Genèse 47

¹ וַיָּבֹ֣א יֹוסֵף֮ וַיַּגֵּ֣ד לְפַרְעֹה֒ וַיֹּ֗אמֶר אָבִ֨י וְאַחַ֜י וְצֹאנָ֤ם וּבְקָרָם֙ וְכָל־אֲשֶׁ֣ר לָהֶ֔ם בָּ֖אוּ מֵאֶ֣רֶץ כְּנָ֑עַן וְהִנָּ֖ם בְּאֶ֥רֶץ גֹּֽשֶׁן׃ wayavoʾ yowsef wayaged lefareʿoh wayoʾmer ʾaviy weʾaḥay wetsoʾnam uveqaram wekhal־ʾasher lahem baʾu meʾerets kenaʿan wehinam beʾerets goshen׃

² וּמִקְצֵ֣ה אֶחָ֔יו לָקַ֖ח חֲמִשָּׁ֣ה אֲנָשִׁ֑ים וַיַּצִּגֵ֖ם לִפְנֵ֥י פַרְעֹֽה׃ umiqetseh ʾeḥayw laqaḥ ḥamishah ʾanashiym wayatsigem lifeney fareʿoh׃

³ וַיֹּ֧אמֶר פַּרְעֹ֛ה אֶל־אֶחָ֖יו מַה־מַּעֲשֵׂיכֶ֑ם וַיֹּאמְר֣וּ אֶל־פַּרְעֹ֗ה רֹעֵ֥ה צֹאן֙ עֲבָדֶ֔יךָ גַּם־אֲנַ֖חְנוּ גַּם־אֲבֹותֵֽינוּ׃ wayoʾmer pareʿoh ʾel־ʾeḥayw mah־maʿaseykhem wayoʾmeru ʾel־pareʿoh roʿeh tsoʾn ʿavadeykha gam־ʾanaḥenu gam־ʾavowteynu׃

⁴ וַיֹּאמְר֣וּ אֶל־פַּרְעֹ֗ה לָג֣וּר בָּאָרֶץ֮ בָּאנוּ֒ כִּי־אֵ֣ין מִרְעֶ֗ה לַצֹּאן֙ אֲשֶׁ֣ר לַעֲבָדֶ֔יךָ כִּֽי־כָבֵ֥ד הָרָעָ֖ב בְּאֶ֣רֶץ כְּנָ֑עַן וְעַתָּ֛ה יֵֽשְׁבוּ־נָ֥א עֲבָדֶ֖יךָ בְּאֶ֥רֶץ גֹּֽשֶׁן׃ wayoʾmeru ʾel־pareʿoh lagur baʾarets baʾnu kiy־ʾeyn mireʿeh latsoʾn ʾasher laʿavadeykha kiy־khaved haraʿav beʾerets kenaʿan weʿatah yeshevu־naʾ ʿavadeykha beʾerets goshen׃

⁵ וַיֹּ֣אמֶר פַּרְעֹ֔ה אֶל־יֹוסֵ֖ף לֵאמֹ֑ר אָבִ֥יךָ וְאַחֶ֖יךָ בָּ֥אוּ אֵלֶֽיךָ׃ wayoʾmer pareʿoh ʾel־yowsef leʾmor ʾaviykha weʾaḥeykha baʾu ʾeleykha׃

⁶ אֶ֤רֶץ מִצְרַ֙יִם֙ לְפָנֶ֣יךָ הִ֔וא בְּמֵיטַ֣ב הָאָ֔רֶץ הֹושֵׁ֥ב אֶת־אָבִ֖יךָ וְאֶת־אַחֶ֑יךָ יֵשְׁבוּ֙ בְּאֶ֣רֶץ גֹּ֔שֶׁן וְאִם־יָדַ֗עְתָּ וְיֶשׁ־בָּם֙ אַנְשֵׁי־חַ֔יִל וְשַׂמְתָּ֛ם שָׂרֵ֥י מִקְנֶ֖ה עַל־אֲשֶׁר־לִֽי׃ ʾerets mitserayim lefaneykha hiwʾ bemeyṭav haʾarets howshev ʾet־ʾaviykha weʾet־ʾaḥeykha yeshevu beʾerets goshen weʾim־yadaʿeta weyesh־bam ʾaneshey־ḥayil wesametam sarey miqeneh ʿal־ʾasher־liy׃

⁷ וַיָּבֵ֤א יֹוסֵף֙ אֶת־יַֽעֲקֹ֣ב אָבִ֔יו וַיַּֽעֲמִדֵ֖הוּ לִפְנֵ֣י פַרְעֹ֑ה וַיְבָ֥רֶךְ יַעֲקֹ֖ב אֶת־פַּרְעֹֽה׃ wayaveʾ yowsef ʾet־yaʿaqov ʾaviyw wayaʿamidehu lifeney fareʿoh wayevarekhe yaʿaqov ʾet־pareʿoh׃

⁸ וַיֹּ֥אמֶר פַּרְעֹ֖ה אֶֽל־יַעֲקֹ֑ב כַּמָּ֕ה יְמֵ֖י שְׁנֵ֥י חַיֶּֽיךָ׃ wayoʾmer pareʿoh ʾel־yaʿaqov kamah yemey sheney ḥayeykha׃

⁹ וַיֹּ֤אמֶר יַעֲקֹב֙ אֶל־פַּרְעֹ֔ה יְמֵי֙ שְׁנֵ֣י מְגוּרַ֔י שְׁלֹשִׁ֥ים וּמְאַ֖ת שָׁנָ֑ה מְעַ֣ט וְרָעִ֗ים הָיוּ֙ יְמֵי֙ שְׁנֵ֣י חַיַּ֔י וְלֹ֣א הִשִּׂ֗יגוּ אֶת־יְמֵי֙ שְׁנֵי֙ חַיֵּ֣י אֲבֹתַ֔י בִּימֵ֖י מְגוּרֵיהֶֽם׃ wayoʾmer yaʿaqov ʾel־pareʿoh yemey sheney meguray sheloshiym umeʾat shanah meʿaṭ weraʿiym hayu yemey sheney ḥayay weloʾ hisiygu ʾet־yemey sheney ḥayey ʾavotay biymey megureyhem׃

¹⁰ וַיְבָ֥רֶךְ יַעֲקֹ֖ב אֶת־פַּרְעֹ֑ה וַיֵּצֵ֖א מִלִּפְנֵ֥י פַרְעֹֽה׃ wayevarekhe yaʿaqov ʾet־pareʿoh wayetseʾ milifeney fareʿoh׃

¹¹ וַיֹּושֵׁ֣ב יֹוסֵף֮ אֶת־אָבִ֣יו וְאֶת־אֶחָיו֒ וַיִּתֵּ֨ן לָהֶ֤ם אֲחֻזָּה֙ בְּאֶ֣רֶץ מִצְרַ֔יִם בְּמֵיטַ֥ב הָאָ֖רֶץ בְּאֶ֣רֶץ רַעְמְסֵ֑ס כַּאֲשֶׁ֖ר צִוָּ֥ה פַרְעֹֽה׃ wayowshev yowsef ʾet־ʾaviyw weʾet־ʾeḥayw wayiten lahem ʾaḥuzah beʾerets mitserayim bemeyṭav haʾarets beʾerets raʿemeses kaʾasher tsiuah fareʿoh׃

¹² וַיְכַלְכֵּ֤ל יֹוסֵף֙ אֶת־אָבִ֣יו וְאֶת־אֶחָ֔יו וְאֵ֖ת כָּל־בֵּ֣ית אָבִ֑יו לֶ֖חֶם לְפִ֥י הַטָּֽף׃ wayekhalekel yowsef ʾet־ʾaviyw weʾet־ʾeḥayw weʾet kal־beyt ʾaviyw leḥem lefiy haṭaf׃

¹³ וְלֶ֤חֶם אֵין֙ בְּכָל־הָאָ֔רֶץ כִּֽי־כָבֵ֥ד הָרָעָ֖ב מְאֹ֑ד וַתֵּ֜לַהּ אֶ֤רֶץ מִצְרַ֙יִם֙ וְאֶ֣רֶץ כְּנַ֔עַן מִפְּנֵ֖י הָרָעָֽב׃ weleḥem ʾeyn bekhal־haʾarets kiy־khaved haraʿav meʾod watelah ʾerets mitserayim weʾerets kenaʿan mipeney haraʿav׃

¹⁴ וַיְלַקֵּ֣ט יֹוסֵ֗ף אֶת־כָּל־הַכֶּ֙סֶף֙ הַנִּמְצָ֤א בְאֶֽרֶץ־מִצְרַ֙יִם֙ וּבְאֶ֣רֶץ כְּנַ֔עַן בַּשֶּׁ֖בֶר אֲשֶׁר־הֵ֣ם שֹׁבְרִ֑ים וַיָּבֵ֥א יֹוסֵ֛ף אֶת־הַכֶּ֖סֶף בֵּ֥יתָה פַרְעֹֽה׃ wayelaqeṭ yowsef ʾet־kal־hakesef hanimetsaʾ veʾerets־mitserayim uveʾerets kenaʿan bashever ʾasher־hem shoveriym wayaveʾ yowsef ʾet־hakesef beytah fareʿoh׃

¹⁵ וַיִּתֹּ֣ם הַכֶּ֗סֶף מֵאֶ֣רֶץ מִצְרַיִם֮ וּמֵאֶ֣רֶץ כְּנַעַן֒ וַיָּבֹאוּ֩ כָל־מִצְרַ֨יִם אֶל־יֹוסֵ֤ף לֵאמֹר֙ הָֽבָה־לָּ֣נוּ לֶ֔חֶם וְלָ֥מָּה נָמ֖וּת נֶגְדֶּ֑ךָ כִּ֥י אָפֵ֖ס כָּֽסֶף׃ wayitom hakesef meʾerets mitserayim umeʾerets kenaʿan wayavoʾu khal־mitserayim ʾel־yowsef leʾmor havah־lanu leḥem welamah namut negedekha kiy ʾafes kasef׃

¹⁶ וַיֹּ֤אמֶר יֹוסֵף֙ הָב֣וּ מִקְנֵיכֶ֔ם וְאֶתְּנָ֥ה לָכֶ֖ם בְּמִקְנֵיכֶ֑ם אִם־אָפֵ֖ס כָּֽסֶף׃ wayoʾmer yowsef havu miqeneykhem weʾetenah lakhem bemiqeneykhem ʾim־ʾafes kasef׃

¹⁷ וַיָּבִ֣יאוּ אֶת־מִקְנֵיהֶם֮ אֶל־יֹוסֵף֒ וַיִּתֵּ֣ן לָהֶם֩ יֹוסֵ֨ף לֶ֜חֶם בַּסּוּסִ֗ים וּבְמִקְנֵ֥ה הַצֹּ֛אן וּבְמִקְנֵ֥ה הַבָּקָ֖ר וּבַחֲמֹרִ֑ים וַיְנַהֲלֵ֤ם בַּלֶּ֙חֶם֙ בְּכָל־מִקְנֵהֶ֔ם בַּשָּׁנָ֖ה הַהִֽוא׃ wayaviyʾu ʾet־miqeneyhem ʾel־yowsef wayiten lahem yowsef leḥem basusiym uvemiqeneh hatsoʾn uvemiqeneh habaqar uvaḥamoriym wayenahalem baleḥem bekhal־miqenehem bashanah hahiwʾ׃

¹⁸ וַתִּתֹּם֮ הַשָּׁנָ֣ה הַהִוא֒ וַיָּבֹ֨אוּ אֵלָ֜יו בַּשָּׁנָ֣ה הַשֵּׁנִ֗ית וַיֹּ֤אמְרוּ לֹו֙ לֹֽא־נְכַחֵ֣ד מֵֽאֲדֹנִ֔י כִּ֚י אִם־תַּ֣ם הַכֶּ֔סֶף וּמִקְנֵ֥ה הַבְּהֵמָ֖ה אֶל־אֲדֹנִ֑י לֹ֤א נִשְׁאַר֙ לִפְנֵ֣י אֲדֹנִ֔י בִּלְתִּ֥י אִם־גְּוִיָּתֵ֖נוּ וְאַדְמָתֵֽנוּ׃ watitom hashanah hahiwʾ wayavoʾu ʾelayw bashanah hasheniyt wayoʾmeru low loʾ־nekhaḥed meʾadoniy kiy ʾim־tam hakesef umiqeneh habehemah ʾel־ʾadoniy loʾ nisheʾar lifeney ʾadoniy biletiy ʾim־gewiyatenu weʾadematenu׃

¹⁹ לָ֧מָּה נָמ֣וּת לְעֵינֶ֗יךָ גַּם־אֲנַ֙חְנוּ֙ גַּ֣ם אַדְמָתֵ֔נוּ קְנֵֽה־אֹתָ֥נוּ וְאֶת־אַדְמָתֵ֖נוּ בַּלָּ֑חֶם וְנִֽהְיֶ֞ה אֲנַ֤חְנוּ וְאַדְמָתֵ֙נוּ֙ עֲבָדִ֣ים לְפַרְעֹ֔ה וְתֶן־זֶ֗רַע וְנִֽחְיֶה֙ וְלֹ֣א נָמ֔וּת וְהָאֲדָמָ֖ה לֹ֥א תֵשָֽׁם׃ lamah namut leʿeyneykha gam־ʾanaḥenu gam ʾadematenu qeneh־ʾotanu weʾet־ʾadematenu balaḥem weniheyeh ʾanaḥenu weʾadematenu ʿavadiym lefareʿoh weten־zeraʿ weniḥeyeh weloʾ namut wehaʾadamah loʾ tesham׃

²⁰ וַיִּ֨קֶן יֹוסֵ֜ף אֶת־כָּל־אַדְמַ֤ת מִצְרַ֙יִם֙ לְפַרְעֹ֔ה כִּֽי־מָכְר֤וּ מִצְרַ֙יִם֙ אִ֣ישׁ שָׂדֵ֔הוּ כִּֽי־חָזַ֥ק עֲלֵהֶ֖ם הָרָעָ֑ב וַתְּהִ֥י הָאָ֖רֶץ לְפַרְעֹֽה׃ wayiqen yowsef ʾet־kal־ʾademat mitserayim lefareʿoh kiy־makheru mitserayim ʾiysh sadehu kiy־ḥazaq ʿalehem haraʿav watehiy haʾarets lefareʿoh׃

²¹ וְאֶ֨ת־הָעָ֔ם הֶעֱבִ֥יר אֹתֹ֖ו לֶעָרִ֑ים מִקְצֵ֥ה גְבוּל־מִצְרַ֖יִם וְעַד־קָצֵֽהוּ׃ weʾet־haʿam heʿeviyr ʾotow leʿariym miqetseh gevul־mitserayim weʿad־qatsehu׃

²² רַ֛ק אַדְמַ֥ת הַכֹּהֲנִ֖ים לֹ֣א קָנָ֑ה כִּי֩ חֹ֨ק לַכֹּהֲנִ֜ים מֵאֵ֣ת פַּרְעֹ֗ה וְאָֽכְל֤וּ אֶת־חֻקָּם֙ אֲשֶׁ֨ר נָתַ֤ן לָהֶם֙ פַּרְעֹ֔ה עַל־כֵּ֕ן לֹ֥א מָכְר֖וּ אֶת־אַדְמָתָֽם׃ raq ʾademat hakohaniym loʾ qanah kiy ḥoq lakohaniym meʾet pareʿoh weʾakhelu ʾet־ḥuqam ʾasher natan lahem pareʿoh ʿal־ken loʾ makheru ʾet־ʾadematam׃

²³ וַיֹּ֤אמֶר יֹוסֵף֙ אֶל־הָעָ֔ם הֵן֩ קָנִ֨יתִי אֶתְכֶ֥ם הַיֹּ֛ום וְאֶת־אַדְמַתְכֶ֖ם לְפַרְעֹ֑ה הֵֽא־לָכֶ֣ם זֶ֔רַע וּזְרַעְתֶּ֖ם אֶת־הָאֲדָמָֽה׃ wayoʾmer yowsef ʾel־haʿam hen qaniytiy ʾetekhem hayowm weʾet־ʾadematekhem lefareʿoh heʾ־lakhem zeraʿ uzeraʿetem ʾet־haʾadamah׃

²⁴ וְהָיָה֙ בַּתְּבוּאֹ֔ת וּנְתַתֶּ֥ם חֲמִישִׁ֖ית לְפַרְעֹ֑ה וְאַרְבַּ֣ע הַיָּדֹ֡ת יִהְיֶ֣ה לָכֶם֩ לְזֶ֨רַע הַשָּׂדֶ֧ה וּֽלְאָכְלְכֶ֛ם וְלַאֲשֶׁ֥ר בְּבָתֵּיכֶ֖ם וְלֶאֱכֹ֥ל לְטַפְּכֶֽם׃ wehayah batevuʾot unetatem ḥamiyshiyt lefareʿoh weʾarebaʿ hayadot yiheyeh lakhem lezeraʿ hasadeh uleʾakhelekhem welaʾasher bevateykhem weleʾekhol leṭapekhem׃

²⁵ וַיֹּאמְר֖וּ הֶחֱיִתָ֑נוּ נִמְצָא־חֵן֙ בְּעֵינֵ֣י אֲדֹנִ֔י וְהָיִ֥ינוּ עֲבָדִ֖ים לְפַרְעֹֽה׃ wayoʾmeru heḥeyitanu nimetsaʾ־ḥen beʿeyney ʾadoniy wehayiynu ʿavadiym lefareʿoh׃

²⁶ וַיָּ֣שֶׂם אֹתָ֣הּ יֹוסֵ֡ף לְחֹק֩ עַד־הַיֹּ֨ום הַזֶּ֜ה עַל־אַדְמַ֥ת מִצְרַ֛יִם לְפַרְעֹ֖ה לַחֹ֑מֶשׁ רַ֞ק אַדְמַ֤ת הַכֹּֽהֲנִים֙ לְבַדָּ֔ם לֹ֥א הָיְתָ֖ה לְפַרְעֹֽה׃ wayasem ʾotah yowsef leḥoq ʿad־hayowm hazeh ʿal־ʾademat mitserayim lefareʿoh laḥomesh raq ʾademat hakohaniym levadam loʾ hayetah lefareʿoh׃

²⁷ וַיֵּ֧שֶׁב יִשְׂרָאֵ֛ל בְּאֶ֥רֶץ מִצְרַ֖יִם בְּאֶ֣רֶץ גֹּ֑שֶׁן וַיֵּאָחֲז֣וּ בָ֔הּ וַיִּפְר֥וּ וַיִּרְבּ֖וּ מְאֹֽד׃ wayeshev yiseraʾel beʾerets mitserayim beʾerets goshen wayeʾaḥazu vah wayiferu wayirebu meʾod׃

²⁸ וַיְחִ֤י יַעֲקֹב֙ בְּאֶ֣רֶץ מִצְרַ֔יִם שְׁבַ֥ע עֶשְׂרֵ֖ה שָׁנָ֑ה וַיְהִ֤י יְמֵֽי־יַעֲקֹב֙ שְׁנֵ֣י חַיָּ֔יו שֶׁ֣בַע שָׁנִ֔ים וְאַרְבָּעִ֥ים וּמְאַ֖ת שָׁנָֽה׃ wayeḥiy yaʿaqov beʾerets mitserayim shevaʿ ʿesereh shanah wayehiy yemey־yaʿaqov sheney ḥayayw shevaʿ shaniym weʾarebaʿiym umeʾat shanah׃

²⁹ וַיִּקְרְב֣וּ יְמֵֽי־יִשְׂרָאֵל֮ לָמוּת֒ וַיִּקְרָ֣א ׀ לִבְנֹ֣ו לְיֹוסֵ֗ף וַיֹּ֤אמֶר לֹו֙ אִם־נָ֨א מָצָ֤אתִי חֵן֙ בְּעֵינֶ֔יךָ שִֽׂים־נָ֥א יָדְךָ֖ תַּ֣חַת יְרֵכִ֑י וְעָשִׂ֤יתָ עִמָּדִי֙ חֶ֣סֶד וֶאֱמֶ֔ת אַל־נָ֥א תִקְבְּרֵ֖נִי בְּמִצְרָֽיִם׃ wayiqerevu yemey־yiseraʾel lamut wayiqeraʾ ׀ livenow leyowsef wayoʾmer low ʾim־naʾ matsaʾtiy ḥen beʿeyneykha siym־naʾ yadekha taḥat yerekhiy weʿasiyta ʿimadiy ḥesed weʾemet ʾal־naʾ tiqebereniy bemitserayim׃

³⁰ וְשָֽׁכַבְתִּי֙ עִם־אֲבֹתַ֔י וּנְשָׂאתַ֙נִי֙ מִמִּצְרַ֔יִם וּקְבַרְתַּ֖נִי בִּקְבֻרָתָ֑ם וַיֹּאמַ֕ר אָנֹכִ֖י אֶֽעֱשֶׂ֥ה כִדְבָרֶֽךָ׃ weshakhavetiy ʿim־ʾavotay unesaʾtaniy mimitserayim uqevaretaniy biqevuratam wayoʾmar ʾanokhiy ʾeʿeseh khidevarekha׃

³¹ וַיֹּ֗אמֶר הִשָּֽׁבְעָה֙ לִ֔י וַיִּשָּׁבַ֖ע לֹ֑ו וַיִּשְׁתַּ֥חוּ יִשְׂרָאֵ֖ל עַל־רֹ֥אשׁ הַמִּטָּֽה׃ פ wayoʾmer hishaveʿah liy wayishavaʿ low wayishetaḥu yiseraʾel ʿal־roʾsh hamiṭah׃ f