1 לַמְנַצֵּ֗חַ מִזְמֹ֥ור לְדָוִֽד׃ lamenatseaḥ mizemowr ledawid׃
2 בְּֽבֹוא־אֵ֭לָיו נָתָ֣ן הַנָּבִ֑יא כַּֽאֲשֶׁר־בָּ֝֗א אֶל־בַּת־שָֽׁבַע׃ bevowʾ־ʾelayw natan hanaviyʾ kaʾasher־baʾ ʾel־bat־shavaʿ׃
3 חָנֵּ֣נִי אֱלֹהִ֣ים כְּחַסְדֶּ֑ךָ כְּרֹ֥ב רַ֝חֲמֶ֗יךָ מְחֵ֣ה פְשָׁעָֽי׃ ḥaneniy ʾelohiym keḥasedekha kerov raḥameykha meḥeh feshaʿay׃
4 [הַרְבֵּה כ] (הֶ֭רֶב ק) כַּבְּסֵ֣נִי מֵעֲוֹנִ֑י וּֽמֵחַטָּאתִ֥י טַהֲרֵֽנִי׃ [harebeh kh] (herev q) kabeseniy meʿaoniy umeḥaṭaʾtiy ṭahareniy׃
5 כִּֽי־פְ֭שָׁעַי אֲנִ֣י אֵדָ֑ע וְחַטָּאתִ֖י נֶגְדִּ֣י תָמִֽיד׃ kiy־feshaʿay ʾaniy ʾedaʿ weḥaṭaʾtiy negediy tamiyd׃
6 לְךָ֤ לְבַדְּךָ֨ ׀ חָטָאתִי֮ וְהָרַ֥ע בְּעֵינֶ֗יךָ עָ֫שִׂ֥יתִי לְ֭מַעַן תִּצְדַּ֥ק בְּדָבְרֶ֗ךָ תִּזְכֶּ֥ה בְשָׁפְטֶֽךָ׃ lekha levadekha ׀ ḥaṭaʾtiy weharaʿ beʿeyneykha ʿasiytiy lemaʿan titsedaq bedaverekha tizekeh veshafeṭekha׃
7 הֵן־בְּעָוֹ֥ון חֹולָ֑לְתִּי וּ֝בְחֵ֗טְא יֶֽחֱמַ֥תְנִי אִמִּֽי׃ hen־beʿaown ḥowlaletiy uveḥeṭeʾ yeḥemateniy ʾimiy׃
8 הֵן־אֱ֭מֶת חָפַ֣צְתָּ בַטֻּחֹ֑ות וּ֝בְסָתֻ֗ם חָכְמָ֥ה תֹודִיעֵֽנִי׃ hen־ʾemet ḥafatseta vaṭuḥowt uvesatum ḥakhemah towdiyʿeniy׃
9 תְּחַטְּאֵ֣נִי בְאֵזֹ֣וב וְאֶטְהָ֑ר תְּ֝כַבְּסֵ֗נִי וּמִשֶּׁ֥לֶג אַלְבִּֽין׃ teḥaṭeʾeniy veʾezowv weʾeṭehar tekhabeseniy umisheleg ʾalebiyn׃
10 תַּ֭שְׁמִיעֵנִי שָׂשֹׂ֣ון וְשִׂמְחָ֑ה תָּ֝גֵ֗לְנָה עֲצָמֹ֥ות דִּכִּֽיתָ׃ tashemiyʿeniy sasown wesimeḥah tagelenah ʿatsamowt dikiyta׃
11 הַסְתֵּ֣ר פָּ֭נֶיךָ מֵחֲטָאָ֑י וְֽכָל־עֲוֹ֖נֹתַ֣י מְחֵֽה׃ haseter paneykha meḥaṭaʾay wekhal־ʿaonotay meḥeh׃
12 לֵ֣ב טָ֭הֹור בְּרָא־לִ֣י אֱלֹהִ֑ים וְר֥וּחַ נָ֝כֹ֗ון חַדֵּ֥שׁ בְּקִרְבִּֽי׃ lev ṭahowr beraʾ־liy ʾelohiym weruaḥ nakhown ḥadesh beqirebiy׃
13 אַל־תַּשְׁלִיכֵ֥נִי מִלְּפָנֶ֑יךָ וְר֥וּחַ קָ֝דְשְׁךָ֗ אַל־תִּקַּ֥ח מִמֶּֽנִּי׃ ʾal־tasheliykheniy milefaneykha weruaḥ qadeshekha ʾal־tiqaḥ mimeniy׃
14 הָשִׁ֣יבָה לִּ֭י שְׂשֹׂ֣ון יִשְׁעֶ֑ךָ וְר֖וּחַ נְדִיבָ֣ה תִסְמְכֵֽנִי׃ hashiyvah liy sesown yisheʿekha weruaḥ nediyvah tisemekheniy׃
15 אֲלַמְּדָ֣ה פֹשְׁעִ֣ים דְּרָכֶ֑יךָ וְ֝חַטָּאִ֗ים אֵלֶ֥יךָ יָשֽׁוּבוּ׃ ʾalamedah fosheʿiym derakheykha weḥaṭaʾiym ʾeleykha yashuvu׃
16 הַצִּ֘ילֵ֤נִי מִדָּמִ֨ים ׀ אֱֽלֹהִ֗ים אֱלֹהֵ֥י תְּשׁוּעָתִ֑י תְּרַנֵּ֥ן לְשֹׁונִ֗י צִדְקָתֶֽךָ׃ hatsiyleniy midamiym ׀ אlohiym ʾelohey teshuʿatiy teranen leshowniy tsideqatekha׃
17 אֲ֭דֹנָי שְׂפָתַ֣י תִּפְתָּ֑ח וּ֝פִ֗י יַגִּ֥יד תְּהִלָּתֶֽךָ׃ ʾadonay sefatay tifetaḥ ufiy yagiyd tehilatekha׃
18 כִּ֤י ׀ לֹא־תַחְפֹּ֣ץ זֶ֣בַח וְאֶתֵּ֑נָה עֹ֝ולָ֗ה לֹ֣א תִרְצֶֽה׃ kiy ׀ loʾ־taḥepots zevaḥ weʾetenah ʿowlah loʾ tiretseh׃
19 זִֽבְחֵ֣י אֱלֹהִים֮ ר֪וּחַ נִשְׁבָּ֫רָ֥ה לֵב־נִשְׁבָּ֥ר וְנִדְכֶּ֑ה אֱ֝לֹהִ֗ים לֹ֣א תִבְזֶֽה׃ ziveḥey ʾelohiym ruaḥ nishebarah lev־nishebar wenidekeh ʾelohiym loʾ tivezeh׃
20 הֵיטִ֣יבָה בִ֭רְצֹונְךָ אֶת־צִיֹּ֑ון תִּ֝בְנֶ֗ה חֹומֹ֥ות יְרוּשָׁלִָֽם׃ heyṭiyvah viretsownekha ʾet־tsiyown tiveneh ḥowmowt yerushalim׃
21 אָ֤ז תַּחְפֹּ֣ץ זִבְחֵי־צֶ֭דֶק עֹולָ֣ה וְכָלִ֑יל אָ֤ז יַעֲל֖וּ עַל־מִזְבַּחֲךָ֣ פָרִֽים׃ ʾaz taḥepots ziveḥey־tsedeq ʿowlah wekhaliyl ʾaz yaʿalu ʿal־mizebaḥakha fariym׃