1 Rois 16

¹ וַיְהִ֤י דְבַר־יְהוָה֙ אֶל־יֵה֣וּא בֶן־חֲנָ֔נִי עַל־בַּעְשָׁ֖א לֵאמֹֽר׃ wayehiy devar־yehwah ʾel־yehuʾ ven־ḥananiy ʿal־baʿeshaʾ leʾmor׃

² יַ֗עַן אֲשֶׁ֤ר הֲרִימֹתִ֙יךָ֙ מִן־הֶ֣עָפָ֔ר וָאֶתֶּנְךָ֣ נָגִ֔יד עַ֖ל עַמִּ֣י יִשְׂרָאֵ֑ל וַתֵּ֣לֶךְ ׀ בְּדֶ֣רֶךְ יָרָבְעָ֗ם וַֽתַּחֲטִא֙ אֶת־עַמִּ֣י יִשְׂרָאֵ֔ל לְהַכְעִיסֵ֖נִי בְּחַטֹּאתָֽם׃ yaʿan ʾasher hariymotiykha min־heʿafar waʾetenekha nagiyd ʿal ʿamiy yiseraʾel watelekhe ׀ bederekhe yaraveʿam wataḥaṭiʾ ʾet־ʿamiy yiseraʾel lehakheʿiyseniy beḥaṭoʾtam׃

³ הִנְנִ֥י מַבְעִ֛יר אַחֲרֵ֥י בַעְשָׁ֖א וְאַחֲרֵ֣י בֵיתֹ֑ו וְנָֽתַתִּי֙ אֶת־בֵּ֣יתְךָ֔ כְּבֵ֖ית יָרָבְעָ֥ם בֶּן־נְבָֽט׃ hineniy maveʿiyr ʾaḥarey vaʿeshaʾ weʾaḥarey veytow wenatatiy ʾet־beytekha keveyt yaraveʿam ben־nevaṭ׃

⁴ הַמֵּ֤ת לְבַעְשָׁא֙ בָּעִ֔יר יֹֽאכְל֖וּ הַכְּלָבִ֑ים וְהַמֵּ֥ת לֹו֙ בַּשָּׂדֶ֔ה יֹאכְל֖וּ עֹ֥וף הַשָּׁמָֽיִם׃ hamet levaʿeshaʾ baʿiyr yoʾkhelu hakelaviym wehamet low basadeh yoʾkhelu ʿowf hashamayim׃

⁵ וְיֶ֨תֶר דִּבְרֵ֥י בַעְשָׁ֛א וַאֲשֶׁ֥ר עָשָׂ֖ה וּגְבֽוּרָתֹ֑ו הֲלֹא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey vaʿeshaʾ waʾasher ʿasah ugevuratow haloʾ־hem ketuviym ʿal־sefer diverey hayamiym lemalekhey yiseraʾel׃

⁶ וַיִּשְׁכַּ֤ב בַּעְשָׁא֙ עִם־אֲבֹתָ֔יו וַיִּקָּבֵ֖ר בְּתִרְצָ֑ה וַיִּמְלֹ֛ךְ אֵלָ֥ה בְנֹ֖ו תַּחְתָּֽיו׃ wayishekav baʿeshaʾ ʿim־ʾavotayw wayiqaver betiretsah wayimelokhe ʾelah venow taḥetayw׃

⁷ וְגַ֡ם בְּיַד־יֵה֨וּא בֶן־חֲנָ֜נִי הַנָּבִ֗יא דְּבַר־יְהוָ֡ה הָיָה֩ אֶל־בַּעְשָׁ֨א וְאֶל־בֵּיתֹ֜ו וְעַ֥ל כָּל־הָרָעָ֣ה ׀ אֲשֶׁר־עָשָׂ֣ה ׀ בְּעֵינֵ֣י יְהוָ֗ה לְהַכְעִיסֹו֙ בְּמַעֲשֵׂ֣ה יָדָ֔יו לִהְיֹ֖ות כְּבֵ֣ית יָרָבְעָ֑ם וְעַ֥ל אֲשֶׁר־הִכָּ֖ה אֹתֹֽו׃ פ wegam beyad־yehuʾ ven־ḥananiy hanaviyʾ devar־yehwah hayah ʾel־baʿeshaʾ weʾel־beytow weʿal kal־haraʿah ׀ ʾasher־ʿasah ׀ beʿeyney yehwah lehakheʿiysow bemaʿaseh yadayw liheyowt keveyt yaraveʿam weʿal ʾasher־hikah ʾotow׃ f

⁸ בִּשְׁנַ֨ת עֶשְׂרִ֤ים וָשֵׁשׁ֙ שָׁנָ֔ה לְאָסָ֖א מֶ֣לֶךְ יְהוּדָ֑ה מָ֠לַךְ אֵלָ֨ה בֶן־בַּעְשָׁ֧א עַל־יִשְׂרָאֵ֛ל בְּתִרְצָ֖ה שְׁנָתָֽיִם׃ bishenat ʿeseriym washesh shanah leʾasaʾ melekhe yehudah malakhe ʾelah ven־baʿeshaʾ ʿal־yiseraʾel betiretsah shenatayim׃

⁹ וַיִּקְשֹׁ֤ר עָלָיו֙ עַבְדֹּ֣ו זִמְרִ֔י שַׂ֖ר מַחֲצִ֣ית הָרָ֑כֶב וְה֤וּא בְתִרְצָה֙ שֹׁתֶ֣ה שִׁכֹּ֔ור בֵּ֣ית אַרְצָ֔א אֲשֶׁ֥ר עַל־הַבַּ֖יִת בְּתִרְצָֽה׃ wayiqeshor ʿalayw ʿavedow zimeriy sar maḥatsiyt harakhev wehuʾ vetiretsah shoteh shikowr beyt ʾaretsaʾ ʾasher ʿal־habayit betiretsah׃

¹⁰ וַיָּבֹ֤א זִמְרִי֙ וַיַּכֵּ֣הוּ וַיְמִיתֵ֔הוּ בִּשְׁנַת֙ עֶשְׂרִ֣ים וָשֶׁ֔בַע לְאָסָ֖א מֶ֣לֶךְ יְהוּדָ֑ה וַיִּמְלֹ֖ךְ תַּחְתָּֽיו׃ wayavoʾ zimeriy wayakehu wayemiytehu bishenat ʿeseriym washevaʿ leʾasaʾ melekhe yehudah wayimelokhe taḥetayw׃

¹¹ וַיְהִ֨י בְמָלְכֹ֜ו כְּשִׁבְתֹּ֣ו עַל־כִּסְאֹ֗ו הִכָּה֙ אֶת־כָּל־בֵּ֣ית בַּעְשָׁ֔א לֹֽא־הִשְׁאִ֥יר לֹ֖ו מַשְׁתִּ֣ין בְּקִ֑יר וְגֹאֲלָ֖יו וְרֵעֵֽהוּ׃ wayehiy vemalekhow keshivetow ʿal־kiseʾow hikah ʾet־kal־beyt baʿeshaʾ loʾ־hisheʾiyr low mashetiyn beqiyr wegoʾalayw wereʿehu׃

¹² וַיַּשְׁמֵ֣ד זִמְרִ֔י אֵ֖ת כָּל־בֵּ֣ית בַּעְשָׁ֑א כִּדְבַ֤ר יְהוָה֙ אֲשֶׁ֣ר דִּבֶּ֣ר אֶל־בַּעְשָׁ֔א בְּיַ֖ד יֵה֥וּא הַנָּבִֽיא׃ wayashemed zimeriy ʾet kal־beyt baʿeshaʾ kidevar yehwah ʾasher diber ʾel־baʿeshaʾ beyad yehuʾ hanaviyʾ׃

¹³ אֶ֚ל כָּל־חַטֹּ֣אות בַּעְשָׁ֔א וְחַטֹּ֖אות אֵלָ֣ה בְנֹ֑ו אֲשֶׁ֣ר חָטְא֗וּ וַאֲשֶׁ֤ר הֶחֱטִ֙יאוּ֙ אֶת־יִשְׂרָאֵ֔ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם׃ ʾel kal־ḥaṭoʾwt baʿeshaʾ weḥaṭoʾwt ʾelah venow ʾasher ḥaṭeʾu waʾasher heḥeṭiyʾu ʾet־yiseraʾel lehakheʿiys ʾet־yehwah ʾelohey yiseraʾel behaveleyhem׃

¹⁴ וְיֶ֛תֶר דִּבְרֵ֥י אֵלָ֖ה וְכָל־אֲשֶׁ֣ר עָשָׂ֑ה הֲלֹֽוא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ weyeter diverey ʾelah wekhal־ʾasher ʿasah halowʾ־hem ketuviym ʿal־sefer diverey hayamiym lemalekhey yiseraʾel׃ f

¹⁵ בִּשְׁנַת֩ עֶשְׂרִ֨ים וָשֶׁ֜בַע שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֥ךְ זִמְרִ֛י שִׁבְעַ֥ת יָמִ֖ים בְּתִרְצָ֑ה וְהָעָ֣ם חֹנִ֔ים עַֽל־גִּבְּתֹ֖ון אֲשֶׁ֥ר לַפְּלִשְׁתִּֽים׃ bishenat ʿeseriym washevaʿ shanah leʾasaʾ melekhe yehudah malakhe zimeriy shiveʿat yamiym betiretsah wehaʿam ḥoniym ʿal־gibetown ʾasher lapelishetiym׃

¹⁶ וַיִּשְׁמַ֤ע הָעָם֙ הַחֹנִ֣ים לֵאמֹ֔ר קָשַׁ֣ר זִמְרִ֔י וְגַ֖ם הִכָּ֣ה אֶת־הַמֶּ֑לֶךְ וַיַּמְלִ֣כוּ כָֽל־יִ֠שְׂרָאֵל אֶת־עָמְרִ֨י שַׂר־צָבָ֧א עַל־יִשְׂרָאֵ֛ל בַּיֹּ֥ום הַה֖וּא בַּֽמַּחֲנֶֽה׃ wayishemaʿ haʿam haḥoniym leʾmor qashar zimeriy wegam hikah ʾet־hamelekhe wayamelikhu khal־yiseraʾel ʾet־ʿameriy sar־tsavaʾ ʿal־yiseraʾel bayowm hahuʾ bamaḥaneh׃

¹⁷ וַיַּעֲלֶ֥ה עָמְרִ֛י וְכָל־יִשְׂרָאֵ֥ל עִמֹּ֖ו מִֽגִּבְּתֹ֑ון וַיָּצֻ֖רוּ עַל־תִּרְצָֽה׃ wayaʿaleh ʿameriy wekhal־yiseraʾel ʿimow migibetown wayatsuru ʿal־tiretsah׃

¹⁸ וַיְהִ֞י כִּרְאֹ֤ות זִמְרִי֙ כִּֽי־נִלְכְּדָ֣ה הָעִ֔יר וַיָּבֹ֖א אֶל־אַרְמֹ֣ון בֵּית־הַמֶּ֑לֶךְ וַיִּשְׂרֹ֨ף עָלָ֧יו אֶת־בֵּֽית־מֶ֛לֶךְ בָּאֵ֖שׁ וַיָּמֹֽת׃ wayehiy kireʾowt zimeriy kiy־nilekedah haʿiyr wayavoʾ ʾel־ʾaremown beyt־hamelekhe wayiserof ʿalayw ʾet־beyt־melekhe baʾesh wayamot׃

¹⁹ עַל־ [חַטָּאתֹו כ] (חַטֹּאתָיו֙ ק) אֲשֶׁ֣ר חָטָ֔א לַעֲשֹׂ֥ות הָרַ֖ע בְּעֵינֵ֣י יְהוָ֑ה לָלֶ֙כֶת֙ בְּדֶ֣רֶךְ יָרָבְעָ֔ם וּבְחַטָּאתֹו֙ אֲשֶׁ֣ר עָשָׂ֔ה לְהַחֲטִ֖יא אֶת־יִשְׂרָאֵֽל׃ ʿal־ [ḥaṭaʾtow kh] (ḥaṭoʾtayw q) ʾasher ḥaṭaʾ laʿasowt haraʿ beʿeyney yehwah lalekhet bederekhe yaraveʿam uveḥaṭaʾtow ʾasher ʿasah lehaḥaṭiyʾ ʾet־yiseraʾel׃

²⁰ וְיֶ֙תֶר֙ דִּבְרֵ֣י זִמְרִ֔י וְקִשְׁרֹ֖ו אֲשֶׁ֣ר קָשָׁ֑ר הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ פ weyeter diverey zimeriy weqisherow ʾasher qashar haloʾ־hem ketuviym ʿal־sefer diverey hayamiym lemalekhey yiseraʾel׃ f

²¹ אָ֧ז יֵחָלֵ֛ק הָעָ֥ם יִשְׂרָאֵ֖ל לַחֵ֑צִי חֲצִ֨י הָעָ֜ם הָ֠יָה אַחֲרֵ֨י תִבְנִ֤י בֶן־גִּינַת֙ לְהַמְלִיכֹ֔ו וְהַחֲצִ֖י אַחֲרֵ֥י עָמְרִֽי׃ ʾaz yeḥaleq haʿam yiseraʾel laḥetsiy ḥatsiy haʿam hayah ʾaḥarey tiveniy ven־giynat lehameliykhow wehaḥatsiy ʾaḥarey ʿameriy׃

²² וַיֶּחֱזַ֤ק הָעָם֙ אֲשֶׁ֣ר אַחֲרֵ֣י עָמְרִ֔י אֶת־הָעָ֕ם אֲשֶׁ֥ר אַחֲרֵ֖י תִּבְנִ֣י בֶן־גִּינַ֑ת וַיָּ֣מָת תִּבְנִ֔י וַיִּמְלֹ֖ךְ עָמְרִֽי׃ פ wayeḥezaq haʿam ʾasher ʾaḥarey ʿameriy ʾet־haʿam ʾasher ʾaḥarey tiveniy ven־giynat wayamat tiveniy wayimelokhe ʿameriy׃ f

²³ בִּשְׁנַת֩ שְׁלֹשִׁ֨ים וְאַחַ֜ת שָׁנָ֗ה לְאָסָא֙ מֶ֣לֶךְ יְהוּדָ֔ה מָלַ֤ךְ עָמְרִי֙ עַל־יִשְׂרָאֵ֔ל שְׁתֵּ֥ים עֶשְׂרֵ֖ה שָׁנָ֑ה בְּתִרְצָ֖ה מָלַ֥ךְ שֵׁשׁ־שָׁנִֽים׃ bishenat sheloshiym weʾaḥat shanah leʾasaʾ melekhe yehudah malakhe ʿameriy ʿal־yiseraʾel sheteym ʿesereh shanah betiretsah malakhe shesh־shaniym׃

²⁴ וַיִּ֜קֶן אֶת־הָהָ֥ר שֹׁמְרֹ֛ון מֵ֥אֶת שֶׁ֖מֶר בְּכִכְּרַ֣יִם כָּ֑סֶף וַיִּ֙בֶן֙ אֶת־הָהָ֔ר וַיִּקְרָ֗א אֶת־שֵׁ֤ם הָעִיר֙ אֲשֶׁ֣ר בָּנָ֔ה עַ֣ל שֶׁם־שֶׁ֔מֶר אֲדֹנֵ֖י הָהָ֥ר שֹׁמְרֹֽון׃ wayiqen ʾet־hahar shomerown meʾet shemer bekhikerayim kasef wayiven ʾet־hahar wayiqeraʾ ʾet־shem haʿiyr ʾasher banah ʿal shem־shemer ʾadoney hahar shomerown׃

²⁵ וַיַּעֲשֶׂ֥ה עָמְרִ֛י הָרַ֖ע בְּעֵינֵ֣י יְהוָ֑ה וַיָּ֕רַע מִכֹּ֖ל אֲשֶׁ֥ר לְפָנָֽיו׃ wayaʿaseh ʿameriy haraʿ beʿeyney yehwah wayaraʿ mikol ʾasher lefanayw׃

²⁶ וַיֵּ֗לֶךְ בְּכָל־דֶּ֙רֶךְ֙ יָרָבְעָ֣ם בֶּן־נְבָ֔ט [וּבְחַטֹּאתָיו כ] (וּבְחַטָּאתֹ֔ו ק) אֲשֶׁ֥ר הֶחֱטִ֖יא אֶת־יִשְׂרָאֵ֑ל לְהַכְעִ֗יס אֶת־יְהוָ֛ה אֱלֹהֵ֥י יִשְׂרָאֵ֖ל בְּהַבְלֵיהֶֽם ׃ wayelekhe bekhal־derekhe yaraveʿam ben־nevaṭ [uveḥaṭoʾtayw kh] (uveḥaṭaʾtow q) ʾasher heḥeṭiyʾ ʾet־yiseraʾel lehakheʿiys ʾet־yehwah ʾelohey yiseraʾel behaveleyhem ׃

²⁷ וְיֶ֨תֶר דִּבְרֵ֤י עָמְרִי֙ אֲשֶׁ֣ר עָשָׂ֔ה וּגְבוּרָתֹ֖ו אֲשֶׁ֣ר עָשָׂ֑ה הֲלֹֽא־הֵ֣ם כְּתוּבִ֗ים עַל־סֵ֛פֶר דִּבְרֵ֥י הַיָּמִ֖ים לְמַלְכֵ֥י יִשְׂרָאֵֽל׃ weyeter diverey ʿameriy ʾasher ʿasah ugevuratow ʾasher ʿasah haloʾ־hem ketuviym ʿal־sefer diverey hayamiym lemalekhey yiseraʾel׃

²⁸ וַיִּשְׁכַּ֤ב עָמְרִי֙ עִם־אֲבֹתָ֔יו וַיִּקָּבֵ֖ר בְּשֹׁמְרֹ֑ון וַיִּמְלֹ֛ךְ אַחְאָ֥ב בְּנֹ֖ו תַּחְתָּֽיו׃ פ wayishekav ʿameriy ʿim־ʾavotayw wayiqaver beshomerown wayimelokhe ʾaḥeʾav benow taḥetayw׃ f

²⁹ וְאַחְאָ֣ב בֶּן־עָמְרִ֗י מָלַךְ֙ עַל־יִשְׂרָאֵ֔ל בִּשְׁנַ֨ת שְׁלֹשִׁ֤ים וּשְׁמֹנֶה֙ שָׁנָ֔ה לְאָסָ֖א מֶ֣לֶךְ יְהוּדָ֑ה וַ֠יִּמְלֹךְ אַחְאָ֨ב בֶּן־עָמְרִ֤י עַל־יִשְׂרָאֵל֙ בְּשֹׁ֣מְרֹ֔ון עֶשְׂרִ֥ים וּשְׁתַּ֖יִם שָׁנָֽה׃ weʾaḥeʾav ben־ʿameriy malakhe ʿal־yiseraʾel bishenat sheloshiym ushemoneh shanah leʾasaʾ melekhe yehudah wayimelokhe ʾaḥeʾav ben־ʿameriy ʿal־yiseraʾel beshomerown ʿeseriym ushetayim shanah׃

³⁰ וַיַּ֨עַשׂ אַחְאָ֧ב בֶּן־עָמְרִ֛י הָרַ֖ע בְּעֵינֵ֣י יְהוָ֑ה מִכֹּ֖ל אֲשֶׁ֥ר לְפָנָֽיו׃ wayaʿas ʾaḥeʾav ben־ʿameriy haraʿ beʿeyney yehwah mikol ʾasher lefanayw׃

³¹ וַיְהִי֙ הֲנָקֵ֣ל לֶכְתֹּ֔ו בְּחַטֹּ֖אות יָרָבְעָ֣ם בֶּן־נְבָ֑ט וַיִּקַּ֨ח אִשָּׁ֜ה אֶת־אִיזֶ֗בֶל בַּת־אֶתְבַּ֙עַל֙ מֶ֣לֶךְ צִידֹנִ֔ים וַיֵּ֙לֶךְ֙ וַֽיַּעֲבֹ֣ד אֶת־הַבַּ֔עַל וַיִּשְׁתַּ֖חוּ לֹֽו׃ wayehiy hanaqel lekhetow beḥaṭoʾwt yaraveʿam ben־nevaṭ wayiqaḥ ʾishah ʾet־ʾiyzevel bat־ʾetebaʿal melekhe tsiydoniym wayelekhe wayaʿavod ʾet־habaʿal wayishetaḥu low׃

³² וַיָּ֥קֶם מִזְבֵּ֖חַ לַבָּ֑עַל בֵּ֣ית הַבַּ֔עַל אֲשֶׁ֥ר בָּנָ֖ה בְּשֹׁמְרֹֽון׃ wayaqem mizebeaḥ labaʿal beyt habaʿal ʾasher banah beshomerown׃

³³ וַיַּ֥עַשׂ אַחְאָ֖ב אֶת־הָאֲשֵׁרָ֑ה וַיֹּ֨וסֶף אַחְאָ֜ב לַעֲשֹׂ֗ות לְהַכְעִיס֙ אֶת־יְהֹוָה֙ אֱלֹהֵ֣י יִשְׂרָאֵ֔ל מִכֹּ֨ל מַלְכֵ֣י יִשְׂרָאֵ֔ל אֲשֶׁ֥ר הָי֖וּ לְפָנָֽיו׃ wayaʿas ʾaḥeʾav ʾet־haʾasherah wayowsef ʾaḥeʾav laʿasowt lehakheʿiys ʾet־yehowah ʾelohey yiseraʾel mikol malekhey yiseraʾel ʾasher hayu lefanayw׃

³⁴ בְּיָמָ֞יו בָּנָ֥ה חִיאֵ֛ל בֵּ֥ית הָאֱלִ֖י אֶת־יְרִיחֹ֑ה בַּאֲבִירָ֨ם בְּכֹרֹ֜ו יִסְּדָ֗הּ [וּבִשְׂגִיב כ] (וּבִשְׂג֤וּב ק) צְעִירֹו֙ הִצִּ֣יב דְּלָתֶ֔יהָ כִּדְבַ֣ר יְהוָ֔ה אֲשֶׁ֣ר דִּבֶּ֔ר בְּיַ֖ד יְהֹושֻׁ֥עַ בִּן־נֽוּן׃ ס beyamayw banah ḥiyʾel beyt haʾeliy ʾet־yeriyḥoh baʾaviyram bekhorow yisedah [uvisegiyv kh] (uviseguv q) tseʿiyrow hitsiyv delateyha kidevar yehwah ʾasher diber beyad yehowshuaʿ bin־nun׃ s