Job 1

¹ אִ֛ישׁ הָיָ֥ה בְאֶֽרֶץ־ע֖וּץ אִיֹּ֣וב שְׁמֹ֑ו וְהָיָ֣ה ׀ הָאִ֣ישׁ הַה֗וּא תָּ֧ם וְיָשָׁ֛ר וִירֵ֥א אֱלֹהִ֖ים וְסָ֥ר מֵרָֽע׃ ʾiysh hayah veʾerets־ʿuts ʾiyowv shemow wehayah ׀ haʾiysh hahuʾ tam weyashar wiyreʾ ʾelohiym wesar meraʿ׃

² וַיִּוָּ֥לְדוּ לֹ֛ו שִׁבְעָ֥ה בָנִ֖ים וְשָׁלֹ֥ושׁ בָּנֹֽות׃ wayiualedu low shiveʿah vaniym weshalowsh banowt׃

³ וַיְהִ֣י מִ֠קְנֵהוּ שִֽׁבְעַ֨ת אַלְפֵי־צֹ֜אן וּשְׁלֹ֧שֶׁת אַלְפֵ֣י גְמַלִּ֗ים וַחֲמֵ֨שׁ מֵאֹ֤ות צֶֽמֶד־בָּקָר֙ וַחֲמֵ֣שׁ מֵאֹ֣ות אֲתֹונֹ֔ות וַעֲבֻדָּ֖ה רַבָּ֣ה מְאֹ֑ד וַיְהִי֙ הָאִ֣ישׁ הַה֔וּא גָּדֹ֖ול מִכָּל־בְּנֵי־קֶֽדֶם׃ wayehiy miqenehu shiveʿat ʾalefey־tsoʾn usheloshet ʾalefey gemaliym waḥamesh meʾowt tsemed־baqar waḥamesh meʾowt ʾatownowt waʿavudah rabah meʾod wayehiy haʾiysh hahuʾ gadowl mikal־beney־qedem׃

⁴ וְהָלְכ֤וּ בָנָיו֙ וְעָשׂ֣וּ מִשְׁתֶּ֔ה בֵּ֖ית אִ֣ישׁ יֹומֹ֑ו וְשָׁלְח֗וּ וְקָרְאוּ֙ לִשְׁלֹ֣שֶׁת [אַחְיֹתֵיהֶם כ] (אַחְיֹֽותֵיהֶ֔ם ק) לֶאֱכֹ֥ל וְלִשְׁתֹּ֖ות עִמָּהֶֽם׃ wehalekhu vanayw weʿasu misheteh beyt ʾiysh yowmow weshaleḥu weqareʾu lisheloshet [ʾaḥeyoteyhem kh] (ʾaḥeyowteyhem q) leʾekhol welishetowt ʿimahem׃

⁵ וַיְהִ֡י כִּ֣י הִקִּיפֽוּ֩ יְמֵ֨י הַמִּשְׁתֶּ֜ה וַיִּשְׁלַ֧ח אִיֹּ֣וב וַֽיְקַדְּשֵׁ֗ם וְהִשְׁכִּ֣ים בַּבֹּקֶר֮ וְהֶעֱלָ֣ה עֹלֹות֮ מִסְפַּ֣ר כֻּלָּם֒ כִּ֚י אָמַ֣ר אִיֹּ֔וב אוּלַי֙ חָטְא֣וּ בָנַ֔י וּבֵרֲכ֥וּ אֱלֹהִ֖ים בִּלְבָבָ֑ם כָּ֛כָה יַעֲשֶׂ֥ה אִיֹּ֖וב כָּל־הַיָּמִֽים׃ פ wayehiy kiy hiqiyfu yemey hamisheteh wayishelaḥ ʾiyowv wayeqadeshem wehishekiym baboqer weheʿelah ʿolowt misepar kulam kiy ʾamar ʾiyowv ʾulay ḥaṭeʾu vanay uverakhu ʾelohiym bilevavam kakhah yaʿaseh ʾiyowv kal־hayamiym׃ f

⁶ וַיְהִ֣י הַיֹּ֔ום וַיָּבֹ֙אוּ֙ בְּנֵ֣י הָאֱלֹהִ֔ים לְהִתְיַצֵּ֖ב עַל־יְהוָ֑ה וַיָּבֹ֥וא גַֽם־הַשָּׂטָ֖ן בְּתֹוכָֽם׃ wayehiy hayowm wayavoʾu beney haʾelohiym lehiteyatsev ʿal־yehwah wayavowʾ gam־hasaṭan betowkham׃

⁷ וַיֹּ֧אמֶר יְהוָ֛ה אֶל־הַשָּׂטָ֖ן מֵאַ֣יִן תָּבֹ֑א וַיַּ֨עַן הַשָּׂטָ֤ן אֶת־יְהוָה֙ וַיֹּאמַ֔ר מִשּׁ֣וּט בָּאָ֔רֶץ וּמֵֽהִתְהַלֵּ֖ךְ בָּֽהּ׃ wayoʾmer yehwah ʾel־hasaṭan meʾayin tavoʾ wayaʿan hasaṭan ʾet־yehwah wayoʾmar mishuṭ baʾarets umehitehalekhe bah׃

⁸ וַיֹּ֤אמֶר יְהוָה֙ אֶל־הַשָּׂטָ֔ן הֲשַׂ֥מְתָּ לִבְּךָ֖ עַל־עַבְדִּ֣י אִיֹּ֑וב כִּ֣י אֵ֤ין כָּמֹ֙הוּ֙ בָּאָ֔רֶץ אִ֣ישׁ תָּ֧ם וְיָשָׁ֛ר יְרֵ֥א אֱלֹהִ֖ים וְסָ֥ר מֵרָֽע׃ wayoʾmer yehwah ʾel־hasaṭan hasameta libekha ʿal־ʿavediy ʾiyowv kiy ʾeyn kamohu baʾarets ʾiysh tam weyashar yereʾ ʾelohiym wesar meraʿ׃

⁹ וַיַּ֧עַן הַשָּׂטָ֛ן אֶת־יְהוָ֖ה וַיֹּאמַ֑ר הַֽחִנָּ֔ם יָרֵ֥א אִיֹּ֖וב אֱלֹהִֽים׃ wayaʿan hasaṭan ʾet־yehwah wayoʾmar haḥinam yareʾ ʾiyowv ʾelohiym׃

¹⁰ הֲלֹֽא־ [אַתְּ כ] (אַ֠תָּה ק) שַׂ֣כְתָּ בַעֲדֹ֧ו וּבְעַד־בֵּיתֹ֛ו וּבְעַ֥ד כָּל־אֲשֶׁר־לֹ֖ו מִסָּבִ֑יב מַעֲשֵׂ֤ה יָדָיו֙ בֵּרַ֔כְתָּ וּמִקְנֵ֖הוּ פָּרַ֥ץ בָּאָֽרֶץ׃ haloʾ־ [ʾate kh] (ʾatah q) sakheta vaʿadow uveʿad־beytow uveʿad kal־ʾasher־low misaviyv maʿaseh yadayw berakheta umiqenehu parats baʾarets׃

¹¹ וְאוּלָם֙ שְֽׁלַֽח־נָ֣א יָֽדְךָ֔ וְגַ֖ע בְּכָל־אֲשֶׁר־לֹ֑ו אִם־לֹ֥א עַל־פָּנֶ֖יךָ יְבָרֲכֶֽךָּ׃ weʾulam shelaḥ־naʾ yadekha wegaʿ bekhal־ʾasher־low ʾim־loʾ ʿal־paneykha yevarakheka׃

¹² וַיֹּ֨אמֶר יְהוָ֜ה אֶל־הַשָּׂטָ֗ן הִנֵּ֤ה כָל־אֲשֶׁר־לֹו֙ בְּיָדֶ֔ךָ רַ֣ק אֵלָ֔יו אַל־תִּשְׁלַ֖ח יָדֶ֑ךָ וַיֵּצֵא֙ הַשָּׂטָ֔ן מֵעִ֖ם פְּנֵ֥י יְהוָֽה׃ wayoʾmer yehwah ʾel־hasaṭan hineh khal־ʾasher־low beyadekha raq ʾelayw ʾal־tishelaḥ yadekha wayetseʾ hasaṭan meʿim peney yehwah׃

¹³ וַיְהִ֖י הַיֹּ֑ום וּבָנָ֨יו וּבְנֹתָ֤יו אֹֽכְלִים֙ וְשֹׁתִ֣ים יַ֔יִן בְּבֵ֖ית אֲחִיהֶ֥ם הַבְּכֹֽור׃ wayehiy hayowm uvanayw uvenotayw ʾokheliym weshotiym yayin beveyt ʾaḥiyhem habekhowr׃

¹⁴ וּמַלְאָ֛ךְ בָּ֥א אֶל־אִיֹּ֖וב וַיֹּאמַ֑ר הַבָּקָר֙ הָי֣וּ חֹֽרְשֹׁ֔ות וְהָאֲתֹנֹ֖ות רֹעֹ֥ות עַל־יְדֵיהֶֽם׃ umaleʾakhe baʾ ʾel־ʾiyowv wayoʾmar habaqar hayu ḥoreshowt wehaʾatonowt roʿowt ʿal־yedeyhem׃

¹⁵ וַתִּפֹּ֤ל שְׁבָא֙ וַתִּקָּחֵ֔ם וְאֶת־הַנְּעָרִ֖ים הִכּ֣וּ לְפִי־חָ֑רֶב וָֽאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃ watipol shevaʾ watiqaḥem weʾet־haneʿariym hiku lefiy־ḥarev waʾimaleṭah raq־ʾaniy levadiy lehagiyd lakhe׃

¹⁶ עֹ֣וד ׀ זֶ֣ה מְדַבֵּ֗ר וְזֶה֮ בָּ֣א וַיֹּאמַר֒ אֵ֣שׁ אֱלֹהִ֗ים נָֽפְלָה֙ מִן־הַשָּׁמַ֔יִם וַתִּבְעַ֥ר בַּצֹּ֛אן וּבַנְּעָרִ֖ים וַתֹּאכְלֵ֑ם וָאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃ ʿowd ׀ zeh medaber wezeh baʾ wayoʾmar ʾesh ʾelohiym nafelah min־hashamayim wativeʿar batsoʾn uvaneʿariym watoʾkhelem waʾimaleṭah raq־ʾaniy levadiy lehagiyd lakhe׃

¹⁷ עֹ֣וד ׀ זֶ֣ה מְדַבֵּ֗ר וְזֶה֮ בָּ֣א וַיֹּאמַר֒ כַּשְׂדִּ֞ים שָׂ֣מוּ ׀ שְׁלֹשָׁ֣ה רָאשִׁ֗ים וַֽיִּפְשְׁט֤וּ עַל־הַגְּמַלִּים֙ וַיִּקָּח֔וּם וְאֶת־הַנְּעָרִ֖ים הִכּ֣וּ לְפִי־חָ֑רֶב וָאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃ ʿowd ׀ zeh medaber wezeh baʾ wayoʾmar kasediym samu ׀ sheloshah raʾshiym wayifesheṭu ʿal־hagemaliym wayiqaḥum weʾet־haneʿariym hiku lefiy־ḥarev waʾimaleṭah raq־ʾaniy levadiy lehagiyd lakhe׃

¹⁸ עַ֚ד זֶ֣ה מְדַבֵּ֔ר וְזֶ֖ה בָּ֣א וַיֹּאמַ֑ר בָּנֶ֨יךָ וּבְנֹותֶ֤יךָ אֹֽכְלִים֙ וְשֹׁתִ֣ים יַ֔יִן בְּבֵ֖ית אֲחִיהֶ֥ם הַבְּכֹֽור׃ ʿad zeh medaber wezeh baʾ wayoʾmar baneykha uvenowteykha ʾokheliym weshotiym yayin beveyt ʾaḥiyhem habekhowr׃

¹⁹ וְהִנֵּה֩ ר֨וּחַ גְּדֹולָ֜ה בָּ֣אָה ׀ מֵעֵ֣בֶר הַמִּדְבָּ֗ר וַיִּגַּע֙ בְּאַרְבַּע֙ פִּנֹּ֣ות הַבַּ֔יִת וַיִּפֹּ֥ל עַל־הַנְּעָרִ֖ים וַיָּמ֑וּתוּ וָאִמָּ֨לְטָ֧ה רַק־אֲנִ֛י לְבַדִּ֖י לְהַגִּ֥יד לָֽךְ׃ wehineh ruaḥ gedowlah baʾah ׀ meʿever hamidebar wayigaʿ beʾarebaʿ pinowt habayit wayipol ʿal־haneʿariym wayamutu waʾimaleṭah raq־ʾaniy levadiy lehagiyd lakhe׃

²⁰ וַיָּ֤קָם אִיֹּוב֙ וַיִּקְרַ֣ע אֶת־מְעִלֹ֔ו וַיָּ֖גָז אֶת־רֹאשֹׁ֑ו וַיִּפֹּ֥ל אַ֖רְצָה וַיִּשְׁתָּֽחוּ׃ wayaqam ʾiyowv wayiqeraʿ ʾet־meʿilow wayagaz ʾet־roʾshow wayipol ʾaretsah wayishetaḥu׃

²¹ וַיֹּאמֶר֩ עָרֹ֨ם [יָצָתִי כ] (יָצָ֜אתִי ק) מִבֶּ֣טֶן אִמִּ֗י וְעָרֹם֙ אָשׁ֣וּב שָׁ֔מָה יְהוָ֣ה נָתַ֔ן וַיהוָ֖ה לָקָ֑ח יְהִ֛י שֵׁ֥ם יְהוָ֖ה מְבֹרָֽךְ׃ wayoʾmer ʿarom [yatsatiy kh] (yatsaʾtiy q) mibeṭen ʾimiy weʿarom ʾashuv shamah yehwah natan wayhwah laqaḥ yehiy shem yehwah mevorakhe׃

²² בְּכָל־זֹ֖את לֹא־חָטָ֣א אִיֹּ֑וב וְלֹא־נָתַ֥ן תִּפְלָ֖ה לֵאלֹהִֽים׃ פ bekhal־zoʾt loʾ־ḥaṭaʾ ʾiyowv weloʾ־natan tifelah leʾlohiym׃ f