Daniel 10

¹ בִּשְׁנַ֣ת שָׁלֹ֗ושׁ לְכֹ֙ורֶשׁ֙ מֶ֣לֶךְ פָּרַ֔ס דָּבָר֙ נִגְלָ֣ה לְדָֽנִיֵּ֔אל אֲשֶׁר־נִקְרָ֥א שְׁמֹ֖ו בֵּלְטְשַׁאצַּ֑ר וֶאֱמֶ֤ת הַדָּבָר֙ וְצָבָ֣א גָדֹ֔ול וּבִין֙ אֶת־הַדָּבָ֔ר וּבִ֥ינָה לֹ֖ו בַּמַּרְאֶֽה׃ bishenat shalowsh lekhowresh melekhe paras davar nigelah ledaniyeʾl ʾasher־niqeraʾ shemow beleṭeshaʾtsar weʾemet hadavar wetsavaʾ gadowl uviyn ʾet־hadavar uviynah low bamareʾeh׃

² בַּיָּמִ֖ים הָהֵ֑ם אֲנִ֤י דָֽנִיֵּאל֙ הָיִ֣יתִי מִתְאַבֵּ֔ל שְׁלֹשָׁ֥ה שָׁבֻעִ֖ים יָמִֽים׃ bayamiym hahem ʾaniy daniyeʾl hayiytiy miteʾabel sheloshah shavuʿiym yamiym׃

³ לֶ֣חֶם חֲמֻדֹ֞ות לֹ֣א אָכַ֗לְתִּי וּבָשָׂ֥ר וָיַ֛יִן לֹא־בָ֥א אֶל־פִּ֖י וְסֹ֣וךְ לֹא־סָ֑כְתִּי עַד־מְלֹ֕את שְׁלֹ֥שֶׁת שָׁבֻעִ֖ים יָמִֽים׃ פ leḥem ḥamudowt loʾ ʾakhaletiy uvasar wayayin loʾ־vaʾ ʾel־piy wesowkhe loʾ־sakhetiy ʿad־meloʾt sheloshet shavuʿiym yamiym׃ f

⁴ וּבְיֹ֛ום עֶשְׂרִ֥ים וְאַרְבָּעָ֖ה לַחֹ֣דֶשׁ הָרִאשֹׁ֑ון וַאֲנִ֗י הָיִ֛יתִי עַ֣ל יַ֧ד הַנָּהָ֛ר הַגָּדֹ֖ול ה֥וּא חִדָּֽקֶל׃ uveyowm ʿeseriym weʾarebaʿah laḥodesh hariʾshown waʾaniy hayiytiy ʿal yad hanahar hagadowl huʾ ḥidaqel׃

⁵ וָאֶשָּׂ֤א אֶת־עֵינַי֙ וָאֵ֔רֶא וְהִנֵּ֥ה אִישׁ־אֶחָ֖ד לָב֣וּשׁ בַּדִּ֑ים וּמָתְנָ֥יו חֲגֻרִ֖ים בְּכֶ֥תֶם אוּפָֽז׃ waʾesaʾ ʾet־ʿeynay waʾereʾ wehineh ʾiysh־ʾeḥad lavush badiym umatenayw ḥaguriym bekhetem ʾufaz׃

⁶ וּגְוִיָּתֹ֣ו כְתַרְשִׁ֗ישׁ וּפָנָ֞יו כְּמַרְאֵ֤ה בָרָק֙ וְעֵינָיו֙ כְּלַפִּ֣ידֵי אֵ֔שׁ וּזְרֹֽעֹתָיו֙ וּמַרְגְּלֹתָ֔יו כְּעֵ֖ין נְחֹ֣שֶׁת קָלָ֑ל וְקֹ֥ול דְּבָרָ֖יו כְּקֹ֥ול הָמֹֽון׃ ugewiyatow khetareshiysh ufanayw kemareʾeh varaq weʿeynayw kelapiydey ʾesh uzeroʿotayw umaregelotayw keʿeyn neḥoshet qalal weqowl devarayw keqowl hamown׃

⁷ וְרָאִיתִי֩ אֲנִ֨י דָנִיֵּ֤אל לְבַדִּי֙ אֶת־הַמַּרְאָ֔ה וְהָאֲנָשִׁים֙ אֲשֶׁ֣ר הָי֣וּ עִמִּ֔י לֹ֥א רָא֖וּ אֶת־הַמַּרְאָ֑ה אֲבָ֗ל חֲרָדָ֤ה גְדֹלָה֙ נָפְלָ֣ה עֲלֵיהֶ֔ם וַֽיִּבְרְח֖וּ בְּהֵחָבֵֽא׃ weraʾiytiy ʾaniy daniyeʾl levadiy ʾet־hamareʾah wehaʾanashiym ʾasher hayu ʿimiy loʾ raʾu ʾet־hamareʾah ʾaval ḥaradah gedolah nafelah ʿaleyhem wayivereḥu beheḥaveʾ׃

⁸ וַאֲנִי֙ נִשְׁאַ֣רְתִּי לְבַדִּ֔י וָֽאֶרְאֶ֗ה אֶת־הַמַּרְאָ֤ה הַגְּדֹלָה֙ הַזֹּ֔את וְלֹ֥א נִשְׁאַר־בִּ֖י כֹּ֑ח וְהֹודִ֗י נֶהְפַּ֤ךְ עָלַי֙ לְמַשְׁחִ֔ית וְלֹ֥א עָצַ֖רְתִּי כֹּֽחַ׃ waʾaniy nisheʾaretiy levadiy waʾereʾeh ʾet־hamareʾah hagedolah hazoʾt weloʾ nisheʾar־biy koḥ wehowdiy nehepakhe ʿalay lemasheḥiyt weloʾ ʿatsaretiy koaḥ׃

⁹ וָאֶשְׁמַ֖ע אֶת־קֹ֣ול דְּבָרָ֑יו וּכְשָׁמְעִי֙ אֶת־קֹ֣ול דְּבָרָ֔יו וַאֲנִ֗י הָיִ֛יתִי נִרְדָּ֥ם עַל־פָּנַ֖י וּפָנַ֥י אָֽרְצָה׃ waʾeshemaʿ ʾet־qowl devarayw ukheshameʿiy ʾet־qowl devarayw waʾaniy hayiytiy niredam ʿal־panay ufanay ʾaretsah׃

¹⁰ וְהִנֵּה־יָ֖ד נָ֣גְעָה בִּ֑י וַתְּנִיעֵ֥נִי עַל־בִּרְכַּ֖י וְכַפֹּ֥ות יָדָֽי׃ wehineh־yad nageʿah biy wateniyʿeniy ʿal־birekay wekhapowt yaday׃

¹¹ וַיֹּ֣אמֶר אֵלַ֡י דָּנִיֵּ֣אל אִישׁ־חֲ֠מֻדֹות הָבֵ֨ן בַּדְּבָרִ֜ים אֲשֶׁר֩ אָנֹכִ֨י דֹבֵ֤ר אֵלֶ֙יךָ֙ וַעֲמֹ֣ד עַל־עָמְדֶ֔ךָ כִּ֥י עַתָּ֖ה שֻׁלַּ֣חְתִּי אֵלֶ֑יךָ וּבְדַבְּרֹ֥ו עִמִּ֛י אֶת־הַדָּבָ֥ר הַזֶּ֖ה עָמַ֥דְתִּי מַרְעִֽיד׃ wayoʾmer ʾelay daniyeʾl ʾiysh־ḥamudowt haven badevariym ʾasher ʾanokhiy dover ʾeleykha waʿamod ʿal־ʿamedekha kiy ʿatah shulaḥetiy ʾeleykha uvedaberow ʿimiy ʾet־hadavar hazeh ʿamadetiy mareʿiyd׃

¹² וַיֹּ֣אמֶר אֵלַי֮ אַל־תִּירָ֣א דָנִיֵּאל֒ כִּ֣י ׀ מִן־הַיֹּ֣ום הָרִאשֹׁ֗ון אֲשֶׁ֨ר נָתַ֧תָּ אֶֽת־לִבְּךָ֛ לְהָבִ֧ין וּלְהִתְעַנֹּ֛ות לִפְנֵ֥י אֱלֹהֶ֖יךָ נִשְׁמְע֣וּ דְבָרֶ֑יךָ וַאֲנִי־בָ֖אתִי בִּדְבָרֶֽיךָ׃ wayoʾmer ʾelay ʾal־tiyraʾ daniyeʾl kiy ׀ min־hayowm hariʾshown ʾasher natata ʾet־libekha lehaviyn ulehiteʿanowt lifeney ʾeloheykha nishemeʿu devareykha waʾaniy־vaʾtiy bidevareykha׃

¹³ וְשַׂ֣ר ׀ מַלְכ֣וּת פָּרַ֗ס עֹמֵ֤ד לְנֶגְדִּי֙ עֶשְׂרִ֣ים וְאֶחָ֣ד יֹ֔ום וְהִנֵּ֣ה מִֽיכָאֵ֗ל אַחַ֛ד הַשָּׂרִ֥ים הָרִאשֹׁנִ֖ים בָּ֣א לְעָזְרֵ֑נִי וַאֲנִי֙ נֹותַ֣רְתִּי שָׁ֔ם אֵ֖צֶל מַלְכֵ֥י פָרָֽס׃ wesar ׀ malekhut paras ʿomed lenegediy ʿeseriym weʾeḥad yowm wehineh miykhaʾel ʾaḥad hasariym hariʾshoniym baʾ leʿazereniy waʾaniy nowtaretiy sham ʾetsel malekhey faras׃

¹⁴ וּבָ֙אתִי֙ לַהֲבִ֣ינְךָ֔ אֵ֛ת אֲשֶׁר־יִקְרָ֥ה לְעַמְּךָ֖ בְּאַחֲרִ֣ית הַיָּמִ֑ים כִּי־עֹ֥וד חָזֹ֖ון לַיָּמִֽים׃ uvaʾtiy lahaviynekha ʾet ʾasher־yiqerah leʿamekha beʾaḥariyt hayamiym kiy־ʿowd ḥazown layamiym׃

¹⁵ וּבְדַבְּרֹ֣ו עִמִּ֔י כַּדְּבָרִ֖ים הָאֵ֑לֶּה נָתַ֧תִּי פָנַ֛י אַ֖רְצָה וְנֶאֱלָֽמְתִּי׃ uvedaberow ʿimiy kadevariym haʾeleh natatiy fanay ʾaretsah weneʾelametiy׃

¹⁶ וְהִנֵּ֗ה כִּדְמוּת֙ בְּנֵ֣י אָדָ֔ם נֹגֵ֖עַ עַל־שְׂפָתָ֑י וָאֶפְתַּח־פִּ֗י וָאֲדַבְּרָה֙ וָאֹֽמְרָה֙ אֶל־הָעֹמֵ֣ד לְנֶגְדִּ֔י אֲדֹנִ֗י בַּמַּרְאָה֙ נֶהֶפְכ֤וּ צִירַי֙ עָלַ֔י וְלֹ֥א עָצַ֖רְתִּי כֹּֽחַ׃ wehineh kidemut beney ʾadam nogeaʿ ʿal־sefatay waʾefetaḥ־piy waʾadaberah waʾomerah ʾel־haʿomed lenegediy ʾadoniy bamareʾah nehefekhu tsiyray ʿalay weloʾ ʿatsaretiy koaḥ׃

¹⁷ וְהֵ֣יךְ יוּכַ֗ל עֶ֤בֶד אֲדֹנִי֙ זֶ֔ה לְדַבֵּ֖ר עִם־אֲדֹ֣נִי זֶ֑ה וַאֲנִ֤י מֵעַ֙תָּה֙ לֹֽא־יַעֲמָד־בִּ֣י כֹ֔חַ וּנְשָׁמָ֖ה לֹ֥א נִשְׁאֲרָה־בִֽי׃ weheykhe yukhal ʿeved ʾadoniy zeh ledaber ʿim־ʾadoniy zeh waʾaniy meʿatah loʾ־yaʿamad־biy khoaḥ uneshamah loʾ nisheʾarah־viy׃

¹⁸ וַיֹּ֧סֶף וַיִּגַּע־בִּ֛י כְּמַרְאֵ֥ה אָדָ֖ם וַֽיְחַזְּקֵֽנִי׃ wayosef wayigaʿ־biy kemareʾeh ʾadam wayeḥazeqeniy׃

¹⁹ וַיֹּ֜אמֶר אַל־תִּירָ֧א אִישׁ־חֲמֻדֹ֛ות שָׁלֹ֥ום לָ֖ךְ חֲזַ֣ק וַחֲזָ֑ק וּֽכְדַבְּרֹ֤ו עִמִּי֙ הִתְחַזַּ֔קְתִּי וָאֹ֥מְרָ֛ה יְדַבֵּ֥ר אֲדֹנִ֖י כִּ֥י חִזַּקְתָּֽנִי׃ wayoʾmer ʾal־tiyraʾ ʾiysh־ḥamudowt shalowm lakhe ḥazaq waḥazaq ukhedaberow ʿimiy hiteḥazaqetiy waʾomerah yedaber ʾadoniy kiy ḥizaqetaniy׃

²⁰ וַיֹּ֗אמֶר הֲיָדַ֙עְתָּ֙ לָמָּה־בָּ֣אתִי אֵלֶ֔יךָ וְעַתָּ֣ה אָשׁ֔וּב לְהִלָּחֵ֖ם עִם־שַׂ֣ר פָּרָ֑ס וַאֲנִ֣י יֹוצֵ֔א וְהִנֵּ֥ה שַׂר־יָוָ֖ן בָּֽא׃ wayoʾmer hayadaʿeta lamah־baʾtiy ʾeleykha weʿatah ʾashuv lehilaḥem ʿim־sar paras waʾaniy yowtseʾ wehineh sar־yawan baʾ׃

²¹ אֲבָל֙ אַגִּ֣יד לְךָ֔ אֶת־הָרָשׁ֥וּם בִּכְתָ֖ב אֱמֶ֑ת וְאֵ֨ין אֶחָ֜ד מִתְחַזֵּ֤ק עִמִּי֙ עַל־אֵ֔לֶּה כִּ֥י אִם־מִיכָאֵ֖ל שַׂרְכֶֽם׃ פ ʾaval ʾagiyd lekha ʾet־harashum bikhetav ʾemet weʾeyn ʾeḥad miteḥazeq ʿimiy ʿal־ʾeleh kiy ʾim־miykhaʾel sarekhem׃ f