1 וְאַבְרָהָ֣ם זָקֵ֔ן בָּ֖א בַּיָּמִ֑ים וַֽיהוָ֛ה בֵּרַ֥ךְ אֶת־אַבְרָהָ֖ם בַּכֹּֽל׃ weʾaveraham zaqen baʾ bayamiym wayhwah berakhe ʾet־ʾaveraham bakol׃
2 וַיֹּ֣אמֶר אַבְרָהָ֗ם אֶל־עַבְדֹּו֙ זְקַ֣ן בֵּיתֹ֔ו הַמֹּשֵׁ֖ל בְּכָל־אֲשֶׁר־לֹ֑ו שִֽׂים־נָ֥א יָדְךָ֖ תַּ֥חַת יְרֵכִֽי׃ wayoʾmer ʾaveraham ʾel־ʿavedow zeqan beytow hamoshel bekhal־ʾasher־low siym־naʾ yadekha taḥat yerekhiy׃
3 וְאַשְׁבִּ֣יעֲךָ֔ בַּֽיהוָה֙ אֱלֹהֵ֣י הַשָּׁמַ֔יִם וֵֽאלֹהֵ֖י הָאָ֑רֶץ אֲשֶׁ֨ר לֹֽא־תִקַּ֤ח אִשָּׁה֙ לִבְנִ֔י מִבְּנֹות֙ הַֽכְּנַעֲנִ֔י אֲשֶׁ֥ר אָנֹכִ֖י יֹושֵׁ֥ב בְּקִרְבֹּֽו׃ weʾashebiyʿakha bayhwah ʾelohey hashamayim weʾlohey haʾarets ʾasher loʾ־tiqaḥ ʾishah liveniy mibenowt hakenaʿaniy ʾasher ʾanokhiy yowshev beqirebow׃
4 כִּ֧י אֶל־אַרְצִ֛י וְאֶל־מֹולַדְתִּ֖י תֵּלֵ֑ךְ וְלָקַחְתָּ֥ אִשָּׁ֖ה לִבְנִ֥י לְיִצְחָֽק׃ kiy ʾel־ʾaretsiy weʾel־mowladetiy telekhe welaqaḥeta ʾishah liveniy leyitseḥaq׃
5 וַיֹּ֤אמֶר אֵלָיו֙ הָעֶ֔בֶד אוּלַי֙ לֹא־תֹאבֶ֣ה הָֽאִשָּׁ֔ה לָלֶ֥כֶת אַחֲרַ֖י אֶל־הָאָ֣רֶץ הַזֹּ֑את הֶֽהָשֵׁ֤ב אָשִׁיב֙ אֶת־בִּנְךָ֔ אֶל־הָאָ֖רֶץ אֲשֶׁר־יָצָ֥אתָ מִשָּֽׁם׃ wayoʾmer ʾelayw haʿeved ʾulay loʾ־toʾveh haʾishah lalekhet ʾaḥaray ʾel־haʾarets hazoʾt hehashev ʾashiyv ʾet־binekha ʾel־haʾarets ʾasher־yatsaʾta misham׃
6 וַיֹּ֥אמֶר אֵלָ֖יו אַבְרָהָ֑ם הִשָּׁ֣מֶר לְךָ֔ פֶּן־תָּשִׁ֥יב אֶת־בְּנִ֖י שָֽׁמָּה׃ wayoʾmer ʾelayw ʾaveraham hishamer lekha pen־tashiyv ʾet־beniy shamah׃
7 יְהוָ֣ה ׀ אֱלֹהֵ֣י הַשָּׁמַ֗יִם אֲשֶׁ֨ר לְקָחַ֜נִי מִבֵּ֣ית אָבִי֮ וּמֵאֶ֣רֶץ מֹֽולַדְתִּי֒ וַאֲשֶׁ֨ר דִּבֶּר־לִ֜י וַאֲשֶׁ֤ר נִֽשְׁבַּֽע־לִי֙ לֵאמֹ֔ר לְזַ֨רְעֲךָ֔ אֶתֵּ֖ן אֶת־הָאָ֣רֶץ הַזֹּ֑את ה֗וּא יִשְׁלַ֤ח מַלְאָכֹו֙ לְפָנֶ֔יךָ וְלָקַחְתָּ֥ אִשָּׁ֛ה לִבְנִ֖י מִשָּֽׁם׃ yehwah ׀ ʾelohey hashamayim ʾasher leqaḥaniy mibeyt ʾaviy umeʾerets mowladetiy waʾasher diber־liy waʾasher nishebaʿ־liy leʾmor lezareʿakha ʾeten ʾet־haʾarets hazoʾt huʾ yishelaḥ maleʾakhow lefaneykha welaqaḥeta ʾishah liveniy misham׃
8 וְאִם־לֹ֨א תֹאבֶ֤ה הָֽאִשָּׁה֙ לָלֶ֣כֶת אַחֲרֶ֔יךָ וְנִקִּ֕יתָ מִשְּׁבֻעָתִ֖י זֹ֑את רַ֣ק אֶת־בְּנִ֔י לֹ֥א תָשֵׁ֖ב שָֽׁמָּה׃ weʾim־loʾ toʾveh haʾishah lalekhet ʾaḥareykha weniqiyta mishevuʿatiy zoʾt raq ʾet־beniy loʾ tashev shamah׃
9 וַיָּ֤שֶׂם הָעֶ֙בֶד֙ אֶת־יָדֹ֔ו תַּ֛חַת יֶ֥רֶךְ אַבְרָהָ֖ם אֲדֹנָ֑יו וַיִּשָּׁ֣בַֽע לֹ֔ו עַל־הַדָּבָ֖ר הַזֶּֽה׃ wayasem haʿeved ʾet־yadow taḥat yerekhe ʾaveraham ʾadonayw wayishavaʿ low ʿal־hadavar hazeh׃
10 וַיִּקַּ֣ח הָ֠עֶבֶד עֲשָׂרָ֨ה גְמַלִּ֜ים מִגְּמַלֵּ֤י אֲדֹנָיו֙ וַיֵּ֔לֶךְ וְכָל־ט֥וּב אֲדֹנָ֖יו בְּיָדֹ֑ו וַיָּ֗קָם וַיֵּ֛לֶךְ אֶל־אֲרַ֥ם נַֽהֲרַ֖יִם אֶל־עִ֥יר נָחֹֽור׃ wayiqaḥ haʿeved ʿasarah gemaliym migemaley ʾadonayw wayelekhe wekhal־ṭuv ʾadonayw beyadow wayaqam wayelekhe ʾel־ʾaram naharayim ʾel־ʿiyr naḥowr׃
11 וַיַּבְרֵ֧ךְ הַגְּמַלִּ֛ים מִח֥וּץ לָעִ֖יר אֶל־בְּאֵ֣ר הַמָּ֑יִם לְעֵ֣ת עֶ֔רֶב לְעֵ֖ת צֵ֥את הַשֹּׁאֲבֹֽת׃ wayaverekhe hagemaliym miḥuts laʿiyr ʾel־beʾer hamayim leʿet ʿerev leʿet tseʾt hashoʾavot׃
12 וַיֹּאמַ֓ר ׀ יְהוָ֗ה אֱלֹהֵי֙ אֲדֹנִ֣י אַבְרָהָ֔ם הַקְרֵה־נָ֥א לְפָנַ֖י הַיֹּ֑ום וַעֲשֵׂה־חֶ֕סֶד עִ֖ם אֲדֹנִ֥י אַבְרָהָֽם׃ wayoʾmar ׀ yehwah ʾelohey ʾadoniy ʾaveraham haqereh־naʾ lefanay hayowm waʿaseh־ḥesed ʿim ʾadoniy ʾaveraham׃
13 הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וּבְנֹות֙ אַנְשֵׁ֣י הָעִ֔יר יֹצְאֹ֖ת לִשְׁאֹ֥ב מָֽיִם׃ hineh ʾanokhiy nitsav ʿal־ʿeyn hamayim uvenowt ʾaneshey haʿiyr yotseʾot lisheʾov mayim׃
14 וְהָיָ֣ה הַֽנַּעֲרָ֗ אֲשֶׁ֨ר אֹמַ֤ר אֵלֶ֙יהָ֙ הַטִּי־נָ֤א כַדֵּךְ֙ וְאֶשְׁתֶּ֔ה וְאָמְרָ֣ה שְׁתֵ֔ה וְגַם־גְּמַלֶּ֖יךָ אַשְׁקֶ֑ה אֹתָ֤הּ הֹכַ֙חְתָּ֙ לְעַבְדְּךָ֣ לְיִצְחָ֔ק וּבָ֣הּ אֵדַ֔ע כִּי־עָשִׂ֥יתָ חֶ֖סֶד עִם־אֲדֹנִֽי׃ wehayah hanaʿara ʾasher ʾomar ʾeleyha haṭiy־naʾ khadekhe weʾesheteh weʾamerah sheteh wegam־gemaleykha ʾasheqeh ʾotah hokhaḥeta leʿavedekha leyitseḥaq uvah ʾedaʿ kiy־ʿasiyta ḥesed ʿim־ʾadoniy׃
15 וַֽיְהִי־ה֗וּא טֶרֶם֮ כִּלָּ֣ה לְדַבֵּר֒ וְהִנֵּ֧ה רִבְקָ֣ה יֹצֵ֗את אֲשֶׁ֤ר יֻלְּדָה֙ לִבְתוּאֵ֣ל בֶּן־מִלְכָּ֔ה אֵ֥שֶׁת נָחֹ֖ור אֲחִ֣י אַבְרָהָ֑ם וְכַדָּ֖הּ עַל־שִׁכְמָֽהּ׃ wayehiy־huʾ ṭerem kilah ledaber wehineh riveqah yotseʾt ʾasher yuledah livetuʾel ben־milekah ʾeshet naḥowr ʾaḥiy ʾaveraham wekhadah ʿal־shikhemah׃
16 וְהַֽנַּעֲרָ֗ טֹבַ֤ת מַרְאֶה֙ מְאֹ֔ד בְּתוּלָ֕ה וְאִ֖ישׁ לֹ֣א יְדָעָ֑הּ וַתֵּ֣רֶד הָעַ֔יְנָה וַתְּמַלֵּ֥א כַדָּ֖הּ וַתָּֽעַל׃ wehanaʿara ṭovat mareʾeh meʾod betulah weʾiysh loʾ yedaʿah watered haʿayenah watemaleʾ khadah wataʿal׃
17 וַיָּ֥רָץ הָעֶ֖בֶד לִקְרָאתָ֑הּ וַיֹּ֕אמֶר הַגְמִיאִ֥ינִי נָ֛א מְעַט־מַ֖יִם מִכַּדֵּֽךְ׃ wayarats haʿeved liqeraʾtah wayoʾmer hagemiyʾiyniy naʾ meʿaṭ־mayim mikadekhe׃
18 וַתֹּ֖אמֶר שְׁתֵ֣ה אֲדֹנִ֑י וַתְּמַהֵ֗ר וַתֹּ֧רֶד כַּדָּ֛הּ עַל־יָדָ֖הּ וַתַּשְׁקֵֽהוּ׃ watoʾmer sheteh ʾadoniy watemaher watored kadah ʿal־yadah watasheqehu׃
19 וַתְּכַ֖ל לְהַשְׁקֹתֹ֑ו וַתֹּ֗אמֶר גַּ֤ם לִגְמַלֶּ֙יךָ֙ אֶשְׁאָ֔ב עַ֥ד אִם־כִּלּ֖וּ לִשְׁתֹּֽת׃ watekhal lehasheqotow watoʾmer gam ligemaleykha ʾesheʾav ʿad ʾim־kilu lishetot׃
20 וַתְּמַהֵ֗ר וַתְּעַ֤ר כַּדָּהּ֙ אֶל־הַשֹּׁ֔קֶת וַתָּ֥רָץ עֹ֛וד אֶֽל־הַבְּאֵ֖ר לִשְׁאֹ֑ב וַתִּשְׁאַ֖ב לְכָל־גְּמַלָּֽיו׃ watemaher wateʿar kadah ʾel־hashoqet watarats ʿowd ʾel־habeʾer lisheʾov watisheʾav lekhal־gemalayw׃
21 וְהָאִ֥ישׁ מִשְׁתָּאֵ֖ה לָ֑הּ מַחֲרִ֕ישׁ לָדַ֗עַת הַֽהִצְלִ֧יחַ יְהוָ֛ה דַּרְכֹּ֖ו אִם־לֹֽא׃ wehaʾiysh mishetaʾeh lah maḥariysh ladaʿat hahitseliyḥa yehwah darekow ʾim־loʾ׃
22 וַיְהִ֗י כַּאֲשֶׁ֨ר כִּלּ֤וּ הַגְּמַלִּים֙ לִשְׁתֹּ֔ות וַיִּקַּ֤ח הָאִישׁ֙ נֶ֣זֶם זָהָ֔ב בֶּ֖קַע מִשְׁקָלֹ֑ו וּשְׁנֵ֤י צְמִידִים֙ עַל־יָדֶ֔יהָ עֲשָׂרָ֥ה זָהָ֖ב מִשְׁקָלָֽם׃ wayehiy kaʾasher kilu hagemaliym lishetowt wayiqaḥ haʾiysh nezem zahav beqaʿ misheqalow usheney tsemiydiym ʿal־yadeyha ʿasarah zahav misheqalam׃
23 וַיֹּ֙אמֶר֙ בַּת־מִ֣י אַ֔תְּ הַגִּ֥ידִי נָ֖א לִ֑י הֲיֵ֧שׁ בֵּית־אָבִ֛יךְ מָקֹ֥ום לָ֖נוּ לָלִֽין׃ wayoʾmer bat־miy ʾate hagiydiy naʾ liy hayesh beyt־ʾaviykhe maqowm lanu laliyn׃
24 וַתֹּ֣אמֶר אֵלָ֔יו בַּת־בְּתוּאֵ֖ל אָנֹ֑כִי בֶּן־מִלְכָּ֕ה אֲשֶׁ֥ר יָלְדָ֖ה לְנָחֹֽור׃ watoʾmer ʾelayw bat־betuʾel ʾanokhiy ben־milekah ʾasher yaledah lenaḥowr׃
25 וַתֹּ֣אמֶר אֵלָ֔יו גַּם־תֶּ֥בֶן גַּם־מִסְפֹּ֖וא רַ֣ב עִמָּ֑נוּ גַּם־מָקֹ֖ום לָלֽוּן׃ watoʾmer ʾelayw gam־teven gam־misepowʾ rav ʿimanu gam־maqowm lalun׃
26 וַיִּקֹּ֣ד הָאִ֔ישׁ וַיִּשְׁתַּ֖חוּ לַֽיהוָֽה׃ wayiqod haʾiysh wayishetaḥu layhwah׃
27 וַיֹּ֗אמֶר בָּר֤וּךְ יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲ֠שֶׁר לֹֽא־עָזַ֥ב חַסְדֹּ֛ו וַאֲמִתֹּ֖ו מֵעִ֣ם אֲדֹנִ֑י אָנֹכִ֗י בַּדֶּ֙רֶךְ֙ נָחַ֣נִי יְהוָ֔ה בֵּ֖ית אֲחֵ֥י אֲדֹנִֽי׃ wayoʾmer barukhe yehwah ʾelohey ʾadoniy ʾaveraham ʾasher loʾ־ʿazav ḥasedow waʾamitow meʿim ʾadoniy ʾanokhiy baderekhe naḥaniy yehwah beyt ʾaḥey ʾadoniy׃
28 וַתָּ֙רָץ֙ הַֽנַּעֲרָ֔ וַתַּגֵּ֖ד לְבֵ֣ית אִמָּ֑הּ כַּדְּבָרִ֖ים הָאֵֽלֶּה׃ watarats hanaʿara wataged leveyt ʾimah kadevariym haʾeleh׃
29 וּלְרִבְקָ֥ה אָ֖ח וּשְׁמֹ֣ו לָבָ֑ן וַיָּ֨רָץ לָבָ֧ן אֶל־הָאִ֛ישׁ הַח֖וּצָה אֶל־הָעָֽיִן׃ uleriveqah ʾaḥ ushemow lavan wayarats lavan ʾel־haʾiysh haḥutsah ʾel־haʿayin׃
30 וַיְהִ֣י ׀ כִּרְאֹ֣ת אֶת־הַנֶּ֗זֶם וְֽאֶת־הַצְּמִדִים֮ עַל־יְדֵ֣י אֲחֹתֹו֒ וּכְשָׁמְעֹ֗ו אֶת־דִּבְרֵ֞י רִבְקָ֤ה אֲחֹתֹו֙ לֵאמֹ֔ר כֹּֽה־דִבֶּ֥ר אֵלַ֖י הָאִ֑ישׁ וַיָּבֹא֙ אֶל־הָאִ֔ישׁ וְהִנֵּ֛ה עֹמֵ֥ד עַל־הַגְּמַלִּ֖ים עַל־הָעָֽיִן׃ wayehiy ׀ kireʾot ʾet־hanezem weʾet־hatsemidiym ʿal־yedey ʾaḥotow ukheshameʿow ʾet־diverey riveqah ʾaḥotow leʾmor koh־diber ʾelay haʾiysh wayavoʾ ʾel־haʾiysh wehineh ʿomed ʿal־hagemaliym ʿal־haʿayin׃
31 וַיֹּ֕אמֶר בֹּ֖וא בְּר֣וּךְ יְהוָ֑ה לָ֤מָּה תַעֲמֹד֙ בַּח֔וּץ וְאָנֹכִי֙ פִּנִּ֣יתִי הַבַּ֔יִת וּמָקֹ֖ום לַגְּמַלִּֽים׃ wayoʾmer bowʾ berukhe yehwah lamah taʿamod baḥuts weʾanokhiy piniytiy habayit umaqowm lagemaliym׃
32 וַיָּבֹ֤א הָאִישׁ֙ הַבַּ֔יְתָה וַיְפַתַּ֖ח הַגְּמַלִּ֑ים וַיִּתֵּ֨ן תֶּ֤בֶן וּמִסְפֹּוא֙ לַגְּמַלִּ֔ים וּמַ֙יִם֙ לִרְחֹ֣ץ רַגְלָ֔יו וְרַגְלֵ֥י הָאֲנָשִׁ֖ים אֲשֶׁ֥ר אִתֹּֽו׃ wayavoʾ haʾiysh habayetah wayefataḥ hagemaliym wayiten teven umisepowʾ lagemaliym umayim lireḥots ragelayw werageley haʾanashiym ʾasher ʾitow׃
33 [וַיִּישֶׂם כ] (וַיּוּשַׂ֤ם ק) לְפָנָיו֙ לֶאֱכֹ֔ל וַיֹּ֙אמֶר֙ לֹ֣א אֹכַ֔ל עַ֥ד אִם־דִּבַּ֖רְתִּי דְּבָרָ֑י וַיֹּ֖אמֶר דַּבֵּֽר׃ [wayiysem kh] (wayusam q) lefanayw leʾekhol wayoʾmer loʾ ʾokhal ʿad ʾim־dibaretiy devaray wayoʾmer daber׃
34 וַיֹּאמַ֑ר עֶ֥בֶד אַבְרָהָ֖ם אָנֹֽכִי׃ wayoʾmar ʿeved ʾaveraham ʾanokhiy׃
35 וַיהוָ֞ה בֵּרַ֧ךְ אֶת־אֲדֹנִ֛י מְאֹ֖ד וַיִּגְדָּ֑ל וַיִּתֶּן־לֹ֞ו צֹ֤אן וּבָקָר֙ וְכֶ֣סֶף וְזָהָ֔ב וַעֲבָדִם֙ וּשְׁפָחֹ֔ת וּגְמַלִּ֖ים וַחֲמֹרִֽים׃ wayhwah berakhe ʾet־ʾadoniy meʾod wayigedal wayiten־low tsoʾn uvaqar wekhesef wezahav waʿavadim ushefaḥot ugemaliym waḥamoriym׃
36 וַתֵּ֡לֶד שָׂרָה֩ אֵ֨שֶׁת אֲדֹנִ֥י בֵן֙ לַֽאדֹנִ֔י אַחֲרֵ֖י זִקְנָתָ֑הּ וַיִּתֶּן־לֹּ֖ו אֶת־כָּל־אֲשֶׁר־לֹֽו׃ wateled sarah ʾeshet ʾadoniy ven laʾdoniy ʾaḥarey ziqenatah wayiten־low ʾet־kal־ʾasher־low׃
37 וַיַּשְׁבִּעֵ֥נִי אֲדֹנִ֖י לֵאמֹ֑ר לֹא־תִקַּ֤ח אִשָּׁה֙ לִבְנִ֔י מִבְּנֹות֙ הַֽכְּנַעֲנִ֔י אֲשֶׁ֥ר אָנֹכִ֖י יֹשֵׁ֥ב בְּאַרְצֹֽו׃ wayashebiʿeniy ʾadoniy leʾmor loʾ־tiqaḥ ʾishah liveniy mibenowt hakenaʿaniy ʾasher ʾanokhiy yoshev beʾaretsow׃
38 אִם־לֹ֧א אֶל־בֵּית־אָבִ֛י תֵּלֵ֖ךְ וְאֶל־מִשְׁפַּחְתִּ֑י וְלָקַחְתָּ֥ אִשָּׁ֖ה לִבְנִֽי׃ ʾim־loʾ ʾel־beyt־ʾaviy telekhe weʾel־mishepaḥetiy welaqaḥeta ʾishah liveniy׃
39 וָאֹמַ֖ר אֶל־אֲדֹנִ֑י אֻלַ֛י לֹא־תֵלֵ֥ךְ הָאִשָּׁ֖ה אַחֲרָֽי׃ waʾomar ʾel־ʾadoniy ʾulay loʾ־telekhe haʾishah ʾaḥaray׃
40 וַיֹּ֖אמֶר אֵלָ֑י יְהוָ֞ה אֲשֶׁר־הִתְהַלַּ֣כְתִּי לְפָנָ֗יו יִשְׁלַ֨ח מַלְאָכֹ֤ו אִתָּךְ֙ וְהִצְלִ֣יחַ דַּרְכֶּ֔ךָ וְלָקַחְתָּ֤ אִשָּׁה֙ לִבְנִ֔י מִמִּשְׁפַּחְתִּ֖י וּמִבֵּ֥ית אָבִֽי׃ wayoʾmer ʾelay yehwah ʾasher־hitehalakhetiy lefanayw yishelaḥ maleʾakhow ʾitakhe wehitseliyḥa darekekha welaqaḥeta ʾishah liveniy mimishepaḥetiy umibeyt ʾaviy׃
41 אָ֤ז תִּנָּקֶה֙ מֵאָ֣לָתִ֔י כִּ֥י תָבֹ֖וא אֶל־מִשְׁפַּחְתִּ֑י וְאִם־לֹ֤א יִתְּנוּ֙ לָ֔ךְ וְהָיִ֥יתָ נָקִ֖י מֵאָלָתִֽי׃ ʾaz tinaqeh meʾalatiy kiy tavowʾ ʾel־mishepaḥetiy weʾim־loʾ yitenu lakhe wehayiyta naqiy meʾalatiy׃
42 וָאָבֹ֥א הַיֹּ֖ום אֶל־הָעָ֑יִן וָאֹמַ֗ר יְהוָה֙ אֱלֹהֵי֙ אֲדֹנִ֣י אַבְרָהָ֔ם אִם־יֶשְׁךָ־נָּא֙ מַצְלִ֣יחַ דַּרְכִּ֔י אֲשֶׁ֥ר אָנֹכִ֖י הֹלֵ֥ךְ עָלֶֽיהָ׃ waʾavoʾ hayowm ʾel־haʿayin waʾomar yehwah ʾelohey ʾadoniy ʾaveraham ʾim־yeshekha־naʾ matseliyḥa darekiy ʾasher ʾanokhiy holekhe ʿaleyha׃
43 הִנֵּ֛ה אָנֹכִ֥י נִצָּ֖ב עַל־עֵ֣ין הַמָּ֑יִם וְהָיָ֤ה הָֽעַלְמָה֙ הַיֹּצֵ֣את לִשְׁאֹ֔ב וְאָמַרְתִּ֣י אֵלֶ֔יהָ הַשְׁקִֽינִי־נָ֥א מְעַט־מַ֖יִם מִכַּדֵּֽךְ׃ hineh ʾanokhiy nitsav ʿal־ʿeyn hamayim wehayah haʿalemah hayotseʾt lisheʾov weʾamaretiy ʾeleyha hasheqiyniy־naʾ meʿaṭ־mayim mikadekhe׃
44 וְאָמְרָ֤ה אֵלַי֙ גַּם־אַתָּ֣ה שְׁתֵ֔ה וְגַ֥ם לִגְמַלֶּ֖יךָ אֶשְׁאָ֑ב הִ֣וא הָֽאִשָּׁ֔ה אֲשֶׁר־הֹכִ֥יחַ יְהוָ֖ה לְבֶן־אֲדֹנִֽי׃ weʾamerah ʾelay gam־ʾatah sheteh wegam ligemaleykha ʾesheʾav hiwʾ haʾishah ʾasher־hokhiyḥa yehwah leven־ʾadoniy׃
45 אֲנִי֩ טֶ֨רֶם אֲכַלֶּ֜ה לְדַבֵּ֣ר אֶל־לִבִּ֗י וְהִנֵּ֨ה רִבְקָ֤ה יֹצֵאת֙ וְכַדָּ֣הּ עַל־שִׁכְמָ֔הּ וַתֵּ֥רֶד הָעַ֖יְנָה וַתִּשְׁאָ֑ב וָאֹמַ֥ר אֵלֶ֖יהָ הַשְׁקִ֥ינִי נָֽא׃ ʾaniy ṭerem ʾakhaleh ledaber ʾel־libiy wehineh riveqah yotseʾt wekhadah ʿal־shikhemah watered haʿayenah watisheʾav waʾomar ʾeleyha hasheqiyniy naʾ׃
46 וַתְּמַהֵ֗ר וַתֹּ֤ורֶד כַּדָּהּ֙ מֵֽעָלֶ֔יהָ וַתֹּ֣אמֶר שְׁתֵ֔ה וְגַם־גְּמַלֶּ֖יךָ אַשְׁקֶ֑ה וָאֵ֕שְׁתְּ וְגַ֥ם הַגְּמַלִּ֖ים הִשְׁקָֽתָה׃ watemaher watowred kadah meʿaleyha watoʾmer sheteh wegam־gemaleykha ʾasheqeh waʾeshete wegam hagemaliym hisheqatah׃
47 וָאֶשְׁאַ֣ל אֹתָ֗הּ וָאֹמַר֮ בַּת־מִ֣י אַתְּ֒ וַתֹּ֗אמֶר בַּת־בְּתוּאֵל֙ בֶּן־נָחֹ֔ור אֲשֶׁ֥ר יָֽלְדָה־לֹּ֖ו מִלְכָּ֑ה וָאָשִׂ֤ם הַנֶּ֙זֶם֙ עַל־אַפָּ֔הּ וְהַצְּמִידִ֖ים עַל־יָדֶֽיהָ׃ waʾesheʾal ʾotah waʾomar bat־miy ʾate watoʾmer bat־betuʾel ben־naḥowr ʾasher yaledah־low milekah waʾasim hanezem ʿal־ʾapah wehatsemiydiym ʿal־yadeyha׃
48 וָאֶקֹּ֥ד וָֽאֶשְׁתַּחֲוֶ֖ה לַיהוָ֑ה וָאֲבָרֵ֗ךְ אֶת־יְהוָה֙ אֱלֹהֵי֙ אֲדֹנִ֣י אַבְרָהָ֔ם אֲשֶׁ֤ר הִנְחַ֙נִי֙ בְּדֶ֣רֶךְ אֱמֶ֔ת לָקַ֛חַת אֶת־בַּת־אֲחִ֥י אֲדֹנִ֖י לִבְנֹֽו׃ waʾeqod waʾeshetaḥaweh layhwah waʾavarekhe ʾet־yehwah ʾelohey ʾadoniy ʾaveraham ʾasher hineḥaniy bederekhe ʾemet laqaḥat ʾet־bat־ʾaḥiy ʾadoniy livenow׃
49 וְ֠עַתָּה אִם־יֶשְׁכֶ֨ם עֹשִׂ֜ים חֶ֧סֶד וֶֽאֱמֶ֛ת אֶת־אֲדֹנִ֖י הַגִּ֣ידוּ לִ֑י וְאִם־לֹ֕א הַגִּ֣ידוּ לִ֔י וְאֶפְנֶ֥ה עַל־יָמִ֖ין אֹ֥ו עַל־שְׂמֹֽאל׃ weʿatah ʾim־yeshekhem ʿosiym ḥesed weʾemet ʾet־ʾadoniy hagiydu liy weʾim־loʾ hagiydu liy weʾefeneh ʿal־yamiyn ʾow ʿal־semoʾl׃
50 וַיַּ֨עַן לָבָ֤ן וּבְתוּאֵל֙ וַיֹּ֣אמְר֔וּ מֵיְהוָ֖ה יָצָ֣א הַדָּבָ֑ר לֹ֥א נוּכַ֛ל דַּבֵּ֥ר אֵלֶ֖יךָ רַ֥ע אֹו־טֹֽוב׃ wayaʿan lavan uvetuʾel wayoʾmeru meyehwah yatsaʾ hadavar loʾ nukhal daber ʾeleykha raʿ ʾow־ṭowv׃
51 הִנֵּֽה־רִבְקָ֥ה לְפָנֶ֖יךָ קַ֣ח וָלֵ֑ךְ וּתְהִ֤י אִשָּׁה֙ לְבֶן־אֲדֹנֶ֔יךָ כַּאֲשֶׁ֖ר דִּבֶּ֥ר יְהוָֽה׃ hineh־riveqah lefaneykha qaḥ walekhe utehiy ʾishah leven־ʾadoneykha kaʾasher diber yehwah׃
52 וַיְהִ֕י כַּאֲשֶׁ֥ר שָׁמַ֛ע עֶ֥בֶד אַבְרָהָ֖ם אֶת־דִּבְרֵיהֶ֑ם וַיִּשְׁתַּ֥חוּ אַ֖רְצָה לַֽיהוָֽה׃ wayehiy kaʾasher shamaʿ ʿeved ʾaveraham ʾet־divereyhem wayishetaḥu ʾaretsah layhwah׃
53 וַיֹּוצֵ֨א הָעֶ֜בֶד כְּלֵי־כֶ֨סֶף וּכְלֵ֤י זָהָב֙ וּבְגָדִ֔ים וַיִּתֵּ֖ן לְרִבְקָ֑ה וּמִ֨גְדָּנֹ֔ת נָתַ֥ן לְאָחִ֖יהָ וּלְאִמָּֽהּ׃ wayowtseʾ haʿeved keley־khesef ukheley zahav uvegadiym wayiten leriveqah umigedanot natan leʾaḥiyha uleʾimah׃
54 וַיֹּאכְל֣וּ וַיִּשְׁתּ֗וּ ה֛וּא וְהָאֲנָשִׁ֥ים אֲשֶׁר־עִמֹּ֖ו וַיָּלִ֑ינוּ וַיָּק֣וּמוּ בַבֹּ֔קֶר וַיֹּ֖אמֶר שַׁלְּחֻ֥נִי לַֽאדֹנִֽי׃ wayoʾkhelu wayishetu huʾ wehaʾanashiym ʾasher־ʿimow wayaliynu wayaqumu vaboqer wayoʾmer shaleḥuniy laʾdoniy׃
55 וַיֹּ֤אמֶר אָחִ֙יהָ֙ וְאִמָּ֔הּ תֵּשֵׁ֨ב הַנַּעֲרָ֥ אִתָּ֛נוּ יָמִ֖ים אֹ֣ו עָשֹׂ֑ור אַחַ֖ר תֵּלֵֽךְ׃ wayoʾmer ʾaḥiyha weʾimah teshev hanaʿara ʾitanu yamiym ʾow ʿasowr ʾaḥar telekhe׃
56 וַיֹּ֤אמֶר אֲלֵהֶם֙ אַל־תְּאַחֲר֣וּ אֹתִ֔י וַֽיהוָ֖ה הִצְלִ֣יחַ דַּרְכִּ֑י שַׁלְּח֕וּנִי וְאֵלְכָ֖ה לַֽאדֹנִֽי׃ wayoʾmer ʾalehem ʾal־teʾaḥaru ʾotiy wayhwah hitseliyḥa darekiy shaleḥuniy weʾelekhah laʾdoniy׃
57 וַיֹּאמְר֖וּ נִקְרָ֣א לַֽנַּעֲרָ֑ וְנִשְׁאֲלָ֖ה אֶת־פִּֽיהָ׃ wayoʾmeru niqeraʾ lanaʿara wenisheʾalah ʾet־piyha׃
58 וַיִּקְרְא֤וּ לְרִבְקָה֙ וַיֹּאמְר֣וּ אֵלֶ֔יהָ הֲתֵלְכִ֖י עִם־הָאִ֣ישׁ הַזֶּ֑ה וַתֹּ֖אמֶר אֵלֵֽךְ׃ wayiqereʾu leriveqah wayoʾmeru ʾeleyha hatelekhiy ʿim־haʾiysh hazeh watoʾmer ʾelekhe׃
59 וַֽיְשַׁלְּח֛וּ אֶת־רִבְקָ֥ה אֲחֹתָ֖ם וְאֶת־מֵנִקְתָּ֑הּ וְאֶת־עֶ֥בֶד אַבְרָהָ֖ם וְאֶת־אֲנָשָֽׁיו׃ wayeshaleḥu ʾet־riveqah ʾaḥotam weʾet־meniqetah weʾet־ʿeved ʾaveraham weʾet־ʾanashayw׃
60 וַיְבָרֲכ֤וּ אֶת־רִבְקָה֙ וַיֹּ֣אמְרוּ לָ֔הּ אֲחֹתֵ֕נוּ אַ֥תְּ הֲיִ֖י לְאַלְפֵ֣י רְבָבָ֑ה וְיִירַ֣שׁ זַרְעֵ֔ךְ אֵ֖ת שַׁ֥עַר שֹׂנְאָֽיו׃ wayevarakhu ʾet־riveqah wayoʾmeru lah ʾaḥotenu ʾate hayiy leʾalefey revavah weyiyrash zareʿekhe ʾet shaʿar soneʾayw׃
61 וַתָּ֨קָם רִבְקָ֜ה וְנַעֲרֹתֶ֗יהָ וַתִּרְכַּ֙בְנָה֙ עַל־הַגְּמַלִּ֔ים וַתֵּלַ֖כְנָה אַחֲרֵ֣י הָאִ֑ישׁ וַיִּקַּ֥ח הָעֶ֛בֶד אֶת־רִבְקָ֖ה וַיֵּלַֽךְ׃ wataqam riveqah wenaʿaroteyha watirekavenah ʿal־hagemaliym watelakhenah ʾaḥarey haʾiysh wayiqaḥ haʿeved ʾet־riveqah wayelakhe׃
62 וְיִצְחָק֙ בָּ֣א מִבֹּ֔וא בְּאֵ֥ר לַחַ֖י רֹאִ֑י וְה֥וּא יֹושֵׁ֖ב בְּאֶ֥רֶץ הַנֶּֽגֶב׃ weyitseḥaq baʾ mibowʾ beʾer laḥay roʾiy wehuʾ yowshev beʾerets hanegev׃
63 וַיֵּצֵ֥א יִצְחָ֛ק לָשׂ֥וּחַ בַּשָּׂדֶ֖ה לִפְנֹ֣ות עָ֑רֶב וַיִּשָּׂ֤א עֵינָיו֙ וַיַּ֔רְא וְהִנֵּ֥ה גְמַלִּ֖ים בָּאִֽים׃ wayetseʾ yitseḥaq lasuaḥ basadeh lifenowt ʿarev wayisaʾ ʿeynayw wayareʾ wehineh gemaliym baʾiym׃
64 וַתִּשָּׂ֤א רִבְקָה֙ אֶת־עֵינֶ֔יהָ וַתֵּ֖רֶא אֶת־יִצְחָ֑ק וַתִּפֹּ֖ל מֵעַ֥ל הַגָּמָֽל׃ watisaʾ riveqah ʾet־ʿeyneyha watereʾ ʾet־yitseḥaq watipol meʿal hagamal׃
65 וַתֹּ֣אמֶר אֶל־הָעֶ֗בֶד מִֽי־הָאִ֤ישׁ הַלָּזֶה֙ הַהֹלֵ֤ךְ בַּשָּׂדֶה֙ לִקְרָאתֵ֔נוּ וַיֹּ֥אמֶר הָעֶ֖בֶד ה֣וּא אֲדֹנִ֑י וַתִּקַּ֥ח הַצָּעִ֖יף וַתִּתְכָּֽס׃ watoʾmer ʾel־haʿeved miy־haʾiysh halazeh haholekhe basadeh liqeraʾtenu wayoʾmer haʿeved huʾ ʾadoniy watiqaḥ hatsaʿiyf watitekas׃
66 וַיְסַפֵּ֥ר הָעֶ֖בֶד לְיִצְחָ֑ק אֵ֥ת כָּל־הַדְּבָרִ֖ים אֲשֶׁ֥ר עָשָֽׂה׃ wayesaper haʿeved leyitseḥaq ʾet kal־hadevariym ʾasher ʿasah׃
67 וַיְבִאֶ֣הָ יִצְחָ֗ק הָאֹ֙הֱלָה֙ שָׂרָ֣ה אִמֹּ֔ו וַיִּקַּ֧ח אֶת־רִבְקָ֛ה וַתְּהִי־לֹ֥ו לְאִשָּׁ֖ה וַיֶּאֱהָבֶ֑הָ וַיִּנָּחֵ֥ם יִצְחָ֖ק אַחֲרֵ֥י אִמֹּֽו׃ פ wayeviʾeah yitseḥaq haʾohelah sarah ʾimow wayiqaḥ ʾet־riveqah watehiy־low leʾishah wayeʾehaveah wayinaḥem yitseḥaq ʾaḥarey ʾimow׃ f
