Ésaïe 50

¹ כֹּ֣ה ׀ אָמַ֣ר יְהוָ֗ה אֵ֣י זֶ֠ה סֵ֣פֶר כְּרִית֤וּת אִמְּכֶם֙ אֲשֶׁ֣ר שִׁלַּחְתִּ֔יהָ אֹ֚ו מִ֣י מִנֹּושַׁ֔י אֲשֶׁר־מָכַ֥רְתִּי אֶתְכֶ֖ם לֹ֑ו הֵ֤ן בַּעֲוֹנֹֽתֵיכֶם֙ נִמְכַּרְתֶּ֔ם וּבְפִשְׁעֵיכֶ֖ם שֻׁלְּחָ֥ה אִמְּכֶֽם׃ koh ׀ ʾamar yehwah ʾey zeh sefer keriytut ʾimekhem ʾasher shilaḥetiyha ʾow miy minowshay ʾasher־makharetiy ʾetekhem low hen baʿaonoteykhem nimekaretem uvefisheʿeykhem shuleḥah ʾimekhem׃

² מַדּ֨וּעַ בָּ֜אתִי וְאֵ֣ין אִ֗ישׁ קָרָֽאתִי֮ וְאֵ֣ין עֹונֶה֒ הֲקָצֹ֨ור קָצְרָ֤ה יָדִי֙ מִפְּד֔וּת וְאִם־אֵֽין־בִּ֥י כֹ֖חַ לְהַצִּ֑יל הֵ֣ן בְּגַעֲרָתִ֞י אַחֲרִ֣יב יָ֗ם אָשִׂ֤ים נְהָרֹות֙ מִדְבָּ֔ר תִּבְאַ֤שׁ דְּגָתָם֙ מֵאֵ֣ין מַ֔יִם וְתָמֹ֖ת בַּצָּמָֽא׃ maduaʿ baʾtiy weʾeyn ʾiysh qaraʾtiy weʾeyn ʿowneh haqatsowr qatserah yadiy mipedut weʾim־ʾeyn־biy khoaḥ lehatsiyl hen begaʿaratiy ʾaḥariyv yam ʾasiym neharowt midebar tiveʾash degatam meʾeyn mayim wetamot batsamaʾ׃

³ אַלְבִּ֥ישׁ שָׁמַ֖יִם קַדְר֑וּת וְשַׂ֖ק אָשִׂ֥ים כְּסוּתָֽם׃ ס ʾalebiysh shamayim qaderut wesaq ʾasiym kesutam׃ s

⁴ אֲדֹנָ֣י יְהֹוִ֗ה נָ֤תַן לִי֙ לְשֹׁ֣ון לִמּוּדִ֔ים לָדַ֛עַת לָע֥וּת אֶת־יָעֵ֖ף דָּבָ֑ר יָעִ֣יר ׀ בַּבֹּ֣קֶר בַּבֹּ֗קֶר יָעִ֥יר לִי֙ אֹ֔זֶן לִשְׁמֹ֖עַ כַּלִּמּוּדִֽים׃ ʾadonay yehowih natan liy leshown limudiym ladaʿat laʿut ʾet־yaʿef davar yaʿiyr ׀ baboqer baboqer yaʿiyr liy ʾozen lishemoaʿ kalimudiym׃

⁵ אֲדֹנָ֤י יְהוִה֙ פָּתַֽח־לִ֣י אֹ֔זֶן וְאָנֹכִ֖י לֹ֣א מָרִ֑יתִי אָחֹ֖ור לֹ֥א נְסוּגֹֽתִי׃ ʾadonay yehwih pataḥ־liy ʾozen weʾanokhiy loʾ mariytiy ʾaḥowr loʾ nesugotiy׃

⁶ גֵּוִי֙ נָתַ֣תִּי לְמַכִּ֔ים וּלְחָיַ֖י לְמֹֽרְטִ֑ים פָּנַי֙ לֹ֣א הִסְתַּ֔רְתִּי מִכְּלִמֹּ֖ות וָרֹֽק׃ gewiy natatiy lemakiym uleḥayay lemoreṭiym panay loʾ hisetaretiy mikelimowt waroq׃

⁷ וַאדֹנָ֤י יְהוִה֙ יַֽעֲזָר־לִ֔י עַל־כֵּ֖ן לֹ֣א נִכְלָ֑מְתִּי עַל־כֵּ֞ן שַׂ֤מְתִּי פָנַי֙ כַּֽחַלָּמִ֔ישׁ וָאֵדַ֖ע כִּי־לֹ֥א אֵבֹֽושׁ׃ waʾdonay yehwih yaʿazar־liy ʿal־ken loʾ nikhelametiy ʿal־ken sametiy fanay kaḥalamiysh waʾedaʿ kiy־loʾ ʾevowsh׃

⁸ קָרֹוב֙ מַצְדִּיקִ֔י מִֽי־יָרִ֥יב אִתִּ֖י נַ֣עַמְדָה יָּ֑חַד מִֽי־בַ֥עַל מִשְׁפָּטִ֖י יִגַּ֥שׁ אֵלָֽי׃ qarowv matsediyqiy miy־yariyv ʾitiy naʿamedah yaḥad miy־vaʿal mishepaṭiy yigash ʾelay׃

⁹ הֵ֣ן אֲדֹנָ֤י יְהוִה֙ יַֽעֲזָר־לִ֔י מִי־ה֖וּא יַרְשִׁיעֵ֑נִי הֵ֤ן כֻּלָּם֙ כַּבֶּ֣גֶד יִבְל֔וּ עָ֖שׁ יֹאכְלֵֽם׃ hen ʾadonay yehwih yaʿazar־liy miy־huʾ yareshiyʿeniy hen kulam kabeged yivelu ʿash yoʾkhelem׃

¹⁰ מִ֤י בָכֶם֙ יְרֵ֣א יְהוָ֔ה שֹׁמֵ֖עַ בְּקֹ֣ול עַבְדֹּ֑ו אֲשֶׁ֣ר ׀ הָלַ֣ךְ חֲשֵׁכִ֗ים וְאֵ֥ין נֹ֙גַהּ֙ לֹ֔ו יִבְטַח֙ בְּשֵׁ֣ם יְהוָ֔ה וְיִשָּׁעֵ֖ן בֵּאלֹהָֽיו׃ miy vakhem yereʾ yehwah shomeaʿ beqowl ʿavedow ʾasher ׀ halakhe ḥashekhiym weʾeyn nogah low yiveṭaḥ beshem yehwah weyishaʿen beʾlohayw׃

¹¹ הֵ֧ן כֻּלְּכֶ֛ם קֹ֥דְחֵי אֵ֖שׁ מְאַזְּרֵ֣י זִיקֹ֑ות לְכ֣וּ ׀ בְּא֣וּר אֶשְׁכֶ֗ם וּבְזִיקֹות֙ בִּֽעַרְתֶּ֔ם מִיָּדִי֙ הָיְתָה־זֹּ֣את לָכֶ֔ם לְמַעֲצֵבָ֖ה תִּשְׁכָּבֽוּן׃ פ hen kulekhem qodeḥey ʾesh meʾazerey ziyqowt lekhu ׀ beʾur ʾeshekhem uveziyqowt biʿaretem miyadiy hayetah־zoʾt lakhem lemaʿatsevah tishekavun׃ f