1 לַמְנַצֵּ֥חַ עַֽל־הַגִּתִּ֑ית לִבְנֵי־קֹ֥רַח מִזְמֹֽור׃ lamenatseaḥ ʿal־hagitiyt liveney־qoraḥ mizemowr׃
2 מַה־יְּדִידֹ֥ות מִשְׁכְּנֹותֶ֗יךָ יְהוָ֥ה צְבָאֹֽות׃ mah־yediydowt mishekenowteykha yehwah tsevaʾowt׃
3 נִכְסְפָ֬ה וְגַם־כָּלְתָ֨ה ׀ נַפְשִׁי֮ לְחַצְרֹ֪ות יְה֫וָ֥ה לִבִּ֥י וּבְשָׂרִ֑י יְ֝רַנְּנ֗וּ אֶ֣ל אֵֽל־חָֽי׃ nikhesefah wegam־kaletah ׀ nafeshiy leḥatserowt yehwah libiy uvesariy yeranenu ʾel ʾel־ḥay׃
4 גַּם־צִפֹּ֨ור ׀ מָ֪צְאָה בַ֡יִת וּדְרֹ֤ור ׀ קֵ֥ן לָהּ֮ אֲשֶׁר־שָׁ֪תָה אֶפְרֹ֫חֶ֥יהָ אֶֽת־מִ֭זְבְּחֹותֶיךָ יְהוָ֣ה צְבָאֹ֑ות מַ֝לְכִּ֗י וֵאלֹהָֽי׃ gam־tsipowr ׀ matseʾah vayit uderowr ׀ qen lah ʾasher־shatah ʾeferoḥeyha ʾet־mizebeḥowteykha yehwah tsevaʾowt malekiy weʾlohay׃
5 אַ֭שְׁרֵי יֹושְׁבֵ֣י בֵיתֶ֑ךָ עֹ֝֗וד יְֽהַלְל֥וּךָ סֶּֽלָה׃ ʾasherey yowshevey veytekha ʿowd yehalelukha selah׃
6 אַשְׁרֵ֣י אָ֭דָם עֹֽוז־לֹ֥ו בָ֑ךְ מְ֝סִלֹּ֗ות בִּלְבָבָֽם׃ ʾasherey ʾadam ʿowz־low vakhe mesilowt bilevavam׃
7 עֹבְרֵ֤י ׀ בְּעֵ֣מֶק הַ֭בָּכָא מַעְיָ֣ן יְשִׁית֑וּהוּ גַּם־בְּ֝רָכֹ֗ות יַעְטֶ֥ה מֹורֶֽה׃ ʿoverey ׀ beʿemeq habakhaʾ maʿeyan yeshiytuhu gam־berakhowt yaʿeṭeh mowreh׃
8 יֵ֭לְכוּ מֵחַ֣יִל אֶל־חָ֑יִל יֵרָאֶ֖ה אֶל־אֱלֹהִ֣ים בְּצִיֹּֽון׃ yelekhu meḥayil ʾel־ḥayil yeraʾeh ʾel־ʾelohiym betsiyown׃
9 יְה֘וָ֤ה אֱלֹהִ֣ים צְ֭בָאֹות שִׁמְעָ֣ה תְפִלָּתִ֑י הַאֲזִ֨ינָה אֱלֹהֵ֖י יַעֲקֹ֣ב סֶֽלָה׃ yehwah ʾelohiym tsevaʾowt shimeʿah tefilatiy haʾaziynah ʾelohey yaʿaqov selah׃
10 מָ֭גִנֵּנוּ רְאֵ֣ה אֱלֹהִ֑ים וְ֝הַבֵּ֗ט פְּנֵ֣י מְשִׁיחֶֽךָ׃ maginenu reʾeh ʾelohiym wehabeṭ peney meshiyḥekha׃
11 כִּ֤י טֹֽוב־יֹ֥ום בַּחֲצֵרֶ֗יךָ מֵ֫אָ֥לֶף בָּחַ֗רְתִּי הִ֭סְתֹּופֵף בְּבֵ֣ית אֱלֹהַ֑י מִ֝דּ֗וּר בְּאָהֳלֵי־רֶֽשַׁע׃ kiy ṭowv־yowm baḥatsereykha meʾalef baḥaretiy hisetowfef beveyt ʾelohay midur beʾaholey־reshaʿ׃
12 כִּ֤י שֶׁ֨מֶשׁ ׀ וּמָגֵן֮ יְהוָ֪ה אֱלֹ֫הִ֥ים חֵ֣ן וְ֭כָבֹוד יִתֵּ֣ן יְהוָ֑ה לֹ֥א יִמְנַע־טֹ֝֗וב לַֽהֹלְכִ֥ים בְּתָמִֽים׃ kiy shemesh ׀ umagen yehwah ʾelohiym ḥen wekhavowd yiten yehwah loʾ yimenaʿ־ṭowv laholekhiym betamiym׃
13 יְהוָ֥ה צְבָאֹ֑ות אַֽשְׁרֵ֥י אָ֝דָ֗ם בֹּטֵ֥חַ בָּֽךְ׃ yehwah tsevaʾowt ʾasherey ʾadam boṭeaḥ bakhe׃