1 תְּפִלָּה֮ לְמֹשֶׁ֪ה אִֽישׁ־הָאֱלֹ֫הִ֥ים אֲֽדֹנָ֗י מָעֹ֣ון אַ֭תָּה הָיִ֥יתָ לָּ֗נוּ בְּדֹ֣ר וָדֹֽר׃ tefilah lemosheh ʾiysh־haʾelohiym אdonay maʿown ʾatah hayiyta lanu bedor wador׃
2 בְּטֶ֤רֶם ׀ הָ֘רִ֤ים יֻלָּ֗דוּ וַתְּחֹ֣ולֵֽל אֶ֣רֶץ וְתֵבֵ֑ל וּֽמֵעֹולָ֥ם עַד־עֹ֝ולָ֗ם אַתָּ֥ה אֵֽל׃ beṭerem ׀ hariym yuladu wateḥowlel ʾerets wetevel umeʿowlam ʿad־ʿowlam ʾatah ʾel׃
3 תָּשֵׁ֣ב אֱ֭נֹושׁ עַד־דַּכָּ֑א וַ֝תֹּ֗אמֶר שׁ֣וּבוּ בְנֵי־אָדָֽם׃ tashev ʾenowsh ʿad־dakaʾ watoʾmer shuvu veney־ʾadam׃
4 כִּ֤י אֶ֪לֶף שָׁנִ֡ים בְּֽעֵינֶ֗יךָ כְּיֹ֣ום אֶ֭תְמֹול כִּ֣י יַעֲבֹ֑ר וְאַשְׁמוּרָ֥ה בַלָּֽיְלָה׃ kiy ʾelef shaniym beʿeyneykha keyowm ʾetemowl kiy yaʿavor weʾashemurah valayelah׃
5 זְ֭רַמְתָּם שֵׁנָ֣ה יִהְי֑וּ בַּ֝בֹּ֗קֶר כֶּחָצִ֥יר יַחֲלֹֽף׃ zerametam shenah yiheyu baboqer keḥatsiyr yaḥalof׃
6 בַּ֭בֹּקֶר יָצִ֣יץ וְחָלָ֑ף לָ֝עֶ֗רֶב יְמֹולֵ֥ל וְיָבֵֽשׁ׃ baboqer yatsiyts weḥalaf laʿerev yemowlel weyavesh׃
7 כִּֽי־כָלִ֥ינוּ בְאַפֶּ֑ךָ וּֽבַחֲמָתְךָ֥ נִבְהָֽלְנוּ׃ kiy־khaliynu veʾapekha uvaḥamatekha nivehalenu׃
8 [שַׁתָּ כ] (שַׁתָּ֣ה ק) עֲוֹנֹתֵ֣ינוּ לְנֶגְדֶּ֑ךָ עֲ֝לֻמֵ֗נוּ לִמְאֹ֥ור פָּנֶֽיךָ׃ [shata kh] (shatah q) ʿaonoteynu lenegedekha ʿalumenu limeʾowr paneykha׃
9 כִּ֣י כָל־יָ֭מֵינוּ פָּנ֣וּ בְעֶבְרָתֶ֑ךָ כִּלִּ֖ינוּ שָׁנֵ֣ינוּ כְמֹו־הֶֽגֶה׃ kiy khal־yameynu panu veʿeveratekha kiliynu shaneynu khemow־hegeh׃
10 יְמֵֽי־שְׁנֹותֵ֨ינוּ בָהֶ֥ם שִׁבְעִ֪ים שָׁנָ֡ה וְאִ֤ם בִּגְבוּרֹ֨ת ׀ שְׁמֹ֘ונִ֤ים שָׁנָ֗ה וְ֭רָהְבָּם עָמָ֣ל וָאָ֑וֶן כִּי־גָ֥ז חִ֝֗ישׁ וַנָּעֻֽפָה׃ yemey־shenowteynu vahem shiveʿiym shanah weʾim bigevurot ׀ shemowniym shanah werahebam ʿamal waʾawen kiy־gaz ḥiysh wanaʿufah׃
11 מִֽי־יֹ֭ודֵעַ עֹ֣ז אַפֶּ֑ךָ וּ֝כְיִרְאָתְךָ֗ עֶבְרָתֶֽךָ׃ miy־yowdeaʿ ʿoz ʾapekha ukheyireʾatekha ʿeveratekha׃
12 לִמְנֹ֣ות יָ֭מֵינוּ כֵּ֣ן הֹודַ֑ע וְ֝נָבִ֗א לְבַ֣ב חָכְמָֽה׃ limenowt yameynu ken howdaʿ wenaviʾ levav ḥakhemah׃
13 שׁוּבָ֣ה יְ֭הוָה עַד־מָתָ֑י וְ֝הִנָּחֵ֗ם עַל־עֲבָדֶֽיךָ׃ shuvah yehwah ʿad־matay wehinaḥem ʿal־ʿavadeykha׃
14 שַׂבְּעֵ֣נוּ בַבֹּ֣קֶר חַסְדֶּ֑ךָ וּֽנְרַנְּנָ֥ה וְ֝נִשְׂמְחָ֗ה בְּכָל־יָמֵֽינוּ׃ sabeʿenu vaboqer ḥasedekha uneranenah wenisemeḥah bekhal־yameynu׃
15 מְּחֵנוּ כִּימֹ֣ות עִנִּיתָ֑נוּ נֹ֗ות רָאִ֥ינוּ רָעָֽה׃ meḥenu kiymowt ʿiniytanu nowt raʾiynu raʿah׃
16 יֵרָאֶ֣ה אֶל־עֲבָדֶ֣יךָ פָעֳלֶ֑ךָ וַ֝הֲדָרְךָ֗ עַל־בְּנֵיהֶֽם׃ yeraʾeh ʾel־ʿavadeykha faʿolekha wahadarekha ʿal־beneyhem׃
17 וִיהִ֤י ׀ נֹ֤עַם אֲדֹנָ֥י אֱלֹהֵ֗ינוּ עָ֫לֵ֥ינוּ וּמַעֲשֵׂ֣ה יָ֭דֵינוּ כֹּונְנָ֥ה עָלֵ֑ינוּ וּֽמַעֲשֵׂ֥ה יָ֝דֵ֗ינוּ כֹּונְנֵֽהוּ׃ wiyhiy ׀ noʿam ʾadonay ʾeloheynu ʿaleynu umaʿaseh yadeynu kownenah ʿaleynu umaʿaseh yadeynu kownenehu׃