1 וּמַֽלְכַּת־שְׁבָ֗א שֹׁמַ֛עַת אֶת־שֵׁ֥מַע שְׁלֹמֹ֖ה לְשֵׁ֣ם יְהוָ֑ה וַתָּבֹ֥א לְנַסֹּתֹ֖ו בְּחִידֹֽות׃ umalekat־shevaʾ shomaʿat ʾet־shemaʿ shelomoh leshem yehwah watavoʾ lenasotow beḥiydowt׃
2 וַתָּבֹ֣א יְרוּשָׁלְַ֗מָה בְּחַיִל֮ כָּבֵ֣ד מְאֹד֒ גְּ֠מַלִּים נֹשְׂאִ֨ים בְּשָׂמִ֧ים וְזָהָ֛ב רַב־מְאֹ֖ד וְאֶ֣בֶן יְקָרָ֑ה וַתָּבֹא֙ אֶל־שְׁלֹמֹ֔ה וַתְּדַבֵּ֣ר אֵלָ֔יו אֵ֛ת כָּל־אֲשֶׁ֥ר הָיָ֖ה עִם־לְבָבָֽהּ׃ watavoʾ yerushalemah beḥayil kaved meʾod gemaliym noseʾiym besamiym wezahav rav־meʾod weʾeven yeqarah watavoʾ ʾel־shelomoh watedaber ʾelayw ʾet kal־ʾasher hayah ʿim־levavah׃
3 וַיַּגֶּד־לָ֥הּ שְׁלֹמֹ֖ה אֶת־כָּל־דְּבָרֶ֑יהָ לֹֽא־הָיָ֤ה דָּבָר֙ נֶעְלָ֣ם מִן־הַמֶּ֔לֶךְ אֲשֶׁ֧ר לֹ֦א הִגִּ֖יד לָֽהּ׃ wayaged־lah shelomoh ʾet־kal־devareyha loʾ־hayah davar neʿelam min־hamelekhe ʾasher loʾ higiyd lah׃
4 וַתֵּ֙רֶא֙ מַֽלְכַּת־שְׁבָ֔א אֵ֖ת כָּל־חָכְמַ֣ת שְׁלֹמֹ֑ה וְהַבַּ֖יִת אֲשֶׁ֥ר בָּנָֽה׃ watereʾ malekat־shevaʾ ʾet kal־ḥakhemat shelomoh wehabayit ʾasher banah׃
5 וּמַאֲכַ֣ל שֻׁלְחָנֹ֡ו וּמֹושַׁ֣ב עֲבָדָיו֩ וּמַעֲמַ֨ד [מְשָׁרְתֹו כ] (מְשָׁרְתָ֜יו ק) וּמַלְבֻּֽשֵׁיהֶם֙ וּמַשְׁקָ֔יו וְעֹ֣לָתֹ֔ו אֲשֶׁ֥ר יַעֲלֶ֖ה בֵּ֣ית יְהוָ֑ה וְלֹא־הָ֥יָה בָ֛הּ עֹ֖וד רֽוּחַ׃ umaʾakhal shuleḥanow umowshav ʿavadayw umaʿamad [mesharetow kh] (mesharetayw q) umalebusheyhem umasheqayw weʿolatow ʾasher yaʿaleh beyt yehwah weloʾ־hayah vah ʿowd ruaḥ׃
6 וַתֹּ֙אמֶר֙ אֶל־הַמֶּ֔לֶךְ אֱמֶת֙ הָיָ֣ה הַדָּבָ֔ר אֲשֶׁ֥ר שָׁמַ֖עְתִּי בְּאַרְצִ֑י עַל־דְּבָרֶ֖יךָ וְעַל־חָכְמָתֶֽךָ׃ watoʾmer ʾel־hamelekhe ʾemet hayah hadavar ʾasher shamaʿetiy beʾaretsiy ʿal־devareykha weʿal־ḥakhematekha׃
7 וְלֹֽא־הֶאֱמַ֣נְתִּי לַדְּבָרִ֗ים עַ֤ד אֲשֶׁר־בָּ֙אתִי֙ וַתִּרְאֶ֣ינָה עֵינַ֔י וְהִנֵּ֥ה לֹֽא־הֻגַּד־לִ֖י הַחֵ֑צִי הֹוסַ֤פְתָּ חָכְמָה֙ וָטֹ֔וב אֶל־הַשְּׁמוּעָ֖ה אֲשֶׁ֥ר שָׁמָֽעְתִּי׃ weloʾ־heʾemanetiy ladevariym ʿad ʾasher־baʾtiy watireʾeynah ʿeynay wehineh loʾ־hugad־liy haḥetsiy howsafeta ḥakhemah waṭowv ʾel־hashemuʿah ʾasher shamaʿetiy׃
8 אַשְׁרֵ֣י אֲנָשֶׁ֔יךָ אַשְׁרֵ֖י עֲבָדֶ֣יךָ אֵ֑לֶּה הָֽעֹמְדִ֤ים לְפָנֶ֙יךָ֙ תָּמִ֔יד הַשֹּׁמְעִ֖ים אֶת־חָכְמָתֶֽךָ׃ ʾasherey ʾanasheykha ʾasherey ʿavadeykha ʾeleh haʿomediym lefaneykha tamiyd hashomeʿiym ʾet־ḥakhematekha׃
9 יְהִ֨י יְהוָ֤ה אֱלֹהֶ֙יךָ֙ בָּר֔וּךְ אֲשֶׁר֙ חָפֵ֣ץ בְּךָ֔ לְתִתְּךָ֖ עַל־כִּסֵּ֣א יִשְׂרָאֵ֑ל בְּאַהֲבַ֨ת יְהוָ֤ה אֶת־יִשְׂרָאֵל֙ לְעֹלָ֔ם וַיְשִֽׂימְךָ֣ לְמֶ֔לֶךְ לַעֲשֹׂ֥ות מִשְׁפָּ֖ט וּצְדָקָֽה׃ yehiy yehwah ʾeloheykha barukhe ʾasher ḥafets bekha letitekha ʿal־kiseʾ yiseraʾel beʾahavat yehwah ʾet־yiseraʾel leʿolam wayesiymekha lemelekhe laʿasowt mishepaṭ utsedaqah׃
10 וַתִּתֵּ֨ן לַמֶּ֜לֶךְ מֵאָ֥ה וְעֶשְׂרִ֣ים ׀ כִּכַּ֣ר זָהָ֗ב וּבְשָׂמִ֛ים הַרְבֵּ֥ה מְאֹ֖ד וְאֶ֣בֶן יְקָרָ֑ה לֹא־בָא֩ כַבֹּ֨שֶׂם הַה֥וּא עֹוד֙ לָרֹ֔ב אֲשֶׁר־נָתְנָ֥ה מַֽלְכַּת־שְׁבָ֖א לַמֶּ֥לֶךְ שְׁלֹמֹֽה׃ watiten lamelekhe meʾah weʿeseriym ׀ kikar zahav uvesamiym harebeh meʾod weʾeven yeqarah loʾ־vaʾ khabosem hahuʾ ʿowd larov ʾasher־natenah malekat־shevaʾ lamelekhe shelomoh׃
11 וְגַם֙ אֳנִ֣י חִירָ֔ם אֲשֶׁר־נָשָׂ֥א זָהָ֖ב מֵאֹופִ֑יר הֵבִ֨יא מֵאֹפִ֜יר עֲצֵ֧י אַלְמֻגִּ֛ים הַרְבֵּ֥ה מְאֹ֖ד וְאֶ֥בֶן יְקָרָֽה׃ wegam ʾoniy ḥiyram ʾasher־nasaʾ zahav meʾowfiyr heviyʾ meʾofiyr ʿatsey ʾalemugiym harebeh meʾod weʾeven yeqarah׃
12 וַיַּ֣עַשׂ הַ֠מֶּלֶךְ אֶת־עֲצֵ֨י הָאַלְמֻגִּ֜ים מִסְעָ֤ד לְבֵית־יְהוָה֙ וּלְבֵ֣ית הַמֶּ֔לֶךְ וְכִנֹּרֹ֥ות וּנְבָלִ֖ים לַשָּׁרִ֑ים לֹ֣א בָֽא־כֵ֞ן עֲצֵ֤י אַלְמֻגִּים֙ וְלֹ֣א נִרְאָ֔ה עַ֖ד הַיֹּ֥ום הַזֶּֽה׃ wayaʿas hamelekhe ʾet־ʿatsey haʾalemugiym miseʿad leveyt־yehwah uleveyt hamelekhe wekhinorowt unevaliym lashariym loʾ vaʾ־khen ʿatsey ʾalemugiym weloʾ nireʾah ʿad hayowm hazeh׃
13 וְהַמֶּ֨לֶךְ שְׁלֹמֹ֜ה נָתַ֣ן לְמַֽלְכַּת־שְׁבָ֗א אֶת־כָּל־חֶפְצָהּ֙ אֲשֶׁ֣ר שָׁאָ֔לָה מִלְּבַד֙ אֲשֶׁ֣ר נָֽתַן־לָ֔הּ כְּיַ֖ד הַמֶּ֣לֶךְ שְׁלֹמֹ֑ה וַתֵּ֛פֶן וַתֵּ֥לֶךְ לְאַרְצָ֖הּ הִ֥יא וַעֲבָדֶֽיהָ׃ ס wehamelekhe shelomoh natan lemalekat־shevaʾ ʾet־kal־ḥefetsah ʾasher shaʾalah milevad ʾasher natan־lah keyad hamelekhe shelomoh watefen watelekhe leʾaretsah hiyʾ waʿavadeyha׃ s
14 וַֽיְהִי֙ מִשְׁקַ֣ל הַזָּהָ֔ב אֲשֶׁר־בָּ֥א לִשְׁלֹמֹ֖ה בְּשָׁנָ֣ה אֶחָ֑ת שֵׁ֥שׁ מֵאֹ֛ות שִׁשִּׁ֥ים וָשֵׁ֖שׁ כִּכַּ֥ר זָהָֽב׃ wayehiy misheqal hazahav ʾasher־baʾ lishelomoh beshanah ʾeḥat shesh meʾowt shishiym washesh kikar zahav׃
15 לְבַד֙ מֵאַנְשֵׁ֣י הַתָּרִ֔ים וּמִסְחַ֖ר הָרֹכְלִ֑ים וְכָל־מַלְכֵ֥י הָעֶ֖רֶב וּפַחֹ֥ות הָאָֽרֶץ׃ levad meʾaneshey hatariym umiseḥar harokheliym wekhal־malekhey haʿerev ufaḥowt haʾarets׃
16 וַיַּ֨עַשׂ הַמֶּ֧לֶךְ שְׁלֹמֹ֛ה מָאתַ֥יִם צִנָּ֖ה זָהָ֣ב שָׁח֑וּט שֵׁשׁ־מֵאֹ֣ות זָהָ֔ב יַעֲלֶ֖ה עַל־הַצִּנָּ֥ה הָאֶחָֽת׃ wayaʿas hamelekhe shelomoh maʾtayim tsinah zahav shaḥuṭ shesh־meʾowt zahav yaʿaleh ʿal־hatsinah haʾeḥat׃
17 וּשְׁלֹשׁ־מֵאֹ֤ות מָֽגִנִּים֙ זָהָ֣ב שָׁח֔וּט שְׁלֹ֤שֶׁת מָנִים֙ זָהָ֔ב יַעֲלֶ֖ה עַל־הַמָּגֵ֣ן הָאֶחָ֑ת וַיִּתְּנֵ֣ם הַמֶּ֔לֶךְ בֵּ֖ית יַ֥עַר הַלְּבָנֹֽון׃ פ ushelosh־meʾowt maginiym zahav shaḥuṭ sheloshet maniym zahav yaʿaleh ʿal־hamagen haʾeḥat wayitenem hamelekhe beyt yaʿar halevanown׃ f
18 וַיַּ֧עַשׂ הַמֶּ֛לֶךְ כִּסֵּא־שֵׁ֖ן גָּדֹ֑ול וַיְצַפֵּ֖הוּ זָהָ֥ב מוּפָֽז׃ wayaʿas hamelekhe kiseʾ־shen gadowl wayetsapehu zahav mufaz׃
19 שֵׁ֧שׁ מַעֲלֹ֣ות לַכִּסֵּ֗ה וְרֹאשׁ־עָגֹ֤ל לַכִּסֵּה֙ מֵאַֽחֲרָ֔יו וְיָדֹ֛ת מִזֶּ֥ה וּמִזֶּ֖ה אֶל־מְקֹ֣ום הַשָּׁ֑בֶת וּשְׁנַ֣יִם אֲרָיֹ֔ות עֹמְדִ֖ים אֵ֥צֶל הַיָּדֹֽות׃ shesh maʿalowt lakiseh weroʾsh־ʿagol lakiseh meʾaḥarayw weyadot mizeh umizeh ʾel־meqowm hashavet ushenayim ʾarayowt ʿomediym ʾetsel hayadowt׃
20 וּשְׁנֵ֧ים עָשָׂ֣ר אֲרָיִ֗ים עֹמְדִ֥ים שָׁ֛ם עַל־שֵׁ֥שׁ הַֽמַּעֲלֹ֖ות מִזֶּ֣ה וּמִזֶּ֑ה לֹֽא־נַעֲשָׂ֥ה כֵ֖ן לְכָל־מַמְלָכֹֽות׃ usheneym ʿasar ʾarayiym ʿomediym sham ʿal־shesh hamaʿalowt mizeh umizeh loʾ־naʿasah khen lekhal־mamelakhowt׃
21 וְ֠כֹל כְּלֵ֞י מַשְׁקֵ֨ה הַמֶּ֤לֶךְ שְׁלֹמֹה֙ זָהָ֔ב וְכֹ֗ל כְּלֵ֛י בֵּֽית־יַ֥עַר הַלְּבָנֹ֖ון זָהָ֣ב סָג֑וּר אֵ֣ין כֶּ֗סֶף לֹ֥א נֶחְשָׁ֛ב בִּימֵ֥י שְׁלֹמֹ֖ה לִמְאֽוּמָה׃ wekhol keley masheqeh hamelekhe shelomoh zahav wekhol keley beyt־yaʿar halevanown zahav sagur ʾeyn kesef loʾ neḥeshav biymey shelomoh limeʾumah׃
22 כִּי֩ אֳנִ֨י תַרְשִׁ֤ישׁ לַמֶּ֙לֶךְ֙ בַּיָּ֔ם עִ֖ם אֳנִ֣י חִירָ֑ם אַחַת֩ לְשָׁלֹ֨שׁ שָׁנִ֜ים תָּבֹ֣וא ׀ אֳנִ֣י תַרְשִׁ֗ישׁ נֹֽשְׂאֵת֙ זָהָ֣ב וָכֶ֔סֶף שֶׁנְהַבִּ֥ים וְקֹפִ֖ים וְתֻכִּיִּֽים׃ kiy ʾoniy tareshiysh lamelekhe bayam ʿim ʾoniy ḥiyram ʾaḥat leshalosh shaniym tavowʾ ׀ ʾoniy tareshiysh noseʾet zahav wakhesef shenehabiym weqofiym wetukiyiym׃
23 וַיִּגְדַּל֙ הַמֶּ֣לֶךְ שְׁלֹמֹ֔ה מִכֹּ֖ל מַלְכֵ֣י הָאָ֑רֶץ לְעֹ֖שֶׁר וּלְחָכְמָֽה׃ wayigedal hamelekhe shelomoh mikol malekhey haʾarets leʿosher uleḥakhemah׃
24 וְכָ֨ל־הָאָ֔רֶץ מְבַקְשִׁ֖ים אֶת־פְּנֵ֣י שְׁלֹמֹ֑ה לִשְׁמֹ֙עַ֙ אֶת־חָכְמָתֹ֔ו אֲשֶׁר־נָתַ֥ן אֱלֹהִ֖ים בְּלִבֹּֽו׃ wekhal־haʾarets mevaqeshiym ʾet־peney shelomoh lishemoaʿ ʾet־ḥakhematow ʾasher־natan ʾelohiym belibow׃
25 וְהֵ֣מָּה מְבִאִ֣ים אִ֣ישׁ מִנְחָתֹ֡ו כְּלֵ֣י כֶסֶף֩ וּכְלֵ֨י זָהָ֤ב וּשְׂלָמֹות֙ וְנֵ֣שֶׁק וּבְשָׂמִ֔ים סוּסִ֖ים וּפְרָדִ֑ים דְּבַר־שָׁנָ֖ה בְּשָׁנָֽה׃ ס wehemah meviʾiym ʾiysh mineḥatow keley khesef ukheley zahav uselamowt wenesheq uvesamiym susiym uferadiym devar־shanah beshanah׃ s
26 וַיֶּאֱסֹ֣ף שְׁלֹמֹה֮ רֶ֣כֶב וּפָרָשִׁים֒ וַיְהִי־לֹ֗ו אֶ֤לֶף וְאַרְבַּע־מֵאֹות֙ רֶ֔כֶב וּשְׁנֵים־עָשָׂ֥ר אֶ֖לֶף פָּֽרָשִׁ֑ים וַיַּנְחֵם֙ בְּעָרֵ֣י הָרֶ֔כֶב וְעִם־הַמֶּ֖לֶךְ בִּירוּשָׁלִָֽם׃ wayeʾesof shelomoh rekhev ufarashiym wayehiy־low ʾelef weʾarebaʿ־meʾowt rekhev usheneym־ʿasar ʾelef parashiym wayaneḥem beʿarey harekhev weʿim־hamelekhe biyrushalim׃
27 וַיִּתֵּ֨ן הַמֶּ֧לֶךְ אֶת־הַכֶּ֛סֶף בִּירוּשָׁלִַ֖ם כָּאֲבָנִ֑ים וְאֵ֣ת הָאֲרָזִ֗ים נָתַ֛ן כַּשִּׁקְמִ֥ים אֲשֶׁר־בַּשְּׁפֵלָ֖ה לָרֹֽב׃ wayiten hamelekhe ʾet־hakesef biyrushalim kaʾavaniym weʾet haʾaraziym natan kashiqemiym ʾasher־bashefelah larov׃
28 וּמֹוצָ֧א הַסּוּסִ֛ים אֲשֶׁ֥ר לִשְׁלֹמֹ֖ה מִמִּצְרָ֑יִם וּמִקְוֵ֕ה סֹחֲרֵ֣י הַמֶּ֔לֶךְ יִקְח֥וּ מִקְוֵ֖ה בִּמְחִֽיר׃ umowtsaʾ hasusiym ʾasher lishelomoh mimitserayim umiqeweh soḥarey hamelekhe yiqeḥu miqeweh bimeḥiyr׃
29 וַֽ֠תַּעֲלֶה וַתֵּצֵ֨א מֶרְכָּבָ֤ה מִמִּצְרַ֙יִם֙ בְּשֵׁ֣שׁ מֵאֹ֣ות כֶּ֔סֶף וְס֖וּס בַּחֲמִשִּׁ֣ים וּמֵאָ֑ה וְ֠כֵן לְכָל־מַלְכֵ֧י הַחִתִּ֛ים וּלְמַלְכֵ֥י אֲרָ֖ם בְּיָדָ֥ם יֹצִֽאוּ׃ פ wataʿaleh watetseʾ merekavah mimitserayim beshesh meʾowt kesef wesus baḥamishiym umeʾah wekhen lekhal־malekhey haḥitiym ulemalekhey ʾaram beyadam yotsiʾu׃ f