Lévitique 5

¹ וְנֶ֣פֶשׁ כִּֽי־תֶחֱטָ֗א וְשָֽׁמְעָה֙ קֹ֣ול אָלָ֔ה וְה֣וּא עֵ֔ד אֹ֥ו רָאָ֖ה אֹ֣ו יָדָ֑ע אִם־לֹ֥וא יַגִּ֖יד וְנָשָׂ֥א עֲוֹנֹֽו׃ wenefesh kiy־teḥeṭaʾ weshameʿah qowl ʾalah wehuʾ ʿed ʾow raʾah ʾow yadaʿ ʾim־lowʾ yagiyd wenasaʾ ʿaonow׃

² אֹ֣ו נֶ֗פֶשׁ אֲשֶׁ֣ר תִּגַּע֮ בְּכָל־דָּבָ֣ר טָמֵא֒ אֹו֩ בְנִבְלַ֨ת חַיָּ֜ה טְמֵאָ֗ה אֹ֚ו בְּנִבְלַת֙ בְּהֵמָ֣ה טְמֵאָ֔ה אֹ֕ו בְּנִבְלַ֖ת שֶׁ֣רֶץ טָמֵ֑א וְנֶעְלַ֣ם מִמֶּ֔נּוּ וְה֥וּא טָמֵ֖א וְאָשֵֽׁם׃ ʾow nefesh ʾasher tigaʿ bekhal־davar ṭameʾ ʾow venivelat ḥayah ṭemeʾah ʾow benivelat behemah ṭemeʾah ʾow benivelat sherets ṭameʾ weneʿelam mimenu wehuʾ ṭameʾ weʾashem׃

³ אֹ֣ו כִ֤י יִגַּע֙ בְּטֻמְאַ֣ת אָדָ֔ם לְכֹל֙ טֻמְאָתֹ֔ו אֲשֶׁ֥ר יִטְמָ֖א בָּ֑הּ וְנֶעְלַ֣ם מִמֶּ֔נּוּ וְה֥וּא יָדַ֖ע וְאָשֵֽׁם׃ ʾow khiy yigaʿ beṭumeʾat ʾadam lekhol ṭumeʾatow ʾasher yiṭemaʾ bah weneʿelam mimenu wehuʾ yadaʿ weʾashem׃

⁴ אֹ֣ו נֶ֡פֶשׁ כִּ֣י תִשָּׁבַע֩ לְבַטֵּ֨א בִשְׂפָתַ֜יִם לְהָרַ֣ע ׀ אֹ֣ו לְהֵיטִ֗יב לְ֠כֹל אֲשֶׁ֨ר יְבַטֵּ֧א הָאָדָ֛ם בִּשְׁבֻעָ֖ה וְנֶעְלַ֣ם מִמֶּ֑נּוּ וְהוּא־יָדַ֥ע וְאָשֵׁ֖ם לְאַחַ֥ת מֵאֵֽלֶּה׃ ʾow nefesh kiy tishavaʿ levaṭeʾ visefatayim leharaʿ ׀ ʾow leheyṭiyv lekhol ʾasher yevaṭeʾ haʾadam bishevuʿah weneʿelam mimenu wehuʾ־yadaʿ weʾashem leʾaḥat meʾeleh׃

⁵ וְהָיָ֥ה כִֽי־יֶאְשַׁ֖ם לְאַחַ֣ת מֵאֵ֑לֶּה וְהִ֨תְוַדָּ֔ה אֲשֶׁ֥ר חָטָ֖א עָלֶֽיהָ׃ wehayah khiy־yeʾesham leʾaḥat meʾeleh wehitewadah ʾasher ḥaṭaʾ ʿaleyha׃

⁶ וְהֵבִ֣יא אֶת־אֲשָׁמֹ֣ו לַיהוָ֡ה עַ֣ל חַטָּאתֹו֩ אֲשֶׁ֨ר חָטָ֜א נְקֵבָ֨ה מִן־הַצֹּ֥אן כִּשְׂבָּ֛ה אֹֽו־שְׂעִירַ֥ת עִזִּ֖ים לְחַטָּ֑את וְכִפֶּ֥ר עָלָ֛יו הַכֹּהֵ֖ן מֵחַטָּאתֹֽו׃ weheviyʾ ʾet־ʾashamow layhwah ʿal ḥaṭaʾtow ʾasher ḥaṭaʾ neqevah min־hatsoʾn kisebah ʾow־seʿiyrat ʿiziym leḥaṭaʾt wekhiper ʿalayw hakohen meḥaṭaʾtow׃

⁷ וְאִם־לֹ֨א תַגִּ֣יע יָדֹו֮ דֵּ֣י שֶׂה֒ וְהֵבִ֨יא אֶת־אֲשָׁמֹ֜ו אֲשֶׁ֣ר חָטָ֗א שְׁתֵּ֥י תֹרִ֛ים אֹֽו־שְׁנֵ֥י בְנֵֽי־יֹונָ֖ה לַֽיהוָ֑ה אֶחָ֥ד לְחַטָּ֖את וְאֶחָ֥ד לְעֹלָֽה׃ weʾim־loʾ tagiyʿ yadow dey seh weheviyʾ ʾet־ʾashamow ʾasher ḥaṭaʾ shetey toriym ʾow־sheney veney־yownah layhwah ʾeḥad leḥaṭaʾt weʾeḥad leʿolah׃

⁸ וְהֵבִ֤יא אֹתָם֙ אֶל־הַכֹּהֵ֔ן וְהִקְרִ֛יב אֶת־אֲשֶׁ֥ר לַחַטָּ֖את רִאשֹׁונָ֑ה וּמָלַ֧ק אֶת־רֹאשֹׁ֛ו מִמּ֥וּל עָרְפֹּ֖ו וְלֹ֥א יַבְדִּֽיל׃ weheviyʾ ʾotam ʾel־hakohen wehiqeriyv ʾet־ʾasher laḥaṭaʾt riʾshownah umalaq ʾet־roʾshow mimul ʿarepow weloʾ yavediyl׃

⁹ וְהִזָּ֞ה מִדַּ֤ם הַחַטָּאת֙ עַל־קִ֣יר הַמִּזְבֵּ֔חַ וְהַנִּשְׁאָ֣ר בַּדָּ֔ם יִמָּצֵ֖ה אֶל־יְסֹ֣וד הַמִּזְבֵּ֑חַ חַטָּ֖את הֽוּא׃ wehizah midam haḥaṭaʾt ʿal־qiyr hamizebeaḥ wehanisheʾar badam yimatseh ʾel־yesowd hamizebeaḥ ḥaṭaʾt huʾ׃

¹⁰ וְאֶת־הַשֵּׁנִ֛י יַעֲשֶׂ֥ה עֹלָ֖ה כַּמִּשְׁפָּ֑ט וְכִפֶּ֨ר עָלָ֧יו הַכֹּהֵ֛ן מֵחַטָּאתֹ֥ו אֲשֶׁר־חָטָ֖א וְנִסְלַ֥ח לֹֽו׃ ס weʾet־hasheniy yaʿaseh ʿolah kamishepaṭ wekhiper ʿalayw hakohen meḥaṭaʾtow ʾasher־ḥaṭaʾ weniselaḥ low׃ s

¹¹ וְאִם־לֹא֩ תַשִּׂ֨יג יָדֹ֜ו לִשְׁתֵּ֣י תֹרִ֗ים אֹו֮ לִשְׁנֵ֣י בְנֵי־יֹונָה֒ וְהֵבִ֨יא אֶת־קָרְבָּנֹ֜ו אֲשֶׁ֣ר חָטָ֗א עֲשִׂירִ֧ת הָאֵפָ֛ה סֹ֖לֶת לְחַטָּ֑את לֹא־יָשִׂ֨ים עָלֶ֜יהָ שֶׁ֗מֶן וְלֹא־יִתֵּ֤ן עָלֶ֙יהָ֙ לְבֹנָ֔ה כִּ֥י חַטָּ֖את הִֽיא׃ weʾim־loʾ tasiyg yadow lishetey toriym ʾow lisheney veney־yownah weheviyʾ ʾet־qarebanow ʾasher ḥaṭaʾ ʿasiyrit haʾefah solet leḥaṭaʾt loʾ־yasiym ʿaleyha shemen weloʾ־yiten ʿaleyha levonah kiy ḥaṭaʾt hiyʾ׃

¹² וֶהֱבִיאָהּ֮ אֶל־הַכֹּהֵן֒ וְקָמַ֣ץ הַכֹּהֵ֣ן ׀ מִ֠מֶּנָּה מְלֹ֨וא קֻמְצֹ֜ו אֶת־אַזְכָּרָתָה֙ וְהִקְטִ֣יר הַמִּזְבֵּ֔חָה עַ֖ל אִשֵּׁ֣י יְהוָ֑ה חַטָּ֖את הִֽוא׃ weheviyʾah ʾel־hakohen weqamats hakohen ׀ mimenah melowʾ qumetsow ʾet־ʾazekaratah wehiqeṭiyr hamizebeḥah ʿal ʾishey yehwah ḥaṭaʾt hiwʾ׃

¹³ וְכִפֶּר֩ עָלָ֨יו הַכֹּהֵ֜ן עַל־חַטָּאתֹ֧ו אֲשֶׁר־חָטָ֛א מֵֽאַחַ֥ת מֵאֵ֖לֶּה וְנִסְלַ֣ח לֹ֑ו וְהָיְתָ֥ה לַכֹּהֵ֖ן כַּמִּנְחָֽה׃ ס wekhiper ʿalayw hakohen ʿal־ḥaṭaʾtow ʾasher־ḥaṭaʾ meʾaḥat meʾeleh weniselaḥ low wehayetah lakohen kamineḥah׃ s

¹⁴ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

¹⁵ נֶ֚פֶשׁ כִּֽי־תִמְעֹ֣ל מַ֔עַל וְחָֽטְאָה֙ בִּשְׁגָגָ֔ה מִקָּדְשֵׁ֖י יְהוָ֑ה וְהֵבִיא֩ אֶת־אֲשָׁמֹ֨ו לַֽיהוָ֜ה אַ֧יִל תָּמִ֣ים מִן־הַצֹּ֗אן בְּעֶרְכְּךָ֛ כֶּֽסֶף־שְׁקָלִ֥ים בְּשֶֽׁקֶל־הַקֹּ֖דֶשׁ לְאָשָֽׁם׃ nefesh kiy־timeʿol maʿal weḥaṭeʾah bishegagah miqadeshey yehwah weheviyʾ ʾet־ʾashamow layhwah ʾayil tamiym min־hatsoʾn beʿerekekha kesef־sheqaliym besheqel־haqodesh leʾasham׃

¹⁶ וְאֵ֣ת אֲשֶׁר֩ חָטָ֨א מִן־הַקֹּ֜דֶשׁ יְשַׁלֵּ֗ם וְאֶת־חֲמִֽישִׁתֹו֙ יֹוסֵ֣ף עָלָ֔יו וְנָתַ֥ן אֹתֹ֖ו לַכֹּהֵ֑ן וְהַכֹּהֵ֗ן יְכַפֵּ֥ר עָלָ֛יו בְּאֵ֥יל הָאָשָׁ֖ם וְנִסְלַ֥ח לֹֽו׃ פ weʾet ʾasher ḥaṭaʾ min־haqodesh yeshalem weʾet־ḥamiyshitow yowsef ʿalayw wenatan ʾotow lakohen wehakohen yekhaper ʿalayw beʾeyl haʾasham weniselaḥ low׃ f

¹⁷ וְאִם־נֶ֙פֶשׁ֙ כִּ֣י תֶֽחֱטָ֔א וְעָֽשְׂתָ֗ה אַחַת֙ מִכָּל־מִצְוֹ֣ת יְהוָ֔ה אֲשֶׁ֖ר לֹ֣א תֵעָשֶׂ֑ינָה וְלֹֽא־יָדַ֥ע וְאָשֵׁ֖ם וְנָשָׂ֥א עֲוֹנֹֽו׃ weʾim־nefesh kiy teḥeṭaʾ weʿasetah ʾaḥat mikal־mitseot yehwah ʾasher loʾ teʿaseynah weloʾ־yadaʿ weʾashem wenasaʾ ʿaonow׃

¹⁸ וְ֠הֵבִיא אַ֣יִל תָּמִ֧ים מִן־הַצֹּ֛אן בְּעֶרְכְּךָ֥ לְאָשָׁ֖ם אֶל־הַכֹּהֵ֑ן וְכִפֶּר֩ עָלָ֨יו הַכֹּהֵ֜ן עַ֣ל שִׁגְגָתֹ֧ו אֲשֶׁר־שָׁגָ֛ג וְה֥וּא לֹֽא־יָדַ֖ע וְנִסְלַ֥ח לֹֽו׃ weheviyʾ ʾayil tamiym min־hatsoʾn beʿerekekha leʾasham ʾel־hakohen wekhiper ʿalayw hakohen ʿal shigegatow ʾasher־shagag wehuʾ loʾ־yadaʿ weniselaḥ low׃

¹⁹ אָשָׁ֖ם ה֑וּא אָשֹׁ֥ם אָשַׁ֖ם לַיהוָֽה׃ פ ʾasham huʾ ʾashom ʾasham layhwah׃ f

²⁰ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

²¹ נֶ֚פֶשׁ כִּ֣י תֶחֱטָ֔א וּמָעֲלָ֥ה מַ֖עַל בַּיהוָ֑ה וְכִחֵ֨שׁ בַּעֲמִיתֹ֜ו בְּפִקָּדֹ֗ון אֹֽו־בִתְשׂ֤וּמֶת יָד֙ אֹ֣ו בְגָזֵ֔ל אֹ֖ו עָשַׁ֥ק אֶת־עֲמִיתֹֽו׃ nefesh kiy teḥeṭaʾ umaʿalah maʿal bayhwah wekhiḥesh baʿamiytow befiqadown ʾow־vitesumet yad ʾow vegazel ʾow ʿashaq ʾet־ʿamiytow׃

²² אֹֽו־מָצָ֧א אֲבֵדָ֛ה וְכִ֥חֶשׁ בָּ֖הּ וְנִשְׁבַּ֣ע עַל־שָׁ֑קֶר עַל־אַחַ֗ת מִכֹּ֛ל אֲשֶׁר־יַעֲשֶׂ֥ה הָאָדָ֖ם לַחֲטֹ֥א בָהֵֽנָּה׃ ʾow־matsaʾ ʾavedah wekhiḥesh bah wenishebaʿ ʿal־shaqer ʿal־ʾaḥat mikol ʾasher־yaʿaseh haʾadam laḥaṭoʾ vahenah׃

²³ וְהָיָה֮ כִּֽי־יֶחֱטָ֣א וְאָשֵׁם֒ וְהֵשִׁ֨יב אֶת־הַגְּזֵלָ֜ה אֲשֶׁ֣ר גָּזָ֗ל אֹ֤ו אֶת־הָעֹ֙שֶׁק֙ אֲשֶׁ֣ר עָשָׁ֔ק אֹ֚ו אֶת־הַפִּקָּדֹ֔ון אֲשֶׁ֥ר הָפְקַ֖ד אִתֹּ֑ו אֹ֥ו אֶת־הָאֲבֵדָ֖ה אֲשֶׁ֥ר מָצָֽא׃ wehayah kiy־yeḥeṭaʾ weʾashem weheshiyv ʾet־hagezelah ʾasher gazal ʾow ʾet־haʿosheq ʾasher ʿashaq ʾow ʾet־hapiqadown ʾasher hafeqad ʾitow ʾow ʾet־haʾavedah ʾasher matsaʾ׃

²⁴ אֹ֠ו מִכֹּ֞ל אֲשֶׁר־יִשָּׁבַ֣ע עָלָיו֮ לַשֶּׁקֶר֒ וְשִׁלַּ֤ם אֹתֹו֙ בְּרֹאשֹׁ֔ו וַחֲמִשִׁתָ֖יו יֹסֵ֣ף עָלָ֑יו לַאֲשֶׁ֨ר ה֥וּא לֹ֛ו יִתְּנֶ֖נּוּ בְּיֹ֥ום אַשְׁמָתֹֽו׃ ʾow mikol ʾasher־yishavaʿ ʿalayw lasheqer weshilam ʾotow beroʾshow waḥamishitayw yosef ʿalayw laʾasher huʾ low yitenenu beyowm ʾashematow׃

²⁵ וְאֶת־אֲשָׁמֹ֥ו יָבִ֖יא לַיהוָ֑ה אַ֣יִל תָּמִ֧ים מִן־הַצֹּ֛אן בְּעֶרְכְּךָ֥ לְאָשָׁ֖ם אֶל־הַכֹּהֵֽן׃ weʾet־ʾashamow yaviyʾ layhwah ʾayil tamiym min־hatsoʾn beʿerekekha leʾasham ʾel־hakohen׃

²⁶ וְכִפֶּ֨ר עָלָ֧יו הַכֹּהֵ֛ן לִפְנֵ֥י יְהוָ֖ה וְנִסְלַ֣ח לֹ֑ו עַל־אַחַ֛ת מִכֹּ֥ל אֲשֶֽׁר־יַעֲשֶׂ֖ה לְאַשְׁמָ֥ה בָֽהּ׃ פ wekhiper ʿalayw hakohen lifeney yehwah weniselaḥ low ʿal־ʾaḥat mikol ʾasher־yaʿaseh leʾashemah vah׃ f