1 Chroniques 20

¹ וַיְהִ֡י לְעֵת֩ תְּשׁוּבַ֨ת הַשָּׁנָ֜ה לְעֵ֣ת ׀ צֵ֣את הַמְּלָכִ֗ים וַיִּנְהַ֣ג יֹואָב֩ אֶת־חֵ֨יל הַצָּבָ֜א וַיַּשְׁחֵ֣ת ׀ אֶת־אֶ֣רֶץ בְּנֵֽי־עַמֹּ֗ון וַיָּבֹא֙ וַיָּ֣צַר אֶת־רַבָּ֔ה וְדָוִ֖יד יֹשֵׁ֣ב בִּירֽוּשָׁלִָ֑ם וַיַּ֥ךְ יֹואָ֛ב אֶת־רַבָּ֖ה וַיֶּֽהֶרְסֶֽהָ׃ wayehiy leʿet teshuvat hashanah leʿet ׀ tseʾt hamelakhiym wayinehag yowʾav ʾet־ḥeyl hatsavaʾ wayasheḥet ׀ ʾet־ʾerets beney־ʿamown wayavoʾ wayatsar ʾet־rabah wedawiyd yoshev biyrushalim wayakhe yowʾav ʾet־rabah wayehereseah׃

² וַיִּקַּ֣ח דָּוִ֣יד אֶת־עֲטֶֽרֶת־מַלְכָּם֩ מֵעַ֨ל רֹאשֹׁ֜ו וַֽיִּמְצָאָ֣הּ ׀ מִשְׁקַ֣ל כִּכַּר־זָהָ֗ב וּבָהּ֙ אֶ֣בֶן יְקָרָ֔ה וַתְּהִ֖י עַל־רֹ֣אשׁ דָּוִ֑יד וּשְׁלַ֥ל הָעִ֛יר הֹוצִ֖יא הַרְבֵּ֥ה מְאֹֽד׃ wayiqaḥ dawiyd ʾet־ʿaṭeret־malekam meʿal roʾshow wayimetsaʾah ׀ misheqal kikar־zahav uvah ʾeven yeqarah watehiy ʿal־roʾsh dawiyd ushelal haʿiyr howtsiyʾ harebeh meʾod׃

³ וְאֶת־הָעָ֨ם אֲשֶׁר־בָּ֜הּ הֹוצִ֗יא וַיָּ֨שַׂר בַּמְּגֵרָ֜ה וּבַחֲרִיצֵ֤י הַבַּרְזֶל֙ וּבַמְּגֵרֹ֔ות וְכֵן֙ יַעֲשֶׂ֣ה דָוִ֔יד לְכֹ֖ל עָרֵ֣י בְנֵי־עַמֹּ֑ון וַיָּ֧שָׁב דָּוִ֛יד וְכָל־הָעָ֖ם יְרוּשָׁלִָֽם׃ פ weʾet־haʿam ʾasher־bah howtsiyʾ wayasar bamegerah uvaḥariytsey habarezel uvamegerowt wekhen yaʿaseh dawiyd lekhol ʿarey veney־ʿamown wayashav dawiyd wekhal־haʿam yerushalim׃ f

⁴ וַיְהִי֙ אַחֲרֵיכֵ֔ן וַתַּעֲמֹ֧ד מִלְחָמָ֛ה בְּגֶ֖זֶר עִם־פְּלִשְׁתִּ֑ים אָ֣ז הִכָּ֞ה סִבְּכַ֣י הַחֻֽשָׁתִ֗י אֶת־סִפַּ֛י מִילִדֵ֥י הָרְפָאִ֖ים וַיִּכָּנֵֽעוּ׃ wayehiy ʾaḥareykhen wataʿamod mileḥamah begezer ʿim־pelishetiym ʾaz hikah sibekhay haḥushatiy ʾet־sipay miylidey harefaʾiym wayikaneʿu׃

⁵ וַתְּהִי־עֹ֥וד מִלְחָמָ֖ה אֶת־פְּלִשְׁתִּ֑ים וַיַּ֞ךְ אֶלְחָנָ֣ן בֶּן־ [יָעוּר כ] (יָעִ֗יר ק) אֶת־לַחְמִי֙ אֲחִי֙ גָּלְיָ֣ת הַגִּתִּ֔י וְעֵ֣ץ חֲנִיתֹ֔ו כִּמְנֹ֖ור אֹרְגִֽים׃ watehiy־ʿowd mileḥamah ʾet־pelishetiym wayakhe ʾeleḥanan ben־ [yaʿur kh] (yaʿiyr q) ʾet־laḥemiy ʾaḥiy galeyat hagitiy weʿets ḥaniytow kimenowr ʾoregiym׃

⁶ וַתְּהִי־עֹ֥וד מִלְחָמָ֖ה בְּגַ֑ת וַיְהִ֣י ׀ אִ֣ישׁ מִדָּ֗ה וְאֶצְבְּעֹתָ֤יו שֵׁשׁ־וָשֵׁשׁ֙ עֶשְׂרִ֣ים וְאַרְבַּ֔ע וְגַם־ה֖וּא נֹולַ֥ד לְהָרָפָֽא׃ watehiy־ʿowd mileḥamah begat wayehiy ׀ ʾiysh midah weʾetsebeʿotayw shesh־washesh ʿeseriym weʾarebaʿ wegam־huʾ nowlad leharafaʾ׃

⁷ וַיְחָרֵ֖ף אֶת־יִשְׂרָאֵ֑ל וַיַּכֵּ֙הוּ֙ יְהֹ֣ונָתָ֔ן בֶּן־שִׁמְעָ֖א אֲחִ֥י דָוִֽיד׃ wayeḥaref ʾet־yiseraʾel wayakehu yehownatan ben־shimeʿaʾ ʾaḥiy dawiyd׃

⁸ אֵ֛ל נוּלְּד֥וּ לְהָרָפָ֖א בְּגַ֑ת וַיִּפְּל֥וּ בְיַד־דָּוִ֖יד וּבְיַד־עֲבָדָֽיו׃ פ ʾel nuledu leharafaʾ begat wayipelu veyad־dawiyd uveyad־ʿavadayw׃ f