1 לַ֭מְנַצֵּחַ שִׁ֣יר מִזְמֹ֑ור הָרִ֥יעוּ לֵ֝אלֹהִים כָּל־הָאָֽרֶץ׃ lamenatseaḥ shiyr mizemowr hariyʿu leʾlohiym kal־haʾarets׃
2 זַמְּר֥וּ כְבֹֽוד־שְׁמֹ֑ו שִׂ֥ימוּ כָ֝בֹ֗וד תְּהִלָּתֹֽו׃ zameru khevowd־shemow siymu khavowd tehilatow׃
3 אִמְר֣וּ לֵ֭אלֹהִים מַה־נֹּורָ֣א מַעֲשֶׂ֑יךָ בְּרֹ֥ב עֻ֝זְּךָ֗ יְֽכַחֲשׁ֖וּ לְךָ֣ אֹיְבֶֽיךָ׃ ʾimeru leʾlohiym mah־nowraʾ maʿaseykha berov ʿuzekha yekhaḥashu lekha ʾoyeveykha׃
4 כָּל־הָאָ֤רֶץ ׀ יִשְׁתַּחֲו֣וּ לְ֭ךָ וִֽיזַמְּרוּ־לָ֑ךְ יְזַמְּר֖וּ שִׁמְךָ֣ סֶֽלָה׃ kal־haʾarets ׀ yishetaḥawu lekha wiyzameru־lakhe yezameru shimekha selah׃
5 לְכ֣וּ וּ֭רְאוּ מִפְעֲלֹ֣ות אֱלֹהִ֑ים נֹורָ֥א עֲ֝לִילָ֗ה עַל־בְּנֵ֥י אָדָֽם׃ lekhu ureʾu mifeʿalowt ʾelohiym nowraʾ ʿaliylah ʿal־beney ʾadam׃
6 הָ֤פַךְ יָ֨ם ׀ לְֽיַבָּשָׁ֗ה בַּ֭נָּהָר יַֽעַבְר֣וּ בְרָ֑גֶל ם נִשְׂמְחָה־בֹּֽו׃ hafakhe yam ׀ leyabashah banahar yaʿaveru veragel m nisemeḥah־bow׃
7 מֹ֘שֵׁ֤ל בִּגְבוּרָתֹ֨ו ׀ עֹולָ֗ם עֵ֭ינָיו בַּגֹּויִ֣ם תִּצְפֶּ֑ינָה הַסֹּורְרִ֓ים ׀ אַל־ [יָרִימוּ כ] (יָר֖וּמוּ ק) לָ֣מֹו סֶֽלָה׃ moshel bigevuratow ׀ ʿowlam ʿeynayw bagowyim titsepeynah hasowreriym ׀ ʾal־ [yariymu kh] (yarumu q) lamow selah׃
8 בָּרְכ֖וּ עַמִּ֥ים ׀ אֱלֹהֵ֑ינוּ וְ֝הַשְׁמִ֗יעוּ קֹ֣ול תְּהִלָּתֹֽו׃ barekhu ʿamiym ׀ ʾeloheynu wehashemiyʿu qowl tehilatow׃
9 הַשָּׂ֣ם נַ֭פְשֵׁנוּ בַּֽחַיִּ֑ים וְלֹֽא־נָתַ֖ן לַמֹּ֣וט רַגְלֵֽנוּ׃ hasam nafeshenu baḥayiym weloʾ־natan lamowṭ ragelenu׃
10 כִּֽי־בְחַנְתָּ֥נוּ אֱלֹהִ֑ים צְ֝רַפְתָּ֗נוּ כִּצְרָף־כָּֽסֶף׃ kiy־veḥanetanu ʾelohiym tserafetanu kitseraf־kasef׃
11 הֲבֵאתָ֥נוּ בַמְּצוּדָ֑ה שַׂ֖מְתָּ מוּעָקָ֣ה בְמָתְנֵֽינוּ׃ haveʾtanu vametsudah sameta muʿaqah vemateneynu׃
12 הִרְכַּ֥בְתָּ אֱנֹ֗ושׁ לְרֹ֫אשֵׁ֥נוּ בָּֽאנוּ־בָאֵ֥שׁ וּבַמַּ֑יִם וַ֝תֹּוצִיאֵ֗נוּ לָֽרְוָיָֽה׃ hirekaveta ʾenowsh leroʾshenu baʾnu־vaʾesh uvamayim watowtsiyʾenu larewayah׃
13 אָבֹ֣וא בֵיתְךָ֣ בְעֹולֹ֑ות אֲשַׁלֵּ֖ם לְךָ֣ נְדָרָֽי׃ ʾavowʾ veytekha veʿowlowt ʾashalem lekha nedaray׃
14 אֲשֶׁר־פָּצ֥וּ שְׂפָתָ֑י וְדִבֶּר־פִּ֝֗י בַּצַּר־לִֽי׃ ʾasher־patsu sefatay wediber־piy batsar־liy׃
15 עֹ֘לֹ֤ות מֵחִ֣ים אַעֲלֶה־לָּ֭ךְ עִם־קְטֹ֣רֶת אֵילִ֑ים אֶ֥עֱשֶֽׂה בָקָ֖ר עִם־עַתּוּדִ֣ים סֶֽלָה׃ ʿolowt meḥiym ʾaʿaleh־lakhe ʿim־qeṭoret ʾeyliym ʾeʿeseh vaqar ʿim־ʿatudiym selah׃
16 לְכֽוּ־שִׁמְע֣וּ וַ֭אֲסַפְּרָה כָּל־יִרְאֵ֣י אֱלֹהִ֑ים אֲשֶׁ֖ר עָשָׂ֣ה לְנַפְשִֽׁי׃ lekhu־shimeʿu waʾasaperah kal־yireʾey ʾelohiym ʾasher ʿasah lenafeshiy׃
17 אֵלָ֥יו פִּֽי־קָרָ֑אתִי וְ֝רֹומַ֗ם תַּ֣חַת לְשֹׁונִֽי׃ ʾelayw piy־qaraʾtiy werowmam taḥat leshowniy׃
18 אָ֭וֶן אִם־רָאִ֣יתִי בְלִבִּ֑י לֹ֖א יִשְׁמַ֣ע ׀ אֲדֹנָֽי׃ ʾawen ʾim־raʾiytiy velibiy loʾ yishemaʿ ׀ ʾadonay׃
19 אָ֭כֵן שָׁמַ֣ע אֱלֹהִ֑ים הִ֝קְשִׁ֗יב בְּקֹ֣ול תְּפִלָּתִֽי׃ ʾakhen shamaʿ ʾelohiym hiqeshiyv beqowl tefilatiy׃
20 בָּר֥וּךְ אֱלֹהִ֑ים אֲשֶׁ֥ר לֹֽא־הֵסִ֘יר תְּפִלָּתִ֥י וְ֝חַסְדֹּ֗ו מֵאִתִּֽי׃ barukhe ʾelohiym ʾasher loʾ־hesiyr tefilatiy weḥasedow meʾitiy׃