Ézéchiel 5

¹ וְאַתָּ֨ה בֶן־אָדָ֜ם קַח־לְךָ֣ ׀ חֶ֣רֶב חַדָּ֗ה תַּ֤עַר הַגַּלָּבִים֙ תִּקָּחֶ֣נָּה לָּ֔ךְ וְהַעֲבַרְתָּ֥ עַל־רֹאשְׁךָ֖ וְעַל־זְקָנֶ֑ךָ וְלָקַחְתָּ֥ לְךָ֛ מֹאזְנֵ֥י מִשְׁקָ֖ל וְחִלַּקְתָּֽם׃ weʾatah ven־ʾadam qaḥ־lekha ׀ ḥerev ḥadah taʿar hagalaviym tiqaḥenah lakhe wehaʿavareta ʿal־roʾshekha weʿal־zeqanekha welaqaḥeta lekha moʾzeney misheqal weḥilaqetam׃

² שְׁלִשִׁ֗ית בָּא֤וּר תַּבְעִיר֙ בְּתֹ֣וךְ הָעִ֔יר כִּמְלֹ֖את יְמֵ֣י הַמָּצֹ֑ור וְלָֽקַחְתָּ֣ אֶת־הַשְּׁלִשִׁ֗ית תַּכֶּ֤ה בַחֶ֙רֶב֙ סְבִ֣יבֹותֶ֔יהָ וְהַשְּׁלִשִׁית֙ תִּזְרֶ֣ה לָר֔וּחַ וְחֶ֖רֶב אָרִ֥יק אַחֲרֵיהֶֽם׃ shelishiyt baʾur taveʿiyr betowkhe haʿiyr kimeloʾt yemey hamatsowr welaqaḥeta ʾet־hashelishiyt takeh vaḥerev seviyvowteyha wehashelishiyt tizereh laruaḥ weḥerev ʾariyq ʾaḥareyhem׃

³ וְלָקַחְתָּ֥ מִשָּׁ֖ם מְעַ֣ט בְּמִסְפָּ֑ר וְצַרְתָּ֥ אֹותָ֖ם בִּכְנָפֶֽיךָ׃ welaqaḥeta misham meʿaṭ bemisepar wetsareta ʾowtam bikhenafeykha׃

⁴ וּמֵהֶם֙ עֹ֣וד תִּקָּ֔ח וְהִשְׁלַכְתָּ֤ אֹותָם֙ אֶל־תֹּ֣וךְ הָאֵ֔שׁ וְשָׂרַפְתָּ֥ אֹתָ֖ם בָּאֵ֑שׁ מִמֶּ֥נּוּ תֵצֵא־אֵ֖שׁ אֶל־כָּל־בֵּ֥ית יִשְׂרָאֵֽל׃ פ umehem ʿowd tiqaḥ wehishelakheta ʾowtam ʾel־towkhe haʾesh wesarafeta ʾotam baʾesh mimenu tetseʾ־ʾesh ʾel־kal־beyt yiseraʾel׃ f

⁵ כֹּ֤ה אָמַר֙ אֲדֹנָ֣י יְהֹוִ֔ה זֹ֚את יְר֣וּשָׁלִַ֔ם בְּתֹ֥וךְ הַגֹּויִ֖ם שַׂמְתִּ֑יהָ וּסְבִיבֹותֶ֖יהָ אֲרָצֹֽות׃ koh ʾamar ʾadonay yehowih zoʾt yerushalim betowkhe hagowyim sametiyha useviyvowteyha ʾaratsowt׃

⁶ וַתֶּ֨מֶר אֶת־מִשְׁפָּטַ֤י לְרִשְׁעָה֙ מִן־הַגֹּויִ֔ם וְאֶ֨ת־חֻקֹּותַ֔י מִן־הָאֲרָצֹ֖ות אֲשֶׁ֣ר סְבִיבֹותֶ֑יהָ כִּ֤י בְמִשְׁפָּטַי֙ מָאָ֔סוּ וְחֻקֹּותַ֖י לֹא־הָלְכ֥וּ בָהֶֽם׃ ס watemer ʾet־mishepaṭay lerisheʿah min־hagowyim weʾet־ḥuqowtay min־haʾaratsowt ʾasher seviyvowteyha kiy vemishepaṭay maʾasu weḥuqowtay loʾ־halekhu vahem׃ s

⁷ לָכֵ֞ן כֹּֽה־אָמַ֣ר ׀ אֲדֹנָ֣י יְהוִ֗ה יַ֤עַן הֲמָנְכֶם֙ מִן־הַגֹּויִם֙ אֲשֶׁ֣ר סְבִיבֹֽותֵיכֶ֔ם בְּחֻקֹּותַי֙ לֹ֣א הֲלַכְתֶּ֔ם וְאֶת־מִשְׁפָּטַ֖י לֹ֣א עֲשִׂיתֶ֑ם וּֽכְמִשְׁפְּטֵ֧י הַגֹּויִ֛ם אֲשֶׁ֥ר סְבִיבֹותֵיכֶ֖ם לֹ֥א עֲשִׂיתֶֽם׃ ס lakhen koh־ʾamar ׀ ʾadonay yehwih yaʿan hamanekhem min־hagowyim ʾasher seviyvowteykhem beḥuqowtay loʾ halakhetem weʾet־mishepaṭay loʾ ʿasiytem ukhemishepeṭey hagowyim ʾasher seviyvowteykhem loʾ ʿasiytem׃ s

⁸ לָכֵ֗ן כֹּ֤ה אָמַר֙ אֲדֹנָ֣י יְהוִ֔ה הִנְנִ֥י עָלַ֖יִךְ גַּם־אָ֑נִי וְעָשִׂ֧יתִי בְתֹוכֵ֛ךְ מִשְׁפָּטִ֖ים לְעֵינֵ֥י הַגֹּויִֽם׃ lakhen koh ʾamar ʾadonay yehwih hineniy ʿalayikhe gam־ʾaniy weʿasiytiy vetowkhekhe mishepaṭiym leʿeyney hagowyim׃

⁹ וְעָשִׂ֣יתִי בָ֗ךְ אֵ֚ת אֲשֶׁ֣ר לֹֽא־עָשִׂ֔יתִי וְאֵ֛ת אֲשֶֽׁר־לֹֽא־אֶעֱשֶׂ֥ה כָמֹ֖הוּ עֹ֑וד יַ֖עַן כָּל־תֹּועֲבֹתָֽיִךְ׃ ס weʿasiytiy vakhe ʾet ʾasher loʾ־ʿasiytiy weʾet ʾasher־loʾ־ʾeʿeseh khamohu ʿowd yaʿan kal־towʿavotayikhe׃ s

¹⁰ לָכֵ֗ן אָבֹ֞ות יֹאכְל֤וּ בָנִים֙ בְּתֹוכֵ֔ךְ וּבָנִ֖ים יֹאכְל֣וּ אֲבֹותָ֑ם וְעָשִׂ֤יתִי בָךְ֙ שְׁפָטִ֔ים וְזֵרִיתִ֥י אֶת־כָּל־שְׁאֵרִיתֵ֖ךְ לְכָל־רֽוּחַ׃ פ lakhen ʾavowt yoʾkhelu vaniym betowkhekhe uvaniym yoʾkhelu ʾavowtam weʿasiytiy vakhe shefaṭiym wezeriytiy ʾet־kal־sheʾeriytekhe lekhal־ruaḥ׃ f

¹¹ לָכֵ֣ן חַי־אָ֗נִי נְאֻם֮ אֲדֹנָ֣י יְהוִה֒ אִם־לֹ֗א יַ֚עַן אֶת־מִקְדָּשִׁ֣י טִמֵּ֔את בְּכָל־שִׁקּוּצַ֖יִךְ וּבְכָל־תֹּועֲבֹתָ֑יִךְ וְגַם־אֲנִ֤י אֶגְרַע֙ וְלֹא־תָחֹ֣וס עֵינִ֔י וְגַם־אֲנִ֖י לֹ֥א אֶחְמֹֽול׃ lakhen ḥay־ʾaniy neʾum ʾadonay yehwih ʾim־loʾ yaʿan ʾet־miqedashiy ṭimeʾt bekhal־shiqutsayikhe uvekhal־towʿavotayikhe wegam־ʾaniy ʾegeraʿ weloʾ־taḥows ʿeyniy wegam־ʾaniy loʾ ʾeḥemowl׃

¹² שְׁלִשִׁתֵ֞יךְ בַּדֶּ֣בֶר יָמ֗וּתוּ וּבָֽרָעָב֙ יִכְל֣וּ בְתֹוכֵ֔ךְ וְהַ֨שְּׁלִשִׁ֔ית בַּחֶ֖רֶב יִפְּל֣וּ סְבִיבֹותָ֑יִךְ וְהַשְּׁלִישִׁית֙ לְכָל־ר֣וּחַ אֱזָרֶ֔ה וְחֶ֖רֶב אָרִ֥יק אַחֲרֵיהֶֽם׃ shelishiteykhe badever yamutu uvaraʿav yikhelu vetowkhekhe wehashelishiyt baḥerev yipelu seviyvowtayikhe wehasheliyshiyt lekhal־ruaḥ ʾezareh weḥerev ʾariyq ʾaḥareyhem׃

¹³ וְכָלָ֣ה אַפִּ֗י וַהֲנִחֹותִ֧י חֲמָתִ֛י בָּ֖ם וְהִנֶּחָ֑מְתִּי וְֽיָדְע֞וּ כִּי־אֲנִ֣י יְהוָ֗ה דִּבַּ֙רְתִּי֙ בְּקִנְאָתִ֔י בְּכַלֹּותִ֥י חֲמָתִ֖י בָּֽם׃ wekhalah ʾapiy wahaniḥowtiy ḥamatiy bam wehineḥametiy weyadeʿu kiy־ʾaniy yehwah dibaretiy beqineʾatiy bekhalowtiy ḥamatiy bam׃

¹⁴ וְאֶתְּנֵךְ֙ לְחָרְבָּ֣ה וּלְחֶרְפָּ֔ה בַּגֹּויִ֖ם אֲשֶׁ֣ר סְבִיבֹותָ֑יִךְ לְעֵינֵ֖י כָּל־עֹובֵֽר׃ weʾetenekhe leḥarebah uleḥerepah bagowyim ʾasher seviyvowtayikhe leʿeyney kal־ʿowver׃

¹⁵ וְֽהָ֨יְתָ֜ה חֶרְפָּ֤ה וּגְדוּפָה֙ מוּסָ֣ר וּמְשַׁמָּ֔ה לַגֹּויִ֖ם אֲשֶׁ֣ר סְבִיבֹותָ֑יִךְ בַּעֲשֹׂותִי֩ בָ֨ךְ שְׁפָטִ֜ים בְּאַ֤ף וּבְחֵמָה֙ וּבְתֹכְחֹ֣ות חֵמָ֔ה אֲנִ֥י יְהוָ֖ה דִּבַּֽרְתִּי׃ wehayetah ḥerepah ugedufah musar umeshamah lagowyim ʾasher seviyvowtayikhe baʿasowtiy vakhe shefaṭiym beʾaf uveḥemah uvetokheḥowt ḥemah ʾaniy yehwah dibaretiy׃

¹⁶ בְּֽשַׁלְּחִ֡י אֶת־חִצֵּי֩ הָרָעָ֨ב הָרָעִ֤ים בָּהֶם֙ אֲשֶׁ֣ר הָי֣וּ לְמַשְׁחִ֔ית אֲשֶׁר־אֲשַׁלַּ֥ח אֹותָ֖ם לְשַֽׁחֶתְכֶ֑ם וְרָעָב֙ אֹסֵ֣ף עֲלֵיכֶ֔ם וְשָׁבַרְתִּ֥י לָכֶ֖ם מַטֵּה־לָֽחֶם׃ beshaleḥiy ʾet־ḥitsey haraʿav haraʿiym bahem ʾasher hayu lemasheḥiyt ʾasher־ʾashalaḥ ʾowtam leshaḥetekhem weraʿav ʾosef ʿaleykhem weshavaretiy lakhem maṭeh־laḥem׃

¹⁷ וְשִׁלַּחְתִּ֣י עֲ֠לֵיכֶם רָעָ֞ב וְחַיָּ֤ה רָעָה֙ וְשִׁכְּלֻ֔ךְ וְדֶ֥בֶר וָדָ֖ם יַעֲבָר־בָּ֑ךְ וְחֶ֙רֶב֙ אָבִ֣יא עָלַ֔יִךְ אֲנִ֥י יְהוָ֖ה דִּבַּֽרְתִּי׃ פ weshilaḥetiy ʿaleykhem raʿav weḥayah raʿah weshikelukhe wedever wadam yaʿavar־bakhe weḥerev ʾaviyʾ ʿalayikhe ʾaniy yehwah dibaretiy׃ f