1 לְדָוִ֗ד מִ֫זְמֹ֥ור חֶֽסֶד־וּמִשְׁפָּ֥ט אָשִׁ֑ירָה לְךָ֖ יְהוָ֣ה אֲזַמֵּֽרָה׃ ledawid mizemowr ḥesed־umishepaṭ ʾashiyrah lekha yehwah ʾazamerah׃
2 אַשְׂכִּ֤ילָה ׀ בְּדֶ֬רֶךְ תָּמִ֗ים מָ֭תַי תָּבֹ֣וא אֵלָ֑י אֶתְהַלֵּ֥ךְ בְּתָם־לְ֝בָבִ֗י בְּקֶ֣רֶב בֵּיתִֽי׃ ʾasekiylah ׀ bederekhe tamiym matay tavowʾ ʾelay ʾetehalekhe betam־levaviy beqerev beytiy׃
3 לֹֽא־אָשִׁ֨ית ׀ לְנֶ֥גֶד עֵינַ֗י דְּֽבַר־בְּלִ֫יָּ֥עַל עֲשֹֽׂה־סֵטִ֥ים שָׂנֵ֑אתִי לֹ֖א יִדְבַּ֣ק בִּֽי׃ loʾ־ʾashiyt ׀ leneged ʿeynay devar־beliyaʿal ʿasoh־seṭiym saneʾtiy loʾ yidebaq biy׃
4 לֵבָ֣ב עִ֭קֵּשׁ יָס֣וּר מִמֶּ֑נִּי רָ֝֗ע לֹ֣א אֵדָֽע׃ levav ʿiqesh yasur mimeniy raʿ loʾ ʾedaʿ׃
5 [מְלֹושְׁנִי כ] (מְלָשְׁנִ֬י ק) בַסֵּ֨תֶר ׀ רֵעֵהוּ֮ אֹותֹ֪ו אַ֫צְמִ֥ית גְּֽבַהּ־עֵ֭ינַיִם וּרְחַ֣ב לֵבָ֑ב אֹ֝תֹ֗ו לֹ֣א אוּכָֽל׃ [melowsheniy kh] (melasheniy q) vaseter ׀ reʿehu ʾowtow ʾatsemiyt gevah־ʿeynayim ureḥav levav ʾotow loʾ ʾukhal׃
6 עֵינַ֤י ׀ בְּנֶֽאֶמְנֵי־אֶרֶץ֮ לָשֶׁ֪בֶת עִמָּ֫דִ֥י הֹ֭לֵךְ בְּדֶ֣רֶךְ תָּמִ֑ים ה֝֗וּא יְשָׁרְתֵֽנִי׃ ʿeynay ׀ beneʾemeney־ʾerets lashevet ʿimadiy holekhe bederekhe tamiym huʾ yeshareteniy׃
7 לֹֽא־יֵשֵׁ֨ב ׀ בְּקֶ֥רֶב בֵּיתִי֮ עֹשֵׂ֪ה רְמִ֫יָּ֥ה דֹּבֵ֥ר שְׁקָרִ֑ים לֹֽא־יִ֝כֹּ֗ון לְנֶ֣גֶד עֵינָֽי׃ loʾ־yeshev ׀ beqerev beytiy ʿoseh remiyah dover sheqariym loʾ־yikown leneged ʿeynay׃
8 לַבְּקָרִ֗ים אַצְמִ֥ית כָּל־רִשְׁעֵי־אָ֑רֶץ לְהַכְרִ֥ית מֵֽעִיר־יְ֝הוָ֗ה כָּל־פֹּ֥עֲלֵי אָֽוֶן׃ labeqariym ʾatsemiyt kal־risheʿey־ʾarets lehakheriyt meʿiyr־yehwah kal־poʿaley ʾawen׃