2 Chroniques 36

¹ וַיִּקְחוּ֙ עַם־הָאָ֔רֶץ אֶת־יְהֹואָחָ֖ז בֶּן־יֹאשִׁיָּ֑הוּ וַיַּמְלִיכֻ֥הוּ תַֽחַת־אָבִ֖יו בִּירוּשָׁלִָֽם׃ wayiqeḥu ʿam־haʾarets ʾet־yehowʾaḥaz ben־yoʾshiyahu wayameliykhuhu taḥat־ʾaviyw biyrushalim׃

² בֶּן־שָׁלֹ֧ושׁ וְעֶשְׂרִ֛ים שָׁנָ֖ה יֹואָחָ֣ז בְּמָלְכֹ֑ו וּשְׁלֹשָׁ֣ה חֳדָשִׁ֔ים מָלַ֖ךְ בִּירוּשָׁלִָֽם׃ ben־shalowsh weʿeseriym shanah yowʾaḥaz bemalekhow usheloshah ḥodashiym malakhe biyrushalim׃

³ וַיְסִירֵ֥הוּ מֶֽלֶךְ־מִצְרַ֖יִם בִּֽירוּשָׁלִָ֑ם וַֽיַּעֲנֹשׁ֙ אֶת־הָאָ֔רֶץ מֵאָ֥ה כִכַּר־כֶּ֖סֶף וְכִכַּ֥ר זָהָֽב׃ wayesiyrehu melekhe־mitserayim biyrushalim wayaʿanosh ʾet־haʾarets meʾah khikar־kesef wekhikar zahav׃

⁴ וַיַּמְלֵ֨ךְ מֶֽלֶךְ־מִצְרַ֜יִם אֶת־אֶלְיָקִ֣ים אָחִ֗יו עַל־יְהוּדָה֙ וִיר֣וּשָׁלִַ֔ם וַיַּסֵּ֥ב אֶת־שְׁמֹ֖ו יְהֹויָקִ֑ים וְאֶת־יֹואָחָ֤ז אָחִיו֙ לָקַ֣ח נְכֹ֔ו וַיְבִיאֵ֖הוּ מִצְרָֽיְמָה׃ פ wayamelekhe melekhe־mitserayim ʾet־ʾeleyaqiym ʾaḥiyw ʿal־yehudah wiyrushalim wayasev ʾet־shemow yehowyaqiym weʾet־yowʾaḥaz ʾaḥiyw laqaḥ nekhow wayeviyʾehu mitserayemah׃ f

⁵ בֶּן־עֶשְׂרִ֨ים וְחָמֵ֤שׁ שָׁנָה֙ יְהֹויָקִ֣ים בְּמָלְכֹ֔ו וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלִָ֑ם וַיַּ֣עַשׂ הָרַ֔ע בְּעֵינֵ֖י יְהוָ֥ה אֱלֹהָֽיו׃ ben־ʿeseriym weḥamesh shanah yehowyaqiym bemalekhow weʾaḥat ʿesereh shanah malakhe biyrushalim wayaʿas haraʿ beʿeyney yehwah ʾelohayw׃

⁶ עָלָ֣יו עָלָ֔ה נְבוּכַדְנֶאצַּ֖ר מֶ֣לֶךְ בָּבֶ֑ל וַיַּֽאַסְרֵ֙הוּ֙ בַּֽנְחֻשְׁתַּ֔יִם לְהֹלִיכֹ֖ו בָּבֶֽלָה׃ ʿalayw ʿalah nevukhadeneʾtsar melekhe bavel wayaʾaserehu baneḥushetayim leholiykhow bavelah׃

⁷ וּמִכְּלֵי֙ בֵּ֣ית יְהוָ֔ה הֵבִ֥יא נְבוּכַדְנֶאצַּ֖ר לְבָבֶ֑ל וַיִּתְּנֵ֥ם בְּהֵיכָלֹ֖ו בְּבָבֶֽל׃ umikeley beyt yehwah heviyʾ nevukhadeneʾtsar levavel wayitenem beheykhalow bevavel׃

⁸ וְיֶתֶר֩ דִּבְרֵ֨י יְהֹֽויָקִ֜ים וְתֹֽעֲבֹתָ֤יו אֲשֶׁר־עָשָׂה֙ וְהַנִּמְצָ֣א עָלָ֔יו הִנָּ֣ם כְּתוּבִ֗ים עַל־סֵ֛פֶר מַלְכֵ֥י יִשְׂרָאֵ֖ל וִֽיהוּדָ֑ה וַיִּמְלֹ֛ךְ יְהֹויָכִ֥ין בְּנֹ֖ו תַּחְתָּֽיו׃ פ weyeter diverey yehowyaqiym wetoʿavotayw ʾasher־ʿasah wehanimetsaʾ ʿalayw hinam ketuviym ʿal־sefer malekhey yiseraʾel wiyhudah wayimelokhe yehowyakhiyn benow taḥetayw׃ f

⁹ בֶּן־שְׁמֹונֶ֤ה שָׁנִים֙ יְהֹויָכִ֣ין בְּמָלְכֹ֔ו וּשְׁלֹשָׁ֤ה חֳדָשִׁים֙ וַעֲשֶׂ֣רֶת יָמִ֔ים מָלַ֖ךְ בִּירוּשָׁלִָ֑ם וַיַּ֥עַשׂ הָרַ֖ע בְּעֵינֵ֥י יְהוָֽה׃ ben־shemowneh shaniym yehowyakhiyn bemalekhow usheloshah ḥodashiym waʿaseret yamiym malakhe biyrushalim wayaʿas haraʿ beʿeyney yehwah׃

¹⁰ וְלִתְשׁוּבַ֣ת הַשָּׁנָ֗ה שָׁלַח֙ הַמֶּ֣לֶךְ נְבֽוּכַדְנֶאצַּ֔ר וַיְבִאֵ֣הוּ בָבֶ֔לָה עִם־כְּלֵ֖י חֶמְדַּ֣ת בֵּית־יְהוָ֑ה וַיַּמְלֵךְ֙ אֶת־צִדְקִיָּ֣הוּ אָחִ֔יו עַל־יְהוּדָ֖ה וִֽירוּשָׁלִָֽם׃ פ weliteshuvat hashanah shalaḥ hamelekhe nevukhadeneʾtsar wayeviʾehu vavelah ʿim־keley ḥemedat beyt־yehwah wayamelekhe ʾet־tsideqiyahu ʾaḥiyw ʿal־yehudah wiyrushalim׃ f

¹¹ בֶּן־עֶשְׂרִ֧ים וְאַחַ֛ת שָׁנָ֖ה צִדְקִיָּ֣הוּ בְמָלְכֹ֑ו וְאַחַ֤ת עֶשְׂרֵה֙ שָׁנָ֔ה מָלַ֖ךְ בִּירוּשָׁלִָֽם׃ ben־ʿeseriym weʾaḥat shanah tsideqiyahu vemalekhow weʾaḥat ʿesereh shanah malakhe biyrushalim׃

¹² וַיַּ֣עַשׂ הָרַ֔ע בְּעֵינֵ֖י יְהוָ֣ה אֱלֹהָ֑יו לֹ֣א נִכְנַ֗ע מִלִּפְנֵ֛י יִרְמְיָ֥הוּ הַנָּבִ֖יא מִפִּ֥י יְהוָֽה׃ wayaʿas haraʿ beʿeyney yehwah ʾelohayw loʾ nikhenaʿ milifeney yiremeyahu hanaviyʾ mipiy yehwah׃

¹³ וְ֠גַם בַּמֶּ֤לֶךְ נְבֽוּכַדְנֶאצַּר֙ מָרָ֔ד אֲשֶׁ֥ר הִשְׁבִּיעֹ֖ו בֵּֽאלֹהִ֑ים וַיֶּ֤קֶשׁ אֶת־עָרְפֹּו֙ וַיְאַמֵּ֣ץ אֶת־לְבָבֹ֔ו מִשּׁ֕וּב אֶל־יְהוָ֖ה אֱלֹהֵ֥י יִשְׂרָאֵֽל׃ wegam bamelekhe nevukhadeneʾtsar marad ʾasher hishebiyʿow beʾlohiym wayeqesh ʾet־ʿarepow wayeʾamets ʾet־levavow mishuv ʾel־yehwah ʾelohey yiseraʾel׃

¹⁴ גַּ֠ם כָּל־שָׂרֵ֨י הַכֹּהֲנִ֤ים וְהָעָם֙ הִרְבּ֣וּ [לִמְעֹול־ כ] (לִמְעָל־מַ֔עַל ק) כְּכֹ֖ל תֹּעֲבֹ֣ות הַגֹּויִ֑ם וַֽיְטַמְּאוּ֙ אֶת־בֵּ֣ית יְהוָ֔ה אֲשֶׁ֥ר הִקְדִּ֖ישׁ בִּירוּשָׁלִָֽם׃ gam kal־sarey hakohaniym wehaʿam hirebu [limeʿowl־ kh] (limeʿal־maʿal q) kekhol toʿavowt hagowyim wayeṭameʾu ʾet־beyt yehwah ʾasher hiqediysh biyrushalim׃

¹⁵ וַיִּשְׁלַ֡ח יְהוָה֩ אֱלֹהֵ֨י אֲבֹותֵיהֶ֧ם עֲלֵיהֶ֛ם בְּיַ֥ד מַלְאָכָ֖יו הַשְׁכֵּ֣ם וְשָׁלֹ֑וחַ כִּֽי־חָמַ֥ל עַל־עַמֹּ֖ו וְעַל־מְעֹונֹֽו׃ wayishelaḥ yehwah ʾelohey ʾavowteyhem ʿaleyhem beyad maleʾakhayw hashekem weshalowḥa kiy־ḥamal ʿal־ʿamow weʿal־meʿownow׃

¹⁶ וַיִּֽהְי֤וּ מַלְעִבִים֙ בְּמַלְאֲכֵ֣י הָאֱלֹהִ֔ים וּבֹוזִ֣ים דְּבָרָ֔יו וּמִֽתַּעְתְּעִ֖ים בִּנְבִאָ֑יו עַ֠ד עֲלֹ֧ות חֲמַת־יְהוָ֛ה בְּעַמֹּ֖ו עַד־לְאֵ֥ין מַרְפֵּֽא׃ wayiheyu maleʿiviym bemaleʾakhey haʾelohiym uvowziym devarayw umitaʿeteʿiym bineviʾayw ʿad ʿalowt ḥamat־yehwah beʿamow ʿad־leʾeyn marepeʾ׃

¹⁷ וַיַּ֨עַל עֲלֵיהֶ֜ם אֶת־מֶ֣לֶךְ [כַּשְׂדִּיִּים כ] (כַּשְׂדִּ֗ים ק) וַיַּהֲרֹ֨ג בַּחוּרֵיהֶ֤ם בַּחֶ֙רֶב֙ בְּבֵ֣ית מִקְדָּשָׁ֔ם וְלֹ֥א חָמַ֛ל עַל־בָּח֥וּר וּבְתוּלָ֖ה זָקֵ֣ן וְיָשֵׁ֑שׁ הַכֹּ֖ל נָתַ֥ן בְּיָדֹֽו׃ wayaʿal ʿaleyhem ʾet־melekhe [kasediyiym kh] (kasediym q) wayaharog baḥureyhem baḥerev beveyt miqedasham weloʾ ḥamal ʿal־baḥur uvetulah zaqen weyashesh hakol natan beyadow׃

¹⁸ וְ֠כֹל כְּלֵ֞י בֵּ֤ית הָאֱלֹהִים֙ הַגְּדֹלִ֣ים וְהַקְּטַנִּ֔ים וְאֹֽצְרֹות֙ בֵּ֣ית יְהוָ֔ה וְאֹצְרֹ֥ות הַמֶּ֖לֶךְ וְשָׂרָ֑יו הַכֹּ֖ל הֵבִ֥יא בָבֶֽל׃ wekhol keley beyt haʾelohiym hagedoliym wehaqeṭaniym weʾotserowt beyt yehwah weʾotserowt hamelekhe wesarayw hakol heviyʾ vavel׃

¹⁹ וַֽיִּשְׂרְפוּ֙ אֶת־בֵּ֣ית הָאֱלֹהִ֔ים וַֽיְנַתְּצ֔וּ אֵ֖ת חֹומַ֣ת יְרוּשָׁלִָ֑ם וְכָל־אַרְמְנֹותֶ֙יהָ֙ שָׂרְפ֣וּ בָאֵ֔שׁ וְכָל־כְּלֵ֥י מַחֲמַדֶּ֖יהָ לְהַשְׁחִֽית׃ ס wayiserefu ʾet־beyt haʾelohiym wayenatetsu ʾet ḥowmat yerushalim wekhal־ʾaremenowteyha sarefu vaʾesh wekhal־keley maḥamadeyha lehasheḥiyt׃ s

²⁰ וַיֶּ֛גֶל הַשְּׁאֵרִ֥ית מִן־הַחֶ֖רֶב אֶל־בָּבֶ֑ל וַֽיִּהְיוּ־לֹ֤ו וּלְבָנָיו֙ לַעֲבָדִ֔ים עַד־מְלֹ֖ךְ מַלְכ֥וּת פָּרָֽס׃ wayegel hasheʾeriyt min־haḥerev ʾel־bavel wayiheyu־low ulevanayw laʿavadiym ʿad־melokhe malekhut paras׃

²¹ לְמַלֹּ֤אות דְּבַר־יְהוָה֙ בְּפִ֣י יִרְמְיָ֔הוּ עַד־רָצְתָ֥ה הָאָ֖רֶץ אֶת־שַׁבְּתֹותֶ֑יהָ כָּל־יְמֵ֤י הָשַּׁמָּה֙ שָׁבָ֔תָה לְמַלֹּ֖אות שִׁבְעִ֥ים שָׁנָֽה׃ פ lemaloʾwt devar־yehwah befiy yiremeyahu ʿad־ratsetah haʾarets ʾet־shabetowteyha kal־yemey hashamah shavatah lemaloʾwt shiveʿiym shanah׃ f

²² וּבִשְׁנַ֣ת אַחַ֗ת לְכֹ֙ורֶשׁ֙ מֶ֣לֶךְ פָּרַ֔ס לִכְלֹ֥ות דְּבַר־יְהוָ֖ה בְּפִ֣י יִרְמְיָ֑הוּ הֵעִ֣יר יְהוָ֗ה אֶת־ר֙וּחַ֙ כֹּ֣ורֶשׁ מֶֽלֶךְ־פָּרַ֔ס וַיַּֽעֲבֶר־קֹול֙ בְּכָל־מַלְכוּתֹ֔ו וְגַם־בְּמִכְתָּ֖ב לֵאמֹֽר׃ ס uvishenat ʾaḥat lekhowresh melekhe paras likhelowt devar־yehwah befiy yiremeyahu heʿiyr yehwah ʾet־ruaḥ kowresh melekhe־paras wayaʿaver־qowl bekhal־malekhutow wegam־bemikhetav leʾmor׃ s

²³ כֹּה־אָמַ֞ר כֹּ֣ורֶשׁ ׀ מֶ֣לֶךְ פָּרַ֗ס כָּל־מַמְלְכֹ֤ות הָאָ֙רֶץ֙ נָ֣תַן לִ֗י יְהוָה֙ אֱלֹהֵ֣י הַשָּׁמַ֔יִם וְהֽוּא־פָקַ֤ד עָלַי֙ לִבְנֹֽות־לֹ֣ו בַ֔יִת בִּירוּשָׁלִַ֖ם אֲשֶׁ֣ר בִּֽיהוּדָ֑ה מִֽי־בָכֶ֣ם מִכָּל־עַמֹּ֗ו יְהוָ֧ה אֱלֹהָ֛יו עִמֹּ֖ו וְיָֽעַל׃ koh־ʾamar kowresh ׀ melekhe paras kal־mamelekhowt haʾarets natan liy yehwah ʾelohey hashamayim wehuʾ־faqad ʿalay livenowt־low vayit biyrushalim ʾasher biyhudah miy־vakhem mikal־ʿamow yehwah ʾelohayw ʿimow weyaʿal׃