Michée 2

¹ הֹ֧וי חֹֽשְׁבֵי־אָ֛וֶן וּפֹ֥עֲלֵי רָ֖ע עַל־מִשְׁכְּבֹותָ֑ם בְּאֹ֤ור הַבֹּ֙קֶר֙ יַעֲשׂ֔וּהָ כִּ֥י יֶשׁ־לְאֵ֖ל יָדָֽם׃ howy ḥoshevey־ʾawen ufoʿaley raʿ ʿal־mishekevowtam beʾowr haboqer yaʿasuah kiy yesh־leʾel yadam׃

² וְחָמְד֤וּ שָׂדֹות֙ וְגָזָ֔לוּ וּבָתִּ֖ים וְנָשָׂ֑אוּ וְעָֽשְׁקוּ֙ גֶּ֣בֶר וּבֵיתֹ֔ו וְאִ֖ישׁ וְנַחֲלָתֹֽו׃ פ weḥamedu sadowt wegazalu uvatiym wenasaʾu weʿashequ gever uveytow weʾiysh wenaḥalatow׃ f

³ לָכֵ֗ן כֹּ֚ה אָמַ֣ר יְהוָ֔ה הִנְנִ֥י חֹשֵׁ֛ב עַל־הַמִּשְׁפָּחָ֥ה הַזֹּ֖את רָעָ֑ה אֲ֠שֶׁר לֹֽא־תָמִ֨ישׁוּ מִשָּׁ֜ם צַוְּארֹֽתֵיכֶ֗ם וְלֹ֤א תֵֽלְכוּ֙ רֹומָ֔ה כִּ֛י עֵ֥ת רָעָ֖ה הִֽיא׃ lakhen koh ʾamar yehwah hineniy ḥoshev ʿal־hamishepaḥah hazoʾt raʿah ʾasher loʾ־tamiyshu misham tsaueʾroteykhem weloʾ telekhu rowmah kiy ʿet raʿah hiyʾ׃

⁴ בַּיֹּ֨ום הַה֜וּא יִשָּׂ֧א עֲלֵיכֶ֣ם מָשָׁ֗ל וְנָהָ֨ה נְהִ֤י נִֽהְיָה֙ אָמַר֙ שָׁדֹ֣וד נְשַׁדֻּ֔נוּ חֵ֥לֶק עַמִּ֖י יָמִ֑יר אֵ֚יךְ יָמִ֣ישׁ לִ֔י לְשֹׁובֵ֥ב שָׂדֵ֖ינוּ יְחַלֵּֽק׃ bayowm hahuʾ yisaʾ ʿaleykhem mashal wenahah nehiy niheyah ʾamar shadowd neshadunu ḥeleq ʿamiy yamiyr ʾeykhe yamiysh liy leshowvev sadeynu yeḥaleq׃

⁵ לָכֵן֙ לֹֽא־יִֽהְיֶ֣ה לְךָ֔ מַשְׁלִ֥יךְ חֶ֖בֶל בְּגֹורָ֑ל בִּקְהַ֖ל יְהוָֽה׃ lakhen loʾ־yiheyeh lekha masheliykhe ḥevel begowral biqehal yehwah׃

⁶ אַל־תַּטִּ֖פוּ יַטִּיפ֑וּן לֹֽא־יַטִּ֣פוּ לָאֵ֔לֶּה לֹ֥א יִסַּ֖ג כְּלִמֹּֽות׃ ʾal־taṭifu yaṭiyfun loʾ־yaṭifu laʾeleh loʾ yisag kelimowt׃

⁷ הֶאָמ֣וּר בֵּֽית־יַעֲקֹ֗ב הֲקָצַר֙ ר֣וּחַ יְהוָ֔ה אִם־אֵ֖לֶּה מַעֲלָלָ֑יו הֲלֹ֤וא דְבָרַ֨י יֵיטִ֔יבוּ עִ֖ם הַיָּשָׁ֥ר הֹולֵֽךְ׃ heʾamur beyt־yaʿaqov haqatsar ruaḥ yehwah ʾim־ʾeleh maʿalalayw halowʾ devaray yeyṭiyvu ʿim hayashar howlekhe׃

⁸ וְאֶתְמ֗וּל עַמִּי֙ לְאֹויֵ֣ב יְקֹומֵ֔ם מִמּ֣וּל שַׂלְמָ֔ה אֶ֖דֶר תַּפְשִׁט֑וּן מֵעֹבְרִ֣ים בֶּ֔טַח שׁוּבֵ֖י מִלְחָמָֽה׃ weʾetemul ʿamiy leʾowyev yeqowmem mimul salemah ʾeder tafeshiṭun meʿoveriym beṭaḥ shuvey mileḥamah׃

⁹ נְשֵׁ֤י עַמִּי֙ תְּגָ֣רְשׁ֔וּן מִבֵּ֖ית תַּֽעֲנֻגֶ֑יהָ מֵעַל֙ עֹֽלָלֶ֔יהָ תִּקְח֥וּ הֲדָרִ֖י לְעֹולָֽם׃ neshey ʿamiy tegareshun mibeyt taʿanugeyha meʿal ʿolaleyha tiqeḥu hadariy leʿowlam׃

¹⁰ ק֣וּמוּ וּלְכ֔וּ כִּ֥י לֹא־זֹ֖את הַמְּנוּחָ֑ה בַּעֲב֥וּר טָמְאָ֛ה תְּחַבֵּ֖ל וְחֶ֥בֶל נִמְרָֽץ׃ qumu ulekhu kiy loʾ־zoʾt hamenuḥah baʿavur ṭameʾah teḥabel weḥevel nimerats׃

¹¹ לוּ־אִ֞ישׁ הֹלֵ֥ךְ ר֙וּחַ֙ וָשֶׁ֣קֶר כִּזֵּ֔ב אַטִּ֣ף לְךָ֔ לַיַּ֖יִן וְלַשֵּׁכָ֑ר וְהָיָ֥ה מַטִּ֖יף הָעָ֥ם הַזֶּֽה׃ lu־ʾiysh holekhe ruaḥ washeqer kizev ʾaṭif lekha layayin welashekhar wehayah maṭiyf haʿam hazeh׃

¹² אָסֹ֨ף אֶאֱסֹ֜ף יַעֲקֹ֣ב כֻּלָּ֗ךְ קַבֵּ֤ץ אֲקַבֵּץ֙ שְׁאֵרִ֣ית יִשְׂרָאֵ֔ל יַ֥חַד אֲשִׂימֶ֖נּוּ כְּצֹ֣אן בָּצְרָ֑ה כְּעֵ֙דֶר֙ בְּתֹ֣וךְ הַדָּֽבְרֹ֔ו תְּהִימֶ֖נָה מֵאָדָֽם׃ ʾasof ʾeʾesof yaʿaqov kulakhe qabets ʾaqabets sheʾeriyt yiseraʾel yaḥad ʾasiymenu ketsoʾn batserah keʿeder betowkhe hadaverow tehiymenah meʾadam׃

¹³ עָלָ֤ה הַפֹּרֵץ֙ לִפְנֵיהֶ֔ם פָּֽרְצוּ֙ וַֽיַּעֲבֹ֔רוּ שַׁ֖עַר וַיֵּ֣צְאוּ בֹ֑ו וַיַּעֲבֹ֤ר מַלְכָּם֙ לִפְנֵיהֶ֔ם וַיהוָ֖ה בְּרֹאשָֽׁם׃ פ ʿalah haporets lifeneyhem paretsu wayaʿavoru shaʿar wayetseʾu vow wayaʿavor malekam lifeneyhem wayhwah beroʾsham׃ f