Jonas 1

¹ וַֽיְהִי֙ דְּבַר־יְהוָ֔ה אֶל־יֹונָ֥ה בֶן־אֲמִתַּ֖י לֵאמֹֽר׃ wayehiy devar־yehwah ʾel־yownah ven־ʾamitay leʾmor׃

² ק֠וּם לֵ֧ךְ אֶל־נִֽינְוֵ֛ה הָעִ֥יר הַגְּדֹולָ֖ה וּקְרָ֣א עָלֶ֑יהָ כִּֽי־עָלְתָ֥ה רָעָתָ֖ם לְפָנָֽי׃ qum lekhe ʾel־niyneweh haʿiyr hagedowlah uqeraʾ ʿaleyha kiy־ʿaletah raʿatam lefanay׃

³ וַיָּ֤קָם יֹונָה֙ לִבְרֹ֣חַ תַּרְשִׁ֔ישָׁה מִלִּפְנֵ֖י יְהוָ֑ה וַיֵּ֨רֶד יָפֹ֜ו וַיִּמְצָ֥א אָנִיָּ֣ה ׀ בָּאָ֣ה תַרְשִׁ֗ישׁ וַיִּתֵּ֨ן שְׂכָרָ֜הּ וַיֵּ֤רֶד בָּהּ֙ לָבֹ֤וא עִמָּהֶם֙ תַּרְשִׁ֔ישָׁה מִלִּפְנֵ֖י יְהוָֽה׃ wayaqam yownah liveroaḥ tareshiyshah milifeney yehwah wayered yafow wayimetsaʾ ʾaniyah ׀ baʾah tareshiysh wayiten sekharah wayered bah lavowʾ ʿimahem tareshiyshah milifeney yehwah׃

⁴ וַֽיהוָ֗ה הֵטִ֤יל רֽוּחַ־גְּדֹולָה֙ אֶל־הַיָּ֔ם וַיְהִ֥י סַֽעַר־גָּדֹ֖ול בַּיָּ֑ם וְהָ֣אֳנִיָּ֔ה חִשְּׁבָ֖ה לְהִשָּׁבֵֽר׃ wayhwah heṭiyl ruaḥ־gedowlah ʾel־hayam wayehiy saʿar־gadowl bayam wehaʾoniyah ḥishevah lehishaver׃

⁵ וַיִּֽירְא֣וּ הַמַּלָּחִ֗ים וַֽיִּזְעֲקוּ֮ אִ֣ישׁ אֶל־אֱלֹהָיו֒ וַיָּטִ֨לוּ אֶת־הַכֵּלִ֜ים אֲשֶׁ֤ר בָּֽאֳנִיָּה֙ אֶל־הַיָּ֔ם לְהָקֵ֖ל מֵֽעֲלֵיהֶ֑ם וְיֹונָ֗ה יָרַד֙ אֶל־יַרְכְּתֵ֣י הַסְּפִינָ֔ה וַיִּשְׁכַּ֖ב וַיֵּרָדַֽם׃ wayiyreʾu hamalaḥiym wayizeʿaqu ʾiysh ʾel־ʾelohayw wayaṭilu ʾet־hakeliym ʾasher baʾoniyah ʾel־hayam lehaqel meʿaleyhem weyownah yarad ʾel־yareketey hasefiynah wayishekav wayeradam׃

⁶ וַיִּקְרַ֤ב אֵלָיו֙ רַ֣ב הַחֹבֵ֔ל וַיֹּ֥אמֶר לֹ֖ו מַה־לְּךָ֣ נִרְדָּ֑ם ק֚וּם קְרָ֣א אֶל־אֱלֹהֶ֔יךָ אוּלַ֞י יִתְעַשֵּׁ֧ת הָאֱלֹהִ֛ים לָ֖נוּ וְלֹ֥א נֹאבֵֽד׃ wayiqerav ʾelayw rav haḥovel wayoʾmer low mah־lekha niredam qum qeraʾ ʾel־ʾeloheykha ʾulay yiteʿashet haʾelohiym lanu weloʾ noʾved׃

⁷ וַיֹּאמְר֞וּ אִ֣ישׁ אֶל־רֵעֵ֗הוּ לְכוּ֙ וְנַפִּ֣ילָה גֹֽורָלֹ֔ות וְנֵ֣דְעָ֔ה בְּשֶׁלְּמִ֛י הָרָעָ֥ה הַזֹּ֖את לָ֑נוּ וַיַּפִּ֙לוּ֙ גֹּֽורָלֹ֔ות וַיִּפֹּ֥ל הַגֹּורָ֖ל עַל־יֹונָֽה׃ wayoʾmeru ʾiysh ʾel־reʿehu lekhu wenapiylah gowralowt wenedeʿah beshelemiy haraʿah hazoʾt lanu wayapilu gowralowt wayipol hagowral ʿal־yownah׃

⁸ וַיֹּאמְר֣וּ אֵלָ֔יו הַגִּידָה־נָּ֣א לָ֔נוּ בַּאֲשֶׁ֛ר לְמִי־הָרָעָ֥ה הַזֹּ֖את לָ֑נוּ מַה־מְּלַאכְתְּךָ֙ וּמֵאַ֣יִן תָּבֹ֔וא מָ֣ה אַרְצֶ֔ךָ וְאֵֽי־מִזֶּ֥ה עַ֖ם אָֽתָּה׃ wayoʾmeru ʾelayw hagiydah־naʾ lanu baʾasher lemiy־haraʿah hazoʾt lanu mah־melaʾkhetekha umeʾayin tavowʾ mah ʾaretsekha weʾey־mizeh ʿam ʾatah׃

⁹ וַיֹּ֥אמֶר אֲלֵיהֶ֖ם עִבְרִ֣י אָנֹ֑כִי וְאֶת־יְהוָ֞ה אֱלֹהֵ֤י הַשָּׁמַ֙יִם֙ אֲנִ֣י יָרֵ֔א אֲשֶׁר־עָשָׂ֥ה אֶת־הַיָּ֖ם וְאֶת־הַיַּבָּשָֽׁה׃ wayoʾmer ʾaleyhem ʿiveriy ʾanokhiy weʾet־yehwah ʾelohey hashamayim ʾaniy yareʾ ʾasher־ʿasah ʾet־hayam weʾet־hayabashah׃

¹⁰ וַיִּֽירְא֤וּ הָֽאֲנָשִׁים֙ יִרְאָ֣ה גְדֹולָ֔ה וַיֹּאמְר֥וּ אֵלָ֖יו מַה־זֹּ֣את עָשִׂ֑יתָ כִּֽי־יָדְע֣וּ הָאֲנָשִׁ֗ים כִּֽי־מִלִּפְנֵ֤י יְהוָה֙ ה֣וּא בֹרֵ֔חַ כִּ֥י הִגִּ֖יד לָהֶֽם׃ wayiyreʾu haʾanashiym yireʾah gedowlah wayoʾmeru ʾelayw mah־zoʾt ʿasiyta kiy־yadeʿu haʾanashiym kiy־milifeney yehwah huʾ voreaḥ kiy higiyd lahem׃

¹¹ וַיֹּאמְר֤וּ אֵלָיו֙ מַה־נַּ֣עֲשֶׂה לָּ֔ךְ וְיִשְׁתֹּ֥ק הַיָּ֖ם מֵֽעָלֵ֑ינוּ כִּ֥י הַיָּ֖ם הֹולֵ֥ךְ וְסֹעֵֽר׃ wayoʾmeru ʾelayw mah־naʿaseh lakhe weyishetoq hayam meʿaleynu kiy hayam howlekhe wesoʿer׃

¹² וַיֹּ֣אמֶר אֲלֵיהֶ֗ם שָׂא֙וּנִי֙ וַהֲטִילֻ֣נִי אֶל־הַיָּ֔ם וְיִשְׁתֹּ֥ק הַיָּ֖ם מֵֽעֲלֵיכֶ֑ם כִּ֚י יֹודֵ֣עַ אָ֔נִי כִּ֣י בְשֶׁלִּ֔י הַסַּ֧עַר הַגָּדֹ֛ול הַזֶּ֖ה עֲלֵיכֶֽם׃ wayoʾmer ʾaleyhem saʾuniy wahaṭiyluniy ʾel־hayam weyishetoq hayam meʿaleykhem kiy yowdeaʿ ʾaniy kiy vesheliy hasaʿar hagadowl hazeh ʿaleykhem׃

¹³ וַיַּחְתְּר֣וּ הָאֲנָשִׁ֗ים לְהָשִׁ֛יב אֶל־הַיַּבָּשָׁ֖ה וְלֹ֣א יָכֹ֑לוּ כִּ֣י הַיָּ֔ם הֹולֵ֥ךְ וְסֹעֵ֖ר עֲלֵיהֶֽם׃ wayaḥeteru haʾanashiym lehashiyv ʾel־hayabashah weloʾ yakholu kiy hayam howlekhe wesoʿer ʿaleyhem׃

¹⁴ וַיִּקְרְא֨וּ אֶל־יְהוָ֜ה וַיֹּאמְר֗וּ אָנָּ֤ה יְהוָה֙ אַל־נָ֣א נֹאבְדָ֗ה בְּנֶ֙פֶשׁ֙ הָאִ֣ישׁ הַזֶּ֔ה וְאַל־תִּתֵּ֥ן עָלֵ֖ינוּ דָּ֣ם נָקִ֑יא כִּֽי־אַתָּ֣ה יְהוָ֔ה כַּאֲשֶׁ֥ר חָפַ֖צְתָּ עָשִֽׂיתָ׃ wayiqereʾu ʾel־yehwah wayoʾmeru ʾanah yehwah ʾal־naʾ noʾvedah benefesh haʾiysh hazeh weʾal־titen ʿaleynu dam naqiyʾ kiy־ʾatah yehwah kaʾasher ḥafatseta ʿasiyta׃

¹⁵ וַיִּשְׂאוּ֙ אֶת־יֹונָ֔ה וַיְטִלֻ֖הוּ אֶל־הַיָּ֑ם וַיַּעֲמֹ֥ד הַיָּ֖ם מִזַּעְפֹּֽו׃ wayiseʾu ʾet־yownah wayeṭiluhu ʾel־hayam wayaʿamod hayam mizaʿepow׃

¹⁶ וַיִּֽירְא֧וּ הָאֲנָשִׁ֛ים יִרְאָ֥ה גְדֹולָ֖ה אֶת־יְהוָ֑ה וַיִּֽזְבְּחוּ־זֶ֙בַח֙ לַֽיהוָ֔ה וַֽיִּדְּר֖וּ נְדָרִֽים׃ wayiyreʾu haʾanashiym yireʾah gedowlah ʾet־yehwah wayizebeḥu־zevaḥ layhwah wayideru nedariym׃