1 וַיֹּוצִאֵ֗נִי אֶל־הֶֽחָצֵר֙ הַחִ֣יצֹונָ֔ה הַדֶּ֖רֶךְ דֶּ֣רֶךְ הַצָּפֹ֑ון וַיְבִאֵ֣נִי אֶל־הַלִּשְׁכָּ֗ה אֲשֶׁ֨ר נֶ֧גֶד הַגִּזְרָ֛ה וַאֲשֶֽׁר־נֶ֥גֶד הַבִּנְיָ֖ן אֶל־הַצָּפֹֽון׃ wayowtsiʾeniy ʾel־heḥatser haḥiytsownah haderekhe derekhe hatsafown wayeviʾeniy ʾel־halishekah ʾasher neged hagizerah waʾasher־neged habineyan ʾel־hatsafown׃
2 אֶל־פְּנֵי־אֹ֙רֶךְ֙ אַמֹּ֣ות הַמֵּאָ֔ה פֶּ֖תַח הַצָּפֹ֑ון וְהָרֹ֖חַב חֲמִשִּׁ֥ים אַמֹּֽות׃ ʾel־peney־ʾorekhe ʾamowt hameʾah petaḥ hatsafown weharoḥav ḥamishiym ʾamowt׃
3 נֶ֣גֶד הָֽעֶשְׂרִ֗ים אֲשֶׁר֙ לֶחָצֵ֣ר הַפְּנִימִ֔י וְנֶ֣גֶד רִֽצְפָ֔ה אֲשֶׁ֖ר לֶחָצֵ֣ר הַחִֽיצֹונָ֑ה אַתִּ֥יק אֶל־פְּנֵֽי־אַתִּ֖יק בַּשְּׁלִשִֽׁים׃ neged haʿeseriym ʾasher leḥatser hapeniymiy weneged ritsefah ʾasher leḥatser haḥiytsownah ʾatiyq ʾel־peney־ʾatiyq bashelishiym׃
4 וְלִפְנֵ֨י הַלְּשָׁכֹ֜ות מַהֲלַךְ֩ עֶ֨שֶׂר אַמֹּ֥ות רֹ֙חַב֙ אֶל־הַפְּנִימִ֔ית דֶּ֖רֶךְ אַמָּ֣ה אֶחָ֑ת וּפִתְחֵיהֶ֖ם לַצָּפֹֽון׃ welifeney haleshakhowt mahalakhe ʿeser ʾamowt roḥav ʾel־hapeniymiyt derekhe ʾamah ʾeḥat ufiteḥeyhem latsafown׃
5 וְהַלְּשָׁכֹ֥ות הָעֶלְיֹונֹ֖ת קְצֻרֹ֑ות כִּֽי־יֹוכְל֨וּ אַתִּיקִ֜ים מֵהֵ֗נָה מֵֽהַתַּחְתֹּנֹ֛ות וּמֵהַתִּֽכֹנֹ֖ות בִּנְיָֽן׃ wehaleshakhowt haʿeleyownot qetsurowt kiy־yowkhelu ʾatiyqiym mehenah mehataḥetonowt umehatikhonowt bineyan׃
6 כִּ֤י מְשֻׁלָּשֹׁות֙ הֵ֔נָּה וְאֵ֤ין לָהֶן֙ עַמּוּדִ֔ים כְּעַמּוּדֵ֖י הַחֲצֵרֹ֑ות עַל־כֵּ֣ן נֶאֱצַ֗ל מֵהַתַּחְתֹּונֹ֛ות וּמֵהַתִּֽיכֹנֹ֖ות מֵהָאָֽרֶץ׃ kiy meshulashowt henah weʾeyn lahen ʿamudiym keʿamudey haḥatserowt ʿal־ken neʾetsal mehataḥetownowt umehatiykhonowt mehaʾarets׃
7 וְגָדֵ֤ר אֲשֶׁר־לַחוּץ֙ לְעֻמַּ֣ת הַלְּשָׁכֹ֔ות דֶּ֛רֶךְ הֶחָצֵ֥ר הַחִֽצֹונָ֖ה אֶל־פְּנֵ֣י הַלְּשָׁכֹ֑ות אָרְכֹּ֖ו חֲמִשִּׁ֥ים אַמָּֽה׃ wegader ʾasher־laḥuts leʿumat haleshakhowt derekhe heḥatser haḥitsownah ʾel־peney haleshakhowt ʾarekow ḥamishiym ʾamah׃
8 כִּֽי־אֹ֣רֶךְ הַלְּשָׁכֹ֗ות אֲשֶׁ֛ר לֶחָצֵ֥ר הַחִֽצֹונָ֖ה חֲמִשִּׁ֣ים אַמָּ֑ה וְהִנֵּ֛ה עַל־פְּנֵ֥י הַהֵיכָ֖ל מֵאָ֥ה אַמָּֽה׃ kiy־ʾorekhe haleshakhowt ʾasher leḥatser haḥitsownah ḥamishiym ʾamah wehineh ʿal־peney haheykhal meʾah ʾamah׃
9 [וּמִתַּחֲתָה כ] [לְּשָׁכֹות כ] (וּמִתַּ֖חַת ק) (הַלְּשָׁכֹ֣ות ק) הָאֵ֑לֶּה [הַמָּבֹוא כ] (הַמֵּבִיא֙ ק) מֵֽהַקָּדִ֔ים בְּבֹאֹ֣ו לָהֵ֔נָּה מֵֽהֶחָצֵ֖ר הַחִצֹנָֽה׃ [umitaḥatah kh] [leshakhowt kh] (umitaḥat q) (haleshakhowt q) haʾeleh [hamavowʾ kh] (hameviyʾ q) mehaqadiym bevoʾow lahenah meheḥatser haḥitsonah׃
10 בְּרֹ֣חַב ׀ גֶּ֣דֶר הֶחָצֵ֗ר דֶּ֧רֶךְ הַקָּדִ֛ים אֶל־פְּנֵ֧י הַגִּזְרָ֛ה וְאֶל־פְּנֵ֥י הַבִּנְיָ֖ן לְשָׁכֹֽות׃ beroḥav ׀ geder heḥatser derekhe haqadiym ʾel־peney hagizerah weʾel־peney habineyan leshakhowt׃
11 וְדֶ֙רֶךְ֙ לִפְנֵיהֶ֔ם כְּמַרְאֵ֣ה הַלְּשָׁכֹ֗ות אֲשֶׁר֙ דֶּ֣רֶךְ הַצָּפֹ֔ון כְּאָרְכָּ֖ן כֵּ֣ן רָחְבָּ֑ן וְכֹל֙ מֹוצָ֣אֵיהֶ֔ן וּכְמִשְׁפְּטֵיהֶ֖ן וּכְפִתְחֵיהֶֽן׃ wederekhe lifeneyhem kemareʾeh haleshakhowt ʾasher derekhe hatsafown keʾarekan ken raḥeban wekhol mowtsaʾeyhen ukhemishepeṭeyhen ukhefiteḥeyhen׃
12 וּכְפִתְחֵ֣י הַלְּשָׁכֹ֗ות אֲשֶׁר֙ דֶּ֣רֶךְ הַדָּרֹ֔ום פֶּ֖תַח בְּרֹ֣אשׁ דָּ֑רֶךְ דֶּ֗רֶךְ בִּפְנֵי֙ הַגְּדֶ֣רֶת הֲגִינָ֔ה דֶּ֥רֶךְ הַקָּדִ֖ים בְּבֹואָֽן׃ ukhefiteḥey haleshakhowt ʾasher derekhe hadarowm petaḥ beroʾsh darekhe derekhe bifeney hagederet hagiynah derekhe haqadiym bevowʾan׃
13 וַיֹּ֣אמֶר אֵלַ֗י לִֽשְׁכֹ֨ות הַצָּפֹ֜ון לִֽשְׁכֹ֣ות הַדָּרֹום֮ אֲשֶׁ֣ר אֶל־פְּנֵ֣י הַגִּזְרָה֒ הֵ֣נָּה ׀ לִֽשְׁכֹ֣ות הַקֹּ֗דֶשׁ אֲשֶׁ֨ר יֹאכְלוּ־שָׁ֧ם הַכֹּהֲנִ֛ים אֲשֶׁר־קְרֹובִ֥ים לַֽיהוָ֖ה קָדְשֵׁ֣י הַקֳּדָשִׁ֑ים שָׁ֞ם יַנִּ֣יחוּ ׀ קָדְשֵׁ֣י הַקֳּדָשִׁ֗ים וְהַמִּנְחָה֙ וְהַחַטָּ֣את וְהָאָשָׁ֔ם כִּ֥י הַמָּקֹ֖ום קָדֹֽשׁ׃ wayoʾmer ʾelay lishekhowt hatsafown lishekhowt hadarowm ʾasher ʾel־peney hagizerah henah ׀ lishekhowt haqodesh ʾasher yoʾkhelu־sham hakohaniym ʾasher־qerowviym layhwah qadeshey haqodashiym sham yaniyḥu ׀ qadeshey haqodashiym wehamineḥah wehaḥaṭaʾt wehaʾasham kiy hamaqowm qadosh׃
14 בְּבֹאָ֣ם הַכֹּהֲנִ֗ים וְלֹֽא־יֵצְא֤וּ מֵהַקֹּ֙דֶשׁ֙ אֶל־הֶחָצֵ֣ר הַחִיצֹונָ֔ה וְשָׁ֞ם יַנִּ֧יחוּ בִגְדֵיהֶ֛ם אֲשֶׁר־יְשָׁרְת֥וּ בָהֶ֖ן כִּֽי־קֹ֣דֶשׁ הֵ֑נָּה [יִלְבְּשׁוּ כ] (וְלָבְשׁוּ֙ ק) בְּגָדִ֣ים אֲחֵרִ֔ים וְקָרְב֖וּ אֶל־אֲשֶׁ֥ר לָעָֽם׃ bevoʾam hakohaniym weloʾ־yetseʾu mehaqodesh ʾel־heḥatser haḥiytsownah wesham yaniyḥu vigedeyhem ʾasher־yesharetu vahen kiy־qodesh henah [yilebeshu kh] (welaveshu q) begadiym ʾaḥeriym weqarevu ʾel־ʾasher laʿam׃
15 וְכִלָּ֗ה אֶת־מִדֹּות֙ הַבַּ֣יִת הַפְּנִימִ֔י וְהֹוצִיאַ֙נִי֙ דֶּ֣רֶךְ הַשַּׁ֔עַר אֲשֶׁ֥ר פָּנָ֖יו דֶּ֣רֶךְ הַקָּדִ֑ים וּמְדָדֹ֖ו סָבִ֥יב ׀ סָבִֽיב׃ wekhilah ʾet־midowt habayit hapeniymiy wehowtsiyʾaniy derekhe hashaʿar ʾasher panayw derekhe haqadiym umedadow saviyv ׀ saviyv׃
16 מָדַ֛ד ר֥וּחַ הַקָּדִ֖ים בִּקְנֵ֣ה הַמִּדָּ֑ה חֲמֵשׁ־ [אֵמֹות כ] (מֵאֹ֥ות ק) קָנִ֛ים בִּקְנֵ֥ה הַמִּדָּ֖ה סָבִֽיב׃ madad ruaḥ haqadiym biqeneh hamidah ḥamesh־ [ʾemowt kh] (meʾowt q) qaniym biqeneh hamidah saviyv׃
17 מָדַ֖ד ר֣וּחַ הַצָּפֹ֑ון חֲמֵשׁ־מֵאֹ֥ות קָנִ֛ים בִּקְנֵ֥ה הַמִּדָּ֖ה סָבִֽיב׃ madad ruaḥ hatsafown ḥamesh־meʾowt qaniym biqeneh hamidah saviyv׃
18 אֵ֛ת ר֥וּחַ הַדָּרֹ֖ום מָדָ֑ד חֲמֵשׁ־מֵאֹ֥ות קָנִ֖ים בִּקְנֵ֥ה הַמִּדָּֽה׃ ʾet ruaḥ hadarowm madad ḥamesh־meʾowt qaniym biqeneh hamidah׃
19 סָבַ֖ב אֶל־ר֣וּחַ הַיָּ֑ם מָדַ֛ד חֲמֵשׁ־מֵאֹ֥ות קָנִ֖ים בִּקְנֵ֥ה הַמִּדָּֽה׃ savav ʾel־ruaḥ hayam madad ḥamesh־meʾowt qaniym biqeneh hamidah׃
20 לְאַרְבַּ֨ע רוּחֹ֜ות מְדָדֹ֗ו חֹ֤ומָה לֹו֙ סָבִ֣יב ׀ סָבִ֔יב אֹ֚רֶךְ חֲמֵ֣שׁ מֵאֹ֔ות וְרֹ֖חַב חֲמֵ֣שׁ מֵאֹ֑ות לְהַבְדִּ֕יל בֵּ֥ין הַקֹּ֖דֶשׁ לְחֹֽל׃ leʾarebaʿ ruḥowt medadow ḥowmah low saviyv ׀ saviyv ʾorekhe ḥamesh meʾowt weroḥav ḥamesh meʾowt lehavediyl beyn haqodesh leḥol׃