1 וַיְהִ֧י דְבַר־יְהוָ֛ה אֶל־יֹונָ֖ה שֵׁנִ֥ית לֵאמֹֽר׃ wayehiy devar־yehwah ʾel־yownah sheniyt leʾmor׃

2 ק֛וּם לֵ֥ךְ אֶל־נִֽינְוֵ֖ה הָעִ֣יר הַגְּדֹולָ֑ה וִּקְרָ֤א אֵלֶ֙יהָ֙ אֶת־הַקְּרִיאָ֔ה אֲשֶׁ֥ר אָנֹכִ֖י דֹּבֵ֥ר אֵלֶֽיךָ׃ qum lekhe ʾel־niyneweh haʿiyr hagedowlah uiqeraʾ ʾeleyha ʾet־haqeriyʾah ʾasher ʾanokhiy dover ʾeleykha׃

3 וַיָּ֣קָם יֹונָ֗ה וַיֵּ֛לֶךְ אֶל־נִֽינְוֶ֖ה כִּדְבַ֣ר יְהוָ֑ה וְנִֽינְוֵ֗ה הָיְתָ֤ה עִיר־גְּדֹולָה֙ לֵֽאלֹהִ֔ים מַהֲלַ֖ךְ שְׁלֹ֥שֶׁת יָמִֽים׃ wayaqam yownah wayelekhe ʾel־niyneweh kidevar yehwah weniyneweh hayetah ʿiyr־gedowlah leʾlohiym mahalakhe sheloshet yamiym׃

4 וַיָּ֤חֶל יֹונָה֙ לָבֹ֣וא בָעִ֔יר מַהֲלַ֖ךְ יֹ֣ום אֶחָ֑ד וַיִּקְרָא֙ וַיֹּאמַ֔ר עֹ֚וד אַרְבָּעִ֣ים יֹ֔ום וְנִֽינְוֵ֖ה נֶהְפָּֽכֶת׃ wayaḥel yownah lavowʾ vaʿiyr mahalakhe yowm ʾeḥad wayiqeraʾ wayoʾmar ʿowd ʾarebaʿiym yowm weniyneweh nehepakhet׃

5 וַֽיַּאֲמִ֛ינוּ אַנְשֵׁ֥י נִֽינְוֵ֖ה בֵּֽאלֹהִ֑ים וַיִּקְרְאוּ־צֹום֙ וַיִּלְבְּשׁ֣וּ שַׂקִּ֔ים מִגְּדֹולָ֖ם וְעַד־קְטַנָּֽם׃ wayaʾamiynu ʾaneshey niyneweh beʾlohiym wayiqereʾu־tsowm wayilebeshu saqiym migedowlam weʿad־qeṭanam׃

6 וַיִּגַּ֤ע הַדָּבָר֙ אֶל־מֶ֣לֶך נִֽינְוֵ֔ה וַיָּ֙קָם֙ מִכִּסְאֹ֔ו וַיַּעֲבֵ֥ר אַדַּרְתֹּ֖ו מֵֽעָלָ֑יו וַיְכַ֣ס שַׂ֔ק וַיֵּ֖שֶׁב עַל־הָאֵֽפֶר׃ wayigaʿ hadavar ʾel־melekh niyneweh wayaqam mikiseʾow wayaʿaver ʾadaretow meʿalayw wayekhas saq wayeshev ʿal־haʾefer׃

7 וַיַּזְעֵ֗ק וַיֹּ֙אמֶר֙ בְּנִֽינְוֵ֔ה מִטַּ֧עַם הַמֶּ֛לֶךְ וּגְדֹלָ֖יו לֵאמֹ֑ר הָאָדָ֨ם וְהַבְּהֵמָ֜ה הַבָּקָ֣ר וְהַצֹּ֗אן אַֽל־יִטְעֲמוּ֙ מְא֔וּמָה אַ֨ל־יִרְע֔וּ וּמַ֖יִם אַל־יִשְׁתּֽוּ׃ wayazeʿeq wayoʾmer beniyneweh miṭaʿam hamelekhe ugedolayw leʾmor haʾadam wehabehemah habaqar wehatsoʾn ʾal־yiṭeʿamu meʾumah ʾal־yireʿu umayim ʾal־yishetu׃

8 וְיִתְכַּסּ֣וּ שַׂקִּ֗ים הָֽאָדָם֙ וְהַבְּהֵמָ֔ה וְיִקְרְא֥וּ אֶל־אֱלֹהִ֖ים בְּחָזְקָ֑ה וְיָשֻׁ֗בוּ אִ֚ישׁ מִדַּרְכֹּ֣ו הָֽרָעָ֔ה וּמִן־הֶחָמָ֖ס אֲשֶׁ֥ר בְּכַפֵּיהֶֽם׃ weyitekasu saqiym haʾadam wehabehemah weyiqereʾu ʾel־ʾelohiym beḥazeqah weyashuvu ʾiysh midarekow haraʿah umin־heḥamas ʾasher bekhapeyhem׃

9 מִֽי־יֹודֵ֣עַ יָשׁ֔וּב וְנִחַ֖ם הָאֱלֹהִ֑ים וְשָׁ֛ב מֵחֲרֹ֥ון אַפֹּ֖ו וְלֹ֥א נֹאבֵֽד׃ miy־yowdeaʿ yashuv weniḥam haʾelohiym weshav meḥarown ʾapow weloʾ noʾved׃

10 וַיַּ֤רְא הָֽאֱלֹהִים֙ אֶֽת־מַ֣עֲשֵׂיהֶ֔ם כִּי־שָׁ֖בוּ מִדַּרְכָּ֣ם הָרָעָ֑ה וַיִּנָּ֣חֶם הָאֱלֹהִ֗ים עַל־הָרָעָ֛ה אֲשֶׁר־דִּבֶּ֥ר לַעֲשֹׂות־לָהֶ֖ם וְלֹ֥א עָשָֽׂה׃ wayareʾ haʾelohiym ʾet־maʿaseyhem kiy־shavu midarekam haraʿah wayinaḥem haʾelohiym ʿal־haraʿah ʾasher־diber laʿasowt־lahem weloʾ ʿasah׃