1 לַמְנַצֵּ֥חַ [לִידִיתוּן כ] (לִֽידוּת֗וּן ק) מִזְמֹ֥ור לְדָוִֽד׃ lamenatseaḥ [liydiytun kh] (liydutun q) mizemowr ledawid׃
2 אָמַ֗רְתִּי אֶֽשְׁמְרָ֣ה דְרָכַי֮ מֵחֲטֹ֪וא בִלְשֹׁ֫ונִ֥י אֶשְׁמְרָ֥ה לְפִ֥י מַחְסֹ֑ום בְּעֹ֖ד רָשָׁ֣ע לְנֶגְדִּֽי׃ ʾamaretiy ʾeshemerah derakhay meḥaṭowʾ vileshowniy ʾeshemerah lefiy maḥesowm beʿod rashaʿ lenegediy׃
3 נֶאֱלַ֣מְתִּי ד֭וּמִיָּה הֶחֱשֵׁ֣יתִי מִטֹּ֑וב וּכְאֵבִ֥י נֶעְכָּֽר׃ neʾelametiy dumiyah heḥesheytiy miṭowv ukheʾeviy neʿekar׃
4 חַם־לִבִּ֨י ׀ בְּקִרְבִּ֗י בַּהֲגִיגִ֥י תִבְעַר־אֵ֑שׁ דִּ֝בַּ֗רְתִּי בִּלְשֹֽׁונִי׃ ḥam־libiy ׀ beqirebiy bahagiygiy tiveʿar־ʾesh dibaretiy bileshowniy׃
5 הֹודִ֘יעֵ֤נִי יְהוָ֨ה ׀ קִצִּ֗י וּמִדַּ֣ת יָמַ֣י מַה־הִ֑יא אֵ֝דְעָ֗ה מֶה־חָדֵ֥ל אָֽנִי׃ howdiyʿeniy yehwah ׀ qitsiy umidat yamay mah־hiyʾ ʾedeʿah meh־ḥadel ʾaniy׃
6 הִנֵּ֤ה טְפָחֹ֨ות ׀ נָ֘תַ֤תָּה יָמַ֗י וְחֶלְדִּ֣י כְאַ֣יִן נֶגְדֶּ֑ךָ אַ֥ךְ כָּֽל־הֶ֥בֶל כָּל־אָ֝דָ֗ם נִצָּ֥ב סֶֽלָה׃ hineh ṭefaḥowt ׀ natatah yamay weḥelediy kheʾayin negedekha ʾakhe kal־hevel kal־ʾadam nitsav selah׃
7 אַךְ־בְּצֶ֤לֶם ׀ יִֽתְהַלֶּךְ־אִ֗ישׁ אַךְ־הֶ֥בֶל יֶהֱמָי֑וּן יִ֝צְבֹּ֗ר וְֽלֹא־יֵדַ֥ע מִי־אֹסְפָֽם׃ ʾakhe־betselem ׀ yitehalekhe־ʾiysh ʾakhe־hevel yehemayun yitsebor weloʾ־yedaʿ miy־ʾosefam׃
8 וְעַתָּ֣ה מַה־קִּוִּ֣יתִי אֲדֹנָ֑י תֹּ֝וחַלְתִּ֗י לְךָ֣ הִֽיא׃ weʿatah mah־qiuiytiy ʾadonay towḥaletiy lekha hiyʾ׃
9 מִכָּל־פְּשָׁעַ֥י הַצִּילֵ֑נִי חֶרְפַּ֥ת נָ֝בָ֗ל אַל־תְּשִׂימֵֽנִי׃ mikal־peshaʿay hatsiyleniy ḥerepat naval ʾal־tesiymeniy׃
10 נֶ֭אֱלַמְתִּי לֹ֣א אֶפְתַּח־פִּ֑י כִּ֖י אַתָּ֣ה עָשִֽׂיתָ׃ neʾelametiy loʾ ʾefetaḥ־piy kiy ʾatah ʿasiyta׃
11 הָסֵ֣ר מֵעָלַ֣י נִגְעֶ֑ךָ מִתִּגְרַ֥ת יָ֝דְךָ֗ אֲנִ֣י כָלִֽיתִי׃ haser meʿalay nigeʿekha mitigerat yadekha ʾaniy khaliytiy׃
12 בְּֽתֹוכָ֘חֹ֤ות עַל־עָוֹ֨ן ׀ יִסַּ֬רְתָּ אִ֗ישׁ וַתֶּ֣מֶס כָּעָ֣שׁ חֲמוּדֹ֑ו אַ֤ךְ הֶ֖בֶל כָּל־אָדָ֣ם סֶֽלָה׃ betowkhaḥowt ʿal־ʿaon ׀ yisareta ʾiysh watemes kaʿash ḥamudow ʾakhe hevel kal־ʾadam selah׃
13 שִֽׁמְעָ֥ה־תְפִלָּתִ֨י ׀ יְהוָ֡ה וְשַׁוְעָתִ֨י ׀ הַאֲזִינָה֮ אֶֽל־דִּמְעָתִ֗י אַֽל־תֶּ֫חֱרַ֥שׁ כִּ֤י גֵ֣ר אָנֹכִ֣י עִמָּ֑ךְ תֹּ֝ושָׁ֗ב כְּכָל־אֲבֹותָֽי׃ shimeʿah־tefilatiy ׀ yehwah weshaweʿatiy ׀ haʾaziynah ʾel־dimeʿatiy ʾal־teḥerash kiy ger ʾanokhiy ʿimakhe towshav kekhal־ʾavowtay׃
14 הָשַׁ֣ע מִמֶּ֣נִּי וְאַבְלִ֑יגָה בְּטֶ֖רֶם אֵלֵ֣ךְ וְאֵינֶֽנִּי׃ hashaʿ mimeniy weʾaveliygah beṭerem ʾelekhe weʾeyneniy׃