Habaquq 3

¹ תְּפִלָּ֖ה לַחֲבַקּ֣וּק הַנָּבִ֑יא עַ֖ל שִׁגְיֹנֹֽות׃ tefilah laḥavaquq hanaviyʾ ʿal shigeyonowt׃

² יְהוָ֗ה שָׁמַ֣עְתִּי שִׁמְעֲךָ֮ יָרֵאתִי֒ יְהוָ֗ה פָּֽעָלְךָ֙ בְּקֶ֤רֶב שָׁנִים֙ חַיֵּ֔יהוּ בְּקֶ֥רֶב שָׁנִ֖ים תֹּודִ֑יעַ בְּרֹ֖גֶז רַחֵ֥ם תִּזְכֹּֽור׃ yehwah shamaʿetiy shimeʿakha yareʾtiy yehwah paʿalekha beqerev shaniym ḥayeyhu beqerev shaniym towdiyʿa berogez raḥem tizekowr׃

³ אֱלֹ֙והַ֙ מִתֵּימָ֣ן יָבֹ֔וא וְקָדֹ֥ושׁ מֵֽהַר־פָּארָ֖ן סֶ֑לָה כִּסָּ֤ה שָׁמַ֙יִם֙ הֹודֹ֔ו וּתְהִלָּתֹ֖ו מָלְאָ֥ה הָאָֽרֶץ׃ ʾelowha miteyman yavowʾ weqadowsh mehar־paʾran selah kisah shamayim howdow utehilatow maleʾah haʾarets׃

⁴ וְנֹ֙גַהּ֙ כָּאֹ֣ור תִּֽהְיֶ֔ה קַרְנַ֥יִם מִיָּדֹ֖ו לֹ֑ו וְשָׁ֖ם חֶבְיֹ֥ון עֻזֹּֽה ׃ wenogah kaʾowr tiheyeh qarenayim miyadow low wesham ḥeveyown ʿuzoh ׃

⁵ לְפָנָ֖יו יֵ֣לֶךְ דָּ֑בֶר וְיֵצֵ֥א רֶ֖שֶׁף לְרַגְלָֽיו׃ lefanayw yelekhe daver weyetseʾ reshef leragelayw׃

⁶ עָמַ֣ד ׀ וַיְמֹ֣דֶד אֶ֗רֶץ רָאָה֙ וַיַּתֵּ֣ר גֹּויִ֔ם וַיִּתְפֹּֽצְצוּ֙ הַרְרֵי־עַ֔ד שַׁח֖וּ גִּבְעֹ֣ות עֹולָ֑ם הֲלִיכֹ֥ות עֹולָ֖ם לֹֽו ׃ ʿamad ׀ wayemoded ʾerets raʾah wayater gowyim wayitepotsetsu harerey־ʿad shaḥu giveʿowt ʿowlam haliykhowt ʿowlam low ׃

⁷ תַּ֣חַת אָ֔וֶן רָאִ֖יתִי אָהֳלֵ֣י כוּשָׁ֑ן יִרְגְּז֕וּן יְרִיעֹ֖ות אֶ֥רֶץ מִדְיָֽן׃ ס taḥat ʾawen raʾiytiy ʾaholey khushan yiregezun yeriyʿowt ʾerets mideyan׃ s

⁸ הֲבִנְהָרִים֙ חָרָ֣ה יְהוָ֔ה אִ֤ם בַּנְּהָרִים֙ אַפֶּ֔ךָ אִם־בַּיָּ֖ם עֶבְרָתֶ֑ךָ כִּ֤י תִרְכַּב֙ עַל־סוּסֶ֔יךָ מַרְכְּבֹתֶ֖יךָ יְשׁוּעָֽה׃ havinehariym ḥarah yehwah ʾim banehariym ʾapekha ʾim־bayam ʿeveratekha kiy tirekav ʿal־suseykha marekevoteykha yeshuʿah׃

⁹ עֶרְיָ֤ה תֵעֹור֙ קַשְׁתֶּ֔ךָ שְׁבֻעֹ֥ות מַטֹּ֖ות אֹ֣מֶר סֶ֑לָה נְהָרֹ֖ות תְּבַקַּע־אָֽרֶץ׃ ʿereyah teʿowr qashetekha shevuʿowt maṭowt ʾomer selah neharowt tevaqaʿ־ʾarets׃

¹⁰ רָא֤וּךָ יָחִ֙ילוּ֙ הָרִ֔ים זֶ֥רֶם מַ֖יִם עָבָ֑ר נָתַ֤ן תְּהֹום֙ קֹולֹ֔ו רֹ֖ום יָדֵ֥יהוּ נָשָֽׂא׃ raʾukha yaḥiylu hariym zerem mayim ʿavar natan tehowm qowlow rowm yadeyhu nasaʾ׃

¹¹ שֶׁ֥מֶשׁ יָרֵ֖חַ עָ֣מַד זְבֻ֑לָה לְאֹ֤ור חִצֶּ֙יךָ֙ יְהַלֵּ֔כוּ לְנֹ֖גַהּ בְּרַ֥ק חֲנִיתֶֽךָ׃ shemesh yareaḥ ʿamad zevulah leʾowr ḥitseykha yehalekhu lenogah beraq ḥaniytekha׃

¹² בְּזַ֖עַם תִּצְעַד־אָ֑רֶץ בְּאַ֖ף תָּד֥וּשׁ גֹּויִֽם׃ bezaʿam titseʿad־ʾarets beʾaf tadush gowyim׃

¹³ יָצָ֙אתָ֙ לְיֵ֣שַׁע עַמֶּ֔ךָ לְיֵ֖שַׁע אֶת־מְשִׁיחֶ֑ךָ מָחַ֤צְתָּ רֹּאשׁ֙ מִבֵּ֣ית רָשָׁ֔ע עָרֹ֛ות יְסֹ֥וד עַד־צַוָּ֖אר סֶֽלָה׃ פ yatsaʾta leyeshaʿ ʿamekha leyeshaʿ ʾet־meshiyḥekha maḥatseta roʾsh mibeyt rashaʿ ʿarowt yesowd ʿad־tsauaʾr selah׃ f

¹⁴ נָקַ֤בְתָּ בְמַטָּיו֙ רֹ֣אשׁ [פְּרָזֹו כ] (פְּרָזָ֔יו ק) יִסְעֲר֖וּ לַהֲפִיצֵ֑נִי עֲלִ֣יצֻתָ֔ם כְּמֹו־לֶאֱכֹ֥ל עָנִ֖י בַּמִּסְתָּֽר׃ naqaveta vemaṭayw roʾsh [perazow kh] (perazayw q) yiseʿaru lahafiytseniy ʿaliytsutam kemow־leʾekhol ʿaniy bamisetar׃

¹⁵ דָּרַ֥כְתָּ בַיָּ֖ם סוּסֶ֑יךָ חֹ֖מֶר מַ֥יִם רַבִּֽים׃ darakheta vayam suseykha ḥomer mayim rabiym׃

¹⁶ שָׁמַ֣עְתִּי ׀ וַתִּרְגַּ֣ז בִּטְנִ֗י לְקֹול֙ צָלֲל֣וּ שְׂפָתַ֔י יָבֹ֥וא רָקָ֛ב בַּעֲצָמַ֖י וְתַחְתַּ֣י אֶרְגָּ֑ז אֲשֶׁ֤ר אָנ֙וּחַ֙ לְיֹ֣ום צָרָ֔ה לַעֲלֹ֖ות לְעַ֥ם יְגוּדֶֽנּוּ׃ shamaʿetiy ׀ watiregaz biṭeniy leqowl tsalalu sefatay yavowʾ raqav baʿatsamay wetaḥetay ʾeregaz ʾasher ʾanuaḥ leyowm tsarah laʿalowt leʿam yegudenu׃

¹⁷ כִּֽי־תְאֵנָ֣ה לֹֽא־תִפְרָ֗ח וְאֵ֤ין יְבוּל֙ בַּגְּפָנִ֔ים כִּחֵשׁ֙ מַעֲשֵׂה־זַ֔יִת וּשְׁדֵמֹ֖ות לֹא־עָ֣שָׂה אֹ֑כֶל גָּזַ֤ר מִמִּכְלָה֙ צֹ֔אן וְאֵ֥ין בָּקָ֖ר בָּרְפָתִֽים׃ kiy־teʾenah loʾ־tiferaḥ weʾeyn yevul bagefaniym kiḥesh maʿaseh־zayit ushedemowt loʾ־ʿasah ʾokhel gazar mimikhelah tsoʾn weʾeyn baqar barefatiym׃

¹⁸ וַאֲנִ֖י בַּיהוָ֣ה אֶעְלֹ֑וזָה אָגִ֖ילָה בֵּאלֹהֵ֥י יִשְׁעִֽי׃ waʾaniy bayhwah ʾeʿelowzah ʾagiylah beʾlohey yisheʿiy׃

¹⁹ יְהוִ֤ה אֲדֹנָי֙ חֵילִ֔י וַיָּ֤שֶׂם רַגְלַי֙ כָּֽאַיָּלֹ֔ות וְעַ֥ל בָּמֹותַ֖י יַדְרִכֵ֑נִי לַמְנַצֵּ֖חַ בִּנְגִינֹותָֽי׃ yehwih ʾadonay ḥeyliy wayasem ragelay kaʾayalowt weʿal bamowtay yaderikheniy lamenatseaḥ binegiynowtay׃