2 Chroniques 11

¹ וַיָּבֹ֣א רְחַבְעָם֮ יְרוּשָׁלִַם֒ וַיַּקְהֵל֩ אֶת־בֵּ֨ית יְהוּדָ֜ה וּבִנְיָמִ֗ן מֵאָ֨ה וּשְׁמֹונִ֥ים אֶ֛לֶף בָּח֖וּר עֹשֵׂ֣ה מִלְחָמָ֑ה לְהִלָּחֵם֙ עִם־יִשְׂרָאֵ֔ל לְהָשִׁ֥יב אֶת־הַמַּמְלָכָ֖ה לִרְחַבְעָֽם׃ פ wayavoʾ reḥaveʿam yerushalim wayaqehel ʾet־beyt yehudah uvineyamin meʾah ushemowniym ʾelef baḥur ʿoseh mileḥamah lehilaḥem ʿim־yiseraʾel lehashiyv ʾet־hamamelakhah lireḥaveʿam׃ f

² וַיְהִי֙ דְּבַר־יְהוָ֔ה אֶל־שְׁמַֽעְיָ֥הוּ אִישׁ־הָאֱלֹהִ֖ים לֵאמֹֽר׃ wayehiy devar־yehwah ʾel־shemaʿeyahu ʾiysh־haʾelohiym leʾmor׃

³ אֱמֹ֕ר אֶל־רְחַבְעָ֥ם בֶּן־שְׁלֹמֹ֖ה מֶ֣לֶךְ יְהוּדָ֑ה וְאֶל֙ כָּל־יִשְׂרָאֵ֔ל בִּיהוּדָ֥ה וּבִנְיָמִ֖ן לֵאמֹֽר׃ ʾemor ʾel־reḥaveʿam ben־shelomoh melekhe yehudah weʾel kal־yiseraʾel biyhudah uvineyamin leʾmor׃

⁴ כֹּ֣ה אָמַ֣ר יְהוָ֡ה לֹא־תַעֲלוּ֩ וְלֹא־תִלָּ֨חֲמ֜וּ עִם־אֲחֵיכֶ֗ם וּבוּ אִ֣ישׁ לְבֵיתֹ֔ו כִּ֧י מֵֽאִתִּ֛י נִהְיָ֖ה הַדָּבָ֣ר הַזֶּ֑ה וַֽיִּשְׁמְעוּ֙ אֶת־דִּבְרֵ֣י יְהוָ֔ה וַיָּשֻׁ֖בוּ מִלֶּ֥כֶת אֶל־יָרָבְעָֽם׃ פ koh ʾamar yehwah loʾ־taʿalu weloʾ־tilaḥamu ʿim־ʾaḥeykhem uvu ʾiysh leveytow kiy meʾitiy niheyah hadavar hazeh wayishemeʿu ʾet־diverey yehwah wayashuvu milekhet ʾel־yaraveʿam׃ f

⁵ וַיֵּ֥שֶׁב רְחַבְעָ֖ם בִּירוּשָׁלִָ֑ם וַיִּ֧בֶן עָרִ֛ים לְמָצֹ֖ור בִּיהוּדָֽה׃ wayeshev reḥaveʿam biyrushalim wayiven ʿariym lematsowr biyhudah׃

⁶ וַיִּ֧בֶן אֶת־בֵּֽית־לֶ֛חֶם וְאֶת־עֵיטָ֖ם וְאֶת־תְּקֹֽועַ׃ wayiven ʾet־beyt־leḥem weʾet־ʿeyṭam weʾet־teqowʿa׃

⁷ וְאֶת־בֵּֽית־צ֥וּר וְאֶת־שֹׂוכֹ֖ו וְאֶת־עֲדֻלָּֽם׃ weʾet־beyt־tsur weʾet־sowkhow weʾet־ʿadulam׃

⁸ וְאֶת־גַּ֥ת וְאֶת־מָרֵשָׁ֖ה וְאֶת־זִֽיף׃ weʾet־gat weʾet־mareshah weʾet־ziyf׃

⁹ וְאֶת־אֲדֹורַ֥יִם וְאֶת־לָכִ֖ישׁ וְאֶת־עֲזֵקָֽה׃ weʾet־ʾadowrayim weʾet־lakhiysh weʾet־ʿazeqah׃

¹⁰ וְאֶת־צָרְעָה֙ וְאֶת־אַיָּלֹ֔ון וְאֶת־חֶבְרֹ֔ון אֲשֶׁ֥ר בִּיהוּדָ֖ה וּבְבִנְיָמִ֑ן עָרֵ֖י מְצֻרֹֽות׃ weʾet־tsareʿah weʾet־ʾayalown weʾet־ḥeverown ʾasher biyhudah uvevineyamin ʿarey metsurowt׃

¹¹ וַיְחַזֵּ֖ק אֶת־הַמְּצֻרֹ֑ות וַיִּתֵּ֤ן בָּהֶם֙ נְגִידִ֔ים וְאֹצְרֹ֥ות מַאֲכָ֖ל וְשֶׁ֥מֶן וָיָֽיִן׃ wayeḥazeq ʾet־hametsurowt wayiten bahem negiydiym weʾotserowt maʾakhal weshemen wayayin׃

¹² וּבְכָל־עִ֤יר וָעִיר֙ צִנֹּ֣ות וּרְמָחִ֔ים וַֽיְחַזְּקֵ֖ם לְהַרְבֵּ֣ה מְאֹ֑ד וַיְהִי־לֹ֖ו יְהוּדָ֥ה וּבִנְיָמִֽן׃ ס uvekhal־ʿiyr waʿiyr tsinowt uremaḥiym wayeḥazeqem leharebeh meʾod wayehiy־low yehudah uvineyamin׃ s

¹³ וְהַכֹּהֲנִים֙ וְהַלְוִיִּ֔ם אֲשֶׁ֖ר בְּכָל־יִשְׂרָאֵ֑ל הִֽתְיַצְּב֥וּ עָלָ֖יו מִכָּל־גְּבוּלָֽם׃ wehakohaniym wehalewiyim ʾasher bekhal־yiseraʾel hiteyatsevu ʿalayw mikal־gevulam׃

¹⁴ כִּֽי־עָזְב֣וּ הַלְוִיִּ֗ם אֶת־מִגְרְשֵׁיהֶם֙ וַאֲחֻזָּתָ֔ם וַיֵּלְכ֥וּ לִיהוּדָ֖ה וְלִֽירוּשָׁלִָ֑ם כִּֽי־הִזְנִיחָ֤ם יָֽרָבְעָם֙ וּבָנָ֔יו מִכַּהֵ֖ן לַיהוָֽה׃ kiy־ʿazevu halewiyim ʾet־migeresheyhem waʾaḥuzatam wayelekhu liyhudah weliyrushalim kiy־hizeniyḥam yaraveʿam uvanayw mikahen layhwah׃

¹⁵ וַיַּֽעֲמֶד־לֹו֙ כֹּֽהֲנִ֔ים לַבָּמֹ֖ות וְלַשְּׂעִירִ֑ים וְלָעֲגָלִ֖ים אֲשֶׁ֥ר עָשָֽׂה׃ wayaʿamed־low kohaniym labamowt welaseʿiyriym welaʿagaliym ʾasher ʿasah׃

¹⁶ וְאַחֲרֵיהֶ֗ם מִכֹּל֙ שִׁבְטֵ֣י יִשְׂרָאֵ֔ל הַנֹּֽתְנִים֙ אֶת־לְבָבָ֔ם לְבַקֵּ֕שׁ אֶת־יְהוָ֖ה אֱלֹהֵ֣י יִשְׂרָאֵ֑ל בָּ֚אוּ יְר֣וּשָׁלִַ֔ם לִזְבֹּ֕וחַ לַיהוָ֖ה אֱלֹהֵ֥י אֲבֹותֵיהֶֽם׃ weʾaḥareyhem mikol shiveṭey yiseraʾel hanoteniym ʾet־levavam levaqesh ʾet־yehwah ʾelohey yiseraʾel baʾu yerushalim lizebowḥa layhwah ʾelohey ʾavowteyhem׃

¹⁷ וַֽיְחַזְּקוּ֙ אֶת־מַלְכ֣וּת יְהוּדָ֔ה וַֽיְאַמְּצ֛וּ אֶת־רְחַבְעָ֥ם בֶּן־שְׁלֹמֹ֖ה לְשָׁנִ֣ים שָׁלֹ֑ושׁ כִּ֣י הָֽלְכ֗וּ בְּדֶ֧רֶךְ דָּוִ֛יד וּשְׁלֹמֹ֖ה לְשָׁנִ֥ים שָׁלֹֽושׁ׃ wayeḥazequ ʾet־malekhut yehudah wayeʾametsu ʾet־reḥaveʿam ben־shelomoh leshaniym shalowsh kiy halekhu bederekhe dawiyd ushelomoh leshaniym shalowsh׃

¹⁸ וַיִּֽקַּֽח־לֹ֤ו רְחַבְעָם֙ אִשָּׁ֔ה אֶת־מָ֣חֲלַ֔ת [בֶּן כ] (בַּת־יְרִימֹ֖ות ק) בֶּן־דָּוִ֑יד אֲבִיהַ֕יִל בַּת־אֱלִיאָ֖ב בֶּן־יִשָֽׁי׃ wayiqaḥ־low reḥaveʿam ʾishah ʾet־maḥalat [ben kh] (bat־yeriymowt q) ben־dawiyd ʾaviyhayil bat־ʾeliyʾav ben־yishay׃

¹⁹ וַתֵּ֥לֶד לֹ֖ו בָּנִ֑ים אֶת־יְע֥וּשׁ וְאֶת־שְׁמַרְיָ֖ה וְאֶת־זָֽהַם׃ wateled low baniym ʾet־yeʿush weʾet־shemareyah weʾet־zaham׃

²⁰ וְאַחֲרֶ֣יהָ לָקַ֔ח אֶֽת־מַעֲכָ֖ה בַּת־אַבְשָׁלֹ֑ום וַתֵּ֣לֶד לֹ֗ו אֶת־אֲבִיָּה֙ וְאֶת־עַתַּ֔י וְאֶת־זִיזָ֖א וְאֶת־שְׁלֹמִֽית׃ weʾaḥareyha laqaḥ ʾet־maʿakhah bat־ʾaveshalowm wateled low ʾet־ʾaviyah weʾet־ʿatay weʾet־ziyzaʾ weʾet־shelomiyt׃

²¹ וַיֶּאֱהַ֨ב רְחַבְעָ֜ם אֶת־מַעֲכָ֣ה בַת־אַבְשָׁלֹ֗ום מִכָּל־נָשָׁיו֙ וּפִ֣ילַגְשָׁ֔יו כִּ֠י נָשִׁ֤ים שְׁמֹונֶֽה־עֶשְׂרֵה֙ נָשָׂ֔א וּפִֽילַגְשִׁ֖ים שִׁשִּׁ֑ים וַיֹּ֗ולֶד עֶשְׂרִ֧ים וּשְׁמֹונָ֛ה בָּנִ֖ים וְשִׁשִּׁ֥ים בָּנֹֽות׃ wayeʾehav reḥaveʿam ʾet־maʿakhah vat־ʾaveshalowm mikal־nashayw ufiylageshayw kiy nashiym shemowneh־ʿesereh nasaʾ ufiylageshiym shishiym wayowled ʿeseriym ushemownah baniym weshishiym banowt׃

²² וַיַּֽעֲמֵ֨ד לָרֹ֧אשׁ רְחַבְעָ֛ם אֶת־אֲבִיָּ֥ה בֶֽן־מַעֲכָ֖ה לְנָגִ֣יד בְּאֶחָ֑יו כִּ֖י לְהַמְלִיכֹֽו׃ wayaʿamed laroʾsh reḥaveʿam ʾet־ʾaviyah ven־maʿakhah lenagiyd beʾeḥayw kiy lehameliykhow׃

²³ וַיָּבֶן֩ וַיִּפְרֹ֨ץ מִכָּל־בָּנָ֜יו לְֽכָל־אַרְצֹ֧ות יְהוּדָ֣ה וּבִנְיָמִ֗ן לְכֹל֙ עָרֵ֣י הַמְּצֻרֹ֔ות וַיִּתֵּ֥ן לָהֶ֛ם הַמָּזֹ֖ון לָרֹ֑ב וַיִּשְׁאַ֖ל הֲמֹ֥ון נָשִֽׁים׃ wayaven wayiferots mikal־banayw lekhal־ʾaretsowt yehudah uvineyamin lekhol ʿarey hametsurowt wayiten lahem hamazown larov wayisheʾal hamown nashiym׃