹ֥ות לָעָ֗ם בָּר֥וּךְ אֱלֹהִֽים׃ nowraʾ ʾelohiym mimiqedasheykha ʾel yiseraʾel huʾ noten ׀ ʿoz wetaʿatsumowt laʿam barukhe ʾelohiym׃