1 צַדִּ֤יק אַתָּה֙ יְהוָ֔ה כִּ֥י אָרִ֖יב אֵלֶ֑יךָ אַ֤ךְ מִשְׁפָּטִים֙ אֲדַבֵּ֣ר אֹותָ֔ךְ מַדּ֗וּעַ דֶּ֤רֶךְ רְשָׁעִים֙ צָלֵ֔חָה שָׁל֖וּ כָּל־בֹּ֥גְדֵי בָֽגֶד׃ tsadiyq ʾatah yehwah kiy ʾariyv ʾeleykha ʾakhe mishepaṭiym ʾadaber ʾowtakhe maduaʿ derekhe reshaʿiym tsaleḥah shalu kal־bogedey vaged׃
2 נְטַעְתָּם֙ גַּם־שֹׁרָ֔שׁוּ יֵלְכ֖וּ גַּם־עָ֣שׂוּ פֶ֑רִי קָרֹ֤וב אַתָּה֙ בְּפִיהֶ֔ם וְרָחֹ֖וק מִכִּלְיֹותֵיהֶֽם׃ neṭaʿetam gam־shorashu yelekhu gam־ʿasu feriy qarowv ʾatah befiyhem weraḥowq mikileyowteyhem׃
3 וְאַתָּ֤ה יְהוָה֙ יְדַעְתָּ֔נִי תִּרְאֵ֕נִי וּבָחַנְתָּ֥ לִבִּ֖י אִתָּ֑ךְ הַתִּקֵם֙ כְּצֹ֣אן לְטִבְחָ֔ה וְהַקְדִּשֵׁ֖ם לְיֹ֥ום הֲרֵגָֽה׃ ס weʾatah yehwah yedaʿetaniy tireʾeniy uvaḥaneta libiy ʾitakhe hatiqem ketsoʾn leṭiveḥah wehaqedishem leyowm haregah׃ s
4 עַד־מָתַי֙ תֶּאֱבַ֣ל הָאָ֔רֶץ וְעֵ֥שֶׂב כָּל־הַשָּׂדֶ֖ה יִיבָ֑שׁ מֵרָעַ֣ת יֹֽשְׁבֵי־בָ֗הּ סָפְתָ֤ה בְהֵמֹות֙ וָעֹ֔וף כִּ֣י אָמְר֔וּ לֹ֥א יִרְאֶ֖ה אֶת־אַחֲרִיתֵֽנוּ׃ ʿad־matay teʾeval haʾarets weʿesev kal־hasadeh yiyvash meraʿat yoshevey־vah safetah vehemowt waʿowf kiy ʾameru loʾ yireʾeh ʾet־ʾaḥariytenu׃
5 כִּ֣י אֶת־רַגְלִ֥ים ׀ רַ֙צְתָּה֙ וַיַּלְא֔וּךָ וְאֵ֥יךְ תְּתַֽחֲרֶ֖ה אֶת־הַסּוּסִ֑ים וּבְאֶ֤רֶץ שָׁלֹום֙ אַתָּ֣ה בֹוטֵ֔חַ וְאֵ֥יךְ תַּעֲשֶׂ֖ה בִּגְאֹ֥ון הַיַּרְדֵּֽן׃ kiy ʾet־rageliym ׀ ratsetah wayaleʾukha weʾeykhe tetaḥareh ʾet־hasusiym uveʾerets shalowm ʾatah vowṭeaḥ weʾeykhe taʿaseh bigeʾown hayareden׃
6 כִּ֧י גַם־אַחֶ֣יךָ וּבֵית־אָבִ֗יךָ גַּם־הֵ֙מָּה֙ בָּ֣גְדוּ בָ֔ךְ גַּם־הֵ֛מָּה קָרְא֥וּ אַחֲרֶ֖יךָ מָלֵ֑א אַל־תַּאֲמֵ֣ן בָּ֔ם כִּֽי־יְדַבְּר֥וּ אֵלֶ֖יךָ טֹובֹֽות׃ ס kiy gam־ʾaḥeykha uveyt־ʾaviykha gam־hemah bagedu vakhe gam־hemah qareʾu ʾaḥareykha maleʾ ʾal־taʾamen bam kiy־yedaberu ʾeleykha ṭowvowt׃ s
7 עָזַ֙בְתִּי֙ אֶת־בֵּיתִ֔י נָטַ֖שְׁתִּי אֶת־נַחֲלָתִ֑י נָתַ֛תִּי אֶת־יְדִד֥וּת נַפְשִׁ֖י בְּכַ֥ף אֹיְבֶֽיהָ׃ ʿazavetiy ʾet־beytiy naṭashetiy ʾet־naḥalatiy natatiy ʾet־yedidut nafeshiy bekhaf ʾoyeveyha׃
8 הָיְתָה־לִּ֥י נַחֲלָתִ֖י כְּאַרְיֵ֣ה בַיָּ֑עַר נָתְנָ֥ה עָלַ֛י בְּקֹולָ֖הּ עַל־כֵּ֥ן שְׂנֵאתִֽיהָ׃ hayetah־liy naḥalatiy keʾareyeh vayaʿar natenah ʿalay beqowlah ʿal־ken seneʾtiyha׃
9 הַעַ֨יִט צָב֤וּעַ נַחֲלָתִי֙ לִ֔י הַעַ֖יִט סָבִ֣יב עָלֶ֑יהָ לְכ֗וּ אִסְפ֛וּ כָּל־חַיַּ֥ת הַשָּׂדֶ֖ה הֵתָ֥יוּ לְאָכְלָֽה׃ haʿayiṭ tsavuaʿ naḥalatiy liy haʿayiṭ saviyv ʿaleyha lekhu ʾisefu kal־ḥayat hasadeh hetayu leʾakhelah׃
10 רֹעִ֤ים רַבִּים֙ שִֽׁחֲת֣וּ כַרְמִ֔י בֹּסְס֖וּ אֶת־חֶלְקָתִ֑י נָֽתְנ֛וּ אֶת־חֶלְקַ֥ת חֶמְדָּתִ֖י לְמִדְבַּ֥ר שְׁמָמָֽה׃ roʿiym rabiym shiḥatu kharemiy bosesu ʾet־ḥeleqatiy natenu ʾet־ḥeleqat ḥemedatiy lemidebar shemamah׃
11 שָׂמָהּ֙ לִשְׁמָמָ֔ה אָבְלָ֥ה עָלַ֖י שְׁמֵמָ֑ה נָשַׁ֙מָּה֙ כָּל־הָאָ֔רֶץ כִּ֛י אֵ֥ין אִ֖ישׁ שָׂ֥ם עַל־לֵֽב׃ samah lishemamah ʾavelah ʿalay shememah nashamah kal־haʾarets kiy ʾeyn ʾiysh sam ʿal־lev׃
12 עַֽל־כָּל־שְׁפָיִ֣ם בַּמִּדְבָּ֗ר בָּ֚אוּ שֹֽׁדְדִ֔ים כִּ֣י חֶ֤רֶב לַֽיהוָה֙ אֹֽכְלָ֔ה מִקְצֵה־אֶ֖רֶץ וְעַד־קְצֵ֣ה הָאָ֑רֶץ אֵ֥ין שָׁלֹ֖ום לְכָל־בָּשָֽׂר׃ ס ʿal־kal־shefayim bamidebar baʾu shodediym kiy ḥerev layhwah ʾokhelah miqetseh־ʾerets weʿad־qetseh haʾarets ʾeyn shalowm lekhal־basar׃ s
13 זָרְע֤וּ חִטִּים֙ וְקֹצִ֣ים קָצָ֔רוּ נֶחְל֖וּ לֹ֣א יֹועִ֑לוּ וּבֹ֙שׁוּ֙ מִתְּבוּאֹ֣תֵיכֶ֔ם מֵחֲרֹ֖ון אַף־יְהוָֽה׃ ס zareʿu ḥiṭiym weqotsiym qatsaru neḥelu loʾ yowʿilu uvoshu mitevuʾoteykhem meḥarown ʾaf־yehwah׃ s
14 כֹּ֣ה ׀ אָמַ֣ר יְהוָ֗ה עַל־כָּל־שְׁכֵנַי֙ הָֽרָעִ֔ים הַנֹּֽגְעִים֙ בַּֽנַּחֲלָ֔ה אֲשֶׁר־הִנְחַ֥לְתִּי אֶת־עַמִּ֖י אֶת־יִשְׂרָאֵ֑ל הִנְנִ֤י נֹֽתְשָׁם֙ מֵעַ֣ל אַדְמָתָ֔ם וְאֶת־בֵּ֥ית יְהוּדָ֖ה אֶתֹּ֥ושׁ מִתֹּוכָֽם׃ koh ׀ ʾamar yehwah ʿal־kal־shekhenay haraʿiym hanogeʿiym banaḥalah ʾasher־hineḥaletiy ʾet־ʿamiy ʾet־yiseraʾel hineniy notesham meʿal ʾadematam weʾet־beyt yehudah ʾetowsh mitowkham׃
15 וְהָיָ֗ה אַֽחֲרֵי֙ נָתְשִׁ֣י אֹותָ֔ם אָשׁ֖וּב וְרִֽחַמְתִּ֑ים וַהֲשִׁבֹתִ֛ים אִ֥ישׁ לְנַחֲלָתֹ֖ו וְאִ֥ישׁ לְאַרְצֹֽו׃ wehayah ʾaḥarey nateshiy ʾowtam ʾashuv weriḥametiym wahashivotiym ʾiysh lenaḥalatow weʾiysh leʾaretsow׃
16 וְהָיָ֡ה אִם־לָמֹ֣ד יִלְמְדוּ֩ אֶת־דַּֽרְכֵ֨י עַמִּ֜י לְהִשָּׁבֵ֤עַ בִּשְׁמִי֙ חַי־יְהוָ֔ה כַּאֲשֶׁ֤ר לִמְּדוּ֙ אֶת־עַמִּ֔י לְהִשָּׁבֵ֖עַ בַּבָּ֑עַל וְנִבְנ֖וּ בְּתֹ֥וךְ עַמִּֽי׃ wehayah ʾim־lamod yilemedu ʾet־darekhey ʿamiy lehishaveaʿ bishemiy ḥay־yehwah kaʾasher limedu ʾet־ʿamiy lehishaveaʿ babaʿal wenivenu betowkhe ʿamiy׃
17 וְאִ֖ם לֹ֣א יִשְׁמָ֑עוּ וְנָ֨תַשְׁתִּ֜י אֶת־הַגֹּ֥וי הַה֛וּא נָתֹ֥ושׁ וְאַבֵּ֖ד נְאֻם־יְהוָֽה׃ ס weʾim loʾ yishemaʿu wenatashetiy ʾet־hagowy hahuʾ natowsh weʾabed neʾum־yehwah׃ s