2 Rois 9

¹ וֶאֱלִישָׁע֙ הַנָּבִ֔יא קָרָ֕א לְאַחַ֖ד מִבְּנֵ֣י הַנְּבִיאִ֑ים וַיֹּ֨אמֶר לֹ֜ו חֲגֹ֣ר מָתְנֶ֗יךָ וְ֠קַח פַּ֣ךְ הַשֶּׁ֤מֶן הַזֶּה֙ בְּיָדֶ֔ךָ וְלֵ֖ךְ רָמֹ֥ת גִּלְעָֽד׃ weʾeliyshaʿ hanaviyʾ qaraʾ leʾaḥad mibeney haneviyʾiym wayoʾmer low ḥagor mateneykha weqaḥ pakhe hashemen hazeh beyadekha welekhe ramot gileʿad׃

² וּבָ֖אתָ שָׁ֑מָּה וּרְאֵֽהשָׁ֠־ם יֵה֨וּא בֶן־יְהֹושָׁפָ֜ט בֶּן־נִמְשִׁ֗י וּבָ֙אתָ֙ וַהֲקֵֽמֹתֹו֙ מִתֹּ֣וך אֶחָ֔יו וְהֵבֵיאתָ֥ אֹתֹ֖ו חֶ֥דֶר בְּחָֽדֶר׃ uvaʾta shamah ureʾehsha־m yehuʾ ven־yehowshafaṭ ben־nimeshiy uvaʾta wahaqemotow mitowkh ʾeḥayw weheveyʾta ʾotow ḥeder beḥader׃

³ וְלָקַחְתָּ֤ פַךְ־הַשֶּׁ֙מֶן֙ וְיָצַקְתָּ֣ עַל־רֹאשֹׁ֔ו וְאָֽמַרְתָּ֙ כֹּֽה־אָמַ֣ר יְהוָ֔ה מְשַׁחְתִּ֥יךָֽ לְמֶ֖לֶךְ אֶל־יִשְׂרָאֵ֑ל וּפָתַחְתָּ֥ הַדֶּ֛לֶת וְנַ֖סְתָּה וְלֹ֥א תְחַכֶּֽה׃ welaqaḥeta fakhe־hashemen weyatsaqeta ʿal־roʾshow weʾamareta koh־ʾamar yehwah meshaḥetiykha lemelekhe ʾel־yiseraʾel ufataḥeta hadelet wenasetah weloʾ teḥakeh׃

⁴ וַיֵּ֧לֶךְ הַנַּ֛עַר הַנַּ֥עַר הַנָּבִ֖יא רָמֹ֥ת גִּלְעָֽד׃ wayelekhe hanaʿar hanaʿar hanaviyʾ ramot gileʿad׃

⁵ וַיָּבֹ֗א וְהִנֵּ֨ה שָׂרֵ֤י הַחַ֙יִל֙ יֹֽשְׁבִ֔ים וַיֹּ֕אמֶר דָּבָ֥ר לִ֛י אֵלֶ֖יךָ הַשָּׂ֑ר וַיֹּ֤אמֶר יֵהוּא֙ אֶל־מִ֣י מִכֻּלָּ֔נוּ וַיֹּ֖אמֶר אֵלֶ֥יךָ הַשָּֽׂר׃ wayavoʾ wehineh sarey haḥayil yosheviym wayoʾmer davar liy ʾeleykha hasar wayoʾmer yehuʾ ʾel־miy mikulanu wayoʾmer ʾeleykha hasar׃

⁶ וַיָּ֙קָם֙ וַיָּבֹ֣א הַבַּ֔יְתָה וַיִּצֹ֥ק הַשֶּׁ֖מֶן אֶל־רֹאשֹׁ֑ו וַיֹּ֣אמֶר לֹ֗ו כֹּֽה־אָמַ֤ר יְהוָה֙ אֱלֹהֵ֣י יִשְׂרָאֵ֔ל מְשַׁחְתִּ֧יךָֽ לְמֶ֛לֶךְ אֶל־עַ֥ם יְהוָ֖ה אֶל־יִשְׂרָאֵֽל׃ wayaqam wayavoʾ habayetah wayitsoq hashemen ʾel־roʾshow wayoʾmer low koh־ʾamar yehwah ʾelohey yiseraʾel meshaḥetiykha lemelekhe ʾel־ʿam yehwah ʾel־yiseraʾel׃

⁷ וְהִ֨כִּיתָ֔ה אֶת־בֵּ֥ית אַחְאָ֖ב אֲדֹנֶ֑יךָ וְנִקַּמְתִּ֞י דְּמֵ֣י ׀ עֲבָדַ֣י הַנְּבִיאִ֗ים וּדְמֵ֛י כָּל־עַבְדֵ֥י יְהוָ֖ה מִיַּ֥ד אִיזָֽבֶל׃ wehikiytah ʾet־beyt ʾaḥeʾav ʾadoneykha weniqametiy demey ׀ ʿavaday haneviyʾiym udemey kal־ʿavedey yehwah miyad ʾiyzavel׃

⁸ וְאָבַ֖ד כָּל־בֵּ֣ית אַחְאָ֑ב וְהִכְרַתִּ֤י לְאַחְאָב֙ מַשְׁתִּ֣ין בְּקִ֔יר וְעָצ֥וּר וְעָז֖וּב בְּיִשְׂרָאֵֽל׃ weʾavad kal־beyt ʾaḥeʾav wehikheratiy leʾaḥeʾav mashetiyn beqiyr weʿatsur weʿazuv beyiseraʾel׃

⁹ וְנָֽתַתִּי֙ אֶת־בֵּ֣ית אַחְאָ֔ב כְּבֵ֖ית יָרָבְעָ֣ם בֶּן־נְבָ֑ט וּכְבֵ֖ית בַּעְשָׁ֥א בֶן־אֲחִיָּֽה׃ wenatatiy ʾet־beyt ʾaḥeʾav keveyt yaraveʿam ben־nevaṭ ukheveyt baʿeshaʾ ven־ʾaḥiyah׃

¹⁰ וְאֶת־אִיזֶ֜בֶל יֹאכְל֧וּ הַכְּלָבִ֛ים בְּחֵ֥לֶק יִזְרְעֶ֖אל וְאֵ֣ין קֹבֵ֑ר וַיִּפְתַּ֥ח הַדֶּ֖לֶת וַיָּנֹֽס׃ weʾet־ʾiyzevel yoʾkhelu hakelaviym beḥeleq yizereʿeʾl weʾeyn qover wayifetaḥ hadelet wayanos׃

¹¹ וְיֵה֗וּא יָצָא֙ אֶל־עַבְדֵ֣י אֲדֹנָ֔יו וַיֹּ֤אמֶר לֹו֙ הֲשָׁלֹ֔ום מַדּ֛וּעַ בָּֽא־הַמְשֻׁגָּ֥ע הַזֶּ֖ה אֵלֶ֑יךָ וַיֹּ֣אמֶר אֲלֵיהֶ֔ם אַתֶּ֛ם יְדַעְתֶּ֥ם אֶת־הָאִ֖ישׁ וְאֶת־שִׂיחֹֽו׃ weyehuʾ yatsaʾ ʾel־ʿavedey ʾadonayw wayoʾmer low hashalowm maduaʿ baʾ־hameshugaʿ hazeh ʾeleykha wayoʾmer ʾaleyhem ʾatem yedaʿetem ʾet־haʾiysh weʾet־siyḥow׃

¹² וַיֹּאמְר֣וּ שֶׁ֔קֶר הַגֶּד־נָ֖א לָ֑נוּ וַיֹּ֗אמֶר כָּזֹ֤את וְכָזֹאת֙ אָמַ֤ר אֵלַי֙ לֵאמֹ֔ר כֹּ֚ה אָמַ֣ר יְהוָ֔ה מְשַׁחְתִּ֥יךָֽ לְמֶ֖לֶךְ אֶל־יִשְׂרָאֵֽל׃ wayoʾmeru sheqer haged־naʾ lanu wayoʾmer kazoʾt wekhazoʾt ʾamar ʾelay leʾmor koh ʾamar yehwah meshaḥetiykha lemelekhe ʾel־yiseraʾel׃

¹³ וַֽיְמַהֲר֗וּ וַיִּקְחוּ֙ אִ֣ישׁ בִּגְדֹ֔ו וַיָּשִׂ֥ימוּ תַחְתָּ֖יו אֶל־גֶּ֣רֶם הַֽמַּעֲלֹ֑ות וַֽיִּתְקְעוּ֙ בַּשֹּׁופָ֔ר וַיֹּאמְר֖וּ מָלַ֥ךְ יֵהֽוּא׃ wayemaharu wayiqeḥu ʾiysh bigedow wayasiymu taḥetayw ʾel־gerem hamaʿalowt wayiteqeʿu bashowfar wayoʾmeru malakhe yehuʾ׃

¹⁴ וַיִּתְקַשֵּׁ֗ר יֵה֛וּא בֶּן־יְהֹושָׁפָ֥ט בֶּן־נִמְשִׁ֖י אֶל־יֹורָ֑ם וְיֹורָם֩ הָיָ֨ה שֹׁמֵ֜ר בְּרָמֹ֣ת גִּלְעָ֗ד ה֚וּא וְכָל־יִשְׂרָאֵ֔ל מִפְּנֵ֥י חֲזָאֵ֖ל מֶֽלֶךְ־אֲרָֽם׃ wayiteqasher yehuʾ ben־yehowshafaṭ ben־nimeshiy ʾel־yowram weyowram hayah shomer beramot gileʿad huʾ wekhal־yiseraʾel mipeney ḥazaʾel melekhe־ʾaram׃

¹⁵ וַיָּשָׁב֩ יְהֹורָ֨ם הַמֶּ֜לֶךְ לְהִתְרַפֵּ֣א בִיְזְרְעֶ֗אל מִן־הַמַּכִּים֙ אֲשֶׁ֣ר יַכֻּ֣הוּ אֲרַמִּ֔ים בְּהִלָּ֣חֲמֹ֔ו אֶת־חֲזָאֵ֖ל מֶ֣לֶךְ אֲרָ֑ם וַיֹּ֤אמֶר יֵהוּא֙ אִם־יֵ֣שׁ נַפְשְׁכֶ֔ם אַל־יֵצֵ֤א פָלִיט֙ מִן־הָעִ֔יר לָלֶ֖כֶת [לְגִּיד כ] (לְהַגִּ֥יד ק) בְּיִזְרְעֶֽאל׃ wayashav yehowram hamelekhe lehiterapeʾ viyezereʿeʾl min־hamakiym ʾasher yakuhu ʾaramiym behilaḥamow ʾet־ḥazaʾel melekhe ʾaram wayoʾmer yehuʾ ʾim־yesh nafeshekhem ʾal־yetseʾ faliyṭ min־haʿiyr lalekhet [legiyd kh] (lehagiyd q) beyizereʿeʾl׃

¹⁶ וַיִּרְכַּ֤ב יֵהוּא֙ וַיֵּ֣לֶךְ יִזְרְעֶ֔אלָה כִּ֥י יֹורָ֖ם שֹׁכֵ֣ב שָׁ֑מָּה וַֽאֲחַזְיָה֙ מֶ֣לֶךְ יְהוּדָ֔ה יָרַ֖ד לִרְאֹ֥ות אֶת־יֹורָֽם׃ wayirekav yehuʾ wayelekhe yizereʿeʾlah kiy yowram shokhev shamah waʾaḥazeyah melekhe yehudah yarad lireʾowt ʾet־yowram׃

¹⁷ וְהַצֹּפֶה֩ עֹמֵ֨ד עַֽל־הַמִּגְדָּ֜ל בְּיִזְרְעֶ֗אל וַיַּ֞רְא אֶת־שִׁפְעַ֤ת יֵהוּא֙ בְּבֹאֹ֔ו וַיֹּ֕אמֶר שִׁפְעַ֖ת אֲנִ֣י רֹאֶ֑ה וַיֹּ֣אמֶר יְהֹורָ֗ם קַ֥ח רַכָּ֛ב וּֽשְׁלַ֥ח לִקְרָאתָ֖ם וְיֹאמַ֥ר הֲשָׁלֹֽום׃ wehatsofeh ʿomed ʿal־hamigedal beyizereʿeʾl wayareʾ ʾet־shifeʿat yehuʾ bevoʾow wayoʾmer shifeʿat ʾaniy roʾeh wayoʾmer yehowram qaḥ rakav ushelaḥ liqeraʾtam weyoʾmar hashalowm׃

¹⁸ וַיֵּלֶךְ֩ רֹכֵ֨ב הַסּ֜וּס לִקְרָאתֹ֗ו וַיֹּ֙אמֶר֙ כֹּֽה־אָמַ֤ר הַמֶּ֙לֶךְ֙ הֲשָׁלֹ֔ום וַיֹּ֧אמֶר יֵה֛וּא מַה־לְּךָ֥ וּלְשָׁלֹ֖ום סֹ֣ב אֶֽל־אַחֲרָ֑י וַיַּגֵּ֤ד הַצֹּפֶה֙ לֵאמֹ֔ר בָּֽא־הַמַּלְאָ֥ךְ עַד־הֵ֖ם וְלֹֽא־שָֽׁב׃ wayelekhe rokhev hasus liqeraʾtow wayoʾmer koh־ʾamar hamelekhe hashalowm wayoʾmer yehuʾ mah־lekha uleshalowm sov ʾel־ʾaḥaray wayaged hatsofeh leʾmor baʾ־hamaleʾakhe ʿad־hem weloʾ־shav׃

¹⁹ וַיִּשְׁלַ֗ח רֹכֵ֣ב סוּס֮ שֵׁנִי֒ וַיָּבֹ֣א אֲלֵהֶ֔ם וַיֹּ֛אמֶר כֹּֽה־אָמַ֥ר הַמֶּ֖לֶךְ שָׁלֹ֑ום וַיֹּ֧אמֶר יֵה֛וּא מַה־לְּךָ֥ וּלְשָׁלֹ֖ום סֹ֥ב אֶֽל־אַחֲרָֽי׃ wayishelaḥ rokhev sus sheniy wayavoʾ ʾalehem wayoʾmer koh־ʾamar hamelekhe shalowm wayoʾmer yehuʾ mah־lekha uleshalowm sov ʾel־ʾaḥaray׃

²⁰ וַיַּגֵּ֤ד הַצֹּפֶה֙ לֵאמֹ֔ר בָּ֥א עַד־אֲלֵיהֶ֖ם וְלֹֽא־שָׁ֑ב וְהַמִּנְהָ֗ג כְּמִנְהַג֙ יֵה֣וּא בֶן־נִמְשִׁ֔י כִּ֥י בְשִׁגָּעֹ֖ון יִנְהָֽג׃ wayaged hatsofeh leʾmor baʾ ʿad־ʾaleyhem weloʾ־shav wehaminehag keminehag yehuʾ ven־nimeshiy kiy veshigaʿown yinehag׃

²¹ וַיֹּ֤אמֶר יְהֹורָם֙ אֱסֹ֔ר וַיֶּאְסֹ֖ר רִכְבֹּ֑ו וַיֵּצֵ֣א יְהֹורָ֣ם מֶֽלֶךְ־יִ֠שְׂרָאֵל וַאֲחַזְיָ֨הוּ מֶֽלֶךְ־יְהוּדָ֜ה אִ֣ישׁ בְּרִכְבֹּ֗ו וַיֵּֽצְאוּ֙ לִקְרַ֣את יֵה֔וּא וַיִּמְצָאֻ֔הוּ בְּחֶלְקַ֖ת נָבֹ֥ות הַיִּזְרְעֵאלִֽי׃ wayoʾmer yehowram ʾesor wayeʾesor rikhebow wayetseʾ yehowram melekhe־yiseraʾel waʾaḥazeyahu melekhe־yehudah ʾiysh berikhebow wayetseʾu liqeraʾt yehuʾ wayimetsaʾuhu beḥeleqat navowt hayizereʿeʾliy׃

²² וַיְהִ֗י כִּרְאֹ֤ות יְהֹורָם֙ אֶת־יֵה֔וּא וַיֹּ֖אמֶר הֲשָׁלֹ֣ום יֵה֑וּא וַיֹּ֙אמֶר֙ מָ֣ה הַשָּׁלֹ֔ום עַד־זְנוּנֵ֞י אִיזֶ֧בֶל אִמְּךָ֛ וּכְשָׁפֶ֖יהָ הָרַבִּֽים׃ wayehiy kireʾowt yehowram ʾet־yehuʾ wayoʾmer hashalowm yehuʾ wayoʾmer mah hashalowm ʿad־zenuney ʾiyzevel ʾimekha ukheshafeyha harabiym׃

²³ וַיַּהֲפֹ֧ךְ יְהֹורָ֛ם יָדָ֖יו וַיָּנֹ֑ס וַיֹּ֥אמֶר אֶל־אֲחַזְיָ֖הוּ מִרְמָ֥ה אֲחַזְיָֽה׃ wayahafokhe yehowram yadayw wayanos wayoʾmer ʾel־ʾaḥazeyahu miremah ʾaḥazeyah׃

²⁴ וְיֵה֞וּא מִלֵּ֧א יָדֹ֣ו בַקֶּ֗שֶׁת וַיַּ֤ךְ אֶת־יְהֹורָם֙ בֵּ֣ין זְרֹעָ֔יו וַיֵּצֵ֥א הַחֵ֖צִי מִלִּבֹּ֑ו וַיִּכְרַ֖ע בְּרִכְבֹּֽו׃ weyehuʾ mileʾ yadow vaqeshet wayakhe ʾet־yehowram beyn zeroʿayw wayetseʾ haḥetsiy milibow wayikheraʿ berikhebow׃

²⁵ וַיֹּ֗אמֶר אֶל־בִּדְקַר֙ [שְׁלֹשָׁה כ] (שָֽׁלִשֹׁ֔ו ק) א הַשְׁלִכֵ֔הוּ בְּחֶלְקַ֕ת שְׂדֵ֖ה נָבֹ֣ות הַיִּזְרְעֵאלִ֑י כִּֽי־זְכֹ֞ר אֲנִ֣י וָאַ֗תָּה אֵ֣ת רֹכְבִ֤ים צְמָדִים֙ אַֽחֲרֵי֙ אַחְאָ֣ב אָבִ֔יו וַֽיהוָה֙ נָשָׂ֣א עָלָ֔יו אֶת־הַמַּשָּׂ֖א הַזֶּֽה׃ wayoʾmer ʾel־bideqar [sheloshah kh] (shalishow q) ʾ hashelikhehu beḥeleqat sedeh navowt hayizereʿeʾliy kiy־zekhor ʾaniy waʾatah ʾet rokheviym tsemadiym ʾaḥarey ʾaḥeʾav ʾaviyw wayhwah nasaʾ ʿalayw ʾet־hamasaʾ hazeh׃

²⁶ אִם־לֹ֡א אֶת־דְּמֵ֣י נָבֹות֩ וְאֶת־דְּמֵ֨י בָנָ֜יו רָאִ֤יתִי אֶ֙מֶשׁ֙ נְאֻם־יְהוָ֔ה וְשִׁלַּמְתִּ֥י לְךָ֛ בַּחֶלְקָ֥ה הַזֹּ֖את נְאֻם־יְהוָ֑ה וְעַתָּ֗ה שָׂ֧א הַשְׁלִכֵ֛הוּ בַּחֶלְקָ֖ה כִּדְבַ֥ר יְהוָֽה׃ ʾim־loʾ ʾet־demey navowt weʾet־demey vanayw raʾiytiy ʾemesh neʾum־yehwah weshilametiy lekha baḥeleqah hazoʾt neʾum־yehwah weʿatah saʾ hashelikhehu baḥeleqah kidevar yehwah׃

²⁷ וַאֲחַזְיָ֤ה מֶֽלֶךְ־יְהוּדָה֙ רָאָ֔ה וַיָּ֕נָס דֶּ֖רֶךְ בֵּ֣ית הַגָּ֑ן וַיִּרְדֹּ֨ף אַחֲרָ֜יו יֵה֗וּא וַ֠יֹּאמֶר גַּם־אֹתֹ֞ו הַכֻּ֣הוּ אֶל־הַמֶּרְכָּבָ֗ה בְּמַֽעֲלֵה־גוּר֙ אֲשֶׁ֣ר אֶֽת־יִבְלְעָ֔ם וַיָּ֥נָס מְגִדֹּ֖ו וַיָּ֥מָת שָֽׁם׃ waʾaḥazeyah melekhe־yehudah raʾah wayanas derekhe beyt hagan wayiredof ʾaḥarayw yehuʾ wayoʾmer gam־ʾotow hakuhu ʾel־hamerekavah bemaʿaleh־gur ʾasher ʾet־yiveleʿam wayanas megidow wayamat sham׃

²⁸ וַיַּרְכִּ֧בוּ אֹתֹ֛ו עֲבָדָ֖יו יְרוּשָׁלְָ֑מָה וַיִּקְבְּר֨וּ אֹתֹ֧ו בִקְבֻרָתֹ֛ו עִם־אֲבֹתָ֖יו בְּעִ֥יר דָּוִֽד׃ פ wayarekivu ʾotow ʿavadayw yerushalemah wayiqeberu ʾotow viqevuratow ʿim־ʾavotayw beʿiyr dawid׃ f

²⁹ וּבִשְׁנַת֙ אַחַ֣ת עֶשְׂרֵ֣ה שָׁנָ֔ה לְיֹורָ֖ם בֶּן־אַחְאָ֑ב מָלַ֥ךְ אֲחַזְיָ֖ה עַל־יְהוּדָֽה׃ uvishenat ʾaḥat ʿesereh shanah leyowram ben־ʾaḥeʾav malakhe ʾaḥazeyah ʿal־yehudah׃

³⁰ וַיָּבֹ֥וא יֵה֖וּא יִזְרְעֶ֑אלָה וְאִיזֶ֣בֶל שָׁמְעָ֗ה וַתָּ֨שֶׂם בַּפּ֤וּךְ עֵינֶ֙יהָ֙ וַתֵּ֣יטֶב אֶת־רֹאשָׁ֔הּ וַתַּשְׁקֵ֖ף בְּעַ֥ד הַחַלֹּֽון׃ wayavowʾ yehuʾ yizereʿeʾlah weʾiyzevel shameʿah watasem bapukhe ʿeyneyha wateyṭev ʾet־roʾshah watasheqef beʿad haḥalown׃

³¹ וְיֵה֖וּא בָּ֣א בַשָּׁ֑עַר וַתֹּ֣אמֶר הֲשָׁלֹ֔ום זִמְרִ֖י הֹרֵ֥ג אֲדֹנָֽיו׃ weyehuʾ baʾ vashaʿar watoʾmer hashalowm zimeriy horeg ʾadonayw׃

³² וַיִּשָּׂ֤א פָנָיו֙ אֶל־הַ֣חַלֹּ֔ון וַיֹּ֕אמֶר מִ֥י אִתִּ֖י מִ֑י וַיַּשְׁקִ֣יפוּ אֵלָ֔יו שְׁנַ֥יִם שְׁלֹשָׁ֖ה סָרִיסִֽים׃ wayisaʾ fanayw ʾel־haḥalown wayoʾmer miy ʾitiy miy wayasheqiyfu ʾelayw shenayim sheloshah sariysiym׃

³³ וַיֹּ֥אמֶר [שִׁמְטֻהוּ כ] (שִׁמְט֖וּהָ ק) וַֽיִּשְׁמְט֑וּהָ וַיִּ֨ז מִדָּמָ֧הּ אֶל־הַקִּ֛יר וְאֶל־הַסּוּסִ֖ים וַֽיִּרְמְסֶֽנָּה׃ wayoʾmer [shimeṭuhu kh] (shimeṭuah q) wayishemeṭuah wayiz midamah ʾel־haqiyr weʾel־hasusiym wayiremesenah׃

³⁴ וַיָּבֹ֖א וַיֹּ֣אכַל וַיֵּ֑שְׁתְּ וַיֹּ֗אמֶר פִּקְדוּ־נָ֞א אֶת־הָאֲרוּרָ֤ה הַזֹּאת֙ וְקִבְר֔וּהָ כִּ֥י בַת־מֶ֖לֶךְ הִֽיא׃ wayavoʾ wayoʾkhal wayeshete wayoʾmer piqedu־naʾ ʾet־haʾarurah hazoʾt weqiveruah kiy vat־melekhe hiyʾ׃

³⁵ וַיֵּלְכ֖וּ לְקָבְרָ֑הּ וְלֹא־מָ֣צְאוּ בָ֗הּ כִּ֧י אִם־הַגֻּלְגֹּ֛לֶת וְהָרַגְלַ֖יִם וְכַפֹּ֥ות הַיָּדָֽיִם׃ wayelekhu leqaverah weloʾ־matseʾu vah kiy ʾim־hagulegolet weharagelayim wekhapowt hayadayim׃

³⁶ וַיָּשֻׁבוּ֮ וַיַּגִּ֣ידוּ לֹו֒ וַיֹּ֙אמֶר֙ דְּבַר־יְהוָ֣ה ה֔וּא אֲשֶׁ֣ר דִּבֶּ֗ר בְּיַד־עַבְדֹּ֛ו אֵלִיָּ֥הוּ הַתִּשְׁבִּ֖י לֵאמֹ֑ר בְּחֵ֣לֶק יִזְרְעֶ֔אל יֹאכְל֥וּ הַכְּלָבִ֖ים אֶת־בְּשַׂ֥ר אִיזָֽבֶל׃ wayashuvu wayagiydu low wayoʾmer devar־yehwah huʾ ʾasher diber beyad־ʿavedow ʾeliyahu hatishebiy leʾmor beḥeleq yizereʿeʾl yoʾkhelu hakelaviym ʾet־besar ʾiyzavel׃

³⁷ [וְהָיָת כ] (וְֽהָיְתָ֞ה ק) נִבְלַ֣ת אִיזֶ֗בֶל כְּדֹ֛מֶן עַל־פְּנֵ֥י הַשָּׂדֶ֖ה בְּחֵ֣לֶק יִזְרְעֶ֑אל אֲשֶׁ֥ר לֹֽא־יֹאמְר֖וּ זֹ֥את אִיזָֽבֶל׃ פ [wehayat kh] (wehayetah q) nivelat ʾiyzevel kedomen ʿal־peney hasadeh beḥeleq yizereʿeʾl ʾasher loʾ־yoʾmeru zoʾt ʾiyzavel׃ f