Néhémie 13

¹ בַּיֹּ֣ום הַה֗וּא נִקְרָ֛א בְּסֵ֥פֶר מֹשֶׁ֖ה בְּאָזְנֵ֣י הָעָ֑ם וְנִמְצָא֙ כָּת֣וּב בֹּ֔ו אֲ֠שֶׁר לֹא־יָבֹ֨וא עַמֹּנִ֧י וּמֹאָבִ֛י בִּקְהַ֥ל הָאֱלֹהִ֖ים עַד־עֹולָֽם׃ bayowm hahuʾ niqeraʾ besefer mosheh beʾazeney haʿam wenimetsaʾ katuv bow ʾasher loʾ־yavowʾ ʿamoniy umoʾaviy biqehal haʾelohiym ʿad־ʿowlam׃

² כִּ֣י לֹ֧א קִדְּמ֛וּ אֶת־בְּנֵ֥י יִשְׂרָאֵ֖ל בַּלֶּ֣חֶם וּבַמָּ֑יִם וַיִּשְׂכֹּ֨ר עָלָ֤יו אֶת־בִּלְעָם֙ לְקַֽלְלֹ֔ו וַיַּהֲפֹ֧ךְ אֱלֹהֵ֛ינוּ הַקְּלָלָ֖ה לִבְרָכָֽה׃ kiy loʾ qidemu ʾet־beney yiseraʾel baleḥem uvamayim wayisekor ʿalayw ʾet־bileʿam leqalelow wayahafokhe ʾeloheynu haqelalah liverakhah׃

³ וַיְהִ֖י כְּשָׁמְעָ֣ם אֶת־הַתֹּורָ֑ה וַיַּבְדִּ֥ילוּ כָל־עֵ֖רֶב מִיִּשְׂרָאֵֽל׃ wayehiy keshameʿam ʾet־hatowrah wayavediylu khal־ʿerev miyiseraʾel׃

⁴ וְלִפְנֵ֣י מִזֶּ֔ה אֶלְיָשִׁיב֙ הַכֹּהֵ֔ן נָת֖וּן בְּלִשְׁכַּ֣ת בֵּית־אֱלֹהֵ֑ינוּ קָרֹ֖וב לְטֹובִיָּֽה׃ welifeney mizeh ʾeleyashiyv hakohen natun belishekat beyt־ʾeloheynu qarowv leṭowviyah׃

⁵ וַיַּ֨עַשׂ לֹ֜ו לִשְׁכָּ֣ה גְדֹולָ֗ה וְשָׁ֣ם הָי֪וּ לְפָנִ֟ים נֹ֠תְנִים אֶת־הַמִּנְחָ֨ה הַלְּבֹונָ֜ה וְהַכֵּלִ֗ים וּמַעְשַׂ֤ר הַדָּגָן֙ הַתִּירֹ֣ושׁ וְהַיִּצְהָ֔ר מִצְוַת֙ הַלְוִיִּ֔ם וְהַמְשֹׁרְרִ֖ים וְהַשֹּׁעֲרִ֑ים וּתְרוּמַ֖ת הַכֹּהֲנִֽים׃ wayaʿas low lishekah gedowlah wesham hayu lefaniym noteniym ʾet־hamineḥah halevownah wehakeliym umaʿesar hadagan hatiyrowsh wehayitsehar mitsewat halewiyim wehameshoreriym wehashoʿariym uterumat hakohaniym׃

⁶ וּבְכָל־זֶ֕ה לֹ֥א הָיִ֖יתִי בִּֽירוּשָׁלִָ֑ם כִּ֡י בִּשְׁנַת֩ שְׁלֹשִׁ֨ים וּשְׁתַּ֜יִם לְאַרְתַּחְשַׁ֤סְתְּא מֶֽלֶךְ־בָּבֶל֙ בָּ֣אתִי אֶל־הַמֶּ֔לֶךְ וּלְקֵ֥ץ יָמִ֖ים נִשְׁאַ֥לְתִּי מִן־הַמֶּֽלֶךְ׃ uvekhal־zeh loʾ hayiytiy biyrushalim kiy bishenat sheloshiym ushetayim leʾaretaḥeshaseteʾ melekhe־bavel baʾtiy ʾel־hamelekhe uleqets yamiym nisheʾaletiy min־hamelekhe׃

⁷ וָאָבֹ֖וא לִֽירוּשָׁלִָ֑ם וָאָבִ֣ינָה בָרָעָ֗ה אֲשֶׁ֨ר עָשָׂ֤ה אֶלְיָשִׁיב֙ לְטֹ֣ובִיָּ֔ה לַעֲשֹׂ֥ות לֹו֙ נִשְׁכָּ֔ה בְּחַצְרֵ֖י בֵּ֥ית הָאֱלֹהִֽים׃ waʾavowʾ liyrushalim waʾaviynah varaʿah ʾasher ʿasah ʾeleyashiyv leṭowviyah laʿasowt low nishekah beḥatserey beyt haʾelohiym׃

⁸ וַיֵּ֥רַֽע לִ֖י מְאֹ֑ד וָֽאַשְׁלִ֜יכָה אֶֽת־כָּל־כְּלֵ֧י בֵית־טֹובִיָּ֛ה הַח֖וּץ מִן־הַלִּשְׁכָּֽה׃ wayeraʿ liy meʾod waʾasheliykhah ʾet־kal־keley veyt־ṭowviyah haḥuts min־halishekah׃

⁹ וָאֹ֣מְרָ֔ה וַֽיְטַהֲר֖וּ הַלְּשָׁכֹ֑ות וָאָשִׁ֣יבָה שָּׁ֗ם כְּלֵי֙ בֵּ֣ית הָאֱלֹהִ֔ים אֶת־הַמִּנְחָ֖ה וְהַלְּבֹונָֽה׃ פ waʾomerah wayeṭaharu haleshakhowt waʾashiyvah sham keley beyt haʾelohiym ʾet־hamineḥah wehalevownah׃ f

¹⁰ וָאֵ֣דְעָ֔ה כִּֽי־מְנָיֹ֥ות הַלְוִיִּ֖ם לֹ֣א נִתָּ֑נָה וַיִּבְרְח֧וּ אִישׁ־לְשָׂדֵ֛הוּ הַלְוִיִּ֥ם וְהַמְשֹׁרְרִ֖ים עֹשֵׂ֥י הַמְּלָאכָֽה׃ waʾedeʿah kiy־menayowt halewiyim loʾ nitanah wayivereḥu ʾiysh־lesadehu halewiyim wehameshoreriym ʿosey hamelaʾkhah׃

¹¹ וָאָרִ֙יבָה֙ אֶת־הַסְּגָנִ֔ים וָאֹ֣מְרָ֔ה מַדּ֖וּעַ נֶעֱזַ֣ב בֵּית־הָאֱלֹהִ֑ים וָֽאֶ֨קְבְּצֵ֔ם וָֽאַעֲמִדֵ֖ם עַל־עָמְדָֽם׃ waʾariyvah ʾet־haseganiym waʾomerah maduaʿ neʿezav beyt־haʾelohiym waʾeqebetsem waʾaʿamidem ʿal־ʿamedam׃

¹² וְכָל־יְהוּדָ֗ה הֵבִ֜יאוּ מַעְשַׂ֧ר הַדָּגָ֛ן וְהַתִּירֹ֥ושׁ וְהַיִּצְהָ֖ר לָאֹוצָרֹֽות׃ wekhal־yehudah heviyʾu maʿesar hadagan wehatiyrowsh wehayitsehar laʾowtsarowt׃

¹³ וָאֹוצְרָ֣ה עַל־אֹ֠וצָרֹות שֶׁלֶמְיָ֨ה הַכֹּהֵ֜ן וְצָדֹ֣וק הַסֹּופֵ֗ר וּפְדָיָה֙ מִן־הַלְוִיִּ֔ם וְעַל־יָדָ֔ם חָנָ֥ן בֶּן־זַכּ֖וּר בֶּן־מַתַּנְיָ֑ה כִּ֤י נֶאֱמָנִים֙ נֶחְשָׁ֔בוּ וַעֲלֵיהֶ֖ם לַחֲלֹ֥ק לַאֲחֵיהֶֽם׃ פ waʾowtserah ʿal־ʾowtsarowt shelemeyah hakohen wetsadowq hasowfer ufedayah min־halewiyim weʿal־yadam ḥanan ben־zakur ben־mataneyah kiy neʾemaniym neḥeshavu waʿaleyhem laḥaloq laʾaḥeyhem׃ f

¹⁴ זָכְרָה־לִּ֥י אֱלֹהַ֖י עַל־זֹ֑את וְאַל־תֶּ֣מַח חֲסָדַ֗י אֲשֶׁ֥ר עָשִׂ֛יתִי בְּבֵ֥ית אֱלֹהַ֖י וּבְמִשְׁמָרָֽיו׃ zakherah־liy ʾelohay ʿal־zoʾt weʾal־temaḥ ḥasaday ʾasher ʿasiytiy beveyt ʾelohay uvemishemarayw׃

¹⁵ בַּיָּמִ֣ים הָהֵ֡מָּה רָאִ֣יתִי בִֽיהוּדָ֣ה ׀ דֹּֽרְכִֽים־גִּתֹּ֣ות ׀ בַּשַּׁבָּ֡ת וּמְבִיאִ֣ים הָעֲרֵמֹ֣ות וְֽעֹמְסִ֪ים עַל־הַחֲמֹרִ֟ים וְאַף־יַ֜יִן עֲנָבִ֤ים וּתְאֵנִים֙ וְכָל־מַשָּׂ֔א וּמְבִיאִ֥ים יְרוּשָׁלִַ֖ם בְּיֹ֣ום הַשַּׁבָּ֑ת וָאָעִ֕יד בְּיֹ֖ום מִכְרָ֥ם צָֽיִד׃ bayamiym hahemah raʾiytiy viyhudah ׀ dorekhiym־gitowt ׀ bashabat umeviyʾiym haʿaremowt weʿomesiym ʿal־haḥamoriym weʾaf־yayin ʿanaviym uteʾeniym wekhal־masaʾ umeviyʾiym yerushalim beyowm hashabat waʾaʿiyd beyowm mikheram tsayid׃

¹⁶ וְהַצֹּרִים֙ יָ֣שְׁבוּ בָ֔הּ מְבִיאִ֥ים דָּ֖אג וְכָל־מֶ֑כֶר וּמֹכְרִ֧ים בַּשַּׁבָּ֛ת לִבְנֵ֥י יְהוּדָ֖ה וּבִירוּשָׁלִָֽם׃ wehatsoriym yashevu vah meviyʾiym daʾg wekhal־mekher umokheriym bashabat liveney yehudah uviyrushalim׃

¹⁷ וָאָרִ֕יבָה אֵ֖ת חֹרֵ֣י יְהוּדָ֑ה וָאֹמְרָ֣ה לָהֶ֗ם מָֽה־הַדָּבָ֨ר הָרָ֤ע הַזֶּה֙ אֲשֶׁ֣ר אַתֶּ֣ם עֹשִׂ֔ים וּֽמְחַלְּלִ֖ים אֶת־יֹ֥ום הַשַּׁבָּֽת׃ waʾariyvah ʾet ḥorey yehudah waʾomerah lahem mah־hadavar haraʿ hazeh ʾasher ʾatem ʿosiym umeḥaleliym ʾet־yowm hashabat׃

¹⁸ הֲלֹ֨וא כֹ֤ה עָשׂוּ֙ אֲבֹ֣תֵיכֶ֔ם וַיָּבֵ֨א אֱלֹהֵ֜ינוּ עָלֵ֗ינוּ אֵ֚ת כָּל־הָרָעָ֣ה הַזֹּ֔את וְעַ֖ל הָעִ֣יר הַזֹּ֑את וְאַתֶּ֞ם מֹוסִיפִ֤ים חָרֹון֙ עַל־יִשְׂרָאֵ֔ל לְחַלֵּ֖ל אֶת־הַשַּׁבָּֽת׃ פ halowʾ khoh ʿasu ʾavoteykhem wayaveʾ ʾeloheynu ʿaleynu ʾet kal־haraʿah hazoʾt weʿal haʿiyr hazoʾt weʾatem mowsiyfiym ḥarown ʿal־yiseraʾel leḥalel ʾet־hashabat׃ f

¹⁹ וַיְהִ֡י כַּאֲשֶׁ֣ר צָֽלֲלוּ֩ שַׁעֲרֵ֨י יְרוּשָׁלִַ֜ם לִפְנֵ֣י הַשַּׁבָּ֗ת וָאֹֽמְרָה֙ וַיִּסָּגְר֣וּ הַדְּלָתֹ֔ות וָאֹ֣מְרָ֔ה אֲשֶׁר֙ לֹ֣א יִפְתָּח֔וּם עַ֖ד אַחַ֣ר הַשַּׁבָּ֑ת וּמִנְּעָרַ֗י הֶֽעֱמַ֙דְתִּי֙ עַל־הַשְּׁעָרִ֔ים לֹא־יָבֹ֥וא מַשָּׂ֖א בְּיֹ֥ום הַשַּׁבָּֽת׃ wayehiy kaʾasher tsalalu shaʿarey yerushalim lifeney hashabat waʾomerah wayisageru hadelatowt waʾomerah ʾasher loʾ yifetaḥum ʿad ʾaḥar hashabat umineʿaray heʿemadetiy ʿal־hasheʿariym loʾ־yavowʾ masaʾ beyowm hashabat׃

²⁰ וַיָּלִ֨ינוּ הָרֹכְלִ֜ים וּמֹכְרֵ֧י כָל־מִמְכָּ֛ר מִח֥וּץ לִירוּשָׁלִָ֖ם פַּ֥עַם וּשְׁתָּֽיִם׃ wayaliynu harokheliym umokherey khal־mimekar miḥuts liyrushalim paʿam ushetayim׃

²¹ וָאָעִ֣ידָה בָהֶ֗ם וָאֹמְרָ֤ה אֲלֵיהֶם֙ מַדּ֜וּעַ אַתֶּ֤ם לֵנִים֙ נֶ֣גֶד הַחֹומָ֔ה אִם־תִּשְׁנ֕וּ יָ֖ד אֶשְׁלַ֣ח בָּכֶ֑ם מִן־הָעֵ֣ת הַהִ֔יא לֹא־בָ֖אוּ בַּשַּׁבָּֽת׃ ס waʾaʿiydah vahem waʾomerah ʾaleyhem maduaʿ ʾatem leniym neged haḥowmah ʾim־tishenu yad ʾeshelaḥ bakhem min־haʿet hahiyʾ loʾ־vaʾu bashabat׃ s

²² וָאֹמְרָ֣ה לַלְוִיִּ֗ם אֲשֶׁ֨ר יִֽהְי֤וּ מִֽטַּהֲרִים֙ וּבָאִים֙ שֹׁמְרִ֣ים הַשְּׁעָרִ֔ים לְקַדֵּ֖שׁ אֶת־יֹ֣ום הַשַּׁבָּ֑ת גַּם־זֹאת֙ זָכְרָה־לִּ֣י אֱלֹהַ֔י וְח֥וּסָה עָלַ֖י כְּרֹ֥ב חַסְדֶּֽךָ׃ פ waʾomerah lalewiyim ʾasher yiheyu miṭahariym uvaʾiym shomeriym hasheʿariym leqadesh ʾet־yowm hashabat gam־zoʾt zakherah־liy ʾelohay weḥusah ʿalay kerov ḥasedekha׃ f

²³ גַּ֣ם ׀ בַּיָּמִ֣ים הָהֵ֗ם רָאִ֤יתִי אֶת־הַיְּהוּדִים֙ הֹשִׁ֗יבוּ נָשִׁים֙ [אַשְׁדֹּודִיֹּות כ] (אַשְׁדֳּדִיֹּ֔ות ק) [עַמֹּונִיֹּות כ] (עַמֳּנִיֹּ֖ות ק) מֹואֲבִיֹּֽות׃ gam ׀ bayamiym hahem raʾiytiy ʾet־hayehudiym hoshiyvu nashiym [ʾashedowdiyowt kh] (ʾashedodiyowt q) [ʿamowniyowt kh] (ʿamoniyowt q) mowʾaviyowt׃

²⁴ וּבְנֵיהֶ֗ם חֲצִי֙ מְדַבֵּ֣ר אַשְׁדֹּודִ֔ית וְאֵינָ֥ם מַכִּירִ֖ים לְדַבֵּ֣ר יְהוּדִ֑ית וְכִלְשֹׁ֖ון עַ֥ם וָעָֽם׃ uveneyhem ḥatsiy medaber ʾashedowdiyt weʾeynam makiyriym ledaber yehudiyt wekhileshown ʿam waʿam׃

²⁵ וָאָרִ֤יב עִמָּם֙ וָאֲקַֽלְלֵ֔ם וָאַכֶּ֥ה מֵהֶ֛ם אֲנָשִׁ֖ים וָֽאֶמְרְטֵ֑ם וָאַשְׁבִּיעֵ֣ם בֵּֽאלֹהִ֗ים אִם־תִּתְּנ֤וּ בְנֹֽתֵיכֶם֙ לִבְנֵיהֶ֔ם וְאִם־תִּשְׂאוּ֙ מִבְּנֹ֣תֵיהֶ֔ם לִבְנֵיכֶ֖ם וְלָכֶֽם׃ waʾariyv ʿimam waʾaqalelem waʾakeh mehem ʾanashiym waʾemereṭem waʾashebiyʿem beʾlohiym ʾim־titenu venoteykhem liveneyhem weʾim־tiseʾu mibenoteyhem liveneykhem welakhem׃

²⁶ הֲלֹ֣וא עַל־אֵ֣לֶּה חָטָֽא־שְׁלֹמֹ֣ה מֶ֣לֶךְ יִשְׂרָאֵ֡ל וּבַגֹּויִ֣ם הָרַבִּים֩ לֹֽא־הָיָ֨ה מֶ֜לֶךְ כָּמֹ֗הוּ וְאָה֤וּב לֵֽאלֹהָיו֙ הָיָ֔ה וַיִּתְּנֵ֣הוּ אֱלֹהִ֔ים מֶ֖לֶךְ עַל־כָּל־יִשְׂרָאֵ֑ל גַּם־אֹותֹ֣ו הֶחֱטִ֔יאוּ הַנָּשִׁ֖ים הַנָּכְרִיֹּֽות׃ halowʾ ʿal־ʾeleh ḥaṭaʾ־shelomoh melekhe yiseraʾel uvagowyim harabiym loʾ־hayah melekhe kamohu weʾahuv leʾlohayw hayah wayitenehu ʾelohiym melekhe ʿal־kal־yiseraʾel gam־ʾowtow heḥeṭiyʾu hanashiym hanakheriyowt׃

²⁷ וְלָכֶ֣ם הֲנִשְׁמַ֗ע לַעֲשֹׂת֙ אֵ֣ת כָּל־הָרָעָ֤ה הַגְּדֹולָה֙ הַזֹּ֔את לִמְעֹ֖ל בֵּֽאלֹהֵ֑ינוּ לְהֹשִׁ֖יב נָשִׁ֥ים נָכְרִיֹּֽות׃ welakhem hanishemaʿ laʿasot ʾet kal־haraʿah hagedowlah hazoʾt limeʿol beʾloheynu lehoshiyv nashiym nakheriyowt׃

²⁸ וּמִבְּנֵ֨י יֹויָדָ֤ע בֶּן־אֶלְיָשִׁיב֙ הַכֹּהֵ֣ן הַגָּדֹ֔ול חָתָ֖ן לְסַנְבַלַּ֣ט הַחֹרֹנִ֑י וָאַבְרִיחֵ֖הוּ מֵעָלָֽי׃ umibeney yowyadaʿ ben־ʾeleyashiyv hakohen hagadowl ḥatan lesanevalaṭ haḥoroniy waʾaveriyḥehu meʿalay׃

²⁹ זָכְרָ֥ה לָהֶ֖ם אֱלֹהָ֑י עַ֚ל גָּאֳלֵ֣י הַכְּהֻנָּ֔ה וּבְרִ֥ית הַכְּהֻנָּ֖ה וְהַלְוִיִּֽם׃ zakherah lahem ʾelohay ʿal gaʾoley hakehunah uveriyt hakehunah wehalewiyim׃

³⁰ וְטִֽהַרְתִּ֖ים מִכָּל־נֵכָ֑ר וָאַעֲמִ֧ידָה מִשְׁמָרֹ֛ות לַכֹּהֲנִ֥ים וְלַלְוִיִּ֖ם אִ֥ישׁ בִּמְלַאכְתֹּֽו׃ weṭiharetiym mikal־nekhar waʾaʿamiydah mishemarowt lakohaniym welalewiyim ʾiysh bimelaʾkhetow׃

³¹ וּלְקֻרְבַּ֧ן הָעֵצִ֛ים בְּעִתִּ֥ים מְזֻמָּנֹ֖ות וְלַבִּכּוּרִ֑ים זָכְרָה־לִּ֥י אֱלֹהַ֖י לְטֹובָֽה׃ ulequreban haʿetsiym beʿitiym mezumanowt welabikuriym zakherah־liy ʾelohay leṭowvah׃