1 Chroniques 10

¹ וּפְלִשְׁתִּ֖ים נִלְחֲמ֣וּ בְיִשְׂרָאֵ֑ל וַיָּ֑נָס אִֽישׁ־יִשְׂרָאֵל֙ מִפְּנֵ֣י פְלִשְׁתִּ֔ים וַיִּפְּל֥וּ חֲלָלִ֖ים בְּהַ֥ר גִּלְבֹּֽעַ׃ ufelishetiym nileḥamu veyiseraʾel wayanas ʾiysh־yiseraʾel mipeney felishetiym wayipelu ḥalaliym behar gileboaʿ׃

² וַיַּדְבְּק֣וּ פְלִשְׁתִּ֔ים אַחֲרֵ֥י שָׁא֖וּל וְאַחֲרֵ֣י בָנָ֑יו וַיַּכּ֣וּ פְלִשְׁתִּ֗ים אֶת־יֹונָתָ֧ן וְאֶת־אֲבִינָדָ֛ב וְאֶת־מַלְכִּי־שׁ֖וּעַ בְּנֵ֥י שָׁאֽוּל׃ wayadebequ felishetiym ʾaḥarey shaʾul weʾaḥarey vanayw wayaku felishetiym ʾet־yownatan weʾet־ʾaviynadav weʾet־malekiy־shuaʿ beney shaʾul׃

³ וַתִּכְבַּ֤ד הַמִּלְחָמָה֙ עַל־שָׁא֔וּל וַיִּמְצָאֻ֖הוּ הַמֹּורִ֣ים בַּקָּ֑שֶׁת וַיָּ֖חֶל מִן־הַיֹּורִֽים׃ watikhebad hamileḥamah ʿal־shaʾul wayimetsaʾuhu hamowriym baqashet wayaḥel min־hayowriym׃

⁴ וַיֹּ֣אמֶר שָׁאוּל֩ אֶל־נֹשֵׂ֨א כֵלָ֜יו שְׁלֹ֥ף חַרְבְּךָ֣ ׀ וְדָקְרֵ֣נִי בָ֗הּ פֶּן־יָבֹ֜אוּ הָעֲרֵלִ֤ים הָאֵ֙לֶּה֙ וְהִתְעַלְּלוּ־בִ֔י וְלֹ֤א אָבָה֙ נֹשֵׂ֣א כֵלָ֔יו כִּ֥י יָרֵ֖א מְאֹ֑ד ס וַיִּקַּ֤ח שָׁאוּל֙ אֶת־הַחֶ֔רֶב וַיִּפֹּ֖ל עָלֶֽיהָ׃ wayoʾmer shaʾul ʾel־noseʾ khelayw shelof ḥarebekha ׀ wedaqereniy vah pen־yavoʾu haʿareliym haʾeleh wehiteʿalelu־viy weloʾ ʾavah noseʾ khelayw kiy yareʾ meʾod s wayiqaḥ shaʾul ʾet־haḥerev wayipol ʿaleyha׃

⁵ וַיַּ֥רְא נֹשֵֽׂא־כֵלָ֖יו כִּ֣י מֵ֣ת שָׁא֑וּל וַיִּפֹּ֥ל גַּם־ה֛וּא עַל־הַחֶ֖רֶב וַיָּמֹֽת׃ ס wayareʾ noseʾ־khelayw kiy met shaʾul wayipol gam־huʾ ʿal־haḥerev wayamot׃ s

⁶ וַיָּ֤מָת שָׁאוּל֙ וּשְׁלֹ֣שֶׁת בָּנָ֔יו וְכָל־בֵּיתֹ֖ו יַחְדָּ֥ו מֵֽתוּ׃ wayamat shaʾul usheloshet banayw wekhal־beytow yaḥedaw metu׃

⁷ וַ֠יִּרְאוּ כָּל־אִ֨ישׁ יִשְׂרָאֵ֤ל אֲשֶׁר־בָּעֵ֙מֶק֙ כִּ֣י נָ֔סוּ וְכִי־מֵ֖תוּ שָׁא֣וּל וּבָנָ֑יו וַיַּעַזְב֤וּ עָרֵיהֶם֙ וַיָּנֻ֔סוּ וַיָּבֹ֣אוּ פְלִשְׁתִּ֔ים וַיֵּשְׁב֖וּ בָּהֶֽם׃ ס wayireʾu kal־ʾiysh yiseraʾel ʾasher־baʿemeq kiy nasu wekhiy־metu shaʾul uvanayw wayaʿazevu ʿareyhem wayanusu wayavoʾu felishetiym wayeshevu bahem׃ s

⁸ וַיְהִי֙ מִֽמָּחֳרָ֔ת וַיָּבֹ֣אוּ פְלִשְׁתִּ֔ים לְפַשֵּׁ֖ט אֶת־הַֽחֲלָלִ֑ים וַֽיִּמְצְא֤וּ אֶת־שָׁאוּל֙ וְאֶת־בָּנָ֔יו נֹפְלִ֖ים בְּהַ֥ר גִּלְבֹּֽעַ׃ wayehiy mimaḥorat wayavoʾu felishetiym lefasheṭ ʾet־haḥalaliym wayimetseʾu ʾet־shaʾul weʾet־banayw nofeliym behar gileboaʿ׃

⁹ וַיַּ֨פְשִׁיטֻ֔הוּ וַיִּשְׂא֥וּ אֶת־רֹאשֹׁ֖ו וְאֶת־כֵּלָ֑יו וַיְשַׁלְּח֨וּ בְאֶֽרֶץ־פְלִשְׁתִּ֜ים סָבִ֗יב לְבַשֵּׂ֛ר אֶת־עֲצַבֵּיהֶ֖ם וְאֶת־הָעָֽם׃ wayafeshiyṭuhu wayiseʾu ʾet־roʾshow weʾet־kelayw wayeshaleḥu veʾerets־felishetiym saviyv levaser ʾet־ʿatsabeyhem weʾet־haʿam׃

¹⁰ וַיָּשִׂ֙ימוּ֙ אֶת־כֵּלָ֔יו בֵּ֖ית אֱלֹהֵיהֶ֑ם וְאֶת־גֻּלְגָּלְתֹּ֥ו תָקְע֖וּ בֵּ֥ית דָּגֹֽון׃ ס wayasiymu ʾet־kelayw beyt ʾeloheyhem weʾet־gulegaletow taqeʿu beyt dagown׃ s

¹¹ וַֽיִּשְׁמְע֔וּ כֹּ֖ל יָבֵ֣ישׁ גִּלְעָ֑ד אֵ֛ת כָּל־אֲשֶׁר־עָשׂ֥וּ פְלִשְׁתִּ֖ים לְשָׁאֽוּל׃ wayishemeʿu kol yaveysh gileʿad ʾet kal־ʾasher־ʿasu felishetiym leshaʾul׃

¹² וַיָּקוּמוּ֮ כָּל־אִ֣ישׁ חַיִל֒ וַיִּשְׂא֞וּ אֶת־גּוּפַ֣ת שָׁא֗וּל וְאֵת֙ גּוּפֹ֣ת בָּנָ֔יו וַיְבִיא֖וּם יָבֵ֑ישָׁה וַיִּקְבְּר֨וּ אֶת־עַצְמֹותֵיהֶ֜ם תַּ֤חַת הָאֵלָה֙ בְּיָבֵ֔שׁ וַיָּצ֖וּמוּ שִׁבְעַ֥ת יָמִֽים׃ wayaqumu kal־ʾiysh ḥayil wayiseʾu ʾet־gufat shaʾul weʾet gufot banayw wayeviyʾum yaveyshah wayiqeberu ʾet־ʿatsemowteyhem taḥat haʾelah beyavesh wayatsumu shiveʿat yamiym׃

¹³ וַיָּ֣מָת שָׁא֗וּל בְּמַֽעֲלֹו֙ אֲשֶׁ֣ר מָעַ֣ל בַּֽיהוָ֔ה עַל־דְּבַ֥ר יְהוָ֖ה אֲשֶׁ֣ר לֹא־שָׁמָ֑ר וְגַם־לִשְׁאֹ֥ול בָּאֹ֖וב לִדְרֹֽושׁ׃ wayamat shaʾul bemaʿalow ʾasher maʿal bayhwah ʿal־devar yehwah ʾasher loʾ־shamar wegam־lisheʾowl baʾowv liderowsh׃

¹⁴ וְלֹֽא־דָרַ֥שׁ בַּֽיהוָ֖ה וַיְמִיתֵ֑הוּ וַיַּסֵּב֙ אֶת־הַמְּלוּכָ֔ה לְדָוִ֖יד בֶּן־יִשָֽׁי׃ פ weloʾ־darash bayhwah wayemiytehu wayasev ʾet־hamelukhah ledawiyd ben־yishay׃ f