Ésaïe 11

¹ וְיָצָ֥א חֹ֖טֶר מִגֵּ֣זַע יִשָׁ֑י וְנֵ֖צֶר מִשָּׁרָשָׁ֥יו יִפְרֶֽה׃ weyatsaʾ ḥoṭer migezaʿ yishay wenetser misharashayw yifereh׃

² וְנָחָ֥ה עָלָ֖יו ר֣וּחַ יְהוָ֑ה ר֧וּחַ חָכְמָ֣ה וּבִינָ֗ה ר֤וּחַ עֵצָה֙ וּגְבוּרָ֔ה ר֥וּחַ דַּ֖עַת וְיִרְאַ֥ת יְהוָֽה׃ wenaḥah ʿalayw ruaḥ yehwah ruaḥ ḥakhemah uviynah ruaḥ ʿetsah ugevurah ruaḥ daʿat weyireʾat yehwah׃

³ וַהֲרִיחֹ֖ו בְּיִרְאַ֣ת יְהוָ֑ה וְלֹֽא־לְמַרְאֵ֤ה עֵינָיו֙ יִשְׁפֹּ֔וט וְלֹֽא־לְמִשְׁמַ֥ע אָזְנָ֖יו יֹוכִֽיחַ׃ wahariyḥow beyireʾat yehwah weloʾ־lemareʾeh ʿeynayw yishepowṭ weloʾ־lemishemaʿ ʾazenayw yowkhiyḥa׃

⁴ וְשָׁפַ֤ט בְּצֶ֙דֶק֙ דַּלִּ֔ים וְהֹוכִ֥יחַ בְּמִישֹׁ֖ור לְעַנְוֵי־אָ֑רֶץ וְהִֽכָּה־אֶ֙רֶץ֙ בְּשֵׁ֣בֶט פִּ֔יו וּבְר֥וּחַ שְׂפָתָ֖יו יָמִ֥ית רָשָֽׁע׃ weshafaṭ betsedeq daliym wehowkhiyḥa bemiyshowr leʿanewey־ʾarets wehikah־ʾerets besheveṭ piyw uveruaḥ sefatayw yamiyt rashaʿ׃

⁵ וְהָ֥יָה צֶ֖דֶק אֵזֹ֣ור מָתְנָ֑יו וְהָאֱמוּנָ֖ה אֵזֹ֥ור חֲלָצָֽיו׃ wehayah tsedeq ʾezowr matenayw wehaʾemunah ʾezowr ḥalatsayw׃

⁶ וְגָ֤ר זְאֵב֙ עִם־כֶּ֔בֶשׂ וְנָמֵ֖ר עִם־גְּדִ֣י יִרְבָּ֑ץ וְעֵ֨גֶל וּכְפִ֤יר וּמְרִיא֙ יַחְדָּ֔ו וְנַ֥עַר קָטֹ֖ן נֹהֵ֥ג בָּֽם׃ wegar zeʾev ʿim־keves wenamer ʿim־gediy yirebats weʿegel ukhefiyr umeriyʾ yaḥedaw wenaʿar qaṭon noheg bam׃

⁷ וּפָרָ֤ה וָדֹב֙ תִּרְעֶ֔ינָה יַחְדָּ֖ו יִרְבְּצ֣וּ יַלְדֵיהֶ֑ן וְאַרְיֵ֖ה כַּבָּקָ֥ר יֹֽאכַל־תֶּֽבֶן׃ ufarah wadov tireʿeynah yaḥedaw yirebetsu yaledeyhen weʾareyeh kabaqar yoʾkhal־teven׃

⁸ וְשִֽׁעֲשַׁ֥ע יֹונֵ֖ק עַל־חֻ֣ר פָּ֑תֶן וְעַל֙ מְאוּרַ֣ת צִפְעֹונִ֔י גָּמ֖וּל יָדֹ֥ו הָדָֽה׃ weshiʿashaʿ yowneq ʿal־ḥur paten weʿal meʾurat tsifeʿowniy gamul yadow hadah׃

⁹ לֹֽא־יָרֵ֥עוּ וְלֹֽא־יַשְׁחִ֖יתוּ בְּכָל־הַ֣ר קָדְשִׁ֑י כִּֽי־מָלְאָ֣ה הָאָ֗רֶץ דֵּעָה֙ אֶת־יְהוָ֔ה כַּמַּ֖יִם לַיָּ֥ם מְכַסִּֽים׃ פ loʾ־yareʿu weloʾ־yasheḥiytu bekhal־har qadeshiy kiy־maleʾah haʾarets deʿah ʾet־yehwah kamayim layam mekhasiym׃ f

¹⁰ וְהָיָה֙ בַּיֹּ֣ום הַה֔וּא שֹׁ֣רֶשׁ יִשַׁ֗י אֲשֶׁ֤ר עֹמֵד֙ לְנֵ֣ס עַמִּ֔ים אֵלָ֖יו גֹּויִ֣ם יִדְרֹ֑שׁוּ וְהָיְתָ֥ה מְנֻחָתֹ֖ו כָּבֹֽוד׃ פ wehayah bayowm hahuʾ shoresh yishay ʾasher ʿomed lenes ʿamiym ʾelayw gowyim yideroshu wehayetah menuḥatow kavowd׃ f

¹¹ וְהָיָ֣ה ׀ בַּיֹּ֣ום הַה֗וּא יֹוסִ֨יף אֲדֹנָ֤י ׀ שֵׁנִית֙ יָדֹ֔ו לִקְנֹ֖ות אֶת־שְׁאָ֣ר עַמֹּ֑ו אֲשֶׁ֣ר יִשָּׁאֵר֩ מֵאַשּׁ֨וּר וּמִמִּצְרַ֜יִם וּמִפַּתְרֹ֣וס וּמִכּ֗וּשׁ וּמֵעֵילָ֤ם וּמִשִּׁנְעָר֙ וּמֵ֣חֲמָ֔ת וּמֵאִיֵּ֖י הַיָּֽם׃ wehayah ׀ bayowm hahuʾ yowsiyf ʾadonay ׀ sheniyt yadow liqenowt ʾet־sheʾar ʿamow ʾasher yishaʾer meʾashur umimitserayim umipaterows umikush umeʿeylam umishineʿar umeḥamat umeʾiyey hayam׃

¹² וְנָשָׂ֥א נֵס֙ לַגֹּויִ֔ם וְאָסַ֖ף נִדְחֵ֣י יִשְׂרָאֵ֑ל וּנְפֻצֹ֤ות יְהוּדָה֙ יְקַבֵּ֔ץ מֵאַרְבַּ֖ע כַּנְפֹ֥ות הָאָֽרֶץ׃ wenasaʾ nes lagowyim weʾasaf nideḥey yiseraʾel unefutsowt yehudah yeqabets meʾarebaʿ kanefowt haʾarets׃

¹³ וְסָ֙רָה֙ קִנְאַ֣ת אֶפְרַ֔יִם וְצֹרְרֵ֥י יְהוּדָ֖ה יִכָּרֵ֑תוּ אֶפְרַ֙יִם֙ לֹֽא־יְקַנֵּ֣א אֶת־יְהוּדָ֔ה וִֽיהוּדָ֖ה לֹֽא־יָצֹ֥ר אֶת־אֶפְרָֽיִם׃ wesarah qineʾat ʾeferayim wetsorerey yehudah yikaretu ʾeferayim loʾ־yeqaneʾ ʾet־yehudah wiyhudah loʾ־yatsor ʾet־ʾeferayim׃

¹⁴ וְעָפ֨וּ בְכָתֵ֤ף פְּלִשְׁתִּים֙ יָ֔מָּה יַחְדָּ֖ו יָבֹ֣זּוּ אֶת־בְּנֵי־קֶ֑דֶם אֱדֹ֤ום וּמֹואָב֙ מִשְׁלֹ֣וח יָדָ֔ם וּבְנֵ֥י עַמֹּ֖ון מִשְׁמַעְתָּֽם׃ weʿafu vekhatef pelishetiym yamah yaḥedaw yavozu ʾet־beney־qedem ʾedowm umowʾav mishelowḥ yadam uveney ʿamown mishemaʿetam׃

¹⁵ וְהֶחֱרִ֣ים יְהוָ֗ה אֵ֚ת לְשֹׁ֣ון יָם־מִצְרַ֔יִם וְהֵנִ֥יף יָדֹ֛ו עַל־הַנָּהָ֖ר בַּעְיָ֣ם רוּחֹ֑ו וְהִכָּ֙הוּ֙ לְשִׁבְעָ֣ה נְחָלִ֔ים וְהִדְרִ֖יךְ בַּנְּעָלִֽים׃ weheḥeriym yehwah ʾet leshown yam־mitserayim weheniyf yadow ʿal־hanahar baʿeyam ruḥow wehikahu leshiveʿah neḥaliym wehideriykhe baneʿaliym׃

¹⁶ וְהָיְתָ֣ה מְסִלָּ֔ה לִשְׁאָ֣ר עַמֹּ֔ו אֲשֶׁ֥ר יִשָּׁאֵ֖ר מֵֽאַשּׁ֑וּר כַּאֲשֶׁ֤ר הָֽיְתָה֙ לְיִשְׂרָאֵ֔ל בְּיֹ֥ום עֲלֹתֹ֖ו מֵאֶ֥רֶץ מִצְרָֽיִם׃ wehayetah mesilah lisheʾar ʿamow ʾasher yishaʾer meʾashur kaʾasher hayetah leyiseraʾel beyowm ʿalotow meʾerets mitserayim׃