1 דִּבְרֵי֙ קֹהֶ֣לֶת בֶּן־דָּוִ֔ד מֶ֖לֶךְ בִּירוּשָׁלִָֽם׃ diverey qohelet ben־dawid melekhe biyrushalim׃
2 הֲבֵ֤ל הֲבָלִים֙ אָמַ֣ר קֹהֶ֔לֶת הֲבֵ֥ל הֲבָלִ֖ים הַכֹּ֥ל הָֽבֶל׃ havel havaliym ʾamar qohelet havel havaliym hakol havel׃
3 מַה־יִּתְרֹ֖ון לָֽאָדָ֑ם בְּכָל־עֲמָלֹ֔ו שֶֽׁיַּעֲמֹ֖ל תַּ֥חַת הַשָּֽׁמֶשׁ׃ mah־yiterown laʾadam bekhal־ʿamalow sheyaʿamol taḥat hashamesh׃
4 דֹּ֤ור הֹלֵךְ֙ וְדֹ֣ור בָּ֔א וְהָאָ֖רֶץ לְעֹולָ֥ם עֹמָֽדֶת׃ dowr holekhe wedowr baʾ wehaʾarets leʿowlam ʿomadet׃
5 וְזָרַ֥ח הַשֶּׁ֖מֶשׁ וּבָ֣א הַשָּׁ֑מֶשׁ וְאֶ֨ל־מְקֹומֹ֔ו שֹׁואֵ֛ף זֹורֵ֥חַֽ ה֖וּא שָֽׁם׃ wezaraḥ hashemesh uvaʾ hashamesh weʾel־meqowmow showʾef zowreaḥ huʾ sham׃
6 הֹולֵךְ֙ אֶל־דָּרֹ֔ום וְסֹובֵ֖ב אֶל־צָפֹ֑ון סֹובֵ֤ב ׀ סֹבֵב֙ הֹולֵ֣ךְ הָר֔וּחַ וְעַל־סְבִיבֹתָ֖יו שָׁ֥ב הָרֽוּחַ׃ howlekhe ʾel־darowm wesowvev ʾel־tsafown sowvev ׀ sovev howlekhe haruaḥ weʿal־seviyvotayw shav haruaḥ׃
7 כָּל־הַנְּחָלִים֙ הֹלְכִ֣ים אֶל־הַיָּ֔ם וְהַיָּ֖ם אֵינֶ֣נּוּ מָלֵ֑א אֶל־מְקֹ֗ום שֶׁ֤הַנְּחָלִים֙ הֹֽלְכִ֔ים שָׁ֛ם הֵ֥ם שָׁבִ֖ים לָלָֽכֶת׃ kal־haneḥaliym holekhiym ʾel־hayam wehayam ʾeynenu maleʾ ʾel־meqowm shehaneḥaliym holekhiym sham hem shaviym lalakhet׃
8 כָּל־הַדְּבָרִ֣ים יְגֵעִ֔ים לֹא־יוּכַ֥ל אִ֖ישׁ לְדַבֵּ֑ר לֹא־תִשְׂבַּ֥ע עַ֙יִן֙ לִרְאֹ֔ות וְלֹא־תִמָּלֵ֥א אֹ֖זֶן מִשְּׁמֹֽעַ׃ kal־hadevariym yegeʿiym loʾ־yukhal ʾiysh ledaber loʾ־tisebaʿ ʿayin lireʾowt weloʾ־timaleʾ ʾozen mishemoaʿ׃
9 מַה־שֶּֽׁהָיָה֙ ה֣וּא שֶׁיִּהְיֶ֔ה וּמַה־שֶּׁנַּֽעֲשָׂ֔ה ה֖וּא שֶׁיֵּעָשֶׂ֑ה וְאֵ֥ין כָּל־חָדָ֖שׁ תַּ֥חַת הַשָּֽׁמֶשׁ׃ mah־shehayah huʾ sheyiheyeh umah־shenaʿasah huʾ sheyeʿaseh weʾeyn kal־ḥadash taḥat hashamesh׃
10 יֵ֥שׁ דָּבָ֛ר שֶׁיֹּאמַ֥ר רְאֵה־זֶ֖ה חָדָ֣שׁ ה֑וּא כְּבָר֙ הָיָ֣ה לְעֹֽלָמִ֔ים אֲשֶׁ֥ר הָיָ֖ה מִלְּפָנֵֽנוּ׃ yesh davar sheyoʾmar reʾeh־zeh ḥadash huʾ kevar hayah leʿolamiym ʾasher hayah milefanenu׃
11 אֵ֥ין זִכְרֹ֖ון לָרִאשֹׁנִ֑ים וְגַ֨ם לָאַחֲרֹנִ֜ים שֶׁיִּהְי֗וּ לֹֽא־יִהְיֶ֤ה לָהֶם֙ זִכָּרֹ֔ון עִ֥ם שֶׁיִּהְי֖וּ לָאַחֲרֹנָֽה׃ פ ʾeyn zikherown lariʾshoniym wegam laʾaḥaroniym sheyiheyu loʾ־yiheyeh lahem zikarown ʿim sheyiheyu laʾaḥaronah׃ f
12 אֲנִ֣י קֹהֶ֗לֶת הָיִ֥יתִי מֶ֛לֶךְ עַל־יִשְׂרָאֵ֖ל בִּירוּשָׁלִָֽם׃ ʾaniy qohelet hayiytiy melekhe ʿal־yiseraʾel biyrushalim׃
13 וְנָתַ֣תִּי אֶת־לִבִּ֗י לִדְרֹ֤ושׁ וְלָתוּר֙ בַּֽחָכְמָ֔ה עַ֛ל כָּל־אֲשֶׁ֥ר נַעֲשָׂ֖ה תַּ֣חַת הַשָּׁמָ֑יִם ה֣וּא ׀ עִנְיַ֣ן רָ֗ע נָתַ֧ן אֱלֹהִ֛ים לִבְנֵ֥י הָאָדָ֖ם לַעֲנֹ֥ות בֹּֽו׃ wenatatiy ʾet־libiy liderowsh welatur baḥakhemah ʿal kal־ʾasher naʿasah taḥat hashamayim huʾ ׀ ʿineyan raʿ natan ʾelohiym liveney haʾadam laʿanowt bow׃
14 רָאִ֙יתִי֙ אֶת־כָּל־הַֽמַּעֲשִׂ֔ים שֶֽׁנַּעֲשׂ֖וּ תַּ֣חַת הַשָּׁ֑מֶשׁ וְהִנֵּ֥ה הַכֹּ֛ל הֶ֖בֶל וּרְע֥וּת רֽוּחַ׃ raʾiytiy ʾet־kal־hamaʿasiym shenaʿasu taḥat hashamesh wehineh hakol hevel ureʿut ruaḥ׃
15 מְעֻוָּ֖ת לֹא־יוּכַ֣ל לִתְקֹ֑ן וְחֶסְרֹ֖ון לֹא־יוּכַ֥ל לְהִמָּנֹֽות׃ meʿuuat loʾ־yukhal liteqon weḥeserown loʾ־yukhal lehimanowt׃
16 דִּבַּ֨רְתִּי אֲנִ֤י עִם־לִבִּי֙ לֵאמֹ֔ר אֲנִ֗י הִנֵּ֨ה הִגְדַּ֤לְתִּי וְהֹוסַ֙פְתִּי֙ חָכְמָ֔ה עַ֛ל כָּל־אֲשֶׁר־הָיָ֥ה לְפָנַ֖י עַל־יְרוּשָׁלִָ֑ם וְלִבִּ֛י רָאָ֥ה הַרְבֵּ֖ה חָכְמָ֥ה וָדָֽעַת׃ dibaretiy ʾaniy ʿim־libiy leʾmor ʾaniy hineh higedaletiy wehowsafetiy ḥakhemah ʿal kal־ʾasher־hayah lefanay ʿal־yerushalim welibiy raʾah harebeh ḥakhemah wadaʿat׃
17 וָאֶתְּנָ֤ה לִבִּי֙ לָדַ֣עַת חָכְמָ֔ה וְדַ֥עַת הֹולֵלֹ֖ות וְשִׂכְל֑וּת יָדַ֕עְתִּי שֶׁגַּם־זֶ֥ה ה֖וּא רַעְיֹ֥ון רֽוּחַ׃ waʾetenah libiy ladaʿat ḥakhemah wedaʿat howlelowt wesikhelut yadaʿetiy shegam־zeh huʾ raʿeyown ruaḥ׃
18 כִּ֛י בְּרֹ֥ב חָכְמָ֖ה רָב־כָּ֑עַס וְיֹוסִ֥יף דַּ֖עַת יֹוסִ֥יף מַכְאֹֽוב׃ kiy berov ḥakhemah rav־kaʿas weyowsiyf daʿat yowsiyf makheʾowv׃