1 וְהַמֶּ֤לֶךְ דָּוִד֙ זָקֵ֔ן בָּ֖א בַּיָּמִ֑ים וַיְכַסֻּ֙הוּ֙ בַּבְּגָדִ֔ים וְלֹ֥א יִחַ֖ם לֹֽו׃ wehamelekhe dawid zaqen baʾ bayamiym wayekhasuhu babegadiym weloʾ yiḥam low׃
2 וַיֹּ֧אמְרוּ לֹ֣ו עֲבָדָ֗יו יְבַקְשׁ֞וּ לַאדֹנִ֤י הַמֶּ֙לֶךְ֙ נַעֲרָ֣ה בְתוּלָ֔ה וְעָֽמְדָה֙ לִפְנֵ֣י הַמֶּ֔לֶךְ וּתְהִי־לֹ֖ו סֹכֶ֑נֶת וְשָׁכְבָ֣ה בְחֵיקֶ֔ךָ וְחַ֖ם לַאדֹנִ֥י הַמֶּֽלֶךְ׃ wayoʾmeru low ʿavadayw yevaqeshu laʾdoniy hamelekhe naʿarah vetulah weʿamedah lifeney hamelekhe utehiy־low sokhenet weshakhevah veḥeyqekha weḥam laʾdoniy hamelekhe׃
3 וַיְבַקְשׁוּ֙ נַעֲרָ֣ה יָפָ֔ה בְּכֹ֖ל גְּב֣וּל יִשְׂרָאֵ֑ל וַֽיִּמְצְא֗וּ אֶת־אֲבִישַׁג֙ הַשּׁ֣וּנַמִּ֔ית וַיָּבִ֥אוּ אֹתָ֖הּ לַמֶּֽלֶךְ׃ wayevaqeshu naʿarah yafah bekhol gevul yiseraʾel wayimetseʾu ʾet־ʾaviyshag hashunamiyt wayaviʾu ʾotah lamelekhe׃
4 וְהַֽנַּעֲרָ֖ה יָפָ֣ה עַד־מְאֹ֑ד וַתְּהִ֨י לַמֶּ֤לֶךְ סֹכֶ֙נֶת֙ וַתְּשָׁ֣רְתֵ֔הוּ וְהַמֶּ֖לֶךְ לֹ֥א יְדָעָֽהּ׃ wehanaʿarah yafah ʿad־meʾod watehiy lamelekhe sokhenet watesharetehu wehamelekhe loʾ yedaʿah׃
5 וַאֲדֹנִיָּ֧ה בֶן־חַגִּ֛ית מִתְנַשֵּׂ֥א לֵאמֹ֖ר אֲנִ֣י אֶמְלֹ֑ךְ וַיַּ֣עַשׂ לֹ֗ו רֶ֚כֶב וּפָ֣רָשִׁ֔ים וַחֲמִשִּׁ֥ים אִ֖ישׁ רָצִ֥ים לְפָנָֽיו׃ waʾadoniyah ven־ḥagiyt mitenaseʾ leʾmor ʾaniy ʾemelokhe wayaʿas low rekhev ufarashiym waḥamishiym ʾiysh ratsiym lefanayw׃
6 וְלֹֽא־עֲצָבֹ֨ו אָבִ֤יו מִיָּמָיו֙ לֵאמֹ֔ר מַדּ֖וּעַ כָּ֣כָה עָשִׂ֑יתָ וְגַם־ה֤וּא טֹֽוב־תֹּ֙אַר֙ מְאֹ֔ד וְאֹתֹ֥ו יָלְדָ֖ה אַחֲרֵ֥י אַבְשָׁלֹֽום׃ weloʾ־ʿatsavow ʾaviyw miyamayw leʾmor maduaʿ kakhah ʿasiyta wegam־huʾ ṭowv־toʾar meʾod weʾotow yaledah ʾaḥarey ʾaveshalowm׃
7 וַיִּהְי֣וּ דְבָרָ֔יו עִ֚ם יֹואָ֣ב בֶּן־צְרוּיָ֔ה וְעִ֖ם אֶבְיָתָ֣ר הַכֹּהֵ֑ן וַֽיַּעְזְר֔וּ אַחֲרֵ֖י אֲדֹנִיָּֽה׃ wayiheyu devarayw ʿim yowʾav ben־tseruyah weʿim ʾeveyatar hakohen wayaʿezeru ʾaḥarey ʾadoniyah׃
8 וְצָדֹ֣וק הַ֠כֹּהֵן וּבְנָיָ֨הוּ בֶן־יְהֹויָדָ֜ע וְנָתָ֤ן הַנָּבִיא֙ וְשִׁמְעִ֣י וְרֵעִ֔י וְהַגִּבֹּורִ֖ים אֲשֶׁ֣ר לְדָוִ֑ד לֹ֥א הָי֖וּ עִם־אֲדֹנִיָּֽהוּ׃ wetsadowq hakohen uvenayahu ven־yehowyadaʿ wenatan hanaviyʾ weshimeʿiy wereʿiy wehagibowriym ʾasher ledawid loʾ hayu ʿim־ʾadoniyahu׃
9 וַיִּזְבַּ֣ח אֲדֹנִיָּ֗הוּ צֹ֤אן וּבָקָר֙ וּמְרִ֔יא עִ֚ם אֶ֣בֶן הַזֹּחֶ֔לֶת אֲשֶׁר־אֵ֖צֶל עֵ֣ין רֹגֵ֑ל וַיִּקְרָ֗א אֶת־כָּל־אֶחָיו֙ בְּנֵ֣י הַמֶּ֔לֶךְ וּלְכָל־אַנְשֵׁ֥י יְהוּדָ֖ה עַבְדֵ֥י הַמֶּֽלֶךְ׃ wayizebaḥ ʾadoniyahu tsoʾn uvaqar umeriyʾ ʿim ʾeven hazoḥelet ʾasher־ʾetsel ʿeyn rogel wayiqeraʾ ʾet־kal־ʾeḥayw beney hamelekhe ulekhal־ʾaneshey yehudah ʿavedey hamelekhe׃
10 וְֽאֶת־נָתָן֩ הַנָּבִ֨יא וּבְנָיָ֜הוּ וְאֶת־הַגִּבֹּורִ֛ים וְאֶת־שְׁלֹמֹ֥ה אָחִ֖יו לֹ֥א קָרָֽא׃ weʾet־natan hanaviyʾ uvenayahu weʾet־hagibowriym weʾet־shelomoh ʾaḥiyw loʾ qaraʾ׃
11 וַיֹּ֣אמֶר נָתָ֗ן אֶל־בַּת־שֶׁ֤בַע אֵם־שְׁלֹמֹה֙ לֵאמֹ֔ר הֲלֹ֣וא שָׁמַ֔עַתְּ כִּ֥י מָלַ֖ךְ אֲדֹנִיָּ֣הוּ בֶן־חַגִּ֑ית וַאֲדֹנֵ֥ינוּ דָוִ֖ד לֹ֥א יָדָֽע׃ wayoʾmer natan ʾel־bat־shevaʿ ʾem־shelomoh leʾmor halowʾ shamaʿate kiy malakhe ʾadoniyahu ven־ḥagiyt waʾadoneynu dawid loʾ yadaʿ׃
12 וְעַתָּ֕ה לְכִ֛י אִיעָצֵ֥ךְ נָ֖א עֵצָ֑ה וּמַלְּטִי֙ אֶת־נַפְשֵׁ֔ךְ וְאֶת־נֶ֥פֶשׁ בְּנֵ֖ךְ שְׁלֹמֹֽה׃ weʿatah lekhiy ʾiyʿatsekhe naʾ ʿetsah umaleṭiy ʾet־nafeshekhe weʾet־nefesh benekhe shelomoh׃
13 לְכִ֞י וּבֹ֣אִי ׀ אֶל־הַמֶּ֣לֶךְ דָּוִ֗ד וְאָמַ֤רְתְּ אֵלָיו֙ הֲלֹֽא־אַתָּ֞ה אֲדֹנִ֣י הַמֶּ֗לֶךְ נִשְׁבַּ֤עְתָּ לַאֲמָֽתְךָ֙ לֵאמֹ֔ר כִּֽי־שְׁלֹמֹ֤ה בְנֵךְ֙ יִמְלֹ֣ךְ אַחֲרַ֔י וְה֖וּא יֵשֵׁ֣ב עַל־כִּסְאִ֑י וּמַדּ֖וּעַ מָלַ֥ךְ אֲדֹנִיָֽהוּ ׃ lekhiy uvoʾiy ׀ ʾel־hamelekhe dawid weʾamarete ʾelayw haloʾ־ʾatah ʾadoniy hamelekhe nishebaʿeta laʾamatekha leʾmor kiy־shelomoh venekhe yimelokhe ʾaḥaray wehuʾ yeshev ʿal־kiseʾiy umaduaʿ malakhe ʾadoniyahu ׃
14 הִנֵּ֗ה עֹודָ֛ךְ מְדַבֶּ֥רֶת שָׁ֖ם עִם־הַמֶּ֑לֶךְ וַאֲנִי֙ אָבֹ֣וא אַחֲרַ֔יִךְ וּמִלֵּאתִ֖י אֶת־דְּבָרָֽיִךְ׃ hineh ʿowdakhe medaberet sham ʿim־hamelekhe waʾaniy ʾavowʾ ʾaḥarayikhe umileʾtiy ʾet־devarayikhe׃
15 וַתָּבֹ֨א בַת־שֶׁ֤בֶע אֶל־הַמֶּ֙לֶךְ֙ הַחַ֔דְרָה וְהַמֶּ֖לֶךְ זָקֵ֣ן מְאֹ֑ד וַֽאֲבִישַׁג֙ הַשּׁ֣וּנַמִּ֔ית מְשָׁרַ֖ת אֶת־הַמֶּֽלֶךְ׃ watavoʾ vat־sheveʿ ʾel־hamelekhe haḥaderah wehamelekhe zaqen meʾod waʾaviyshag hashunamiyt mesharat ʾet־hamelekhe׃
16 וַתִּקֹּ֣ד בַּת־שֶׁ֔בַע וַתִּשְׁתַּ֖חוּ לַמֶּ֑לֶךְ וַיֹּ֥אמֶר הַמֶּ֖לֶךְ מַה־לָּֽךְ׃ watiqod bat־shevaʿ watishetaḥu lamelekhe wayoʾmer hamelekhe mah־lakhe׃
17 וַתֹּ֣אמֶר לֹ֗ו אֲדֹנִי֙ אַתָּ֨ה נִשְׁבַּ֜עְתָּ בַּֽיהוָ֤ה אֱלֹהֶ֙יךָ֙ לַֽאֲמָתֶ֔ךָ כִּֽי־שְׁלֹמֹ֥ה בְנֵ֖ךְ יִמְלֹ֣ךְ אַחֲרָ֑י וְה֖וּא יֵשֵׁ֥ב עַל־כִּסְאִֽי׃ watoʾmer low ʾadoniy ʾatah nishebaʿeta bayhwah ʾeloheykha laʾamatekha kiy־shelomoh venekhe yimelokhe ʾaḥaray wehuʾ yeshev ʿal־kiseʾiy׃
18 וְעַתָּ֕ה הִנֵּ֥ה אֲדֹנִיָּ֖ה מָלָ֑ךְ וְעַתָּ֛ה אֲדֹנִ֥י הַמֶּ֖לֶךְ לֹ֥א יָדָֽעְתָּ׃ weʿatah hineh ʾadoniyah malakhe weʿatah ʾadoniy hamelekhe loʾ yadaʿeta׃
19 וַ֠יִּזְבַּח שֹׁ֥ור וּֽמְרִיא־וְצֹאן֮ לָרֹב֒ וַיִּקְרָא֙ לְכָל־בְּנֵ֣י הַמֶּ֔לֶךְ וּלְאֶבְיָתָר֙ הַכֹּהֵ֔ן וּלְיֹאָ֖ב שַׂ֣ר הַצָּבָ֑א וְלִשְׁלֹמֹ֥ה עַבְדְּךָ֖ לֹ֥א קָרָֽא׃ wayizebaḥ showr umeriyʾ־wetsoʾn larov wayiqeraʾ lekhal־beney hamelekhe uleʾeveyatar hakohen uleyoʾav sar hatsavaʾ welishelomoh ʿavedekha loʾ qaraʾ׃
20 וְאַתָּה֙ אֲדֹנִ֣י הַמֶּ֔לֶךְ עֵינֵ֥י כָל־יִשְׂרָאֵ֖ל עָלֶ֑יךָ לְהַגִּ֣יד לָהֶ֔ם מִ֗י יֵשֵׁ֛ב עַל־כִּסֵּ֥א אֲדֹנִֽי־הַמֶּ֖לֶךְ אַחֲרָֽיו׃ weʾatah ʾadoniy hamelekhe ʿeyney khal־yiseraʾel ʿaleykha lehagiyd lahem miy yeshev ʿal־kiseʾ ʾadoniy־hamelekhe ʾaḥarayw׃
21 וְהָיָ֕ה כִּשְׁכַ֥ב אֲדֹנִֽי־הַמֶּ֖לֶךְ עִם־אֲבֹתָ֑יו וְהָיִ֗יתִי אֲנִ֛י וּבְנִ֥י שְׁלֹמֹ֖ה חַטָּאִֽים׃ wehayah kishekhav ʾadoniy־hamelekhe ʿim־ʾavotayw wehayiytiy ʾaniy uveniy shelomoh ḥaṭaʾiym׃
22 וְהִנֵּ֛ה עֹודֶ֥נָּה מְדַבֶּ֖רֶת עִם־הַמֶּ֑לֶךְ וְנָתָ֥ן הַנָּבִ֖יא בָּֽא׃ wehineh ʿowdenah medaberet ʿim־hamelekhe wenatan hanaviyʾ baʾ׃
23 וַיַּגִּ֤ידוּ לַמֶּ֙לֶךְ֙ לֵאמֹ֔ר הִנֵּ֖ה נָתָ֣ן הַנָּבִ֑יא וַיָּבֹא֙ לִפְנֵ֣י הַמֶּ֔לֶךְ וַיִּשְׁתַּ֧חוּ לַמֶּ֛לֶךְ עַל־אַפָּ֖יו אָֽרְצָה׃ wayagiydu lamelekhe leʾmor hineh natan hanaviyʾ wayavoʾ lifeney hamelekhe wayishetaḥu lamelekhe ʿal־ʾapayw ʾaretsah׃
24 וַיֹּאמֶר֮ נָתָן֒ אֲדֹנִ֣י הַמֶּ֔לֶךְ אַתָּ֣ה אָמַ֔רְתָּ אֲדֹנִיָּ֖הוּ יִמְלֹ֣ךְ אַחֲרָ֑י וְה֖וּא יֵשֵׁ֥ב עַל־כִּסְאִֽי׃ wayoʾmer natan ʾadoniy hamelekhe ʾatah ʾamareta ʾadoniyahu yimelokhe ʾaḥaray wehuʾ yeshev ʿal־kiseʾiy׃
25 כִּ֣י ׀ יָרַ֣ד הַיֹּ֗ום וַ֠יִּזְבַּח שֹׁ֥ור וּֽמְרִיא־וְצֹאן֮ לָרֹב֒ וַיִּקְרָא֩ לְכָל־בְּנֵ֨י הַמֶּ֜לֶךְ וּלְשָׂרֵ֤י הַצָּבָא֙ וּלְאֶבְיָתָ֣ר הַכֹּהֵ֔ן וְהִנָּ֛ם אֹכְלִ֥ים וְשֹׁתִ֖ים לְפָנָ֑יו וַיֹּ֣אמְר֔וּ יְחִ֖י הַמֶּ֥לֶךְ אֲדֹנִיָּֽהוּ׃ kiy ׀ yarad hayowm wayizebaḥ showr umeriyʾ־wetsoʾn larov wayiqeraʾ lekhal־beney hamelekhe ulesarey hatsavaʾ uleʾeveyatar hakohen wehinam ʾokheliym weshotiym lefanayw wayoʾmeru yeḥiy hamelekhe ʾadoniyahu׃
26 וְלִ֣י אֲנִֽי־עַ֠בְדֶּךָ וּלְצָדֹ֨ק הַכֹּהֵ֜ן וְלִבְנָיָ֧הוּ בֶן־יְהֹויָדָ֛ע וְלִשְׁלֹמֹ֥ה עַבְדְּךָ֖ לֹ֥א קָרָֽא׃ weliy ʾaniy־ʿavedekha uletsadoq hakohen welivenayahu ven־yehowyadaʿ welishelomoh ʿavedekha loʾ qaraʾ׃
27 אִ֗ם מֵאֵת֙ אֲדֹנִ֣י הַמֶּ֔לֶךְ נִהְיָ֖ה הַדָּבָ֣ר הַזֶּ֑ה וְלֹ֤א הֹודַ֙עְתָּ֙ אֶֽת־ [עַבְדֶּיךָ כ] (עַבְדְּךָ֔ ק) מִ֗י יֵשֵׁ֛ב עַל־כִּסֵּ֥א אֲדֹנִֽי־הַמֶּ֖לֶךְ אַחֲרָֽיו׃ ס ʾim meʾet ʾadoniy hamelekhe niheyah hadavar hazeh weloʾ howdaʿeta ʾet־ [ʿavedeykha kh] (ʿavedekha q) miy yeshev ʿal־kiseʾ ʾadoniy־hamelekhe ʾaḥarayw׃ s
28 וַיַּ֨עַן הַמֶּ֤לֶךְ דָּוִד֙ וַיֹּ֔אמֶר קִרְאוּ־לִ֖י לְבַת־שָׁ֑בַע וַתָּבֹא֙ לִפְנֵ֣י הַמֶּ֔לֶךְ וַֽתַּעֲמֹ֖ד לִפְנֵ֥י הַמֶּֽלֶךְ׃ wayaʿan hamelekhe dawid wayoʾmer qireʾu־liy levat־shavaʿ watavoʾ lifeney hamelekhe wataʿamod lifeney hamelekhe׃
29 וַיִּשָּׁבַ֥ע הַמֶּ֖לֶךְ וַיֹּאמַ֑ר חַי־יְהוָ֕ה אֲשֶׁר־פָּדָ֥ה אֶת־נַפְשִׁ֖י מִכָּל־צָרָֽה׃ wayishavaʿ hamelekhe wayoʾmar ḥay־yehwah ʾasher־padah ʾet־nafeshiy mikal־tsarah׃
30 כִּ֡י כַּאֲשֶׁר֩ נִשְׁבַּ֨עְתִּי לָ֜ךְ בַּיהוָ֨ה אֱלֹהֵ֤י יִשְׂרָאֵל֙ לֵאמֹ֔ר כִּֽי־שְׁלֹמֹ֤ה בְנֵךְ֙ יִמְלֹ֣ךְ אַחֲרַ֔י וְה֛וּא יֵשֵׁ֥ב עַל־כִּסְאִ֖י תַּחְתָּ֑י כִּ֛י כֵּ֥ן אֶעֱשֶׂ֖ה הַיֹּ֥ום הַזֶּֽה׃ kiy kaʾasher nishebaʿetiy lakhe bayhwah ʾelohey yiseraʾel leʾmor kiy־shelomoh venekhe yimelokhe ʾaḥaray wehuʾ yeshev ʿal־kiseʾiy taḥetay kiy ken ʾeʿeseh hayowm hazeh׃
31 וַתִּקֹּ֨ד בַּת־שֶׁ֤בַע אַפַּ֙יִם֙ אֶ֔רֶץ וַתִּשְׁתַּ֖חוּ לַמֶּ֑לֶךְ וַתֹּ֕אמֶר יְחִ֗י אֲדֹנִ֛י הַמֶּ֥לֶךְ דָּוִ֖ד לְעֹלָֽם׃ פ watiqod bat־shevaʿ ʾapayim ʾerets watishetaḥu lamelekhe watoʾmer yeḥiy ʾadoniy hamelekhe dawid leʿolam׃ f
32 וַיֹּ֣אמֶר ׀ הַמֶּ֣לֶךְ דָּוִ֗ד קִרְאוּ־לִ֞י לְצָדֹ֤וק הַכֹּהֵן֙ וּלְנָתָ֣ן הַנָּבִ֔יא וְלִבְנָיָ֖הוּ בֶּן־יְהֹויָדָ֑ע וַיָּבֹ֖אוּ לִפְנֵ֥י הַמֶּֽלֶךְ׃ wayoʾmer ׀ hamelekhe dawid qireʾu־liy letsadowq hakohen ulenatan hanaviyʾ welivenayahu ben־yehowyadaʿ wayavoʾu lifeney hamelekhe׃
33 וַיֹּ֨אמֶר הַמֶּ֜לֶךְ לָהֶ֗ם קְח֤וּ עִמָּכֶם֙ אֶת־עַבְדֵ֣י אֲדֹנֵיכֶ֔ם וְהִרְכַּבְתֶּם֙ אֶת־שְׁלֹמֹ֣ה בְנִ֔י עַל־הַפִּרְדָּ֖ה אֲשֶׁר־לִ֑י וְהֹורַדְתֶּ֥ם אֹתֹ֖ו אֶל־גִּחֹֽון׃ wayoʾmer hamelekhe lahem qeḥu ʿimakhem ʾet־ʿavedey ʾadoneykhem wehirekavetem ʾet־shelomoh veniy ʿal־hapiredah ʾasher־liy wehowradetem ʾotow ʾel־giḥown׃
34 וּמָשַׁ֣ח אֹתֹ֣ו ם צָדֹ֨וק הַכֹּהֵ֜ן וְנָתָ֧ן הַנָּבִ֛יא לְמֶ֖לֶךְ עַל־יִשְׂרָאֵ֑ל וּתְקַעְתֶּם֙ בַּשֹּׁופָ֔ר וַאֲמַרְתֶּ֕ם יְחִ֖י הַמֶּ֥לֶךְ שְׁלֹמֹֽה׃ umashaḥ ʾotow m tsadowq hakohen wenatan hanaviyʾ lemelekhe ʿal־yiseraʾel uteqaʿetem bashowfar waʾamaretem yeḥiy hamelekhe shelomoh׃
35 וַעֲלִיתֶ֣ם אַחֲרָ֗יו וּבָא֙ וְיָשַׁ֣ב עַל־כִּסְאִ֔י וְה֥וּא יִמְלֹ֖ךְ תַּחְתָּ֑י וְאֹתֹ֤ו צִוִּ֙יתִי֙ לִֽהְיֹ֣ות נָגִ֔יד עַל־יִשְׂרָאֵ֖ל וְעַל־יְהוּדָֽה׃ waʿaliytem ʾaḥarayw uvaʾ weyashav ʿal־kiseʾiy wehuʾ yimelokhe taḥetay weʾotow tsiuiytiy liheyowt nagiyd ʿal־yiseraʾel weʿal־yehudah׃
36 וַיַּ֨עַן בְּנָיָ֧הוּ בֶן־יְהֹֽויָדָ֛ע אֶת־הַמֶּ֖לֶךְ וַיֹּ֣אמֶר ׀ אָמֵ֑ן כֵּ֚ן יֹאמַ֣ר יְהוָ֔ה אֱלֹהֵ֖י אֲדֹנִ֥י הַמֶּֽלֶךְ׃ wayaʿan benayahu ven־yehowyadaʿ ʾet־hamelekhe wayoʾmer ׀ ʾamen ken yoʾmar yehwah ʾelohey ʾadoniy hamelekhe׃
37 כַּאֲשֶׁ֨ר הָיָ֤ה יְהוָה֙ עִם־אֲדֹנִ֣י הַמֶּ֔לֶךְ כֵּ֖ן [יְהִי כ] (יִֽהְיֶ֣ה ק) עִם־שְׁלֹמֹ֑ה וִֽיגַדֵּל֙ אֶת־כִּסְאֹ֔ו מִ֨כִּסֵּ֔א אֲדֹנִ֖י הַמֶּ֥לֶךְ דָּוִֽד׃ kaʾasher hayah yehwah ʿim־ʾadoniy hamelekhe ken [yehiy kh] (yiheyeh q) ʿim־shelomoh wiygadel ʾet־kiseʾow mikiseʾ ʾadoniy hamelekhe dawid׃
38 וַיֵּ֣רֶד צָדֹ֣וק הַ֠כֹּהֵן וְנָתָ֨ן הַנָּבִ֜יא וּבְנָיָ֣הוּ בֶן־יְהֹויָדָ֗ע וְהַכְּרֵתִי֙ וְהַפְּלֵתִ֔י וַיַּרְכִּ֙בוּ֙ אֶת־שְׁלֹמֹ֔ה עַל־פִּרְדַּ֖ת הַמֶּ֣לֶךְ דָּוִ֑ד וַיֹּלִ֥כוּ אֹתֹ֖ו עַל־גִּחֹֽון׃ wayered tsadowq hakohen wenatan hanaviyʾ uvenayahu ven־yehowyadaʿ wehakeretiy wehapeletiy wayarekivu ʾet־shelomoh ʿal־piredat hamelekhe dawid wayolikhu ʾotow ʿal־giḥown׃
39 וַיִּקַּח֩ צָדֹ֨וק הַכֹּהֵ֜ן אֶת־קֶ֤רֶן הַשֶּׁ֙מֶן֙ מִן־הָאֹ֔הֶל וַיִּמְשַׁ֖ח אֶת־שְׁלֹמֹ֑ה וַֽיִּתְקְעוּ֙ בַּשֹּׁופָ֔ר וַיֹּֽאמְרוּ֙ כָּל־הָעָ֔ם יְחִ֖י הַמֶּ֥לֶךְ שְׁלֹמֹֽה׃ wayiqaḥ tsadowq hakohen ʾet־qeren hashemen min־haʾohel wayimeshaḥ ʾet־shelomoh wayiteqeʿu bashowfar wayoʾmeru kal־haʿam yeḥiy hamelekhe shelomoh׃
40 וַיַּעֲל֤וּ כָל־הָעָם֙ אַֽחֲרָ֔יו וְהָעָם֙ מְחַלְּלִ֣ים בַּחֲלִלִ֔ים וּשְׂמֵחִ֖ים שִׂמְחָ֣ה גְדֹולָ֑ה וַתִּבָּקַ֥ע הָאָ֖רֶץ בְּקֹולָֽם׃ wayaʿalu khal־haʿam ʾaḥarayw wehaʿam meḥaleliym baḥaliliym usemeḥiym simeḥah gedowlah watibaqaʿ haʾarets beqowlam׃
41 וַיִּשְׁמַ֣ע אֲדֹנִיָּ֗הוּ וְכָל־הַקְּרֻאִים֙ אֲשֶׁ֣ר אִתֹּ֔ו וְהֵ֖ם כִּלּ֣וּ לֶאֱכֹ֑ל וַיִּשְׁמַ֤ע יֹואָב֙ אֶת־קֹ֣ול הַשֹּׁופָ֔ר וַיֹּ֕אמֶר מַדּ֥וּעַ קֹֽול־הַקִּרְיָ֖ה הֹומָֽה׃ wayishemaʿ ʾadoniyahu wekhal־haqeruʾiym ʾasher ʾitow wehem kilu leʾekhol wayishemaʿ yowʾav ʾet־qowl hashowfar wayoʾmer maduaʿ qowl־haqireyah howmah׃
42 עֹודֶ֣נּוּ מְדַבֵּ֔ר וְהִנֵּ֧ה יֹונָתָ֛ן בֶּן־אֶבְיָתָ֥ר הַכֹּהֵ֖ן בָּ֑א וַיֹּ֤אמֶר אֲדֹנִיָּ֙הוּ֙ בֹּ֔א כִּ֣י אִ֥ישׁ חַ֛יִל אַ֖תָּה וְטֹ֥וב תְּבַשֵּֽׂר׃ ʿowdenu medaber wehineh yownatan ben־ʾeveyatar hakohen baʾ wayoʾmer ʾadoniyahu boʾ kiy ʾiysh ḥayil ʾatah weṭowv tevaser׃
43 וַיַּ֙עַן֙ יֹונָתָ֔ן וַיֹּ֖אמֶר לַאֲדֹנִיָּ֑הוּ אֲבָ֕ל אֲדֹנֵ֥ינוּ הַמֶּֽלֶךְ־דָּוִ֖ד הִמְלִ֥יךְ אֶת־שְׁלֹמֹֽה׃ wayaʿan yownatan wayoʾmer laʾadoniyahu ʾaval ʾadoneynu hamelekhe־dawid himeliykhe ʾet־shelomoh׃
44 וַיִּשְׁלַ֣ח אִתֹּֽו־הַ֠מֶּלֶךְ אֶת־צָדֹ֨וק הַכֹּהֵ֜ן וְאֶת־נָתָ֣ן הַנָּבִ֗יא וּבְנָיָ֙הוּ֙ בֶּן־יְהֹ֣ויָדָ֔ע וְהַכְּרֵתִ֖י וְהַפְּלֵתִ֑י וַיַּרְכִּ֣בוּ אֹתֹ֔ו עַ֖ל פִּרְדַּ֥ת הַמֶּֽלֶךְ׃ wayishelaḥ ʾitow־hamelekhe ʾet־tsadowq hakohen weʾet־natan hanaviyʾ uvenayahu ben־yehowyadaʿ wehakeretiy wehapeletiy wayarekivu ʾotow ʿal piredat hamelekhe׃
45 וַיִּמְשְׁח֣וּ אֹתֹ֡ו צָדֹ֣וק הַכֹּהֵ֣ן וְנָתָן֩ הַנָּבִ֨יא לְמֶ֜לֶךְ בְּגִחֹ֗ון וַיַּעֲל֤וּ מִשָּׁם֙ שְׂמֵחִ֔ים וַתֵּהֹ֖ם הַקִּרְיָ֑ה ה֥וּא הַקֹּ֖ול אֲשֶׁ֥ר שְׁמַעְתֶּֽם׃ wayimesheḥu ʾotow tsadowq hakohen wenatan hanaviyʾ lemelekhe begiḥown wayaʿalu misham semeḥiym watehom haqireyah huʾ haqowl ʾasher shemaʿetem׃
46 וְגַם֙ יָשַׁ֣ב שְׁלֹמֹ֔ה עַ֖ל כִּסֵּ֥א הַמְּלוּכָֽה׃ wegam yashav shelomoh ʿal kiseʾ hamelukhah׃
47 וְגַם־בָּ֜אוּ עַבְדֵ֣י הַמֶּ֗לֶךְ לְ֠בָרֵךְ אֶת־אֲדֹנֵ֜ינוּ הַמֶּ֣לֶךְ דָּוִד֮ לֵאמֹר֒ יֵיטֵ֨ב [אֱלֹהֶיךָ כ] (אֱלֹהִ֜ים ק) אֶת־שֵׁ֤ם שְׁלֹמֹה֙ מִשְּׁמֶ֔ךָ וִֽיגַדֵּ֥ל אֶת־כִּסְאֹ֖ו מִכִּסְאֶ֑ךָ וַיִּשְׁתַּ֥חוּ הַמֶּ֖לֶךְ עַל־הַמִּשְׁכָּֽב׃ wegam־baʾu ʿavedey hamelekhe levarekhe ʾet־ʾadoneynu hamelekhe dawid leʾmor yeyṭev [ʾeloheykha kh] (ʾelohiym q) ʾet־shem shelomoh mishemekha wiygadel ʾet־kiseʾow mikiseʾekha wayishetaḥu hamelekhe ʿal־hamishekav׃
48 וְגַם־כָּ֖כָה אָמַ֣ר הַמֶּ֑לֶךְ בָּר֨וּךְ יְהוָ֜ה אֱלֹהֵ֣י יִשְׂרָאֵ֗ל אֲשֶׁ֨ר נָתַ֥ן הַיֹּ֛ום יֹשֵׁ֥ב עַל־כִּסְאִ֖י וְעֵינַ֥י רֹאֹֽות׃ wegam־kakhah ʾamar hamelekhe barukhe yehwah ʾelohey yiseraʾel ʾasher natan hayowm yoshev ʿal־kiseʾiy weʿeynay roʾowt׃
49 וַיֶּֽחֶרְדוּ֙ וַיָּקֻ֔מוּ כָּל־הַ֨קְּרֻאִ֔ים אֲשֶׁ֖ר לַאֲדֹנִיָּ֑הוּ וַיֵּלְכ֖וּ אִ֥ישׁ לְדַרְכֹּֽו׃ wayeḥeredu wayaqumu kal־haqeruʾiym ʾasher laʾadoniyahu wayelekhu ʾiysh ledarekow׃
50 וַאֲדֹ֣נִיָּ֔הוּ יָרֵ֖א מִפְּנֵ֣י שְׁלֹמֹ֑ה וַיָּ֣קָם וַיֵּ֔לֶךְ וַֽיַּחֲזֵ֖ק בְּקַרְנֹ֥ות הַמִּזְבֵּֽחַ׃ waʾadoniyahu yareʾ mipeney shelomoh wayaqam wayelekhe wayaḥazeq beqarenowt hamizebeaḥ׃
51 וַיֻּגַּ֤ד לִשְׁלֹמֹה֙ לֵאמֹ֔ר הִנֵּה֙ אֲדֹ֣נִיָּ֔הוּ יָרֵ֖א אֶת־הַמֶּ֣לֶךְ שְׁלֹמֹ֑ה וְ֠הִנֵּה אָחַ֞ז בְּקַרְנֹ֤ות הַמִּזְבֵּ֙חַ֙ לֵאמֹ֔ר יִשָּֽׁבַֽע־לִ֤י כַיֹּום֙ הַמֶּ֣לֶךְ שְׁלֹמֹ֔ה אִם־יָמִ֥ית אֶת־עַבְדֹּ֖ו בֶּחָֽרֶב׃ wayugad lishelomoh leʾmor hineh ʾadoniyahu yareʾ ʾet־hamelekhe shelomoh wehineh ʾaḥaz beqarenowt hamizebeaḥ leʾmor yishavaʿ־liy khayowm hamelekhe shelomoh ʾim־yamiyt ʾet־ʿavedow beḥarev׃
52 וַיֹּ֣אמֶר שְׁלֹמֹ֔ה אִ֚ם יִהְיֶ֣ה לְבֶן־חַ֔יִל לֹֽא־יִפֹּ֥ל מִשַּׂעֲרָתֹ֖ו אָ֑רְצָה וְאִם־רָעָ֥ה תִמָּצֵא־בֹ֖ו וָמֵֽת׃ wayoʾmer shelomoh ʾim yiheyeh leven־ḥayil loʾ־yipol misaʿaratow ʾaretsah weʾim־raʿah timatseʾ־vow wamet׃
53 וַיִּשְׁלַ֞ח הַמֶּ֣לֶךְ שְׁלֹמֹ֗ה וַיֹּרִדֻ֙הוּ֙ מֵעַ֣ל הַמִּזְבֵּ֔חַ וַיָּבֹ֕א וַיִּשְׁתַּ֖חוּ לַמֶּ֣לֶךְ שְׁלֹמֹ֑ה וַיֹּֽאמֶר־לֹ֥ו שְׁלֹמֹ֖ה לֵ֥ךְ לְבֵיתֶֽךָ׃ פ wayishelaḥ hamelekhe shelomoh wayoriduhu meʿal hamizebeaḥ wayavoʾ wayishetaḥu lamelekhe shelomoh wayoʾmer־low shelomoh lekhe leveytekha׃ f