1 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
2 בֶּן־אָדָ֕ם שִׂ֥ים פָּנֶ֖יךָ אֶל־הָרֵ֣י יִשְׂרָאֵ֑ל וְהִנָּבֵ֖א אֲלֵיהֶֽם׃ ben־ʾadam siym paneykha ʾel־harey yiseraʾel wehinaveʾ ʾaleyhem׃
3 וְאָ֣מַרְתָּ֔ הָרֵי֙ יִשְׂרָאֵ֔ל שִׁמְע֖וּ דְּבַר־אֲדֹנָ֣י יְהוִ֑ה כֹּה־אָמַ֣ר אֲדֹנָ֣י יְ֠הוִה לֶהָרִ֨ים וְלַגְּבָעֹ֜ות לָאֲפִיקִ֣ים [וְלַגֵּאָיֹת כ] (וְלַגֵּאָיֹ֗ות ק) הִנְנִ֨י אֲנִ֜י מֵבִ֤יא עֲלֵיכֶם֙ חֶ֔רֶב וְאִבַּדְתִּ֖י בָּמֹֽותֵיכֶֽם׃ weʾamareta harey yiseraʾel shimeʿu devar־ʾadonay yehwih koh־ʾamar ʾadonay yehwih lehariym welagevaʿowt laʾafiyqiym [welageʾayot kh] (welageʾayowt q) hineniy ʾaniy meviyʾ ʿaleykhem ḥerev weʾibadetiy bamowteykhem׃
4 וְנָשַׁ֙מּוּ֙ מִזְבְּחֹ֣ותֵיכֶ֔ם וְנִשְׁבְּר֖וּ חַמָּֽנֵיכֶ֑ם וְהִפַּלְתִּי֙ חַלְלֵיכֶ֔ם לִפְנֵ֖י גִּלּוּלֵיכֶֽם׃ wenashamu mizebeḥowteykhem wenisheberu ḥamaneykhem wehipaletiy ḥaleleykhem lifeney giluleykhem׃
5 וְנָתַתִּ֗י אֶת־פִּגְרֵי֙ בְּנֵ֣י יִשְׂרָאֵ֔ל לִפְנֵ֖י גִּלּֽוּלֵיהֶ֑ם וְזֵרִיתִי֙ אֶת־עַצְמֹ֣ותֵיכֶ֔ם סְבִיבֹ֖ות מִזְבְּחֹותֵיכֶֽם׃ wenatatiy ʾet־pigerey beney yiseraʾel lifeney giluleyhem wezeriytiy ʾet־ʿatsemowteykhem seviyvowt mizebeḥowteykhem׃
6 בְּכֹל֙ מֹושְׁבֹ֣ותֵיכֶ֔ם הֶעָרִ֣ים תֶּחֱרַ֔בְנָה וְהַבָּמֹ֖ות תִּישָׁ֑מְנָה לְמַעַן֩ יֶחֶרְב֨וּ וְיֶאְשְׁמ֜וּ מִזְבְּחֹֽותֵיכֶ֗ם וְנִשְׁבְּר֤וּ וְנִשְׁבְּתוּ֙ גִּלּ֣וּלֵיכֶ֔ם וְנִגְדְּעוּ֙ חַמָּ֣נֵיכֶ֔ם וְנִמְח֖וּ מַעֲשֵׂיכֶֽם׃ bekhol mowshevowteykhem heʿariym teḥeravenah wehabamowt tiyshamenah lemaʿan yeḥerevu weyeʾeshemu mizebeḥowteykhem wenisheberu wenishebetu giluleykhem wenigedeʿu ḥamaneykhem wenimeḥu maʿaseykhem׃
7 וְנָפַ֥ל חָלָ֖ל בְּתֹֽוכְכֶ֑ם וִֽידַעְתֶּ֖ם כִּֽי־אֲנִ֥י יְהוָֽה׃ wenafal ḥalal betowkhekhem wiydaʿetem kiy־ʾaniy yehwah׃
8 וְהֹותַרְתִּ֗י בִּהְיֹ֥ות לָכֶ֛ם פְּלִ֥יטֵי חֶ֖רֶב בַּגֹּויִ֑ם בְּהִזָּרֹֽותֵיכֶ֖ם בָּאֲרָצֹֽות׃ wehowtaretiy biheyowt lakhem peliyṭey ḥerev bagowyim behizarowteykhem baʾaratsowt׃
9 וְזָכְר֨וּ פְלִֽיטֵיכֶ֜ם אֹותִ֗י בַּגֹּויִם֮ אֲשֶׁ֣ר נִשְׁבּוּ־שָׁם֒ אֲשֶׁ֨ר נִשְׁבַּ֜רְתִּי אֶת־לִבָּ֣ם הַזֹּונֶ֗ה אֲשֶׁר־סָר֙ מֵֽעָלַ֔י וְאֵת֙ עֵֽינֵיהֶ֔ם הַזֹּנֹ֕ות אַחֲרֵ֖י גִּלּֽוּלֵיהֶ֑ם וְנָקֹ֙טּוּ֙ בִּפְנֵיהֶ֔ם אֶל־הָֽרָעֹות֙ אֲשֶׁ֣ר עָשׂ֔וּ לְכֹ֖ל תֹּועֲבֹתֵיהֶֽם׃ wezakheru feliyṭeykhem ʾowtiy bagowyim ʾasher nishebu־sham ʾasher nishebaretiy ʾet־libam hazowneh ʾasher־sar meʿalay weʾet ʿeyneyhem hazonowt ʾaḥarey giluleyhem wenaqoṭu bifeneyhem ʾel־haraʿowt ʾasher ʿasu lekhol towʿavoteyhem׃
10 וְיָדְע֖וּ כִּֽי־אֲנִ֣י יְהוָ֑ה לֹ֤א אֶל־חִנָּם֙ דִּבַּ֔רְתִּי לַעֲשֹׂ֥ות לָהֶ֖ם הָרָעָ֥ה הַזֹּֽאת׃ פ weyadeʿu kiy־ʾaniy yehwah loʾ ʾel־ḥinam dibaretiy laʿasowt lahem haraʿah hazoʾt׃ f
11 כֹּֽה־אָמַ֞ר אֲדֹנָ֣י יְהוִ֗ה הַכֵּ֨ה בְכַפְּךָ֜ וּרְקַ֤ע בְּרַגְלְךָ֙ וֶֽאֱמָר־אָ֔ח אֶ֛ל כָּל־תֹּועֲבֹ֥ות רָעֹ֖ות בֵּ֣ית יִשְׂרָאֵ֑ל אֲשֶׁ֗ר בַּחֶ֛רֶב בָּרָעָ֥ב וּבַדֶּ֖בֶר יִפֹּֽלוּ׃ koh־ʾamar ʾadonay yehwih hakeh vekhapekha ureqaʿ beragelekha weʾemar־ʾaḥ ʾel kal־towʿavowt raʿowt beyt yiseraʾel ʾasher baḥerev baraʿav uvadever yipolu׃
12 הָרָחֹ֞וק בַּדֶּ֣בֶר יָמ֗וּת וְהַקָּרֹוב֙ בַּחֶ֣רֶב יִפֹּ֔ול וְהַנִּשְׁאָר֙ וְהַנָּצ֔וּר בָּרָעָ֖ב יָמ֑וּת וְכִלֵּיתִ֥י חֲמָתִ֖י בָּֽם׃ haraḥowq badever yamut wehaqarowv baḥerev yipowl wehanisheʾar wehanatsur baraʿav yamut wekhileytiy ḥamatiy bam׃
13 וִֽידַעְתֶּם֙ כִּֽי־אֲנִ֣י יְהוָ֔ה בִּֽהְיֹ֣ות חַלְלֵיהֶ֗ם בְּתֹוךְ֙ גִּלּ֣וּלֵיהֶ֔ם סְבִיבֹ֖ות מִזְבְּחֹֽותֵיהֶ֑ם אֶל֩ כָּל־גִּבְעָ֨ה רָמָ֜ה בְּכֹ֣ל ׀ רָאשֵׁ֣י הֶהָרִ֗ים וְתַ֨חַת כָּל־עֵ֤ץ רַֽעֲנָן֙ וְתַ֙חַת֙ כָּל־אֵלָ֣ה עֲבֻתָּ֔ה מְקֹ֗ום אֲשֶׁ֤ר נָֽתְנוּ־שָׁם֙ רֵ֣יחַ נִיחֹ֔חַ לְכֹ֖ל גִּלּוּלֵיהֶֽם׃ wiydaʿetem kiy־ʾaniy yehwah biheyowt ḥaleleyhem betowkhe giluleyhem seviyvowt mizebeḥowteyhem ʾel kal־giveʿah ramah bekhol ׀ raʾshey hehariym wetaḥat kal־ʿets raʿanan wetaḥat kal־ʾelah ʿavutah meqowm ʾasher natenu־sham reyḥa niyḥoaḥ lekhol giluleyhem׃
14 וְנָטִ֤יתִי אֶת־יָדִי֙ עֲלֵיהֶ֔ם וְנָתַתִּ֨י אֶת־הָאָ֜רֶץ שְׁמָמָ֤ה וּמְשַׁמָּה֙ מִמִּדְבַּ֣ר דִּבְלָ֔תָה בְּכֹ֖ל מֹושְׁבֹֽותֵיהֶ֑ם וְיָדְע֖וּ כִּֽי־אֲנִ֥י יְהוָֽה׃ פ wenaṭiytiy ʾet־yadiy ʿaleyhem wenatatiy ʾet־haʾarets shemamah umeshamah mimidebar divelatah bekhol mowshevowteyhem weyadeʿu kiy־ʾaniy yehwah׃ f