Michée 5

¹ וְאַתָּ֞ה בֵּֽית־לֶ֣חֶם אֶפְרָ֗תָה צָעִיר֙ לִֽהְיֹות֙ בְּאַלְפֵ֣י יְהוּדָ֔ה מִמְּךָ֙ לִ֣י יֵצֵ֔א לִֽהְיֹ֥ות מֹושֵׁ֖ל בְּיִשְׂרָאֵ֑ל וּמֹוצָאֹתָ֥יו מִקֶּ֖דֶם מִימֵ֥י עֹולָֽם׃ weʾatah beyt־leḥem ʾeferatah tsaʿiyr liheyowt beʾalefey yehudah mimekha liy yetseʾ liheyowt mowshel beyiseraʾel umowtsaʾotayw miqedem miymey ʿowlam׃

² לָכֵ֣ן יִתְּנֵ֔ם עַד־עֵ֥ת יֹולֵדָ֖ה יָלָ֑דָה וְיֶ֣תֶר אֶחָ֔יו יְשׁוּב֖וּן עַל־בְּנֵ֥י יִשְׂרָאֵֽל׃ lakhen yitenem ʿad־ʿet yowledah yaladah weyeter ʾeḥayw yeshuvun ʿal־beney yiseraʾel׃

³ וְעָמַ֗ד וְרָעָה֙ בְּעֹ֣ז יְהוָ֔ה בִּגְאֹ֕ון שֵׁ֖ם יְהוָ֣ה אֱלֹהָ֑יו וְיָשָׁ֕בוּ כִּֽי־עַתָּ֥ה יִגְדַּ֖ל עַד־אַפְסֵי־אָֽרֶץ׃ weʿamad weraʿah beʿoz yehwah bigeʾown shem yehwah ʾelohayw weyashavu kiy־ʿatah yigedal ʿad־ʾafesey־ʾarets׃

⁴ וְהָיָ֥ה זֶ֖ה שָׁלֹ֑ום אַשּׁ֣וּר ׀ כִּֽי־יָבֹ֣וא בְאַרְצֵ֗נוּ וְכִ֤י יִדְרֹךְ֙ בְּאַרְמְנֹתֵ֔ינוּ וַהֲקֵמֹ֤נוּ עָלָיו֙ שִׁבְעָ֣ה רֹעִ֔ים וּשְׁמֹנָ֖ה נְסִיכֵ֥י אָדָֽם׃ wehayah zeh shalowm ʾashur ׀ kiy־yavowʾ veʾaretsenu wekhiy yiderokhe beʾaremenoteynu wahaqemonu ʿalayw shiveʿah roʿiym ushemonah nesiykhey ʾadam׃

⁵ וְרָע֞וּ אֶת־אֶ֤רֶץ אַשּׁוּר֙ בַּחֶ֔רֶב וְאֶת־אֶ֥רֶץ נִמְרֹ֖ד בִּפְתָחֶ֑יהָ וְהִצִּיל֙ מֵֽאַשּׁ֔וּר כִּֽי־יָבֹ֣וא בְאַרְצֵ֔נוּ וְכִ֥י יִדְרֹ֖ךְ בִּגְבוּלֵֽנוּ׃ ס weraʿu ʾet־ʾerets ʾashur baḥerev weʾet־ʾerets nimerod bifetaḥeyha wehitsiyl meʾashur kiy־yavowʾ veʾaretsenu wekhiy yiderokhe bigevulenu׃ s

⁶ וְהָיָ֣ה ׀ שְׁאֵרִ֣ית יַעֲקֹ֗ב בְּקֶ֙רֶב֙ עַמִּ֣ים רַבִּ֔ים כְּטַל֙ מֵאֵ֣ת יְהוָ֔ה כִּרְבִיבִ֖ים עֲלֵי־עֵ֑שֶׂב אֲשֶׁ֤ר לֹֽא־יְקַוֶּה֙ לְאִ֔ישׁ וְלֹ֥א יְיַחֵ֖ל לִבְנֵ֥י אָדָֽם׃ wehayah ׀ sheʾeriyt yaʿaqov beqerev ʿamiym rabiym keṭal meʾet yehwah kireviyviym ʿaley־ʿesev ʾasher loʾ־yeqaueh leʾiysh weloʾ yeyaḥel liveney ʾadam׃

⁷ וְהָיָה֩ שְׁאֵרִ֨ית יַעֲקֹ֜ב בַּגֹּויִ֗ם בְּקֶ֙רֶב֙ עַמִּ֣ים רַבִּ֔ים כְּאַרְיֵה֙ בְּבַהֲמֹ֣ות יַ֔עַר כִּכְפִ֖יר בְּעֶדְרֵי־צֹ֑אן אֲשֶׁ֧ר אִם עָבַ֛ר וְרָמַ֥ס וְטָרַ֖ף וְאֵ֥ין מַצִּֽיל׃ wehayah sheʾeriyt yaʿaqov bagowyim beqerev ʿamiym rabiym keʾareyeh bevahamowt yaʿar kikhefiyr beʿederey־tsoʾn ʾasher ʾim ʿavar weramas weṭaraf weʾeyn matsiyl׃

⁸ תָּרֹ֥ם יָדְךָ֖ עַל־צָרֶ֑יךָ וְכָל־אֹיְבֶ֖יךָ יִכָּרֵֽתוּ׃ פ tarom yadekha ʿal־tsareykha wekhal־ʾoyeveykha yikaretu׃ f

⁹ וְהָיָ֤ה בַיֹּום־הַהוּא֙ נְאֻם־יְהוָ֔ה וְהִכְרַתִּ֥י סוּסֶ֖יךָ מִקִּרְבֶּ֑ךָ וְהַאֲבַדְתִּ֖י מַרְכְּבֹתֶֽיךָ׃ wehayah vayowm־hahuʾ neʾum־yehwah wehikheratiy suseykha miqirebekha wehaʾavadetiy marekevoteykha׃

¹⁰ וְהִכְרַתִּ֖י עָרֵ֣י אַרְצֶ֑ךָ וְהָרַסְתִּ֖י כָּל־מִבְצָרֶֽיךָ׃ wehikheratiy ʿarey ʾaretsekha weharasetiy kal־mivetsareykha׃

¹¹ וְהִכְרַתִּ֥י כְשָׁפִ֖ים מִיָּדֶ֑ךָ וּֽמְעֹונְנִ֖ים לֹ֥א יִֽהְיוּ־לָֽךְ׃ wehikheratiy kheshafiym miyadekha umeʿowneniym loʾ yiheyu־lakhe׃

¹² וְהִכְרַתִּ֧י פְסִילֶ֛יךָ וּמַצֵּבֹותֶ֖יךָ מִקִּרְבֶּ֑ךָ וְלֹֽא־תִשְׁתַּחֲוֶ֥ה עֹ֖וד לְמַעֲשֵׂ֥ה יָדֶֽיךָ׃ wehikheratiy fesiyleykha umatsevowteykha miqirebekha weloʾ־tishetaḥaweh ʿowd lemaʿaseh yadeykha׃

¹³ וְנָתַשְׁתִּ֥י אֲשֵׁירֶ֖יךָ מִקִּרְבֶּ֑ךָ וְהִשְׁמַדְתִּ֖י עָרֶֽיךָ׃ wenatashetiy ʾasheyreykha miqirebekha wehishemadetiy ʿareykha׃

¹⁴ וְעָשִׂ֜יתִי בְּאַ֧ף וּבְחֵמָ֛ה נָקָ֖ם אֶת־הַגֹּויִ֑ם אֲשֶׁ֖ר לֹ֥א שָׁמֵֽעוּ׃ ס weʿasiytiy beʾaf uveḥemah naqam ʾet־hagowyim ʾasher loʾ shameʿu׃ s