1 וַיְהִ֣י כַאֲשֶׁ֣ר שָׁמַ֣ע סַנְבַלַּ֡ט וְ֠טֹובִיָּה וְהָעַרְבִ֨ים וְהָעַמֹּנִ֜ים וְהָאַשְׁדֹּודִ֗ים כִּֽי־עָלְתָ֤ה אֲרוּכָה֙ לְחֹמֹ֣ות יְרוּשָׁלִַ֔ם כִּי־הֵחֵ֥לּוּ הַפְּרֻצִ֖ים לְהִסָּתֵ֑ם וַיִּ֥חַר לָהֶ֖ם מְאֹֽד׃ wayehiy khaʾasher shamaʿ sanevalaṭ weṭowviyah wehaʿareviym wehaʿamoniym wehaʾashedowdiym kiy־ʿaletah ʾarukhah leḥomowt yerushalim kiy־heḥelu haperutsiym lehisatem wayiḥar lahem meʾod׃
2 וַיִּקְשְׁר֤וּ כֻלָּם֙ יַחְדָּ֔ו לָבֹ֖וא לְהִלָּחֵ֣ם בִּירוּשָׁלִָ֑ם וְלַעֲשֹׂ֥ות לֹ֖ו תֹּועָֽה׃ wayiqesheru khulam yaḥedaw lavowʾ lehilaḥem biyrushalim welaʿasowt low towʿah׃
3 וַנִּתְפַּלֵּ֖ל אֶל־אֱלֹהֵ֑ינוּ וַנַּעֲמִ֨יד מִשְׁמָ֧ר עֲלֵיהֶ֛ם יֹומָ֥ם וָלַ֖יְלָה מִפְּנֵיהֶֽם׃ wanitepalel ʾel־ʾeloheynu wanaʿamiyd mishemar ʿaleyhem yowmam walayelah mipeneyhem׃
4 וַיֹּ֣אמֶר יְהוּדָ֗ה כָּשַׁל֙ כֹּ֣חַ הַסַּבָּ֔ל וְהֶעָפָ֖ר הַרְבֵּ֑ה וַאֲנַ֙חְנוּ֙ לֹ֣א נוּכַ֔ל לִבְנֹ֖ות בַּחֹומָֽה׃ wayoʾmer yehudah kashal koaḥ hasabal weheʿafar harebeh waʾanaḥenu loʾ nukhal livenowt baḥowmah׃
5 וַיֹּאמְר֣וּ צָרֵ֗ינוּ לֹ֤א יֵדְעוּ֙ וְלֹ֣א יִרְא֔וּ עַ֛ד אֲשֶׁר־נָבֹ֥וא אֶל־תֹּוכָ֖ם וַהֲרַגְנ֑וּם וְהִשְׁבַּ֖תְנוּ אֶת־הַמְּלָאכָֽה׃ wayoʾmeru tsareynu loʾ yedeʿu weloʾ yireʾu ʿad ʾasher־navowʾ ʾel־towkham waharagenum wehishebatenu ʾet־hamelaʾkhah׃
6 וַֽיְהִי֙ כַּאֲשֶׁר־בָּ֣אוּ הַיְּהוּדִ֔ים הַיֹּשְׁבִ֖ים אֶצְלָ֑ם וַיֹּ֤אמְרוּ לָ֙נוּ֙ עֶ֣שֶׂר פְּעָמִ֔ים מִכָּל־הַמְּקֹמֹ֖ות אֲשֶׁר־תָּשׁ֥וּבוּ עָלֵֽינוּ׃ wayehiy kaʾasher־baʾu hayehudiym hayosheviym ʾetselam wayoʾmeru lanu ʿeser peʿamiym mikal־hameqomowt ʾasher־tashuvu ʿaleynu׃
7 וָֽאַעֲמִ֞יד מִֽתַּחְתִּיֹּ֧ות לַמָּקֹ֛ום מֵאַחֲרֵ֥י לַחֹומָ֖ה [בַּצְּחִחִיִּים כ] (בַּצְּחִיחִ֑ים ק) וָֽאַעֲמִ֤יד אֶת־הָעָם֙ לְמִשְׁפָּחֹ֔ות עִם־חַרְבֹתֵיהֶ֛ם רָמְחֵיהֶ֖ם וְקַשְּׁתֹתֵיהֶֽם׃ waʾaʿamiyd mitaḥetiyowt lamaqowm meʾaḥarey laḥowmah [batseḥiḥiyiym kh] (batseḥiyḥiym q) waʾaʿamiyd ʾet־haʿam lemishepaḥowt ʿim־ḥarevoteyhem rameḥeyhem weqashetoteyhem׃
8 וָאֵ֣רֶא וָאָק֗וּם וָאֹמַ֞ר אֶל־הַחֹרִ֤ים וְאֶל־הַסְּגָנִים֙ וְאֶל־יֶ֣תֶר הָעָ֔ם אַל־תִּֽירְא֖וּ מִפְּנֵיהֶ֑ם אֶת־אֲדֹנָ֞י הַגָּדֹ֤ול וְהַנֹּורָא֙ זְכֹ֔רוּ וְהִֽלָּחֲמ֗וּ עַל־אֲחֵיכֶם֙ בְּנֵיכֶ֣ם וּבְנֹתֵיכֶ֔ם נְשֵׁיכֶ֖ם וּבָתֵּיכֶֽם׃ פ waʾereʾ waʾaqum waʾomar ʾel־haḥoriym weʾel־haseganiym weʾel־yeter haʿam ʾal־tiyreʾu mipeneyhem ʾet־ʾadonay hagadowl wehanowraʾ zekhoru wehilaḥamu ʿal־ʾaḥeykhem beneykhem uvenoteykhem nesheykhem uvateykhem׃ f
9 וַיְהִ֞י כַּֽאֲשֶׁר־שָׁמְע֤וּ אֹויְבֵ֙ינוּ֙ כִּי־נֹ֣ודַֽע לָ֔נוּ וַיָּ֥פֶר הָאֱלֹהִ֖ים אֶת־עֲצָתָ֑ם [וַנָּשׁוּב כ] (וַנָּ֤שָׁב ק) כֻּלָּ֙נוּ֙ אֶל־הַ֣חֹומָ֔ה אִ֖ישׁ אֶל־מְלַאכְתֹּֽו׃ wayehiy kaʾasher־shameʿu ʾowyeveynu kiy־nowdaʿ lanu wayafer haʾelohiym ʾet־ʿatsatam [wanashuv kh] (wanashav q) kulanu ʾel־haḥowmah ʾiysh ʾel־melaʾkhetow׃
10 וַיְהִ֣י ׀ מִן־הַיֹּ֣ום הַה֗וּא חֲצִ֣י נְעָרַי֮ עֹשִׂ֣ים בַּמְּלָאכָה֒ וְחֶצְיָ֗ם מַחֲזִיקִים֙ וְהָרְמָחִ֣ים הַמָּגִנִּ֔ים וְהַקְּשָׁתֹ֖ות וְהַשִּׁרְיֹנִ֑ים וְהַ֨שָּׂרִ֔ים אַחֲרֵ֖י כָּל־בֵּ֥ית יְהוּדָֽה׃ wayehiy ׀ min־hayowm hahuʾ ḥatsiy neʿaray ʿosiym bamelaʾkhah weḥetseyam maḥaziyqiym weharemaḥiym hamaginiym wehaqeshatowt wehashireyoniym wehasariym ʾaḥarey kal־beyt yehudah׃
11 הַבֹּונִ֧ים בַּחֹומָ֛ה וְהַנֹּשְׂאִ֥ים בַּסֶּ֖בֶל עֹמְשִׂ֑ים בְּאַחַ֤ת יָדֹו֙ עֹשֶׂ֣ה בַמְּלָאכָ֔ה וְאַחַ֖ת מַחֲזֶ֥קֶת הַשָּֽׁלַח׃ habowniym baḥowmah wehanoseʾiym basevel ʿomesiym beʾaḥat yadow ʿoseh vamelaʾkhah weʾaḥat maḥazeqet hashalaḥ׃
12 וְהַ֨בֹּונִ֔ים אִ֥ישׁ חַרְבֹּ֛ו אֲסוּרִ֥ים עַל־מָתְנָ֖יו וּבֹונִ֑ים וְהַתֹּוקֵ֥עַ בַּשֹּׁופָ֖ר אֶצְלִֽי׃ wehabowniym ʾiysh ḥarebow ʾasuriym ʿal־matenayw uvowniym wehatowqeaʿ bashowfar ʾetseliy׃
13 וָאֹמַ֞ר אֶל־הַחֹרִ֤ים וְאֶל־הַסְּגָנִים֙ וְאֶל־יֶ֣תֶר הָעָ֔ם הַמְּלָאכָ֥ה הַרְבֵּ֖ה וּרְחָבָ֑ה וַאֲנַ֗חְנוּ נִפְרָדִים֙ עַל־הַ֣חֹומָ֔ה רְחֹוקִ֖ים אִ֥ישׁ מֵאָחִֽיו׃ waʾomar ʾel־haḥoriym weʾel־haseganiym weʾel־yeter haʿam hamelaʾkhah harebeh ureḥavah waʾanaḥenu niferadiym ʿal־haḥowmah reḥowqiym ʾiysh meʾaḥiyw׃
14 בִּמְקֹ֗ום אֲשֶׁ֤ר תִּשְׁמְעוּ֙ אֶת־קֹ֣ול הַשֹּׁופָ֔ר שָׁ֖מָּה תִּקָּבְצ֣וּ אֵלֵ֑ינוּ אֱלֹהֵ֖ינוּ יִלָּ֥חֶם לָֽנוּ׃ bimeqowm ʾasher tishemeʿu ʾet־qowl hashowfar shamah tiqavetsu ʾeleynu ʾeloheynu yilaḥem lanu׃
15 וַאֲנַ֖חְנוּ עֹשִׂ֣ים בַּמְּלָאכָ֑ה וְחֶצְיָ֗ם מַחֲזִיקִים֙ בָּֽרְמָחִ֔ים מֵעֲלֹ֣ות הַשַּׁ֔חַר עַ֖ד צֵ֥את הַכֹּוכָבִֽים׃ waʾanaḥenu ʿosiym bamelaʾkhah weḥetseyam maḥaziyqiym baremaḥiym meʿalowt hashaḥar ʿad tseʾt hakowkhaviym׃
16 גַּ֣ם בָּעֵ֤ת הַהִיא֙ אָמַ֣רְתִּי לָעָ֔ם אִ֣ישׁ וְנַעֲרֹ֔ו יָלִ֖ינוּ בְּתֹ֣וךְ יְרוּשָׁלִָ֑ם וְהָֽיוּ־לָ֧נוּ הַלַּ֛יְלָה מִשְׁמָ֖ר וְהַיֹּ֥ום מְלָאכָֽה׃ gam baʿet hahiyʾ ʾamaretiy laʿam ʾiysh wenaʿarow yaliynu betowkhe yerushalim wehayu־lanu halayelah mishemar wehayowm melaʾkhah׃
17 וְאֵ֨ין אֲנִ֜י וְאַחַ֣י וּנְעָרַ֗י וְאַנְשֵׁ֤י הַמִּשְׁמָר֙ אֲשֶׁ֣ר אַחֲרַ֔י אֵין־אֲנַ֥חְנוּ פֹשְׁטִ֖ים בְּגָדֵ֑ינוּ אִ֖ישׁ שִׁלְחֹ֥ו הַמָּֽיִם׃ ס weʾeyn ʾaniy weʾaḥay uneʿaray weʾaneshey hamishemar ʾasher ʾaḥaray ʾeyn־ʾanaḥenu fosheṭiym begadeynu ʾiysh shileḥow hamayim׃ s