Ésaïe 55

¹ הֹ֤וי כָּל־צָמֵא֙ לְכ֣וּ לַמַּ֔יִם וַאֲשֶׁ֥ר אֵֽין־לֹ֖ו כָּ֑סֶף לְכ֤וּ שִׁבְרוּ֙ וֶֽאֱכֹ֔לוּ וּלְכ֣וּ שִׁבְר֗וּ בְּלֹוא־כֶ֛סֶף וּבְלֹ֥וא מְחִ֖יר יַ֥יִן וְחָלָֽב׃ howy kal־tsameʾ lekhu lamayim waʾasher ʾeyn־low kasef lekhu shiveru weʾekholu ulekhu shiveru belowʾ־khesef uvelowʾ meḥiyr yayin weḥalav׃

² לָ֤מָּה תִשְׁקְלוּ־כֶ֙סֶף֙ בְּֽלֹוא־לֶ֔חֶם וִיגִיעֲכֶ֖ם בְּלֹ֣וא לְשָׂבְעָ֑ה שִׁמְע֨וּ שָׁמֹ֤ועַ אֵלַי֙ וְאִכְלוּ־טֹ֔וב וְתִתְעַנַּ֥ג בַּדֶּ֖שֶׁן נַפְשְׁכֶֽם׃ lamah tisheqelu־khesef belowʾ־leḥem wiygiyʿakhem belowʾ lesaveʿah shimeʿu shamowʿa ʾelay weʾikhelu־ṭowv wetiteʿanag badeshen nafeshekhem׃

³ הַטּ֤וּ אָזְנְכֶם֙ וּלְכ֣וּ אֵלַ֔י שִׁמְע֖וּ וּתְחִ֣י נַפְשְׁכֶ֑ם וְאֶכְרְתָ֤ה לָכֶם֙ בְּרִ֣ית עֹולָ֔ם חַֽסְדֵ֥י דָוִ֖ד הַנֶּאֱמָנִֽים׃ haṭu ʾazenekhem ulekhu ʾelay shimeʿu uteḥiy nafeshekhem weʾekheretah lakhem beriyt ʿowlam ḥasedey dawid haneʾemaniym׃

⁴ הֵ֛ן עֵ֥ד לְאוּמִּ֖ים נְתַתִּ֑יו נָגִ֥יד וּמְצַוֵּ֖ה לְאֻמִּֽים׃ hen ʿed leʾumiym netatiyw nagiyd umetsaueh leʾumiym׃

⁵ הֵ֣ן גֹּ֤וי לֹֽא־תֵדַע֙ תִּקְרָ֔א וְגֹ֥וי לֹֽא־יְדָע֖וּךָ אֵלֶ֣יךָ יָר֑וּצוּ לְמַ֙עַן֙ יְהוָ֣ה אֱלֹהֶ֔יךָ וְלִקְדֹ֥ושׁ יִשְׂרָאֵ֖ל כִּ֥י פֵאֲרָֽךְ׃ ס hen gowy loʾ־tedaʿ tiqeraʾ wegowy loʾ־yedaʿukha ʾeleykha yarutsu lemaʿan yehwah ʾeloheykha weliqedowsh yiseraʾel kiy feʾarakhe׃ s

⁶ דִּרְשׁ֥וּ יְהוָ֖ה בְּהִמָּצְאֹ֑ו קְרָאֻ֖הוּ בִּֽהְיֹותֹ֥ו קָרֹֽוב׃ direshu yehwah behimatseʾow qeraʾuhu biheyowtow qarowv׃

⁷ יַעֲזֹ֤ב רָשָׁע֙ דַּרְכֹּ֔ו וְאִ֥ישׁ אָ֖וֶן מַחְשְׁבֹתָ֑יו וְיָשֹׁ֤ב אֶל־יְהוָה֙ וִֽירַחֲמֵ֔הוּ וְאֶל־אֱלֹהֵ֖ינוּ כִּֽי־יַרְבֶּ֥ה לִסְלֹֽוחַ׃ yaʿazov rashaʿ darekow weʾiysh ʾawen maḥeshevotayw weyashov ʾel־yehwah wiyraḥamehu weʾel־ʾeloheynu kiy־yarebeh liselowḥa׃

⁸ כִּ֣י לֹ֤א מַחְשְׁבֹותַי֙ מַחְשְׁבֹ֣ותֵיכֶ֔ם וְלֹ֥א דַרְכֵיכֶ֖ם דְּרָכָ֑י נְאֻ֖ם יְהוָֽה׃ kiy loʾ maḥeshevowtay maḥeshevowteykhem weloʾ darekheykhem derakhay neʾum yehwah׃

⁹ כִּֽי־גָבְה֥וּ שָׁמַ֖יִם מֵאָ֑רֶץ כֵּ֣ן גָּבְה֤וּ דְרָכַי֙ מִדַּרְכֵיכֶ֔ם וּמַחְשְׁבֹתַ֖י מִמַּחְשְׁבֹתֵיכֶֽם׃ kiy־gavehu shamayim meʾarets ken gavehu derakhay midarekheykhem umaḥeshevotay mimaḥeshevoteykhem׃

¹⁰ כִּ֡י כַּאֲשֶׁ֣ר יֵרֵד֩ הַגֶּ֨שֶׁם וְהַשֶּׁ֜לֶג מִן־הַשָּׁמַ֗יִם וְשָׁ֙מָּה֙ לֹ֣א יָשׁ֔וּב כִּ֚י אִם־הִרְוָ֣ה אֶת־הָאָ֔רֶץ וְהֹולִידָ֖הּ וְהִצְמִיחָ֑הּ וְנָ֤תַן זֶ֙רַע֙ לַזֹּרֵ֔עַ וְלֶ֖חֶם לָאֹכֵֽל׃ kiy kaʾasher yered hageshem wehasheleg min־hashamayim weshamah loʾ yashuv kiy ʾim־hirewah ʾet־haʾarets wehowliydah wehitsemiyḥah wenatan zeraʿ lazoreaʿ weleḥem laʾokhel׃

¹¹ כֵּ֣ן יִֽהְיֶ֤ה דְבָרִי֙ אֲשֶׁ֣ר יֵצֵ֣א מִפִּ֔י לֹֽא־יָשׁ֥וּב אֵלַ֖י רֵיקָ֑ם כִּ֤י אִם־עָשָׂה֙ אֶת־אֲשֶׁ֣ר חָפַ֔צְתִּי וְהִצְלִ֖יחַ אֲשֶׁ֥ר שְׁלַחְתִּֽיו׃ ken yiheyeh devariy ʾasher yetseʾ mipiy loʾ־yashuv ʾelay reyqam kiy ʾim־ʿasah ʾet־ʾasher ḥafatsetiy wehitseliyḥa ʾasher shelaḥetiyw׃

¹² כִּֽי־בְשִׂמְחָ֣ה תֵצֵ֔אוּ וּבְשָׁלֹ֖ום תּֽוּבָל֑וּן הֶהָרִ֣ים וְהַגְּבָעֹ֗ות יִפְצְח֤וּ לִפְנֵיכֶם֙ רִנָּ֔ה וְכָל־עֲצֵ֥י הַשָּׂדֶ֖ה יִמְחֲאוּ־כָֽף׃ kiy־vesimeḥah tetseʾu uveshalowm tuvalun hehariym wehagevaʿowt yifetseḥu lifeneykhem rinah wekhal־ʿatsey hasadeh yimeḥaʾu־khaf׃

¹³ תַּ֤חַת הַֽנַּעֲצוּץ֙ יַעֲלֶ֣ה בְרֹ֔ושׁ [תַחַת כ] (וְתַ֥חַת ק) הַסִּרְפַּ֖ד יַעֲלֶ֣ה הֲדַ֑ס וְהָיָ֤ה לַֽיהוָה֙ לְשֵׁ֔ם לְאֹ֥ות עֹולָ֖ם לֹ֥א יִכָּרֵֽת׃ ס taḥat hanaʿatsuts yaʿaleh verowsh [taḥat kh] (wetaḥat q) hasirepad yaʿaleh hadas wehayah layhwah leshem leʾowt ʿowlam loʾ yikaret׃ s