Psaumes 17

¹ תְּפִלָּ֗ה לְדָ֫וִ֥ד שִׁמְעָ֤ה יְהוָ֨ה ׀ צֶ֗דֶק הַקְשִׁ֥יבָה רִנָּתִ֗י הַאֲזִ֥ינָה תְפִלָּתִ֑י בְּ֝לֹ֗א שִׂפְתֵ֥י מִרְמָֽה׃ tefilah ledawid shimeʿah yehwah ׀ tsedeq haqeshiyvah rinatiy haʾaziynah tefilatiy beloʾ sifetey miremah׃

² מִ֭לְּפָנֶיךָ מִשְׁפָּטִ֣י יֵצֵ֑א עֵ֝ינֶ֗יךָ תֶּחֱזֶ֥ינָה מֵישָׁרִֽים׃ milefaneykha mishepaṭiy yetseʾ ʿeyneykha teḥezeynah meyshariym׃

³ בָּ֘חַ֤נְתָּ לִבִּ֨י ׀ פָּ֘קַ֤דְתָּ לַּ֗יְלָה צְרַפְתַּ֥נִי בַל־תִּמְצָ֑א זַ֝מֹּתִ֗י בַּל־יַעֲבָר־פִּֽי׃ baḥaneta libiy ׀ paqadeta layelah tserafetaniy val־timetsaʾ zamotiy bal־yaʿavar־piy׃

⁴ לִפְעֻלֹּ֣ות אָ֭דָם בִּדְבַ֣ר שְׂפָתֶ֑יךָ אֲנִ֥י מַ֗רְתִּי אָרְחֹ֥ות פָּרִֽיץ׃ lifeʿulowt ʾadam bidevar sefateykha ʾaniy maretiy ʾareḥowt pariyts׃

⁵ תָּמֹ֣ךְ אֲ֭שֻׁרַי בְּמַעְגְּלֹותֶ֑יךָ בַּל־נָמֹ֥וטּוּ פְעָמָֽי׃ tamokhe ʾashuray bemaʿegelowteykha bal־namowṭu feʿamay׃

⁶ אֲנִֽי־קְרָאתִ֣יךָ כִֽי־תַעֲנֵ֣נִי אֵ֑ל הַֽט־אָזְנְךָ֥ לִ֝֗י שְׁמַ֣ע אִמְרָתִֽי׃ ʾaniy־qeraʾtiykha khiy־taʿaneniy ʾel haṭ־ʾazenekha liy shemaʿ ʾimeratiy׃

⁷ הַפְלֵ֣ה חֲ֭סָדֶיךָ מֹושִׁ֣יעַ חֹוסִ֑ים מִ֝מִּתְקֹומְמִ֗ים בִּֽימִינֶֽךָ׃ hafeleh ḥasadeykha mowshiyʿa ḥowsiym mimiteqowmemiym biymiynekha׃

⁸ מְרֵנִי כְּאִישֹׁ֣ון בַּת־עָ֑יִן בְּצֵ֥ל כְּ֝נָפֶ֗יךָ תַּסְתִּירֵֽנִי׃ mereniy keʾiyshown bat־ʿayin betsel kenafeykha tasetiyreniy׃

⁹ מִפְּנֵ֣י רְ֭שָׁעִים ז֣וּ שַׁדּ֑וּנִי אֹיְבַ֥י בְּ֝נֶ֗פֶשׁ יַקִּ֥יפוּ עָלָֽי׃ mipeney reshaʿiym zu shaduniy ʾoyevay benefesh yaqiyfu ʿalay׃

¹⁰ חֶלְבָּ֥מֹו סָּגְר֑וּ פִּ֝֗ימֹו דִּבְּר֥וּ בְגֵאֽוּת׃ ḥelebamow sageru piymow diberu vegeʾut׃

¹¹ אַ֭שֻּׁרֵינוּ עַתָּ֣ה [סְבָבוּנִי כ] (סְבָב֑וּנוּ ק) עֵינֵיהֶ֥ם יָ֝שִׁ֗יתוּ לִנְטֹ֥ות בָּאָֽרֶץ׃ ʾashureynu ʿatah [sevavuniy kh] (sevavunu q) ʿeyneyhem yashiytu lineṭowt baʾarets׃

¹² דִּמְיֹנֹ֗ו כְּ֭אַרְיֵה יִכְסֹ֣וף לִטְרֹ֑וף וְ֝כִכְפִ֗יר יֹשֵׁ֥ב בְּמִסְתָּרִֽים׃ dimeyonow keʾareyeh yikhesowf liṭerowf wekhikhefiyr yoshev bemisetariym׃

¹³ קוּמָ֤ה יְהוָ֗ה קַדְּמָ֣ה פָ֭נָיו הַכְרִיעֵ֑הוּ פַּלְּטָ֥ה נַ֝פְשִׁ֗י מֵרָשָׁ֥ע חַרְבֶּֽךָ׃ qumah yehwah qademah fanayw hakheriyʿehu paleṭah nafeshiy merashaʿ ḥarebekha׃

¹⁴ מִֽמְתִ֥ים יָדְךָ֨ ׀ יְהוָ֡ה מִֽמְתִ֬ים מֵחֶ֗לֶד חֶלְקָ֥ם בַּֽחַיִּים֮ [וּצְפִינְךָ כ] (וּֽצְפוּנְךָ֮ ק) תְּמַלֵּ֪א בִ֫טְנָ֥ם יִשְׂבְּע֥וּ בָנִ֑ים וְהִנִּ֥יחוּ יִ֝תְרָ֗ם לְעֹולְלֵיהֶֽם׃ mimetiym yadekha ׀ yehwah mimetiym meḥeled ḥeleqam baḥayiym [utsefiynekha kh] (utsefunekha q) temaleʾ viṭenam yisebeʿu vaniym wehiniyḥu yiteram leʿowleleyhem׃

¹⁵ אֲנִ֗י בְּ֭צֶדֶק אֶחֱזֶ֣ה פָנֶ֑יךָ אֶשְׂבְּעָ֥ה בְ֝הָקִ֗יץ תְּמוּנָתֶֽךָ׃ ʾaniy betsedeq ʾeḥezeh faneykha ʾesebeʿah vehaqiyts temunatekha׃