1 וְאַתָּ֣ה בֶן־אָדָ֔ם הִנָּבֵ֖א אֶל־הָרֵ֣י יִשְׂרָאֵ֑ל וְאָ֣מַרְתָּ֔ הָרֵי֙ יִשְׂרָאֵ֔ל שִׁמְע֖וּ דְּבַר־יְהוָֽה׃ weʾatah ven־ʾadam hinaveʾ ʾel־harey yiseraʾel weʾamareta harey yiseraʾel shimeʿu devar־yehwah׃
2 כֹּ֤ה אָמַר֙ אֲדֹנָ֣י יְהוִ֔ה יַ֣עַן אָמַ֧ר הָאֹויֵ֛ב עֲלֵיכֶ֖ם הֶאָ֑ח וּבָמֹ֣ות עֹולָ֔ם לְמֹֽורָשָׁ֖ה הָ֥יְתָה לָּֽנוּ׃ koh ʾamar ʾadonay yehwih yaʿan ʾamar haʾowyev ʿaleykhem heʾaḥ uvamowt ʿowlam lemowrashah hayetah lanu׃
3 לָכֵן֙ הִנָּבֵ֣א וְאָמַרְתָּ֔ כֹּ֥ה אָמַ֖ר אֲדֹנָ֣י יְהוִ֑ה יַ֣עַן בְּיַ֡עַן שַׁמֹּות֩ וְשָׁאֹ֨ף אֶתְכֶ֜ם מִסָּבִ֗יב לִֽהְיֹותְכֶ֤ם מֹֽורָשָׁה֙ לִשְׁאֵרִ֣ית הַגֹּויִ֔ם וַתֵּֽעֲל֛וּ עַל־שְׂפַ֥ת לָשֹׁ֖ון וְדִבַּת־עָֽם׃ lakhen hinaveʾ weʾamareta koh ʾamar ʾadonay yehwih yaʿan beyaʿan shamowt weshaʾof ʾetekhem misaviyv liheyowtekhem mowrashah lisheʾeriyt hagowyim wateʿalu ʿal־sefat lashown wedibat־ʿam׃
4 לָכֵן֙ הָרֵ֣י יִשְׂרָאֵ֔ל שִׁמְע֖וּ דְּבַר־אֲדֹנָ֣י יְהוִ֑ה כֹּֽה־אָמַ֣ר אֲדֹנָ֣י יְ֠הוִה לֶהָרִ֨ים וְלַגְּבָעֹ֜ות לָאֲפִיקִ֣ים וְלַגֵּאָיֹ֗ות וְלֶחֳרָבֹ֤ות הַשֹּֽׁמְמֹות֙ וְלֶעָרִ֣ים הַנֶּעֱזָבֹ֔ות אֲשֶׁ֨ר הָי֤וּ לְבַז֙ וּלְלַ֔עַג לִשְׁאֵרִ֥ית הַגֹּויִ֖ם אֲשֶׁ֥ר מִסָּבִֽיב׃ ס lakhen harey yiseraʾel shimeʿu devar־ʾadonay yehwih koh־ʾamar ʾadonay yehwih lehariym welagevaʿowt laʾafiyqiym welageʾayowt weleḥoravowt hashomemowt weleʿariym haneʿezavowt ʾasher hayu levaz ulelaʿag lisheʾeriyt hagowyim ʾasher misaviyv׃ s
5 לָכֵ֗ן כֹּֽה־אָמַר֮ אֲדֹנָ֣י יְהוִה֒ אִם־לֹ֠א בְּאֵ֨שׁ קִנְאָתִ֥י דִבַּ֛רְתִּי עַל־שְׁאֵרִ֥ית הַגֹּויִ֖ם וְעַל־אֱדֹ֣ום כֻּלָּ֑א אֲשֶׁ֣ר נָתְנֽוּ־אֶת־אַרְצִ֣י ׀ לָ֠הֶם לְמֹ֨ורָשָׁ֜ה בְּשִׂמְחַ֤ת כָּל־לֵבָב֙ בִּשְׁאָ֣ט נֶ֔פֶשׁ לְמַ֥עַן מִגְרָשָׁ֖הּ לָבַֽז׃ lakhen koh־ʾamar ʾadonay yehwih ʾim־loʾ beʾesh qineʾatiy dibaretiy ʿal־sheʾeriyt hagowyim weʿal־ʾedowm kulaʾ ʾasher natenu־ʾet־ʾaretsiy ׀ lahem lemowrashah besimeḥat kal־levav bisheʾaṭ nefesh lemaʿan migerashah lavaz׃
6 לָכֵ֕ן הִנָּבֵ֖א עַל־אַדְמַ֣ת יִשְׂרָאֵ֑ל וְאָמַרְתָּ֡ לֶהָרִ֣ים וְ֠לַגְּבָעֹות לָאֲפִיקִ֨ים וְלַגֵּאָיֹ֜ות כֹּֽה־אָמַ֣ר ׀ אֲדֹנָ֣י יְהוִ֗ה הִנְנִ֨י בְקִנְאָתִ֤י וּבַחֲמָתִי֙ דִּבַּ֔רְתִּי יַ֛עַן כְּלִמַּ֥ת גֹּויִ֖ם נְשָׂאתֶֽם׃ lakhen hinaveʾ ʿal־ʾademat yiseraʾel weʾamareta lehariym welagevaʿowt laʾafiyqiym welageʾayowt koh־ʾamar ׀ ʾadonay yehwih hineniy veqineʾatiy uvaḥamatiy dibaretiy yaʿan kelimat gowyim nesaʾtem׃
7 לָכֵ֗ן כֹּ֤ה אָמַר֙ אֲדֹנָ֣י יְהוִ֔ה אֲנִ֖י נָשָׂ֣אתִי אֶת־יָדִ֑י אִם־לֹ֤א הַגֹּויִם֙ אֲשֶׁ֣ר לָכֶ֣ם מִסָּבִ֔יב הֵ֖מָּה כְּלִמָּתָ֖ם יִשָּֽׂאוּ׃ lakhen koh ʾamar ʾadonay yehwih ʾaniy nasaʾtiy ʾet־yadiy ʾim־loʾ hagowyim ʾasher lakhem misaviyv hemah kelimatam yisaʾu׃
8 וְאַתֶּ֞ם הָרֵ֤י יִשְׂרָאֵל֙ עַנְפְּכֶ֣ם תִּתֵּ֔נוּ וּפֶרְיְכֶ֥ם תִּשְׂא֖וּ לְעַמִּ֣י יִשְׂרָאֵ֑ל כִּ֥י קֵרְב֖וּ לָבֹֽוא׃ weʾatem harey yiseraʾel ʿanepekhem titenu ufereyekhem tiseʾu leʿamiy yiseraʾel kiy qerevu lavowʾ׃
9 כִּ֖י הִנְנִ֣י אֲלֵיכֶ֑ם וּפָנִ֣יתִי אֲלֵיכֶ֔ם וְנֶעֱבַדְתֶּ֖ם וְנִזְרַעְתֶּֽם׃ kiy hineniy ʾaleykhem ufaniytiy ʾaleykhem weneʿevadetem wenizeraʿetem׃
10 וְהִרְבֵּיתִ֤י עֲלֵיכֶם֙ אָדָ֔ם כָּל־בֵּ֥ית יִשְׂרָאֵ֖ל כֻּלֹּ֑ה וְנֹֽשְׁבוּ֙ הֶֽעָרִ֔ים וְהֶחֳרָבֹ֖ות תִּבָּנֶֽינָה׃ wehirebeytiy ʿaleykhem ʾadam kal־beyt yiseraʾel kuloh wenoshevu heʿariym weheḥoravowt tibaneynah׃
11 וְהִרְבֵּיתִ֧י עֲלֵיכֶ֛ם אָדָ֥ם וּבְהֵמָ֖ה וְרָב֣וּ וּפָר֑וּ וְהֹושַׁבְתִּ֨י אֶתְכֶ֜ם כְּקַדְמֹֽותֵיכֶ֗ם וְהֵטִֽבֹתִי֙ מֵרִאשֹׁ֣תֵיכֶ֔ם וִֽידַעְתֶּ֖ם כִּֽי־אֲנִ֥י יְהוָֽה׃ wehirebeytiy ʿaleykhem ʾadam uvehemah weravu ufaru wehowshavetiy ʾetekhem keqademowteykhem weheṭivotiy meriʾshoteykhem wiydaʿetem kiy־ʾaniy yehwah׃
12 וְהֹולַכְתִּי֩ עֲלֵיכֶ֨ם אָדָ֜ם אֶת־עַמִּ֤י יִשְׂרָאֵל֙ וִֽירֵשׁ֔וּךָ וְהָיִ֥יתָ לָהֶ֖ם לְנַחֲלָ֑ה וְלֹא־תֹוסִ֥ף עֹ֖וד לְשַׁכְּלָֽם׃ ס wehowlakhetiy ʿaleykhem ʾadam ʾet־ʿamiy yiseraʾel wiyreshukha wehayiyta lahem lenaḥalah weloʾ־towsif ʿowd leshakelam׃ s
13 כֹּ֤ה אָמַר֙ אֲדֹנָ֣י יְהוִ֔ה יַ֚עַן אֹמְרִ֣ים לָכֶ֔ם אֹכֶ֥לֶת אָדָ֖ם [אָתִּי כ] (אָ֑תְּ ק) וּמְשַׁכֶּ֥לֶת [גֹּויֵךְ כ] (גֹּויַ֖יִךְ ק) הָיִֽית׃ koh ʾamar ʾadonay yehwih yaʿan ʾomeriym lakhem ʾokhelet ʾadam [ʾatiy kh] (ʾate q) umeshakelet [gowyekhe kh] (gowyayikhe q) hayiyt׃
14 לָכֵ֗ן אָדָם֙ לֹא־תֹ֣אכְלִי עֹ֔וד [וְגֹויֵךְ כ] (וְגֹויַ֖יִךְ ק) לֹ֣א [תְכַשְּׁלִי־ כ] (תְשַׁכְּלִי־עֹ֑וד ק) נְאֻ֖ם אֲדֹנָ֥י יְהוִֽה׃ lakhen ʾadam loʾ־toʾkheliy ʿowd [wegowyekhe kh] (wegowyayikhe q) loʾ [tekhasheliy־ kh] (teshakeliy־ʿowd q) neʾum ʾadonay yehwih׃
15 וְלֹא־אַשְׁמִ֨יעַ אֵלַ֤יִךְ עֹוד֙ כְּלִמַּ֣ת הַגֹּויִ֔ם וְחֶרְפַּ֥ת עַמִּ֖ים לֹ֣א תִשְׂאִי־עֹ֑וד [וְגֹויֵךְ כ] (וְגֹויַ֙יִךְ֙ ק) לֹא־תַכְשִׁ֣לִי עֹ֔וד נְאֻ֖ם אֲדֹנָ֥י יְהוִֽה׃ ס weloʾ־ʾashemiyʿa ʾelayikhe ʿowd kelimat hagowyim weḥerepat ʿamiym loʾ tiseʾiy־ʿowd [wegowyekhe kh] (wegowyayikhe q) loʾ־takheshiliy ʿowd neʾum ʾadonay yehwih׃ s
16 וַיְהִ֥י דְבַר־יְהוָ֖ה אֵלַ֥י לֵאמֹֽר׃ wayehiy devar־yehwah ʾelay leʾmor׃
17 בֶּן־אָדָ֗ם בֵּ֤ית יִשְׂרָאֵל֙ יֹשְׁבִ֣ים עַל־אַדְמָתָ֔ם וַיְטַמְּא֣וּ אֹותָ֔הּ בְּדַרְכָּ֖ם וּבַעֲלִֽילֹותָ֑ם כְּטֻמְאַת֙ הַנִּדָּ֔ה הָיְתָ֥ה דַרְכָּ֖ם לְפָנָֽי׃ ben־ʾadam beyt yiseraʾel yosheviym ʿal־ʾadematam wayeṭameʾu ʾowtah bedarekam uvaʿaliylowtam keṭumeʾat hanidah hayetah darekam lefanay׃
18 וָאֶשְׁפֹּ֤ךְ חֲמָתִי֙ עֲלֵיהֶ֔ם עַל־הַדָּ֖ם אֲשֶׁר־שָׁפְכ֣וּ עַל־הָאָ֑רֶץ וּבְגִלּוּלֵיהֶ֖ם טִמְּאֽוּהָ׃ waʾeshepokhe ḥamatiy ʿaleyhem ʿal־hadam ʾasher־shafekhu ʿal־haʾarets uvegiluleyhem ṭimeʾuah׃
19 וָאָפִ֤יץ אֹתָם֙ בַּגֹּויִ֔ם וַיִּזָּר֖וּ בָּאֲרָצֹ֑ות כְּדַרְכָּ֥ם וְכַעֲלִילֹותָ֖ם שְׁפַטְתִּֽים׃ waʾafiyts ʾotam bagowyim wayizaru baʾaratsowt kedarekam wekhaʿaliylowtam shefaṭetiym׃
20 וַיָּבֹ֗וא אֶל־הַגֹּויִם֙ אֲשֶׁר־בָּ֣אוּ שָׁ֔ם וַֽיְחַלְּל֖וּ אֶת־שֵׁ֣ם קָדְשִׁ֑י בֶּאֱמֹ֤ר לָהֶם֙ עַם־יְהוָ֣ה אֵ֔לֶּה וּמֵאַרְצֹ֖ו יָצָֽאוּ׃ wayavowʾ ʾel־hagowyim ʾasher־baʾu sham wayeḥalelu ʾet־shem qadeshiy beʾemor lahem ʿam־yehwah ʾeleh umeʾaretsow yatsaʾu׃
21 וָאֶחְמֹ֖ל עַל־שֵׁ֣ם קָדְשִׁ֑י אֲשֶׁ֤ר חִלְּל֙וּהוּ֙ בֵּ֣ית יִשְׂרָאֵ֔ל בַּגֹּויִ֖ם אֲשֶׁר־בָּ֥אוּ שָֽׁמָּה׃ ס waʾeḥemol ʿal־shem qadeshiy ʾasher ḥileluhu beyt yiseraʾel bagowyim ʾasher־baʾu shamah׃ s
22 לָכֵ֞ן אֱמֹ֣ר לְבֵֽית־יִשְׂרָאֵ֗ל כֹּ֤ה אָמַר֙ אֲדֹנָ֣י יְהוִ֔ה לֹ֧א לְמַעַנְכֶ֛ם אֲנִ֥י עֹשֶׂ֖ה בֵּ֣ית יִשְׂרָאֵ֑ל כִּ֤י אִם־לְשֵׁם־קָדְשִׁי֙ אֲשֶׁ֣ר חִלַּלְתֶּ֔ם בַּגֹּויִ֖ם אֲשֶׁר־בָּ֥אתֶם שָֽׁם׃ lakhen ʾemor leveyt־yiseraʾel koh ʾamar ʾadonay yehwih loʾ lemaʿanekhem ʾaniy ʿoseh beyt yiseraʾel kiy ʾim־leshem־qadeshiy ʾasher ḥilaletem bagowyim ʾasher־baʾtem sham׃
23 וְקִדַּשְׁתִּ֞י אֶת־שְׁמִ֣י הַגָּדֹ֗ול הַֽמְחֻלָּל֙ בַּגֹּויִ֔ם אֲשֶׁ֥ר חִלַּלְתֶּ֖ם בְּתֹוכָ֑ם וְיָדְע֨וּ הַגֹּויִ֜ם כִּי־אֲנִ֣י יְהוָ֗ה נְאֻם֙ אֲדֹנָ֣י יְהוִ֔ה בְּהִקָּדְשִׁ֥י בָכֶ֖ם לְעֵינֵיהֶֽם׃ weqidashetiy ʾet־shemiy hagadowl hameḥulal bagowyim ʾasher ḥilaletem betowkham weyadeʿu hagowyim kiy־ʾaniy yehwah neʾum ʾadonay yehwih behiqadeshiy vakhem leʿeyneyhem׃
24 וְלָקַחְתִּ֤י אֶתְכֶם֙ מִן־הַגֹּויִ֔ם וְקִבַּצְתִּ֥י אֶתְכֶ֖ם מִכָּל־הָאֲרָצֹ֑ות וְהֵבֵאתִ֥י אֶתְכֶ֖ם אֶל־אַדְמַתְכֶֽם׃ welaqaḥetiy ʾetekhem min־hagowyim weqibatsetiy ʾetekhem mikal־haʾaratsowt weheveʾtiy ʾetekhem ʾel־ʾadematekhem׃
25 וְזָרַקְתִּ֧י עֲלֵיכֶ֛ם מַ֥יִם טְהֹורִ֖ים וּטְהַרְתֶּ֑ם מִכֹּ֧ל טֻמְאֹותֵיכֶ֛ם וּמִכָּל־גִּלּ֥וּלֵיכֶ֖ם אֲטַהֵ֥ר אֶתְכֶֽם׃ wezaraqetiy ʿaleykhem mayim ṭehowriym uṭeharetem mikol ṭumeʾowteykhem umikal־giluleykhem ʾaṭaher ʾetekhem׃
26 וְנָתַתִּ֤י לָכֶם֙ לֵ֣ב חָדָ֔שׁ וְר֥וּחַ חֲדָשָׁ֖ה אֶתֵּ֣ן בְּקִרְבְּכֶ֑ם וַהֲסִ֨רֹתִ֜י אֶת־לֵ֤ב הָאֶ֙בֶן֙ מִבְּשַׂרְכֶ֔ם וְנָתַתִּ֥י לָכֶ֖ם לֵ֥ב בָּשָֽׂר׃ wenatatiy lakhem lev ḥadash weruaḥ ḥadashah ʾeten beqirebekhem wahasirotiy ʾet־lev haʾeven mibesarekhem wenatatiy lakhem lev basar׃
27 וְאֶת־רוּחִ֖י אֶתֵּ֣ן בְּקִרְבְּכֶ֑ם וְעָשִׂ֗יתִי אֵ֤ת אֲשֶׁר־בְּחֻקַּי֙ תֵּלֵ֔כוּ וּמִשְׁפָּטַ֥י תִּשְׁמְר֖וּ וַעֲשִׂיתֶֽם׃ weʾet־ruḥiy ʾeten beqirebekhem weʿasiytiy ʾet ʾasher־beḥuqay telekhu umishepaṭay tishemeru waʿasiytem׃
28 וִישַׁבְתֶּ֣ם בָּאָ֔רֶץ אֲשֶׁ֥ר נָתַ֖תִּי לַאֲבֹֽתֵיכֶ֑ם וִהְיִ֤יתֶם לִי֙ לְעָ֔ם וְאָ֣נֹכִ֔י אֶהְיֶ֥ה לָכֶ֖ם לֵאלֹהִֽים׃ wiyshavetem baʾarets ʾasher natatiy laʾavoteykhem wiheyiytem liy leʿam weʾanokhiy ʾeheyeh lakhem leʾlohiym׃
29 וְהֹושַׁעְתִּ֣י אֶתְכֶ֔ם מִכֹּ֖ל טֻמְאֹֽותֵיכֶ֑ם וְקָרָ֤אתִי אֶל־הַדָּגָן֙ וְהִרְבֵּיתִ֣י אֹתֹ֔ו וְלֹא־אֶתֵּ֥ן עֲלֵיכֶ֖ם רָעָֽב׃ wehowshaʿetiy ʾetekhem mikol ṭumeʾowteykhem weqaraʾtiy ʾel־hadagan wehirebeytiy ʾotow weloʾ־ʾeten ʿaleykhem raʿav׃
30 וְהִרְבֵּיתִי֙ אֶת־פְּרִ֣י הָעֵ֔ץ וּתְנוּבַ֖ת הַשָּׂדֶ֑ה לְמַ֗עַן אֲ֠שֶׁר לֹ֣א תִקְח֥וּ עֹ֛וד חֶרְפַּ֥ת רָעָ֖ב בַּגֹּויִֽם׃ wehirebeytiy ʾet־periy haʿets utenuvat hasadeh lemaʿan ʾasher loʾ tiqeḥu ʿowd ḥerepat raʿav bagowyim׃
31 וּזְכַרְתֶּם֙ אֶת־דַּרְכֵיכֶ֣ם הָרָעִ֔ים וּמַעַלְלֵיכֶ֖ם אֲשֶׁ֣ר לֹֽא־טֹובִ֑ים וּנְקֹֽטֹתֶם֙ בִּפְנֵיכֶ֔ם עַ֚ל עֲוֹנֹ֣תֵיכֶ֔ם וְעַ֖ל תֹּועֲבֹֽותֵיכֶֽם׃ uzekharetem ʾet־darekheykhem haraʿiym umaʿaleleykhem ʾasher loʾ־ṭowviym uneqoṭotem bifeneykhem ʿal ʿaonoteykhem weʿal towʿavowteykhem׃
32 לֹ֧א לְמַעַנְכֶ֣ם אֲנִֽי־עֹשֶׂ֗ה נְאֻם֙ אֲדֹנָ֣י יְהוִ֔ה יִוָּדַ֖ע לָכֶ֑ם בֹּ֧ושׁוּ וְהִכָּלְמ֛וּ מִדַּרְכֵיכֶ֖ם בֵּ֥ית יִשְׂרָאֵֽל׃ ס loʾ lemaʿanekhem ʾaniy־ʿoseh neʾum ʾadonay yehwih yiuadaʿ lakhem bowshu wehikalemu midarekheykhem beyt yiseraʾel׃ s
33 כֹּ֤ה אָמַר֙ אֲדֹנָ֣י יְהוִ֔ה בְּיֹום֙ טַהֲרִ֣י אֶתְכֶ֔ם מִכֹּ֖ל עֲוֹנֹֽותֵיכֶ֑ם וְהֹֽושַׁבְתִּי֙ אֶת־הֶ֣עָרִ֔ים וְנִבְנ֖וּ הֶחֳרָבֹֽות׃ koh ʾamar ʾadonay yehwih beyowm ṭahariy ʾetekhem mikol ʿaonowteykhem wehowshavetiy ʾet־heʿariym wenivenu heḥoravowt׃
34 וְהָאָ֥רֶץ הַנְּשַׁמָּ֖ה תֵּֽעָבֵ֑ד תַּ֚חַת אֲשֶׁ֣ר הָיְתָ֣ה שְׁמָמָ֔ה לְעֵינֵ֖י כָּל־עֹובֵֽר׃ wehaʾarets haneshamah teʿaved taḥat ʾasher hayetah shemamah leʿeyney kal־ʿowver׃
35 וְאָמְר֗וּ הָאָ֤רֶץ הַלֵּ֙זוּ֙ הַנְּשַׁמָּ֔ה הָיְתָ֖ה כְּגַן־עֵ֑דֶן וְהֶעָרִ֧ים הֶחֳרֵבֹ֛ות וְהַֽנְשַׁמֹּ֥ות וְהַנֶּהֱרָסֹ֖ות בְּצוּרֹ֥ות יָשָֽׁבוּ׃ weʾameru haʾarets halezu haneshamah hayetah kegan־ʿeden weheʿariym heḥorevowt wehaneshamowt wehaneherasowt betsurowt yashavu׃
36 וְיָדְע֣וּ הַגֹּויִ֗ם אֲשֶׁ֣ר יִֽשָּׁאֲרוּ֮ סְבִיבֹותֵיכֶם֒ כִּ֣י ׀ אֲנִ֣י יְהוָ֗ה בָּנִ֙יתִי֙ הַנֶּ֣הֱרָסֹ֔ות נָטַ֖עְתִּי הַנְּשַׁמָּ֑ה אֲנִ֥י יְהוָ֖ה דִּבַּ֥רְתִּי וְעָשִֽׂיתִי׃ ס weyadeʿu hagowyim ʾasher yishaʾaru seviyvowteykhem kiy ׀ ʾaniy yehwah baniytiy haneherasowt naṭaʿetiy haneshamah ʾaniy yehwah dibaretiy weʿasiytiy׃ s
37 כֹּ֤ה אָמַר֙ אֲדֹנָ֣י יְהוִ֔ה עֹ֗וד זֹ֛את אִדָּרֵ֥שׁ לְבֵֽית־יִשְׂרָאֵ֖ל לַעֲשֹׂ֣ות לָהֶ֑ם אַרְבֶּ֥ה אֹתָ֛ם כַּצֹּ֖אן אָדָֽם׃ koh ʾamar ʾadonay yehwih ʿowd zoʾt ʾidaresh leveyt־yiseraʾel laʿasowt lahem ʾarebeh ʾotam katsoʾn ʾadam׃
38 כְּצֹ֣אן קָֽדָשִׁ֗ים כְּצֹ֤אן יְרוּשָׁלִַ֙ם֙ בְּמֹ֣ועֲדֶ֔יהָ כֵּ֤ן תִּהְיֶ֙ינָה֙ הֶעָרִ֣ים הֶחֳרֵבֹ֔ות מְלֵאֹ֖ות צֹ֣אן אָדָ֑ם וְיָדְע֖וּ כִּֽי־אֲנִ֥י יְהוָֽה׃ ס ketsoʾn qadashiym ketsoʾn yerushalim bemowʿadeyha ken tiheyeynah heʿariym heḥorevowt meleʾowt tsoʾn ʾadam weyadeʿu kiy־ʾaniy yehwah׃ s