Amos 5

¹ שִׁמְע֞וּ אֶת־הַדָּבָ֣ר הַזֶּ֗ה אֲשֶׁ֨ר אָנֹכִ֜י נֹשֵׂ֧א עֲלֵיכֶ֛ם קִינָ֖ה בֵּ֥ית יִשְׂרָאֵֽל׃ shimeʿu ʾet־hadavar hazeh ʾasher ʾanokhiy noseʾ ʿaleykhem qiynah beyt yiseraʾel׃

² נָֽפְלָה֙ לֹֽא־תֹוסִ֣יף ק֔וּם בְּתוּלַ֖ת יִשְׂרָאֵ֑ל נִטְּשָׁ֥ה עַל־אַדְמָתָ֖הּ אֵ֥ין מְקִימָֽהּ׃ nafelah loʾ־towsiyf qum betulat yiseraʾel niṭeshah ʿal־ʾadematah ʾeyn meqiymah׃

³ כִּ֣י כֹ֤ה אָמַר֙ אֲדֹנָ֣י יְהוִ֔ה הָעִ֛יר הַיֹּצֵ֥את אֶ֖לֶף תַּשְׁאִ֣יר מֵאָ֑ה וְהַיֹּוצֵ֥את מֵאָ֛ה תַּשְׁאִ֥יר עֲשָׂרָ֖ה לְבֵ֥ית יִשְׂרָאֵֽל׃ ס kiy khoh ʾamar ʾadonay yehwih haʿiyr hayotseʾt ʾelef tasheʾiyr meʾah wehayowtseʾt meʾah tasheʾiyr ʿasarah leveyt yiseraʾel׃ s

⁴ כִּ֣י כֹ֥ה אָמַ֛ר יְהוָ֖ה לְבֵ֣ית יִשְׂרָאֵ֑ל דִּרְשׁ֖וּנִי וִֽחְיֽוּ׃ kiy khoh ʾamar yehwah leveyt yiseraʾel direshuniy wiḥeyu׃

⁵ וְאַֽל־תִּדְרְשׁוּ֙ בֵּֽית־אֵ֔ל וְהַגִּלְגָּל֙ לֹ֣א תָבֹ֔אוּ וּבְאֵ֥ר שֶׁ֖בַע לֹ֣א תַעֲבֹ֑רוּ כִּ֤י הַגִּלְגָּל֙ גָּלֹ֣ה יִגְלֶ֔ה וּבֵֽית־אֵ֖ל יִהְיֶ֥ה לְאָֽוֶן׃ weʾal־tidereshu beyt־ʾel wehagilegal loʾ tavoʾu uveʾer shevaʿ loʾ taʿavoru kiy hagilegal galoh yigeleh uveyt־ʾel yiheyeh leʾawen׃

⁶ דִּרְשׁ֥וּ אֶת־יְהוָ֖ה וִֽחְי֑וּ פֶּן־יִצְלַ֤ח כָּאֵשׁ֙ בֵּ֣ית יֹוסֵ֔ף וְאָכְלָ֥ה וְאֵין־מְכַבֶּ֖ה לְבֵֽית־אֵֽל׃ direshu ʾet־yehwah wiḥeyu pen־yitselaḥ kaʾesh beyt yowsef weʾakhelah weʾeyn־mekhabeh leveyt־ʾel׃

⁷ הַהֹפְכִ֥ים לְלַעֲנָ֖ה מִשְׁפָּ֑ט וּצְדָקָ֖ה לָאָ֥רֶץ הִנִּֽיחוּ׃ hahofekhiym lelaʿanah mishepaṭ utsedaqah laʾarets hiniyḥu׃

⁸ עֹשֵׂ֨ה כִימָ֜ה וּכְסִ֗יל וְהֹפֵ֤ךְ לַבֹּ֙קֶר֙ צַלְמָ֔וֶת וְיֹ֖ום לַ֣יְלָה הֶחְשִׁ֑יךְ הַקֹּורֵ֣א לְמֵֽי־הַיָּ֗ם וַֽיִּשְׁפְּכֵ֛ם עַל־פְּנֵ֥י הָאָ֖רֶץ יְהוָ֥ה שְׁמֹֽו׃ ס ʿoseh khiymah ukhesiyl wehofekhe laboqer tsalemawet weyowm layelah heḥeshiykhe haqowreʾ lemey־hayam wayishepekhem ʿal־peney haʾarets yehwah shemow׃ s

⁹ הַמַּבְלִ֥יג שֹׁ֖ד עַל־עָ֑ז וְשֹׁ֖ד עַל־מִבְצָ֥ר יָבֹֽוא׃ hamaveliyg shod ʿal־ʿaz weshod ʿal־mivetsar yavowʾ׃

¹⁰ שָׂנְא֥וּ בַשַּׁ֖עַר מֹוכִ֑יחַ וְדֹבֵ֥ר תָּמִ֖ים יְתָעֵֽבוּ׃ saneʾu vashaʿar mowkhiyḥa wedover tamiym yetaʿevu׃

¹¹ לָ֠כֵן יַ֣עַן בֹּושַׁסְכֶ֞ם עַל־דָּ֗ל וּמַשְׂאַת־בַּר֙ תִּקְח֣וּ מִמֶּ֔נּוּ בָּתֵּ֥י גָזִ֛ית בְּנִיתֶ֖ם וְלֹא־תֵ֣שְׁבוּ בָ֑ם כַּרְמֵי־חֶ֣מֶד נְטַעְתֶּ֔ם וְלֹ֥א תִשְׁתּ֖וּ אֶת־יֵינָֽם׃ lakhen yaʿan bowshasekhem ʿal־dal umaseʾat־bar tiqeḥu mimenu batey gaziyt beniytem weloʾ־teshevu vam karemey־ḥemed neṭaʿetem weloʾ tishetu ʾet־yeynam׃

¹² כִּ֤י יָדַ֙עְתִּי֙ רַבִּ֣ים פִּשְׁעֵיכֶ֔ם וַעֲצֻמִ֖ים חַטֹּֽאתֵיכֶ֑ם צֹרְרֵ֤י צַדִּיק֙ לֹ֣קְחֵי כֹ֔פֶר וְאֶבְיֹונִ֖ים בַּשַּׁ֥עַר הִטּֽוּ׃ kiy yadaʿetiy rabiym pisheʿeykhem waʿatsumiym ḥaṭoʾteykhem tsorerey tsadiyq loqeḥey khofer weʾeveyowniym bashaʿar hiṭu׃

¹³ לָכֵ֗ן הַמַּשְׂכִּ֛יל בָּעֵ֥ת הַהִ֖יא יִדֹּ֑ם כִּ֛י עֵ֥ת רָעָ֖ה הִֽיא׃ lakhen hamasekiyl baʿet hahiyʾ yidom kiy ʿet raʿah hiyʾ׃

¹⁴ דִּרְשׁוּ־טֹ֥וב וְאַל־רָ֖ע לְמַ֣עַן תִּֽחְי֑וּ וִיהִי־כֵ֞ן יְהוָ֧ה אֱלֹהֵֽי־צְבָאֹ֛ות אִתְּכֶ֖ם כַּאֲשֶׁ֥ר אֲמַרְתֶּֽם׃ direshu־ṭowv weʾal־raʿ lemaʿan tiḥeyu wiyhiy־khen yehwah ʾelohey־tsevaʾowt ʾitekhem kaʾasher ʾamaretem׃

¹⁵ שִׂנְאוּ־רָע֙ וְאֶ֣הֱבוּ טֹ֔וב וְהַצִּ֥יגוּ בַשַּׁ֖עַר מִשְׁפָּ֑ט אוּלַ֗י יֶֽחֱנַ֛ן יְהוָ֥ה אֱלֹהֵֽי־צְבָאֹ֖ות שְׁאֵרִ֥ית יֹוסֵֽף׃ ס sineʾu־raʿ weʾehevu ṭowv wehatsiygu vashaʿar mishepaṭ ʾulay yeḥenan yehwah ʾelohey־tsevaʾowt sheʾeriyt yowsef׃ s

¹⁶ לָ֠כֵן כֹּֽה־אָמַ֨ר יְהוָ֜ה אֱלֹהֵ֤י צְבָאֹות֙ אֲדֹנָ֔י בְּכָל־רְחֹבֹ֣ות מִסְפֵּ֔ד וּבְכָל־חוּצֹ֖ות יֹאמְר֣וּ הֹו־הֹ֑ו וְקָרְא֤וּ אִכָּר֙ אֶל־אֵ֔בֶל וּמִסְפֵּ֖ד אֶל־יֹ֥ודְעֵי נֶֽהִי׃ lakhen koh־ʾamar yehwah ʾelohey tsevaʾowt ʾadonay bekhal־reḥovowt miseped uvekhal־ḥutsowt yoʾmeru how־how weqareʾu ʾikar ʾel־ʾevel umiseped ʾel־yowdeʿey nehiy׃

¹⁷ וּבְכָל־כְּרָמִ֖ים מִסְפֵּ֑ד כִּֽי־אֶעֱבֹ֥ר בְּקִרְבְּךָ֖ אָמַ֥ר יְהוָֽה׃ ס uvekhal־keramiym miseped kiy־ʾeʿevor beqirebekha ʾamar yehwah׃ s

¹⁸ הֹ֥וי הַמִּתְאַוִּ֖ים אֶת־יֹ֣ום יְהוָ֑ה לָמָּה־זֶּ֥ה לָכֶ֛ם יֹ֥ום יְהוָ֖ה הוּא־חֹ֥שֶׁךְ וְלֹא־אֹֽור׃ howy hamiteʾauiym ʾet־yowm yehwah lamah־zeh lakhem yowm yehwah huʾ־ḥoshekhe weloʾ־ʾowr׃

¹⁹ כַּאֲשֶׁ֨ר יָנ֥וּס אִישׁ֙ מִפְּנֵ֣י הָאֲרִ֔י וּפְגָעֹ֖ו הַדֹּ֑ב וּבָ֣א הַבַּ֔יִת וְסָמַ֤ךְ יָדֹו֙ עַל־הַקִּ֔יר וּנְשָׁכֹ֖ו הַנָּחָֽשׁ׃ kaʾasher yanus ʾiysh mipeney haʾariy ufegaʿow hadov uvaʾ habayit wesamakhe yadow ʿal־haqiyr uneshakhow hanaḥash׃

²⁰ הֲלֹא־חֹ֛שֶׁךְ יֹ֥ום יְהוָ֖ה וְלֹא־אֹ֑ור וְאָפֵ֖ל וְלֹא־נֹ֥גַֽהּ לֹֽו׃ haloʾ־ḥoshekhe yowm yehwah weloʾ־ʾowr weʾafel weloʾ־nogah low׃

²¹ שָׂנֵ֥אתִי מָאַ֖סְתִּי חַגֵּיכֶ֑ם וְלֹ֥א אָרִ֖יחַ בְּעַצְּרֹֽתֵיכֶֽם׃ saneʾtiy maʾasetiy ḥageykhem weloʾ ʾariyḥa beʿatseroteykhem׃

²² כִּ֣י אִם־תַּעֲלוּ־לִ֥י עֹלֹ֛ות וּמִנְחֹתֵיכֶ֖ם לֹ֣א אֶרְצֶ֑ה וְשֶׁ֥לֶם מְרִיאֵיכֶ֖ם לֹ֥א אַבִּֽיט׃ kiy ʾim־taʿalu־liy ʿolowt umineḥoteykhem loʾ ʾeretseh weshelem meriyʾeykhem loʾ ʾabiyṭ׃

²³ הָסֵ֥ר מֵעָלַ֖י הֲמֹ֣ון שִׁרֶ֑יךָ וְזִמְרַ֥ת נְבָלֶ֖יךָ לֹ֥א אֶשְׁמָֽע׃ haser meʿalay hamown shireykha wezimerat nevaleykha loʾ ʾeshemaʿ׃

²⁴ וְיִגַּ֥ל כַּמַּ֖יִם מִשְׁפָּ֑ט וּצְדָקָ֖ה כְּנַ֥חַל אֵיתָֽן׃ weyigal kamayim mishepaṭ utsedaqah kenaḥal ʾeytan׃

²⁵ הַזְּבָחִ֨ים וּמִנְחָ֜ה הִֽגַּשְׁתֶּם־לִ֧י בַמִּדְבָּ֛ר אַרְבָּעִ֥ים שָׁנָ֖ה בֵּ֥ית יִשְׂרָאֵֽל׃ hazevaḥiym umineḥah higashetem־liy vamidebar ʾarebaʿiym shanah beyt yiseraʾel׃

²⁶ וּנְשָׂאתֶ֗ם אֵ֚ת סִכּ֣וּת מַלְכְּכֶ֔ם וְאֵ֖ת כִּיּ֣וּן צַלְמֵיכֶ֑ם כֹּוכַב֙ אֱלֹ֣הֵיכֶ֔ם אֲשֶׁ֥ר עֲשִׂיתֶ֖ם לָכֶֽם׃ unesaʾtem ʾet sikut malekekhem weʾet kiyun tsalemeykhem kowkhav ʾeloheykhem ʾasher ʿasiytem lakhem׃

²⁷ וְהִגְלֵיתִ֥י אֶתְכֶ֖ם מֵהָ֣לְאָה לְדַמָּ֑שֶׂק אָמַ֛ר יְהוָ֥ה אֱלֹהֵֽי־צְבָאֹ֖ות שְׁמֹֽו׃ פ wehigeleytiy ʾetekhem mehaleʾah ledamaseq ʾamar yehwah ʾelohey־tsevaʾowt shemow׃ f