1 בְּנֵ֖י לֵוִ֑י גֵּרְשֹׁ֕ם קְהָ֖ת וּמְרָרִֽי׃ beney lewiy gereshom qehat umerariy׃
2 וְאֵ֛לֶּה שְׁמֹ֥ות בְּֽנֵי־גֵרְשֹׁ֖ום לִבְנִ֥י וְשִׁמְעִֽי׃ weʾeleh shemowt beney־gereshowm liveniy weshimeʿiy׃
3 וּבְנֵ֖י קְהָ֑ת עַמְרָ֣ם וְיִצְהָ֔ר וְחֶבְרֹ֖ון וְעֻזִּיאֵֽל׃ uveney qehat ʿameram weyitsehar weḥeverown weʿuziyʾel׃
4 בְּנֵ֥י מְרָרִ֖י מַחְלִ֣י וּמֻשִׁ֑י וְאֵ֛לֶּה מִשְׁפְּחֹ֥ות הַלֵּוִ֖י לַאֲבֹותֵיהֶֽם׃ beney merariy maḥeliy umushiy weʾeleh mishepeḥowt halewiy laʾavowteyhem׃
5 לְֽגֵרְשֹׁ֑ום לִבְנִ֥י בְנֹ֛ו יַ֥חַת בְּנֹ֖ו זִמָּ֥ה בְנֹֽו׃ legereshowm liveniy venow yaḥat benow zimah venow׃
6 יֹואָ֤ח בְּנֹו֙ עִדֹּ֣ו בְנֹ֔ו זֶ֥רַח בְּנֹ֖ו יְאָתְרַ֥י בְּנֹֽו׃ yowʾaḥ benow ʿidow venow zeraḥ benow yeʾateray benow׃
7 בְּנֵ֖י קְהָ֑ת עַמִּינָדָ֣ב בְּנֹ֔ו קֹ֥רַח בְּנֹ֖ו אַסִּ֥יר בְּנֹֽו׃ beney qehat ʿamiynadav benow qoraḥ benow ʾasiyr benow׃
8 אֶלְקָנָ֥ה בְנֹ֛ו וְאֶבְיָסָ֥ף בְּנֹ֖ו וְאַסִּ֥יר בְּנֹֽו׃ ʾeleqanah venow weʾeveyasaf benow weʾasiyr benow׃
9 תַּ֤חַת בְּנֹו֙ אוּרִיאֵ֣ל בְּנֹ֔ו עֻזִּיָּ֥ה בְנֹ֖ו וְשָׁא֥וּל בְּנֹֽו׃ taḥat benow ʾuriyʾel benow ʿuziyah venow weshaʾul benow׃
10 וּבְנֵי֙ אֶלְקָנָ֔ה עֲמָשַׂ֖י וַאֲחִימֹֽות׃ uveney ʾeleqanah ʿamasay waʾaḥiymowt׃
11 אֶלְקָנָ֑ה [בְּנֹו כ] (בְּנֵי֙ ק) אֶלְקָנָ֔ה צֹופַ֥י בְּנֹ֖ו וְנַ֥חַת בְּנֹֽו׃ ʾeleqanah [benow kh] (beney q) ʾeleqanah tsowfay benow wenaḥat benow׃
12 אֱלִיאָ֥ב בְּנֹ֛ו יְרֹחָ֥ם בְּנֹ֖ו אֶלְקָנָ֥ה בְנֹֽו׃ ʾeliyʾav benow yeroḥam benow ʾeleqanah venow׃
13 וּבְנֵ֧י שְׁמוּאֵ֛ל הַבְּכֹ֥ר וַשְׁנִ֖י וַאֲבִיָּֽה׃ ס uveney shemuʾel habekhor washeniy waʾaviyah׃ s
14 בְּנֵ֥י מְרָרִ֖י מַחְלִ֑י לִבְנִ֥י בְנֹ֛ו שִׁמְעִ֥י בְנֹ֖ו עֻזָּ֥ה בְנֹֽו׃ beney merariy maḥeliy liveniy venow shimeʿiy venow ʿuzah venow׃
15 שִׁמְעָ֥א בְנֹ֛ו חַגִּיָּ֥ה בְנֹ֖ו עֲשָׂיָ֥ה בְנֹֽו׃ פ shimeʿaʾ venow ḥagiyah venow ʿasayah venow׃ f
16 וְאֵ֗לֶּה אֲשֶׁ֨ר הֶעֱמִ֥יד דָּוִ֛יד עַל־יְדֵי־שִׁ֖יר בֵּ֣ית יְהוָ֑ה מִמְּנֹ֖וחַ הָאָרֹֽון׃ weʾeleh ʾasher heʿemiyd dawiyd ʿal־yedey־shiyr beyt yehwah mimenowḥa haʾarown׃
17 וַיִּהְי֨וּ מְשָׁרְתִ֜ים לִפְנֵ֨י מִשְׁכַּ֤ן אֹֽהֶל־מֹועֵד֙ בַּשִּׁ֔יר עַד־בְּנֹ֧ות שְׁלֹמֹ֛ה אֶת־בֵּ֥ית יְהוָ֖ה בִּירוּשָׁלִָ֑ם וַיַּעַמְד֥וּ כְמִשְׁפָּטָ֖ם עַל־עֲבֹודָתָֽם׃ wayiheyu mesharetiym lifeney mishekan ʾohel־mowʿed bashiyr ʿad־benowt shelomoh ʾet־beyt yehwah biyrushalim wayaʿamedu khemishepaṭam ʿal־ʿavowdatam׃
18 וְאֵ֥לֶּה הָעֹמְדִ֖ים וּבְנֵיהֶ֑ם מִבְּנֵי֙ הַקְּהָתִ֔י הֵימָן֙ הַמְשֹׁורֵ֔ר בֶּן־יֹואֵ֖ל בֶּן־שְׁמוּאֵֽל׃ weʾeleh haʿomediym uveneyhem mibeney haqehatiy heyman hameshowrer ben־yowʾel ben־shemuʾel׃
19 בֶּן־אֶלְקָנָה֙ בֶּן־יְרֹחָ֔ם בֶּן־אֱלִיאֵ֖ל בֶּן־תֹּֽוחַ׃ ben־ʾeleqanah ben־yeroḥam ben־ʾeliyʾel ben־towḥa׃
20 בֶּן־ [צִיף כ] (צוּף֙ ק) בֶּן־אֶלְקָנָ֔ה בֶּן־מַ֖חַת בֶּן־עֲמָשָֽׂי׃ ben־ [tsiyf kh] (tsuf q) ben־ʾeleqanah ben־maḥat ben־ʿamasay׃
21 בֶּן־אֶלְקָנָה֙ בֶּן־יֹואֵ֔ל בֶּן־עֲזַרְיָ֖ה בֶּן־צְפַנְיָֽה׃ ben־ʾeleqanah ben־yowʾel ben־ʿazareyah ben־tsefaneyah׃
22 בֶּן־תַּ֙חַת֙ בֶּן־אַסִּ֔יר בֶּן־אֶבְיָסָ֖ף בֶּן־קֹֽרַח׃ ben־taḥat ben־ʾasiyr ben־ʾeveyasaf ben־qoraḥ׃
23 בֶּן־יִצְהָ֣ר בֶּן־קְהָ֔ת בֶּן־לֵוִ֖י בֶּן־יִשְׂרָאֵֽל׃ ben־yitsehar ben־qehat ben־lewiy ben־yiseraʾel׃
24 וְאָחִ֣יו אָסָ֔ף הָעֹמֵ֖ד עַל־יְמִינֹ֑ו אָסָ֥ף בֶּן־בֶּרֶכְיָ֖הוּ בֶּן־שִׁמְעָֽא׃ weʾaḥiyw ʾasaf haʿomed ʿal־yemiynow ʾasaf ben־berekheyahu ben־shimeʿaʾ׃
25 בֶּן־מִיכָאֵ֥ל בֶּן־בַּעֲשֵׂיָ֖ה בֶּן־מַלְכִּיָּֽה׃ ben־miykhaʾel ben־baʿaseyah ben־malekiyah׃
26 בֶּן־אֶתְנִ֥י בֶן־זֶ֖רַח בֶּן־עֲדָיָֽה׃ ben־ʾeteniy ven־zeraḥ ben־ʿadayah׃
27 בֶּן־אֵיתָ֥ן בֶּן־זִמָּ֖ה בֶּן־שִׁמְעִֽי׃ ben־ʾeytan ben־zimah ben־shimeʿiy׃
28 בֶּן־יַ֥חַת בֶּן־גֵּרְשֹׁ֖ם בֶּן־לֵוִֽי׃ ס ben־yaḥat ben־gereshom ben־lewiy׃ s
29 וּבְנֵ֧י מְרָרִ֛י אֲחֵיהֶ֖ם עַֽל־הַשְּׂמֹ֑אול אֵיתָן֙ בֶּן־קִישִׁ֔י בֶּן־עַבְדִּ֖י בֶּן־מַלּֽוּךְ׃ uveney merariy ʾaḥeyhem ʿal־hasemoʾwl ʾeytan ben־qiyshiy ben־ʿavediy ben־malukhe׃
30 בֶּן־חֲשַׁבְיָ֥ה בֶן־אֲמַצְיָ֖ה בֶּן־חִלְקִיָּֽה׃ ben־ḥashaveyah ven־ʾamatseyah ben־ḥileqiyah׃
31 בֶּן־אַמְצִ֥י בֶן־בָּנִ֖י בֶּן־שָֽׁמֶר׃ ben־ʾametsiy ven־baniy ben־shamer׃
32 בֶּן־מַחְלִי֙ בֶּן־מוּשִׁ֔י בֶּן־מְרָרִ֖י בֶּן־לֵוִֽי׃ ס ben־maḥeliy ben־mushiy ben־merariy ben־lewiy׃ s
33 וַאֲחֵיהֶ֖ם הַלְוִיִּ֑ם נְתוּנִ֕ים לְכָ֨ל־עֲבֹודַ֔ת מִשְׁכַּ֖ן בֵּ֥ית הָאֱלֹהִֽים׃ waʾaḥeyhem halewiyim netuniym lekhal־ʿavowdat mishekan beyt haʾelohiym׃
34 וְֽאַהֲרֹ֨ן וּבָנָ֜יו מַקְטִירִ֨ים עַל־מִזְבַּ֤ח הָֽעֹולָה֙ וְעַל־מִזְבַּ֣ח הַקְּטֹ֔רֶת לְכֹ֕ל מְלֶ֖אכֶת קֹ֣דֶשׁ הַקֳּדָשִׁ֑ים וּלְכַפֵּר֙ עַל־יִשְׂרָאֵ֔ל כְּכֹל֙ אֲשֶׁ֣ר צִוָּ֔ה מֹשֶׁ֖ה עֶ֥בֶד הָאֱלֹהִֽים׃ פ weʾaharon uvanayw maqeṭiyriym ʿal־mizebaḥ haʿowlah weʿal־mizebaḥ haqeṭoret lekhol meleʾkhet qodesh haqodashiym ulekhaper ʿal־yiseraʾel kekhol ʾasher tsiuah mosheh ʿeved haʾelohiym׃ f
35 וְאֵ֖לֶּה בְּנֵ֣י אַהֲרֹ֑ן אֶלְעָזָ֥ר בְּנֹ֛ו פִּֽינְחָ֥ס בְּנֹ֖ו אֲבִישׁ֥וּעַ בְּנֹֽו׃ weʾeleh beney ʾaharon ʾeleʿazar benow piyneḥas benow ʾaviyshuaʿ benow׃
36 בֻּקִּ֥י בְנֹ֛ו עֻזִּ֥י בְנֹ֖ו זְרַֽחְיָ֥ה בְנֹֽו׃ buqiy venow ʿuziy venow zeraḥeyah venow׃
37 מְרָיֹ֥ות בְּנֹ֛ו אֲמַרְיָ֥ה בְנֹ֖ו אֲחִיט֥וּב בְּנֹֽו׃ merayowt benow ʾamareyah venow ʾaḥiyṭuv benow׃
38 צָדֹ֥וק בְּנֹ֖ו אֲחִימַ֥עַץ בְּנֹֽו׃ ס tsadowq benow ʾaḥiymaʿats benow׃ s
39 וְאֵ֙לֶּה֙ מֹושְׁבֹותָ֔ם לְטִירֹותָ֖ם בִּגְבוּלָ֑ם לִבְנֵ֤י אַהֲרֹן֙ לְמִשְׁפַּחַ֣ת הַקְּהָתִ֔י כִּ֥י לָהֶ֖ם הָיָ֥ה הַגֹּורָֽל׃ weʾeleh mowshevowtam leṭiyrowtam bigevulam liveney ʾaharon lemishepaḥat haqehatiy kiy lahem hayah hagowral׃
40 וַֽיִּתְּנ֥וּ לָהֶ֛ם אֶת־חֶבְרֹ֖ון בְּאֶ֣רֶץ יְהוּדָ֑ה וְאֶת־מִגְרָשֶׁ֖יהָ סְבִיבֹתֶֽיהָ׃ wayitenu lahem ʾet־ḥeverown beʾerets yehudah weʾet־migerasheyha seviyvoteyha׃
41 וְאֶת־שְׂדֵ֥ה הָעִ֖יר וְאֶת־חֲצֵרֶ֑יהָ נָתְנ֖וּ לְכָלֵ֥ב בֶּן־יְפֻנֶּֽה׃ ס weʾet־sedeh haʿiyr weʾet־ḥatsereyha natenu lekhalev ben־yefuneh׃ s
42 וְלִבְנֵ֣י אַהֲרֹ֗ן נָתְנוּ֙ אֶת־עָרֵ֣י הַמִּקְלָ֔ט אֶת־חֶבְרֹ֥ון וְאֶת־לִבְנָ֖ה וְאֶת־מִגְרָשֶׁ֑יהָ וְאֶת־יַתִּ֥ר וְאֶֽת־אֶשְׁתְּמֹ֖עַ וְאֶת־מִגְרָשֶֽׁיהָ׃ weliveney ʾaharon natenu ʾet־ʿarey hamiqelaṭ ʾet־ḥeverown weʾet־livenah weʾet־migerasheyha weʾet־yatir weʾet־ʾeshetemoaʿ weʾet־migerasheyha׃
43 וְאֶת־חִילֵז֙ וְאֶת־מִגְרָשֶׁ֔יהָ אֶת־דְּבִ֖יר וְאֶת־מִגְרָשֶֽׁיהָ׃ weʾet־ḥiylez weʾet־migerasheyha ʾet־deviyr weʾet־migerasheyha׃
44 וְאֶת־עָשָׁן֙ וְאֶת־מִגְרָשֶׁ֔יהָ וְאֶת־בֵּ֥ית שֶׁ֖מֶשׁ וְאֶת־מִגְרָשֶֽׁיהָ׃ ס weʾet־ʿashan weʾet־migerasheyha weʾet־beyt shemesh weʾet־migerasheyha׃ s
45 וּמִמַּטֵּ֣ה בִנְיָמִ֗ן אֶת־גֶּ֤בַע וְאֶת־מִגְרָשֶׁ֙יהָ֙ וְאֶת־עָלֶ֣מֶת וְאֶת־מִגְרָשֶׁ֔יהָ וְאֶת־עֲנָתֹ֖ות וְאֶת־מִגְרָשֶׁ֑יהָ כָּל־עָרֵיהֶ֛ם שְׁלֹשׁ־עֶשְׂרֵ֥ה עִ֖יר בְּמִשְׁפְּחֹותֵיהֶֽם׃ ס umimaṭeh vineyamin ʾet־gevaʿ weʾet־migerasheyha weʾet־ʿalemet weʾet־migerasheyha weʾet־ʿanatowt weʾet־migerasheyha kal־ʿareyhem shelosh־ʿesereh ʿiyr bemishepeḥowteyhem׃ s
46 וְלִבְנֵ֨י קְהָ֜ת הַנֹּותָרִ֗ים מִמִּשְׁפַּ֣חַת הַמַּטֶּ֡ה מִֽ֠מַּחֲצִית מַטֵּ֨ה חֲצִ֧י מְנַשֶּׁ֛ה בַּגֹּורָ֖ל עָרִ֥ים עָֽשֶׂר׃ ס weliveney qehat hanowtariym mimishepaḥat hamaṭeh mimaḥatsiyt maṭeh ḥatsiy menasheh bagowral ʿariym ʿaser׃ s
47 וְלִבְנֵ֨י גֵרְשֹׁ֜ום לְמִשְׁפְּחֹותָ֗ם מִמַּטֵּ֣ה יִ֠שָׂשכָר וּמִמַּטֵּ֨ה אָשֵׁ֜ר וּמִמַּטֵּ֣ה נַפְתָּלִ֗י וּמִמַּטֵּ֤ה מְנַשֶּׁה֙ בַּבָּשָׁ֔ן עָרִ֖ים שְׁלֹ֥שׁ עֶשְׂרֵֽה׃ ס weliveney gereshowm lemishepeḥowtam mimaṭeh yisashkhar umimaṭeh ʾasher umimaṭeh nafetaliy umimaṭeh menasheh babashan ʿariym shelosh ʿesereh׃ s
48 לִבְנֵ֨י מְרָרִ֜י לְמִשְׁפְּחֹותָ֗ם מִמַּטֵּ֣ה רְ֠אוּבֵן וּֽמִמַּטֵּה־גָ֞ד וּמִמַּטֵּ֤ה זְבוּלֻן֙ בַּגֹּורָ֔ל עָרִ֖ים שְׁתֵּ֥ים עֶשְׂרֵֽה׃ liveney merariy lemishepeḥowtam mimaṭeh reʾuven umimaṭeh־gad umimaṭeh zevulun bagowral ʿariym sheteym ʿesereh׃
49 וַיִּתְּנ֥וּ בְנֵי־יִשְׂרָאֵ֖ל לַלְוִיִּ֑ם אֶת־הֶעָרִ֖ים וְאֶת־מִגְרְשֵׁיהֶֽם׃ wayitenu veney־yiseraʾel lalewiyim ʾet־heʿariym weʾet־migeresheyhem׃
50 וַיִּתְּנ֣וּ בַגֹּורָ֗ל מִמַּטֵּ֤ה בְנֵי־יְהוּדָה֙ וּמִמַּטֵּ֣ה בְנֵי־שִׁמְעֹ֔ון וּמִמַּטֵּ֖ה בְּנֵ֣י בִנְיָמִ֑ן אֵ֚ת הֶעָרִ֣ים הָאֵ֔לֶּה אֲשֶׁר־יִקְרְא֥וּ אֶתְהֶ֖ם בְּשֵׁמֹֽות׃ ס wayitenu vagowral mimaṭeh veney־yehudah umimaṭeh veney־shimeʿown umimaṭeh beney vineyamin ʾet heʿariym haʾeleh ʾasher־yiqereʾu ʾetehem beshemowt׃ s
51 וּמִֽמִּשְׁפְּחֹ֖ות בְּנֵ֣י קְהָ֑ת וַיְהִי֙ עָרֵ֣י גְבוּלָ֔ם מִמַּטֵּ֖ה אֶפְרָֽיִם׃ umimishepeḥowt beney qehat wayehiy ʿarey gevulam mimaṭeh ʾeferayim׃
52 וַיִּתְּנ֨וּ לָהֶ֜ם אֶת־עָרֵ֧י הַמִּקְלָ֛ט אֶת־שְׁכֶ֥ם וְאֶת־מִגְרָשֶׁ֖יהָ בְּהַ֣ר אֶפְרָ֑יִם וְאֶת־גֶּ֖זֶר וְאֶת־מִגְרָשֶֽׁיהָ׃ wayitenu lahem ʾet־ʿarey hamiqelaṭ ʾet־shekhem weʾet־migerasheyha behar ʾeferayim weʾet־gezer weʾet־migerasheyha׃
53 וְאֶֽת־יָקְמְעָם֙ וְאֶת־מִגְרָשֶׁ֔יהָ וְאֶת־בֵּ֥ית חֹורֹ֖ון וְאֶת־מִגְרָשֶֽׁיהָ׃ weʾet־yaqemeʿam weʾet־migerasheyha weʾet־beyt ḥowrown weʾet־migerasheyha׃
54 וְאֶת־אַיָּלֹון֙ וְאֶת־מִגְרָשֶׁ֔יהָ וְאֶת־גַּת־רִמֹּ֖ון וְאֶת־מִגְרָשֶֽׁיהָ׃ פ weʾet־ʾayalown weʾet־migerasheyha weʾet־gat־rimown weʾet־migerasheyha׃ f
55 וּמִֽמַּחֲצִית֙ מַטֵּ֣ה מְנַשֶּׁ֔ה אֶת־עָנֵר֙ וְאֶת־מִגְרָשֶׁ֔יהָ וְאֶת־בִּלְעָ֖ם וְאֶת־מִגְרָשֶׁ֑יהָ לְמִשְׁפַּ֥חַת לִבְנֵי־קְהָ֖ת הַנֹּותָרִֽים׃ פ umimaḥatsiyt maṭeh menasheh ʾet־ʿaner weʾet־migerasheyha weʾet־bileʿam weʾet־migerasheyha lemishepaḥat liveney־qehat hanowtariym׃ f
56 לִבְנֵי֮ גֵּרְשֹׁום֒ מִמִּשְׁפַּ֗חַת חֲצִי֙ מַטֵּ֣ה מְנַשֶּׁ֔ה אֶת־גֹּולָ֥ן בַּבָּשָׁ֖ן וְאֶת־מִגְרָשֶׁ֑יהָ וְאֶת־עַשְׁתָּרֹ֖ות וְאֶת־מִגְרָשֶֽׁיהָ׃ ס liveney gereshowm mimishepaḥat ḥatsiy maṭeh menasheh ʾet־gowlan babashan weʾet־migerasheyha weʾet־ʿashetarowt weʾet־migerasheyha׃ s
57 וּמִמַּטֵּ֣ה יִשָׂשכָ֔ר אֶת־קֶ֖דֶשׁ וְאֶת־מִגְרָשֶׁ֑יהָ אֶת־דָּבְרַ֖ת וְאֶת־מִגְרָשֶֽׁיהָ׃ umimaṭeh yisashkhar ʾet־qedesh weʾet־migerasheyha ʾet־daverat weʾet־migerasheyha׃
58 וְאֶת־רָאמֹות֙ וְאֶת־מִגְרָשֶׁ֔יהָ וְאֶת־עָנֵ֖ם וְאֶת־מִגְרָשֶֽׁיהָ׃ ס weʾet־raʾmowt weʾet־migerasheyha weʾet־ʿanem weʾet־migerasheyha׃ s
59 וּמִמַּטֵּ֣ה אָשֵׁ֔ר אֶת־מָשָׁ֖ל וְאֶת־מִגְרָשֶׁ֑יהָ וְאֶת־עַבְדֹּ֖ון וְאֶת־מִגְרָשֶֽׁיהָ׃ umimaṭeh ʾasher ʾet־mashal weʾet־migerasheyha weʾet־ʿavedown weʾet־migerasheyha׃
60 וְאֶת־חוּקֹק֙ וְאֶת־מִגְרָשֶׁ֔יהָ וְאֶת־רְחֹ֖ב וְאֶת־מִגְרָשֶֽׁיהָ׃ weʾet־ḥuqoq weʾet־migerasheyha weʾet־reḥov weʾet־migerasheyha׃
61 וּמִמַּטֵּ֣ה נַפְתָּלִ֗י אֶת־קֶ֤דֶשׁ בַּגָּלִיל֙ וְאֶת־מִגְרָשֶׁ֔יהָ וְאֶת־חַמֹּ֖ון וְאֶת־מִגְרָשֶׁ֑יהָ וְאֶת־קִרְיָתַ֖יִם וְאֶת־מִגְרָשֶֽׁיהָ׃ ס umimaṭeh nafetaliy ʾet־qedesh bagaliyl weʾet־migerasheyha weʾet־ḥamown weʾet־migerasheyha weʾet־qireyatayim weʾet־migerasheyha׃ s
62 לִבְנֵ֣י מְרָרִי֮ הַנֹּותָרִים֒ מִמַּטֵּ֣ה זְבוּלֻ֔ן אֶת־רִמֹּונֹ֖ו וְאֶת־מִגְרָשֶׁ֑יהָ אֶת־תָּבֹ֖ור וְאֶת־מִגְרָשֶֽׁיהָ׃ liveney merariy hanowtariym mimaṭeh zevulun ʾet־rimownow weʾet־migerasheyha ʾet־tavowr weʾet־migerasheyha׃
63 וּמֵעֵ֜בֶר לְיַרְדֵּ֣ן יְרֵחֹו֮ לְמִזְרַ֣ח הַיַּרְדֵּן֒ מִמַּטֵּ֣ה רְאוּבֵ֔ן אֶת־בֶּ֥צֶר בַּמִּדְבָּ֖ר וְאֶת־מִגְרָשֶׁ֑יהָ וְאֶת־יַ֖הְצָה וְאֶת־מִגְרָשֶֽׁיהָ׃ umeʿever leyareden yereḥow lemizeraḥ hayareden mimaṭeh reʾuven ʾet־betser bamidebar weʾet־migerasheyha weʾet־yahetsah weʾet־migerasheyha׃
64 וְאֶת־קְדֵמֹות֙ וְאֶת־מִגְרָשֶׁ֔יהָ וְאֶת־מֵיפַ֖עַת וְאֶת־מִגְרָשֶֽׁיהָ׃ weʾet־qedemowt weʾet־migerasheyha weʾet־meyfaʿat weʾet־migerasheyha׃
65 וּמִ֨מַּטֵּה־גָ֔ד אֶת־רָאמֹ֥ות בַּגִּלְעָ֖ד וְאֶת־מִגְרָשֶׁ֑יהָ וְאֶֽת־מַחֲנַ֖יִם וְאֶת־מִגְרָשֶֽׁיהָ׃ umimaṭeh־gad ʾet־raʾmowt bagileʿad weʾet־migerasheyha weʾet־maḥanayim weʾet־migerasheyha׃
66 וְאֶת־חֶשְׁבֹּון֙ וְאֶת־מִגְרָשֶׁ֔יהָ וְאֶת־יַעְזֵ֖יר וְאֶת־מִגְרָשֶֽׁיהָ׃ ס weʾet־ḥeshebown weʾet־migerasheyha weʾet־yaʿezeyr weʾet־migerasheyha׃ s