Proverbes 30

¹ דִּבְרֵ֤י ׀ אָג֥וּר בִּן־יָקֶ֗ה הַמַּ֫שָּׂ֥א נְאֻ֣ם הַ֭גֶּבֶר לְאִֽיתִיאֵ֑ל לְאִ֖יתִיאֵ֣ל וְאֻכָֽל׃ diverey ׀ ʾagur bin־yaqeh hamasaʾ neʾum hagever leʾiytiyʾel leʾiytiyʾel weʾukhal׃

² כִּ֤י בַ֣עַר אָנֹכִ֣י מֵאִ֑ישׁ וְלֹֽא־בִינַ֖ת אָדָ֣ם לִֽי׃ kiy vaʿar ʾanokhiy meʾiysh weloʾ־viynat ʾadam liy׃

³ וְלֹֽא־לָמַ֥דְתִּי חָכְמָ֑ה וְדַ֖עַת קְדֹשִׁ֣ים אֵדָֽע׃ weloʾ־lamadetiy ḥakhemah wedaʿat qedoshiym ʾedaʿ׃

⁴ מִ֤י עָלָֽה־שָׁמַ֨יִם ׀ וַיֵּרַ֡ד מִ֤י אָֽסַף־ר֨וּחַ ׀ בְּחָפְנָ֡יו מִ֤י צָֽרַר־מַ֨יִם ׀ בַּשִּׂמְלָ֗ה מִ֭י הֵקִ֣ים כָּל־אַפְסֵי־אָ֑רֶץ מַה־שְּׁמֹ֥ו וּמַֽה־שֶּׁם־בְּ֝נֹ֗ו כִּ֣י תֵדָֽע׃ miy ʿalah־shamayim ׀ wayerad miy ʾasaf־ruaḥ ׀ beḥafenayw miy tsarar־mayim ׀ basimelah miy heqiym kal־ʾafesey־ʾarets mah־shemow umah־shem־benow kiy tedaʿ׃

⁵ כָּל־אִמְרַ֣ת אֱלֹ֣והַּ צְרוּפָ֑ה מָגֵ֥ן ה֝֗וּא לַֽחֹסִ֥ים בֹּֽו׃ kal־ʾimerat ʾelowha tserufah magen huʾ laḥosiym bow׃

⁶ אַל־תֹּ֥וסְףְּ עַל־דְּבָרָ֑יו פֶּן־יֹוכִ֖יחַ בְּךָ֣ וְנִכְזָֽבְתָּ׃ פ ʾal־towsepe ʿal־devarayw pen־yowkhiyḥa bekha wenikhezaveta׃ f

⁷ תַּיִם שָׁאַ֣לְתִּי מֵאִתָּ֑ךְ אַל־תִּמְנַ֥ע מִ֝מֶּ֗נִּי בְּטֶ֣רֶם אָמֽוּת׃ tayim shaʾaletiy meʾitakhe ʾal־timenaʿ mimeniy beṭerem ʾamut׃

⁸ שָׁ֤וְא ׀ וּֽדְבַר־כָּזָ֡ב הַרְחֵ֬ק מִמֶּ֗נִּי רֵ֣אשׁ וָ֭עֹשֶׁר אַל־תִּֽתֶּן־לִ֑י הַ֝טְרִיפֵ֗נִי לֶ֣חֶם חֻקִּֽי׃ shaweʾ ׀ udevar־kazav hareḥeq mimeniy reʾsh waʿosher ʾal־titen־liy haṭeriyfeniy leḥem ḥuqiy׃

⁹ פֶּ֥ן אֶשְׂבַּ֨ע ׀ וְכִחַשְׁתִּי֮ וְאָמַ֗רְתִּי מִ֥י יְה֫וָ֥ה וּפֶֽן־אִוָּרֵ֥שׁ וְגָנַ֑בְתִּי וְ֝תָפַ֗שְׂתִּי שֵׁ֣ם אֱלֹהָֽי׃ פ pen ʾesebaʿ ׀ wekhiḥashetiy weʾamaretiy miy yehwah ufen־ʾiuaresh weganavetiy wetafasetiy shem ʾelohay׃ f

¹⁰ אַל־תַּלְשֵׁ֣ן עֶ֭בֶד אֶל־ [אֲדֹנֹו כ] (אֲדֹנָ֑יו ק) פֶּֽן־יְקַלֶּלְךָ֥ וְאָשָֽׁמְתָּ׃ ʾal־taleshen ʿeved ʾel־ [ʾadonow kh] (ʾadonayw q) pen־yeqalelekha weʾashameta׃

¹¹ דֹּ֭ור אָבִ֣יו יְקַלֵּ֑ל וְאֶת־אִ֝מֹּ֗ו לֹ֣א יְבָרֵֽךְ׃ dowr ʾaviyw yeqalel weʾet־ʾimow loʾ yevarekhe׃

¹² דֹּ֭ור טָהֹ֣ור בְּעֵינָ֑יו וּ֝מִצֹּאָתֹ֗ו לֹ֣א רֻחָֽץ׃ dowr ṭahowr beʿeynayw umitsoʾatow loʾ ruḥats׃

¹³ דֹּ֭ור מָה־רָמ֣וּ עֵינָ֑יו וְ֝עַפְעַפָּ֗יו יִנָּשֵֽׂאוּ׃ dowr mah־ramu ʿeynayw weʿafeʿapayw yinaseʾu׃

¹⁴ דֹּ֤ור ׀ חֲרָבֹ֣ות שִׁנָּיו֮ וּֽמַאֲכָלֹ֪ות מְֽתַלְּעֹ֫תָ֥יו לֶאֱכֹ֣ל עֲנִיִּ֣ים מֵאֶ֑רֶץ וְ֝אֶבְיֹונִ֗ים מֵאָדָֽם׃ פ dowr ׀ ḥaravowt shinayw umaʾakhalowt metaleʿotayw leʾekhol ʿaniyiym meʾerets weʾeveyowniym meʾadam׃ f

¹⁵ לַֽעֲלוּקָ֨ה ׀ שְׁתֵּ֥י בָנֹות֮ הַ֤ב ׀ הַ֥ב שָׁלֹ֣ושׁ הֵ֭נָּה לֹ֣א תִשְׂבַּ֑עְנָה אַ֝רְבַּ֗ע לֹא־אָ֥מְרוּ הֹֽון׃ laʿaluqah ׀ shetey vanowt hav ׀ hav shalowsh henah loʾ tisebaʿenah ʾarebaʿ loʾ־ʾameru hown׃

¹⁶ שְׁאֹול֮ וְעֹ֪צֶ֫ר רָ֥חַם אֶ֭רֶץ לֹא־שָׂ֣בְעָה מַּ֑יִם וְ֝אֵ֗שׁ לֹא־אָ֥מְרָה הֹֽון׃ sheʾowl weʿotser raḥam ʾerets loʾ־saveʿah mayim weʾesh loʾ־ʾamerah hown׃

¹⁷ עַ֤יִן ׀ תִּֽלְעַ֣ג לְאָב֮ וְתָב֪וּז לִֽיקֲּהַ֫ת־אֵ֥ם יִקְּר֥וּהָ עֹרְבֵי־נַ֑חַל וְֽיֹאכְל֥וּהָ בְנֵי־נָֽשֶׁר׃ פ ʿayin ׀ tileʿag leʾav wetavuz liyqahat־ʾem yiqeruah ʿorevey־naḥal weyoʾkheluah veney־nasher׃ f

¹⁸ שְׁלֹשָׁ֣ה הֵ֭מָּה נִפְלְא֣וּ מִמֶּ֑נִּי [וְאַרְבָּע כ] (וְ֝אַרְבָּעָ֗ה ק) לֹ֣א יְדַעְתִּֽים׃ sheloshah hemah nifeleʾu mimeniy [weʾarebaʿ kh] (weʾarebaʿah q) loʾ yedaʿetiym׃

¹⁹ דֶּ֤רֶךְ הַנֶּ֨שֶׁר ׀ בַּשָּׁמַיִם֮ דֶּ֥רֶךְ נָחָ֗שׁ עֲלֵ֫י צ֥וּר דֶּֽרֶךְ־אֳנִיָּ֥ה בְלֶב־יָ֑ם וְדֶ֖רֶךְ גֶּ֣בֶר בְּעַלְמָֽה׃ derekhe hanesher ׀ bashamayim derekhe naḥash ʿaley tsur derekhe־ʾoniyah velev־yam wederekhe gever beʿalemah׃

²⁰ כֵּ֤ן ׀ דֶּ֥רֶךְ אִשָּׁ֗ה מְנָ֫אָ֥פֶת אָ֭כְלָה וּמָ֣חֲתָה פִ֑יהָ וְ֝אָמְרָ֗ה לֹֽא־פָעַ֥לְתִּי אָֽוֶן׃ פ ken ׀ derekhe ʾishah menaʾafet ʾakhelah umaḥatah fiyha weʾamerah loʾ־faʿaletiy ʾawen׃ f

²¹ תַּ֣חַת לֹושׁ רָ֣גְזָה אֶ֑רֶץ וְתַ֥חַת אַ֝רְבַּ֗ע לֹא־תוּכַ֥ל שְׂאֵֽת׃ taḥat lowsh ragezah ʾerets wetaḥat ʾarebaʿ loʾ־tukhal seʾet׃

²² תַּֽחַת־עֶ֭בֶד כִּ֣י יִמְלֹ֑וךְ וְ֝נָבָ֗ל כִּ֣י יִֽשְׂבַּֽע־לָֽחֶם׃ taḥat־ʿeved kiy yimelowkhe wenaval kiy yisebaʿ־laḥem׃

²³ תַּ֣חַת נוּאָה כִּ֣י תִבָּעֵ֑ל וְ֝שִׁפְחָ֗ה כִּֽי־תִירַ֥שׁ גְּבִרְתָּֽהּ׃ פ taḥat nuʾah kiy tibaʿel weshifeḥah kiy־tiyrash geviretah׃ f

²⁴ אַרְבָּ֣עָה הֵ֭ם קְטַנֵּי־אָ֑רֶץ וְ֝הֵ֗מָּה חֲכָמִ֥ים מְחֻכָּמִֽים׃ ʾarebaʿah hem qeṭaney־ʾarets wehemah ḥakhamiym meḥukamiym׃

²⁵ הַ֭נְּמָלִים עַ֣ם לֹא־עָ֑ז וַיָּכִ֖ינוּ בַקַּ֣יִץ לַחְמָֽם׃ hanemaliym ʿam loʾ־ʿaz wayakhiynu vaqayits laḥemam׃

²⁶ פַנִּים עַ֣ם לֹא־עָצ֑וּם וַיָּשִׂ֖ימוּ בַסֶּ֣לַע בֵּיתָֽם׃ faniym ʿam loʾ־ʿatsum wayasiymu vaselaʿ beytam׃

²⁷ מֶ֭לֶךְ אֵ֣ין לָאַרְבֶּ֑ה וַיֵּצֵ֖א חֹצֵ֣ץ כֻּלֹּֽו׃ melekhe ʾeyn laʾarebeh wayetseʾ ḥotsets kulow׃

²⁸ מָמִית בְּיָדַ֣יִם תְּתַפֵּ֑שׂ וְ֝הִ֗יא בְּהֵ֣יכְלֵי מֶֽלֶךְ׃ פ mamiyt beyadayim tetapes wehiyʾ beheykheley melekhe׃ f

²⁹ שְׁלֹשָׁ֣ה הֵ֭מָּה מֵיטִ֣יבֵי צָ֑עַד וְ֝אַרְבָּעָ֗ה מֵיטִ֥בֵי לָֽכֶת׃ sheloshah hemah meyṭiyvey tsaʿad weʾarebaʿah meyṭivey lakhet׃

³⁰ לַ֭יִשׁ גִּבֹּ֣ור בַּבְּהֵמָ֑ה וְלֹא־יָ֝שׁ֗וּב מִפְּנֵי־כֹֽל׃ layish gibowr babehemah weloʾ־yashuv mipeney־khol׃

³¹ זַרְזִ֣יר מָתְנַ֣יִם אֹו־תָ֑יִשׁ וּ֝מֶ֗לֶךְ אַלְק֥וּם עִמֹּֽו׃ zareziyr matenayim ʾow־tayish umelekhe ʾalequm ʿimow׃

³² אִם־נָבַ֥לְתָּ בְהִתְנַשֵּׂ֑א וְאִם־זַ֝מֹּ֗ותָ יָ֣ד לְפֶֽה׃ ʾim־navaleta vehitenaseʾ weʾim־zamowta yad lefeh׃

³³ כִּ֤י מִ֪יץ חָלָ֡ב יֹ֘וצִ֤יא חֶמְאָ֗ה וּֽמִיץ־אַ֭ף יֹ֣וצִיא דָ֑ם וּמִ֥יץ אַ֝פַּ֗יִם יֹ֣וצִיא רִֽיב׃ פ kiy miyts ḥalav yowtsiyʾ ḥemeʾah umiyts־ʾaf yowtsiyʾ dam umiyts ʾapayim yowtsiyʾ riyv׃ f