Psaumes 86

¹ תְּפִלָּ֗ה לְדָ֫וִ֥ד הַטֵּֽה־יְהוָ֣ה אָזְנְךָ֣ עֲנֵ֑נִי כִּֽי־עָנִ֖י וְאֶבְיֹ֣ון אָֽנִי׃ tefilah ledawid haṭeh־yehwah ʾazenekha ʿaneniy kiy־ʿaniy weʾeveyown ʾaniy׃

² שָֽׁמְרָ֣ה נַפְשִׁי֮ כִּֽי־חָסִ֪יד אָ֥נִי הֹושַׁ֣ע עַ֭בְדְּךָ אַתָּ֣ה אֱלֹהַ֑י הַבֹּוטֵ֥חַ אֵלֶֽיךָ׃ shamerah nafeshiy kiy־ḥasiyd ʾaniy howshaʿ ʿavedekha ʾatah ʾelohay habowṭeaḥ ʾeleykha׃

³ חָנֵּ֥נִי אֲדֹנָ֑י כִּ֥י אֵלֶ֥יךָ אֶ֝קְרָ֗א כָּל־הַיֹּֽום׃ ḥaneniy ʾadonay kiy ʾeleykha ʾeqeraʾ kal־hayowm׃

⁴ מֵּחַ נֶ֣פֶשׁ עַבְדֶּ֑ךָ כִּ֥י אֵלֶ֥יךָ אֲ֝דֹנָ֗י נַפְשִׁ֥י אֶשָּֽׂא׃ meaḥ nefesh ʿavedekha kiy ʾeleykha ʾadonay nafeshiy ʾesaʾ׃

⁵ כִּֽי־אַתָּ֣ה אֲ֭דֹנָי טֹ֣וב וְסַלָּ֑ח וְרַב־חֶ֝֗סֶד לְכָל־קֹרְאֶֽיךָ׃ kiy־ʾatah ʾadonay ṭowv wesalaḥ werav־ḥesed lekhal־qoreʾeykha׃

⁶ הַאֲזִ֣ינָה יְ֭הוָה תְּפִלָּתִ֑י וְ֝הַקְשִׁ֗יבָה בְּקֹ֣ול תַּחֲנוּנֹותָֽי׃ haʾaziynah yehwah tefilatiy wehaqeshiyvah beqowl taḥanunowtay׃

⁷ בְּיֹ֣ום צָ֭רָתִ֥י אֶקְרָאֶ֗ךָּ כִּ֣י תַעֲנֵֽנִי׃ beyowm tsaratiy ʾeqeraʾeka kiy taʿaneniy׃

⁸ אֵין־כָּמֹ֖וךָ בָאֱלֹהִ֥ים ׀ אֲדֹנָ֗י וְאֵ֣ין כְּֽמַעֲשֶֽׂיךָ׃ ʾeyn־kamowkha vaʾelohiym ׀ ʾadonay weʾeyn kemaʿaseykha׃

⁹ כָּל־גֹּויִ֤ם ׀ אֲשֶׁ֥ר עָשִׂ֗יתָ יָבֹ֤ואוּ ׀ וְיִשְׁתַּחֲו֣וּ לְפָנֶ֣יךָ אֲדֹנָ֑י וִֽיכַבְּד֣וּ לִשְׁמֶֽךָ׃ kal־gowyim ׀ ʾasher ʿasiyta yavowʾu ׀ weyishetaḥawu lefaneykha ʾadonay wiykhabedu lishemekha׃

¹⁰ כִּֽי־גָדֹ֣ול אַ֭תָּה וְעֹשֵׂ֣ה נִפְלָאֹ֑ות אַתָּ֖ה אֱלֹהִ֣ים לְבַדֶּֽךָ׃ kiy־gadowl ʾatah weʿoseh nifelaʾowt ʾatah ʾelohiym levadekha׃

¹¹ הֹ֘ורֵ֤נִי יְהוָ֨ה ׀ דַּרְכֶּ֗ךָ אֲהַלֵּ֥ךְ בַּאֲמִתֶּ֑ךָ יַחֵ֥ד לְ֝בָבִ֗י לְיִרְאָ֥ה שְׁמֶֽךָ׃ howreniy yehwah ׀ darekekha ʾahalekhe baʾamitekha yaḥed levaviy leyireʾah shemekha׃

¹² אֹודְךָ֤ ׀ אֲדֹנָ֣י אֱ֭לֹהַי בְּכָל־לְבָבִ֑י וַאֲכַבְּדָ֖ה שִׁמְךָ֣ לְעֹולָֽם׃ ʾowdekha ׀ ʾadonay ʾelohay bekhal־levaviy waʾakhabedah shimekha leʿowlam׃

¹³ כִּֽי־חַ֭סְדְּךָ גָּדֹ֣ול עָלָ֑י וְהִצַּ֥לְתָּ נַ֝פְשִׁ֗י מִשְּׁאֹ֥ול תַּחְתִּיָּֽה׃ kiy־ḥasedekha gadowl ʿalay wehitsaleta nafeshiy misheʾowl taḥetiyah׃

¹⁴ אֱלֹהִ֤ים ׀ זֵ֘דִ֤ים קָֽמוּ־עָלַ֗י וַעֲדַ֣ת עָ֭רִיצִים בִּקְשׁ֣וּ נַפְשִׁ֑י וְלֹ֖א שָׂמ֣וּךָ לְנֶגְדָּֽם׃ ʾelohiym ׀ zediym qamu־ʿalay waʿadat ʿariytsiym biqeshu nafeshiy weloʾ samukha lenegedam׃

¹⁵ וְאַתָּ֣ה אֲ֭דֹנָי אֵל־רַח֣וּם וְחַנּ֑וּן אֶ֥רֶךְ אַ֝פַּ֗יִם וְרַב־חֶ֥סֶד וֶאֱמֶֽת׃ weʾatah ʾadonay ʾel־raḥum weḥanun ʾerekhe ʾapayim werav־ḥesed weʾemet׃

¹⁶ פְּנֵ֥ה אֵלַ֗י וְחָ֫נֵּ֥נִי תְּנָֽה־עֻזְּךָ֥ לְעַבְדֶּ֑ךָ וְ֝הֹושִׁ֗יעָה לְבֶן־אֲמָתֶֽךָ׃ peneh ʾelay weḥaneniy tenah־ʿuzekha leʿavedekha wehowshiyʿah leven־ʾamatekha׃

¹⁷ עֲשֵֽׂה־עִמִּ֥י אֹ֗ות לְטֹ֫ובָ֥ה וְיִרְא֣וּ שֹׂנְאַ֣י וְיֵבֹ֑שׁוּ כִּֽי־אַתָּ֥ה יְ֝הוָ֗ה עֲזַרְתַּ֥נִי וְנִחַמְתָּֽנִי׃ ʿaseh־ʿimiy ʾowt leṭowvah weyireʾu soneʾay weyevoshu kiy־ʾatah yehwah ʿazaretaniy weniḥametaniy׃