Jérémie 23

¹ הֹ֣וי רֹעִ֗ים מְאַבְּדִ֧ים וּמְפִצִ֛ים אֶת־צֹ֥אן מַרְעִיתִ֖י נְאֻם־יְהוָֽה׃ howy roʿiym meʾabediym umefitsiym ʾet־tsoʾn mareʿiytiy neʾum־yehwah׃

² לָ֠כֵן כֹּֽה־אָמַ֨ר יְהוָ֜ה אֱלֹהֵ֣י יִשְׂרָאֵ֗ל עַֽל־הָרֹעִים֮ הָרֹעִ֣ים אֶת־עַמִּי֒ אַתֶּ֞ם הֲפִצֹתֶ֤ם אֶת־צֹאנִי֙ וַתַּדִּח֔וּם וְלֹ֥א פְקַדְתֶּ֖ם אֹתָ֑ם הִנְנִ֨י פֹקֵ֧ד עֲלֵיכֶ֛ם אֶת־רֹ֥עַ מַעַלְלֵיכֶ֖ם נְאֻם־יְהוָֽה׃ lakhen koh־ʾamar yehwah ʾelohey yiseraʾel ʿal־haroʿiym haroʿiym ʾet־ʿamiy ʾatem hafitsotem ʾet־tsoʾniy watadiḥum weloʾ feqadetem ʾotam hineniy foqed ʿaleykhem ʾet־roaʿ maʿaleleykhem neʾum־yehwah׃

³ וַאֲנִ֗י אֲקַבֵּץ֙ אֶת־שְׁאֵרִ֣ית צֹאנִ֔י מִכֹּל֙ הָאֲרָצֹ֔ות אֲשֶׁר־הִדַּ֥חְתִּי אֹתָ֖ם שָׁ֑ם וַהֲשִׁבֹתִ֥י אֶתְהֶ֛ן עַל־נְוֵהֶ֖ן וּפָר֥וּ וְרָבֽוּ׃ waʾaniy ʾaqabets ʾet־sheʾeriyt tsoʾniy mikol haʾaratsowt ʾasher־hidaḥetiy ʾotam sham wahashivotiy ʾetehen ʿal־newehen ufaru weravu׃

⁴ וַהֲקִמֹתִ֧י עֲלֵיהֶ֛ם רֹעִ֖ים וְרָע֑וּם וְלֹא־יִֽירְא֨וּ עֹ֧וד וְלֹא־יֵחַ֛תּוּ וְלֹ֥א יִפָּקֵ֖דוּ נְאֻם־יְהוָֽה׃ ס wahaqimotiy ʿaleyhem roʿiym weraʿum weloʾ־yiyreʾu ʿowd weloʾ־yeḥatu weloʾ yipaqedu neʾum־yehwah׃ s

⁵ הִנֵּ֨ה יָמִ֤ים בָּאִים֙ נְאֻם־יְהוָ֔ה וַהֲקִמֹתִ֥י לְדָוִ֖ד צֶ֣מַח צַדִּ֑יק וּמָ֤לַךְ מֶ֙לֶךְ֙ וְהִשְׂכִּ֔יל וְעָשָׂ֛ה מִשְׁפָּ֥ט וּצְדָקָ֖ה בָּאָֽרֶץ׃ hineh yamiym baʾiym neʾum־yehwah wahaqimotiy ledawid tsemaḥ tsadiyq umalakhe melekhe wehisekiyl weʿasah mishepaṭ utsedaqah baʾarets׃

⁶ בְּיָמָיו֙ תִּוָּשַׁ֣ע יְהוּדָ֔ה וְיִשְׂרָאֵ֖ל יִשְׁכֹּ֣ן לָבֶ֑טַח וְזֶה־שְּׁמֹ֥ו אֲ‍ֽשֶׁר־יִקְרְאֹ֖ו יְהוָ֥ה ׀ צִדְקֵֽנוּ׃ ס beyamayw tiuashaʿ yehudah weyiseraʾel yishekon laveṭaḥ wezeh־shemow א‍sher־yiqereʾow yehwah ׀ tsideqenu׃ s

⁷ לָכֵ֛ן הִנֵּֽה־יָמִ֥ים בָּאִ֖ים נְאֻם־יְהוָ֑ה וְלֹא־יֹ֤אמְרוּ עֹוד֙ חַי־יְהוָ֔ה אֲשֶׁ֧ר הֶעֱלָ֛ה אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃ lakhen hineh־yamiym baʾiym neʾum־yehwah weloʾ־yoʾmeru ʿowd ḥay־yehwah ʾasher heʿelah ʾet־beney yiseraʾel meʾerets mitserayim׃

⁸ כִּ֣י אִם־חַי־יְהוָ֗ה אֲשֶׁ֣ר הֶעֱלָה֩ וַאֲשֶׁ֨ר הֵבִ֜יא אֶת־זֶ֨רַע בֵּ֤ית יִשְׂרָאֵל֙ מֵאֶ֣רֶץ צָפֹ֔ונָה וּמִכֹּל֙ הָֽאֲרָצֹ֔ות אֲשֶׁ֥ר הִדַּחְתִּ֖ים שָׁ֑ם וְיָשְׁב֖וּ עַל־אַדְמָתָֽם׃ ס kiy ʾim־ḥay־yehwah ʾasher heʿelah waʾasher heviyʾ ʾet־zeraʿ beyt yiseraʾel meʾerets tsafownah umikol haʾaratsowt ʾasher hidaḥetiym sham weyashevu ʿal־ʾadematam׃ s

⁹ לַנְּבִאִ֞ים נִשְׁבַּ֧ר לִבִּ֣י בְקִרְבִּ֗י רָֽחֲפוּ֙ כָּל־עַצְמֹותַ֔י הָיִ֙יתִי֙ כְּאִ֣ישׁ שִׁכֹּ֗ור וּכְגֶ֖בֶר עֲבָ֣רֹו יָ֑יִן מִפְּנֵ֣י יְהוָ֔ה וּמִפְּנֵ֖י דִּבְרֵ֥י קָדְשֹֽׁו׃ laneviʾiym nishebar libiy veqirebiy raḥafu kal־ʿatsemowtay hayiytiy keʾiysh shikowr ukhegever ʿavarow yayin mipeney yehwah umipeney diverey qadeshow׃

¹⁰ כִּ֤י מְנָֽאֲפִים֙ מָלְאָ֣ה הָאָ֔רֶץ כִּֽי־מִפְּנֵ֤י אָלָה֙ אָבְלָ֣ה הָאָ֔רֶץ יָבְשׁ֖וּ נְאֹ֣ות מִדְבָּ֑ר וַתְּהִ֤י מְרֽוּצָתָם֙ רָעָ֔ה וּגְבוּרָתָ֖ם לֹא־כֵֽן׃ kiy menaʾafiym maleʾah haʾarets kiy־mipeney ʾalah ʾavelah haʾarets yaveshu neʾowt midebar watehiy merutsatam raʿah ugevuratam loʾ־khen׃

¹¹ כִּֽי־גַם־נָבִ֥יא גַם־כֹּהֵ֖ן חָנֵ֑פוּ גַּם־בְּבֵיתִ֛י מָצָ֥אתִי רָעָתָ֖ם נְאֻם־יְהוָֽה׃ kiy־gam־naviyʾ gam־kohen ḥanefu gam־beveytiy matsaʾtiy raʿatam neʾum־yehwah׃

¹² לָכֵן֩ יִֽהְיֶ֨ה דַרְכָּ֜ם לָהֶ֗ם כַּחֲלַקְלַקֹּות֙ בָּֽאֲפֵלָ֔ה יִדַּ֖חוּ וְנָ֣פְלוּ בָ֑הּ כִּֽי־אָבִ֨יא עֲלֵיהֶ֥ם רָעָ֛ה שְׁנַ֥ת פְּקֻדָּתָ֖ם נְאֻם־יְהוָֽה׃ lakhen yiheyeh darekam lahem kaḥalaqelaqowt baʾafelah yidaḥu wenafelu vah kiy־ʾaviyʾ ʿaleyhem raʿah shenat pequdatam neʾum־yehwah׃

¹³ וּבִנְבִיאֵ֥י שֹׁמְרֹ֖ון רָאִ֣יתִי תִפְלָ֑ה הִנַּבְּא֣וּ בַבַּ֔עַל וַיַּתְע֥וּ אֶת־עַמִּ֖י אֶת־יִשְׂרָאֵֽל׃ ס uvineviyʾey shomerown raʾiytiy tifelah hinabeʾu vabaʿal wayateʿu ʾet־ʿamiy ʾet־yiseraʾel׃ s

¹⁴ וּבִנְבִאֵ֨י יְרוּשָׁלִַ֜ם רָאִ֣יתִי שַׁעֲרוּרָ֗ה נָאֹ֞וף וְהָלֹ֤ךְ בַּשֶּׁ֙קֶר֙ וְחִזְּקוּ֙ יְדֵ֣י מְרֵעִ֔ים לְבִ֨לְתִּי־שָׁ֔בוּ אִ֖ישׁ מֵרָֽעָתֹ֑ו הָֽיוּ־לִ֤י כֻלָּם֙ כִּסְדֹ֔ם וְיֹשְׁבֶ֖יהָ כַּעֲמֹרָֽה׃ ס uvineviʾey yerushalim raʾiytiy shaʿarurah naʾowf wehalokhe basheqer weḥizequ yedey mereʿiym leviletiy־shavu ʾiysh meraʿatow hayu־liy khulam kisedom weyosheveyha kaʿamorah׃ s

¹⁵ לָכֵ֞ן כֹּֽה־אָמַ֨ר יְהוָ֤ה צְבָאֹות֙ עַל־הַנְּבִאִ֔ים הִנְנִ֨י מַאֲכִ֤יל אֹותָם֙ לַֽעֲנָ֔ה וְהִשְׁקִתִ֖ים מֵי־רֹ֑אשׁ כִּ֗י מֵאֵת֙ נְבִיאֵ֣י יְרוּשָׁלִַ֔ם יָצְאָ֥ה חֲנֻפָּ֖ה לְכָל־הָאָֽרֶץ׃ פ lakhen koh־ʾamar yehwah tsevaʾowt ʿal־haneviʾiym hineniy maʾakhiyl ʾowtam laʿanah wehisheqitiym mey־roʾsh kiy meʾet neviyʾey yerushalim yatseʾah ḥanupah lekhal־haʾarets׃ f

¹⁶ כֹּֽה־אָמַ֞ר יְהוָ֣ה צְבָאֹ֗ות אַֽל־תִּשְׁמְע֞וּ עַל־דִּבְרֵ֤י הַנְּבִאִים֙ הַנִּבְּאִ֣ים לָכֶ֔ם מַהְבִּלִ֥ים הֵ֖מָּה אֶתְכֶ֑ם חֲזֹ֤ון לִבָּם֙ יְדַבֵּ֔רוּ לֹ֖א מִפִּ֥י יְהוָֽה׃ koh־ʾamar yehwah tsevaʾowt ʾal־tishemeʿu ʿal־diverey haneviʾiym hanibeʾiym lakhem mahebiliym hemah ʾetekhem ḥazown libam yedaberu loʾ mipiy yehwah׃

¹⁷ אֹמְרִ֤ים אָמֹור֙ לִֽמְנַאֲצַ֔י דִּבֶּ֣ר יְהוָ֔ה שָׁלֹ֖ום יִֽהְיֶ֣ה לָכֶ֑ם וְ֠כֹל הֹלֵ֞ךְ בִּשְׁרִר֤וּת לִבֹּו֙ אָֽמְר֔וּ לֹֽא־תָבֹ֥וא עֲלֵיכֶ֖ם רָעָֽה׃ ʾomeriym ʾamowr limenaʾatsay diber yehwah shalowm yiheyeh lakhem wekhol holekhe bisherirut libow ʾameru loʾ־tavowʾ ʿaleykhem raʿah׃

¹⁸ כִּ֣י מִ֤י עָמַד֙ בְּסֹ֣וד יְהוָ֔ה וְיֵ֖רֶא וְיִשְׁמַ֣ע אֶת־דְּבָרֹ֑ו מִֽי־הִקְשִׁ֥יב [דְּבָרִי כ] (דְּבָרֹ֖ו ק) וַיִּשְׁמָֽע׃ ס kiy miy ʿamad besowd yehwah weyereʾ weyishemaʿ ʾet־devarow miy־hiqeshiyv [devariy kh] (devarow q) wayishemaʿ׃ s

¹⁹ הִנֵּ֣ה ׀ סַעֲרַ֣ת יְהוָ֗ה חֵמָה֙ יָֽצְאָ֔ה וְסַ֖עַר מִתְחֹולֵ֑ל עַ֛ל רֹ֥אשׁ רְשָׁעִ֖ים יָחֽוּל׃ hineh ׀ saʿarat yehwah ḥemah yatseʾah wesaʿar miteḥowlel ʿal roʾsh reshaʿiym yaḥul׃

²⁰ לֹ֤א יָשׁוּב֙ אַף־יְהוָ֔ה עַד־עֲשֹׂתֹ֥ו וְעַד־הֲקִימֹ֖ו מְזִמֹּ֣ות לִבֹּ֑ו בְּאַֽחֲרִית֙ הַיָּמִ֔ים תִּתְבֹּ֥ונְנוּ בָ֖הּ בִּינָֽה׃ loʾ yashuv ʾaf־yehwah ʿad־ʿasotow weʿad־haqiymow mezimowt libow beʾaḥariyt hayamiym titebownenu vah biynah׃

²¹ לֹא־שָׁלַ֥חְתִּי אֶת־הַנְּבִאִ֖ים וְהֵ֣ם רָ֑צוּ לֹא־דִבַּ֥רְתִּי אֲלֵיהֶ֖ם וְהֵ֥ם נִבָּֽאוּ׃ loʾ־shalaḥetiy ʾet־haneviʾiym wehem ratsu loʾ־dibaretiy ʾaleyhem wehem nibaʾu׃

²² וְאִֽם־עָמְד֖וּ בְּסֹודִ֑י וְיַשְׁמִ֤עוּ דְבָרַי֙ אֶת־עַמִּ֔י וִֽישִׁבוּם֙ מִדַּרְכָּ֣ם הָרָ֔ע וּמֵרֹ֖עַ מַֽעַלְלֵיהֶֽם׃ ס weʾim־ʿamedu besowdiy weyashemiʿu devaray ʾet־ʿamiy wiyshivum midarekam haraʿ umeroaʿ maʿaleleyhem׃ s

²³ הַאֱלֹהֵ֧י מִקָּרֹ֛ב אָ֖נִי נְאֻם־יְהוָ֑ה וְלֹ֥א אֱלֹהֵ֖י מֵרָחֹֽק׃ haʾelohey miqarov ʾaniy neʾum־yehwah weloʾ ʾelohey meraḥoq׃

²⁴ אִם־יִסָּתֵ֨ר אִ֧ישׁ בַּמִּסְתָּרִ֛ים וַאֲנִ֥י לֹֽא־אֶרְאֶ֖נּוּ נְאֻם־יְהוָ֑ה הֲלֹ֨וא אֶת־הַשָּׁמַ֧יִם וְאֶת־הָאָ֛רֶץ אֲנִ֥י מָלֵ֖א נְאֻם־יְהוָֽה׃ ʾim־yisater ʾiysh bamisetariym waʾaniy loʾ־ʾereʾenu neʾum־yehwah halowʾ ʾet־hashamayim weʾet־haʾarets ʾaniy maleʾ neʾum־yehwah׃

²⁵ שָׁמַ֗עְתִּי אֵ֤ת אֲשֶׁר־אָֽמְרוּ֙ הַנְּבִאִ֔ים הַֽנִּבְּאִ֥ים בִּשְׁמִ֛י שֶׁ֖קֶר לֵאמֹ֑ר חָלַ֖מְתִּי חָלָֽמְתִּי׃ shamaʿetiy ʾet ʾasher־ʾameru haneviʾiym hanibeʾiym bishemiy sheqer leʾmor ḥalametiy ḥalametiy׃

²⁶ עַד־מָתַ֗י הֲיֵ֛שׁ בְּלֵ֥ב הַנְּבִאִ֖ים נִבְּאֵ֣י הַשָּׁ֑קֶר וּנְבִיאֵ֖י תַּרְמִ֥ת לִבָּֽם׃ ʿad־matay hayesh belev haneviʾiym nibeʾey hashaqer uneviyʾey taremit libam׃

²⁷ הַחֹשְׁבִ֗ים לְהַשְׁכִּ֤יחַ אֶת־עַמִּי֙ שְׁמִ֔י בַּחֲלֹ֣ומֹתָ֔ם אֲשֶׁ֥ר יְסַפְּר֖וּ אִ֣ישׁ לְרֵעֵ֑הוּ כַּאֲשֶׁ֨ר שָׁכְח֧וּ אֲבֹותָ֛ם אֶת־שְׁמִ֖י בַּבָּֽעַל׃ haḥosheviym lehashekiyḥa ʾet־ʿamiy shemiy baḥalowmotam ʾasher yesaperu ʾiysh lereʿehu kaʾasher shakheḥu ʾavowtam ʾet־shemiy babaʿal׃

²⁸ הַנָּבִ֞יא אֲשֶׁר־אִתֹּ֤ו חֲלֹום֙ יְסַפֵּ֣ר חֲלֹ֔ום וַאֲשֶׁ֤ר דְּבָרִי֙ אִתֹּ֔ו יְדַבֵּ֥ר דְּבָרִ֖י אֱמֶ֑ת מַה־לַתֶּ֥בֶן אֶת־הַבָּ֖ר נְאֻם־יְהוָֽה׃ hanaviyʾ ʾasher־ʾitow ḥalowm yesaper ḥalowm waʾasher devariy ʾitow yedaber devariy ʾemet mah־lateven ʾet־habar neʾum־yehwah׃

²⁹ הֲלֹ֨וא כֹ֧ה דְבָרִ֛י כָּאֵ֖שׁ נְאֻם־יְהוָ֑ה וּכְפַטִּ֖ישׁ יְפֹ֥צֵֽץ סָֽלַע׃ ס halowʾ khoh devariy kaʾesh neʾum־yehwah ukhefaṭiysh yefotsets salaʿ׃ s

³⁰ לָכֵ֛ן הִנְנִ֥י עַל־הַנְּבִאִ֖ים נְאֻם־יְהוָ֑ה מְגַנְּבֵ֣י דְבָרַ֔י אִ֖ישׁ מֵאֵ֥ת רֵעֵֽהוּ׃ lakhen hineniy ʿal־haneviʾiym neʾum־yehwah meganevey devaray ʾiysh meʾet reʿehu׃

³¹ הִנְנִ֥י עַל־הַנְּבִיאִ֖ם נְאֻם־יְהוָ֑ה הַלֹּקְחִ֣ים לְשֹׁונָ֔ם וַֽיִּנְאֲמ֖וּ נְאֻֽם׃ hineniy ʿal־haneviyʾim neʾum־yehwah haloqeḥiym leshownam wayineʾamu neʾum׃

³² הִ֠נְנִי עַֽל־נִבְּאֵ֞י חֲלֹמֹ֥ות שֶׁ֙קֶר֙ נְאֻם־יְהוָ֔ה וַֽיְסַפְּרוּם֙ וַיַּתְע֣וּ אֶת־עַמִּ֔י בְּשִׁקְרֵיהֶ֖ם וּבְפַחֲזוּתָ֑ם וְאָנֹכִ֨י לֹֽא־שְׁלַחְתִּ֜ים וְלֹ֣א צִוִּיתִ֗ים וְהֹועֵ֛יל לֹֽא־יֹועִ֥ילוּ לָֽעָם־הַזֶּ֖ה נְאֻם־יְהוָֽה׃ hineniy ʿal־nibeʾey ḥalomowt sheqer neʾum־yehwah wayesaperum wayateʿu ʾet־ʿamiy beshiqereyhem uvefaḥazutam weʾanokhiy loʾ־shelaḥetiym weloʾ tsiuiytiym wehowʿeyl loʾ־yowʿiylu laʿam־hazeh neʾum־yehwah׃

³³ וְכִי־יִשְׁאָלְךָ֩ הָעָ֨ם הַזֶּ֜ה אֹֽו־הַנָּבִ֤יא אֹֽו־כֹהֵן֙ לֵאמֹ֔ר מַה־מַשָּׂ֖א יְהוָ֑ה וְאָמַרְתָּ֤ אֲלֵיהֶם֙ אֶת־מַה־מַשָּׂ֔א וְנָטַשְׁתִּ֥י אֶתְכֶ֖ם נְאֻם־יְהוָֽה׃ wekhiy־yisheʾalekha haʿam hazeh ʾow־hanaviyʾ ʾow־khohen leʾmor mah־masaʾ yehwah weʾamareta ʾaleyhem ʾet־mah־masaʾ wenaṭashetiy ʾetekhem neʾum־yehwah׃

³⁴ וְהַנָּבִ֤יא וְהַכֹּהֵן֙ וְהָעָ֔ם אֲשֶׁ֥ר יֹאמַ֖ר מַשָּׂ֣א יְהוָ֑ה וּפָקַדְתִּ֛י עַל־הָאִ֥ישׁ הַה֖וּא וְעַל־בֵּיתֹֽו׃ wehanaviyʾ wehakohen wehaʿam ʾasher yoʾmar masaʾ yehwah ufaqadetiy ʿal־haʾiysh hahuʾ weʿal־beytow׃

³⁵ כֹּ֥ה תֹאמְר֛וּ אִ֥ישׁ עַל־רֵעֵ֖הוּ וְאִ֣ישׁ אֶל־אָחִ֑יו מֶה־עָנָ֣ה יְהוָ֔ה וּמַה־דִּבֶּ֖ר יְהוָֽה׃ koh toʾmeru ʾiysh ʿal־reʿehu weʾiysh ʾel־ʾaḥiyw meh־ʿanah yehwah umah־diber yehwah׃

³⁶ וּמַשָּׂ֥א יְהוָ֖ה לֹ֣א תִזְכְּרוּ־עֹ֑וד כִּ֣י הַמַּשָּׂ֗א יִֽהְיֶה֙ לְאִ֣ישׁ דְּבָרֹ֔ו וַהֲפַכְתֶּ֗ם אֶת־דִּבְרֵי֙ אֱלֹהִ֣ים חַיִּ֔ים יְהוָ֥ה צְבָאֹ֖ות אֱלֹהֵֽינוּ׃ umasaʾ yehwah loʾ tizekeru־ʿowd kiy hamasaʾ yiheyeh leʾiysh devarow wahafakhetem ʾet־diverey ʾelohiym ḥayiym yehwah tsevaʾowt ʾeloheynu׃

³⁷ כֹּ֥ה תֹאמַ֖ר אֶל־הַנָּבִ֑יא מֶה־עָנָ֣ךְ יְהוָ֔ה וּמַה־דִּבֶּ֖ר יְהוָֽה׃ koh toʾmar ʾel־hanaviyʾ meh־ʿanakhe yehwah umah־diber yehwah׃

³⁸ וְאִם־מַשָּׂ֣א יְהוָה֮ תֹּאמֵרוּ֒ לָכֵ֗ן כֹּ֚ה אָמַ֣ר יְהוָ֔ה יַ֧עַן אֲמָרְכֶ֛ם אֶת־הַדָּבָ֥ר הַזֶּ֖ה מַשָּׂ֣א יְהוָ֑ה וָאֶשְׁלַ֤ח אֲלֵיכֶם֙ לֵאמֹ֔ר לֹ֥א תֹאמְר֖וּ מַשָּׂ֥א יְהוָֽה׃ weʾim־masaʾ yehwah toʾmeru lakhen koh ʾamar yehwah yaʿan ʾamarekhem ʾet־hadavar hazeh masaʾ yehwah waʾeshelaḥ ʾaleykhem leʾmor loʾ toʾmeru masaʾ yehwah׃

³⁹ לָכֵ֣ן הִנְנִ֔י וְנָשִׁ֥יתִי אֶתְכֶ֖ם נָשֹׁ֑א וְנָטַשְׁתִּ֣י אֶתְכֶ֗ם וְאֶת־הָעִיר֙ אֲשֶׁ֨ר נָתַ֧תִּי לָכֶ֛ם וְלַאֲבֹותֵיכֶ֖ם מֵעַ֥ל פָּנָֽי׃ lakhen hineniy wenashiytiy ʾetekhem nashoʾ wenaṭashetiy ʾetekhem weʾet־haʿiyr ʾasher natatiy lakhem welaʾavowteykhem meʿal panay׃

⁴⁰ וְנָתַתִּ֥י עֲלֵיכֶ֖ם חֶרְפַּ֣ת עֹולָ֑ם וּכְלִמּ֣וּת עֹולָ֔ם אֲשֶׁ֖ר לֹ֥א תִשָּׁכֵֽחַ׃ ס wenatatiy ʿaleykhem ḥerepat ʿowlam ukhelimut ʿowlam ʾasher loʾ tishakheaḥ׃ s