1 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃

2 בֶּן־אָדָ֕ם מַה־יִּֽהְיֶ֥ה עֵץ־הַגֶּ֖פֶן מִכָּל־עֵ֑ץ הַזְּמֹורָ֕ה אֲשֶׁ֥ר הָיָ֖ה בַּעֲצֵ֥י הַיָּֽעַר׃ ben־ʾadam mah־yiheyeh ʿets־hagefen mikal־ʿets hazemowrah ʾasher hayah baʿatsey hayaʿar׃

3 הֲיֻקַּ֤ח מִמֶּ֙נּוּ֙ עֵ֔ץ לַעֲשֹׂ֖ות לִמְלָאכָ֑ה אִם־יִקְח֤וּ מִמֶּ֙נּוּ֙ יָתֵ֔ד לִתְלֹ֥ות עָלָ֖יו כָּל־כֶּֽלִי׃ hayuqaḥ mimenu ʿets laʿasowt limelaʾkhah ʾim־yiqeḥu mimenu yated litelowt ʿalayw kal־keliy׃

4 הִנֵּ֥ה לָאֵ֖שׁ נִתַּ֣ן לְאָכְלָ֑ה אֵת֩ שְׁנֵ֨י קְצֹותָ֜יו אָכְלָ֤ה הָאֵשׁ֙ וְתֹוכֹ֣ו נָחָ֔ר הֲיִצְלַ֖ח לִמְלָאכָֽה׃ hineh laʾesh nitan leʾakhelah ʾet sheney qetsowtayw ʾakhelah haʾesh wetowkhow naḥar hayitselaḥ limelaʾkhah׃

5 הִנֵּה֙ בִּֽהְיֹותֹ֣ו תָמִ֔ים לֹ֥א יֵֽעָשֶׂ֖ה לִמְלָאכָ֑ה אַ֣ף כִּי־אֵ֤שׁ אֲכָלַ֙תְהוּ֙ וַיֵּחָ֔ר וְנַעֲשָׂ֥ה עֹ֖וד לִמְלָאכָֽה׃ ס hineh biheyowtow tamiym loʾ yeʿaseh limelaʾkhah ʾaf kiy־ʾesh ʾakhalatehu wayeḥar wenaʿasah ʿowd limelaʾkhah׃ s

6 לָכֵ֗ן כֹּ֤ה אָמַר֙ אֲדֹנָ֣י יְהוִ֔ה כַּאֲשֶׁ֤ר עֵץ־הַגֶּ֙פֶן֙ בְּעֵ֣ץ הַיַּ֔עַר אֲשֶׁר־נְתַתִּ֥יו לָאֵ֖שׁ לְאָכְלָ֑ה כֵּ֣ן נָתַ֔תִּי אֶת־יֹשְׁבֵ֖י יְרוּשָׁלִָֽם׃ lakhen koh ʾamar ʾadonay yehwih kaʾasher ʿets־hagefen beʿets hayaʿar ʾasher־netatiyw laʾesh leʾakhelah ken natatiy ʾet־yoshevey yerushalim׃

7 וְנָתַתִּ֤י אֶת־פָּנַי֙ בָּהֶ֔ם מֵהָאֵ֣שׁ יָצָ֔אוּ וְהָאֵ֖שׁ תֹּֽאכְלֵ֑ם וִֽידַעְתֶּם֙ כִּֽי־אֲנִ֣י יְהוָ֔ה בְּשׂוּמִ֥י אֶת־פָּנַ֖י בָּהֶֽם׃ wenatatiy ʾet־panay bahem mehaʾesh yatsaʾu wehaʾesh toʾkhelem wiydaʿetem kiy־ʾaniy yehwah besumiy ʾet־panay bahem׃

8 וְנָתַתִּ֥י אֶת־הָאָ֖רֶץ שְׁמָמָ֑ה יַ֚עַן מָ֣עֲלוּ מַ֔עַל נְאֻ֖ם אֲדֹנָ֥י יְהוִֽה׃ פ wenatatiy ʾet־haʾarets shemamah yaʿan maʿalu maʿal neʾum ʾadonay yehwih׃ f