2 Chroniques 29

¹ יְחִזְקִיָּ֣הוּ מָלַ֗ךְ בֶּן־עֶשְׂרִ֤ים וְחָמֵשׁ֙ שָׁנָ֔ה וְעֶשְׂרִ֤ים וָתֵ֙שַׁע֙ שָׁנָ֔ה מָלַ֖ךְ בִּירוּשָׁלִָ֑ם וְשֵׁ֣ם אִמֹּ֔ו אֲבִיָּ֖ה בַּת־זְכַרְיָֽהוּ׃ yeḥizeqiyahu malakhe ben־ʿeseriym weḥamesh shanah weʿeseriym wateshaʿ shanah malakhe biyrushalim weshem ʾimow ʾaviyah bat־zekhareyahu׃

² וַיַּ֥עַשׂ הַיָּשָׁ֖ר בְּעֵינֵ֣י יְהוָ֑ה כְּכֹ֥ל אֲשֶׁר־עָשָׂ֖ה דָּוִ֥יד אָבִֽיו׃ wayaʿas hayashar beʿeyney yehwah kekhol ʾasher־ʿasah dawiyd ʾaviyw׃

³ ה֣וּא בַשָּׁנָה֩ הָרִאשֹׁונָ֨ה לְמָלְכֹ֜ו בַּחֹ֣דֶשׁ הָרִאשֹׁ֗ון פָּתַ֛ח אֶת־דַּלְתֹ֥ות בֵּית־יְהוָ֖ה וַֽיְחַזְּקֵֽם׃ huʾ vashanah hariʾshownah lemalekhow baḥodesh hariʾshown pataḥ ʾet־daletowt beyt־yehwah wayeḥazeqem׃

⁴ וַיָּבֵ֥א אֶת־הַכֹּהֲנִ֖ים וְאֶת־הַלְוִיִּ֑ם וַיַּֽאַסְפֵ֖ם לִרְחֹ֥וב הַמִּזְרָֽח׃ wayaveʾ ʾet־hakohaniym weʾet־halewiyim wayaʾasefem lireḥowv hamizeraḥ׃

⁵ וַיֹּ֥אמֶר לָהֶ֖ם שְׁמָע֣וּנִי הַלְוִיִּ֑ם עַתָּ֣ה הִֽתְקַדְּשׁ֗וּ וְקַדְּשׁוּ֙ אֶת־בֵּ֤ית יְהוָה֙ אֱלֹהֵ֣י אֲבֹתֵיכֶ֔ם וְהֹוצִ֥יאוּ אֶת־הַנִּדָּ֖ה מִן־הַקֹּֽדֶשׁ׃ wayoʾmer lahem shemaʿuniy halewiyim ʿatah hiteqadeshu weqadeshu ʾet־beyt yehwah ʾelohey ʾavoteykhem wehowtsiyʾu ʾet־hanidah min־haqodesh׃

⁶ כִּֽי־מָעֲל֣וּ אֲבֹתֵ֗ינוּ וְעָשׂ֥וּ הָרַ֛ע בְּעֵינֵ֥י יְהוָֽה־אֱלֹהֵ֖ינוּ וַיַּֽעַזְבֻ֑הוּ וַיַּסֵּ֧בּוּ פְנֵיהֶ֛ם מִמִּשְׁכַּ֥ן יְהוָ֖ה וַיִּתְּנוּ־עֹֽרֶף׃ kiy־maʿalu ʾavoteynu weʿasu haraʿ beʿeyney yehwah־ʾeloheynu wayaʿazevuhu wayasebu feneyhem mimishekan yehwah wayitenu־ʿoref׃

⁷ גַּ֣ם סָֽגְר֞וּ דַּלְתֹ֣ות הָאוּלָ֗ם וַיְכַבּוּ֙ אֶת־הַנֵּרֹ֔ות וּקְטֹ֖רֶת לֹ֣א הִקְטִ֑ירוּ וְעֹלָה֙ לֹא־הֶעֱל֣וּ בַקֹּ֔דֶשׁ לֵאלֹהֵ֖י יִשְׂרָאֵֽל׃ gam sageru daletowt haʾulam wayekhabu ʾet־hanerowt uqeṭoret loʾ hiqeṭiyru weʿolah loʾ־heʿelu vaqodesh leʾlohey yiseraʾel׃

⁸ וַיְהִי֙ קֶ֣צֶף יְהוָ֔ה עַל־יְהוּדָ֖ה וִירוּשָׁלִָ֑ם וַיִּתְּנֵ֤ם [לִזְוָעָה כ] (לְזַֽעֲוָה֙ ק) לְשַׁמָּ֣ה וְלִשְׁרֵקָ֔ה כַּאֲשֶׁ֛ר אַתֶּ֥ם רֹאִ֖ים בְּעֵינֵיכֶֽם׃ wayehiy qetsef yehwah ʿal־yehudah wiyrushalim wayitenem [lizewaʿah kh] (lezaʿawah q) leshamah welishereqah kaʾasher ʾatem roʾiym beʿeyneykhem׃

⁹ וְהִנֵּ֛ה נָפְל֥וּ אֲבֹותֵ֖ינוּ בֶּחָ֑רֶב וּבָנֵ֨ינוּ וּבְנֹותֵ֧ינוּ וְנָשֵׁ֛ינוּ בַּשְּׁבִ֖י עַל־זֹֽאת׃ wehineh nafelu ʾavowteynu beḥarev uvaneynu uvenowteynu wenasheynu basheviy ʿal־zoʾt׃

¹⁰ עַתָּה֙ עִם־לְבָבִ֔י לִכְרֹ֣ות בְּרִ֔ית לַיהוָ֖ה אֱלֹהֵ֣י יִשְׂרָאֵ֑ל וְיָשֹׁ֥ב מִמֶּ֖נּוּ חֲרֹ֥ון אַפֹּֽו׃ ʿatah ʿim־levaviy likherowt beriyt layhwah ʾelohey yiseraʾel weyashov mimenu ḥarown ʾapow׃

¹¹ בָּנַ֕י עַתָּ֖ה אַל־תִּשָּׁל֑וּ כִּֽי־בָכֶ֞ם בָּחַ֣ר יְהוָ֗ה לַעֲמֹ֤ד לְפָנָיו֙ לְשָׁ֣רְתֹ֔ו וְלִהְיֹ֥ות לֹ֖ו מְשָׁרְתִ֥ים וּמַקְטִרִֽים׃ ס banay ʿatah ʾal־tishalu kiy־vakhem baḥar yehwah laʿamod lefanayw lesharetow weliheyowt low mesharetiym umaqeṭiriym׃ s

¹² וַיָּקֻ֣מוּ הַ֠לְוִיִּם מַ֣חַת בֶּן־עֲמָשַׂ֞י וְיֹואֵ֣ל בֶּן־עֲזַרְיָהוּ֮ מִן־בְּנֵ֣י הַקְּהָתִי֒ וּמִן־בְּנֵ֣י מְרָרִ֔י קִ֚ישׁ בֶּן־עַבְדִּ֔י וַעֲזַרְיָ֖הוּ בֶּן־יְהַלֶּלְאֵ֑ל וּמִן־הַגֵּ֣רְשֻׁנִּ֔י יֹואָח֙ בֶּן־זִמָּ֔ה וְעֵ֖דֶן בֶּן־יֹואָֽח׃ wayaqumu halewiyim maḥat ben־ʿamasay weyowʾel ben־ʿazareyahu min־beney haqehatiy umin־beney merariy qiysh ben־ʿavediy waʿazareyahu ben־yehaleleʾel umin־hagereshuniy yowʾaḥ ben־zimah weʿeden ben־yowʾaḥ׃

¹³ וּמִן־בְּנֵי֙ אֱלִ֣יצָפָ֔ן שִׁמְרִ֖י [וִיעוּאֵל כ] (וִיעִיאֵ֑ל ק) וּמִן־בְּנֵ֣י אָסָ֔ף זְכַרְיָ֖הוּ וּמַתַּנְיָֽהוּ׃ ס umin־beney ʾeliytsafan shimeriy [wiyʿuʾel kh] (wiyʿiyʾel q) umin־beney ʾasaf zekhareyahu umataneyahu׃ s

¹⁴ וּמִן־בְּנֵ֥י הֵימָ֖ן [יְחוּאֵל כ] (יְחִיאֵ֣ל ק) וְשִׁמְעִ֑י ס וּמִן־בְּנֵ֣י יְדוּת֔וּן שְׁמַֽעְיָ֖ה וְעֻזִּיאֵֽל׃ umin־beney heyman [yeḥuʾel kh] (yeḥiyʾel q) weshimeʿiy s umin־beney yedutun shemaʿeyah weʿuziyʾel׃

¹⁵ וַיַּֽאַסְפ֤וּ אֶת־אֲחֵיהֶם֙ וַיִּֽתְקַדְּשׁ֔וּ וַיָּבֹ֥אוּ כְמִצְוַת־הַמֶּ֖לֶךְ בְּדִבְרֵ֣י יְהוָ֑ה לְטַהֵ֖ר בֵּ֥ית יְהוָֽה׃ wayaʾasefu ʾet־ʾaḥeyhem wayiteqadeshu wayavoʾu khemitsewat־hamelekhe bediverey yehwah leṭaher beyt yehwah׃

¹⁶ וַיָּבֹ֣אוּ הַ֠כֹּהֲנִים לִפְנִ֣ימָה בֵית־יְהוָה֮ לְטַהֵר֒ וַיֹּוצִ֗יאוּ אֵ֤ת כָּל־הַטֻּמְאָה֙ אֲשֶׁ֤ר מָֽצְאוּ֙ בְּהֵיכַ֣ל יְהוָ֔ה לַחֲצַ֖ר בֵּ֣ית יְהוָ֑ה וַֽיְקַבְּלוּ֙ הַלְוִיִּ֔ם לְהֹוצִ֥יא לְנַֽחַל־קִדְרֹ֖ון חֽוּצָה׃ wayavoʾu hakohaniym lifeniymah veyt־yehwah leṭaher wayowtsiyʾu ʾet kal־haṭumeʾah ʾasher matseʾu beheykhal yehwah laḥatsar beyt yehwah wayeqabelu halewiyim lehowtsiyʾ lenaḥal־qiderown ḥutsah׃

¹⁷ וַ֠יָּחֵלּוּ בְּאֶחָ֞ד לַחֹ֣דֶשׁ הָרִאשֹׁון֮ לְקַדֵּשׁ֒ וּבְיֹ֧ום שְׁמֹונָ֣ה לַחֹ֗דֶשׁ בָּ֚אוּ לְאוּלָ֣ם יְהוָ֔ה וַיְקַדְּשׁ֥וּ אֶת־בֵּית־יְהוָ֖ה לְיָמִ֣ים שְׁמֹונָ֑ה וּבְיֹ֨ום שִׁשָּׁ֥ה עָשָׂ֛ר לַחֹ֥דֶשׁ הָרִאשֹׁ֖ון כִּלּֽוּ׃ ס wayaḥelu beʾeḥad laḥodesh hariʾshown leqadesh uveyowm shemownah laḥodesh baʾu leʾulam yehwah wayeqadeshu ʾet־beyt־yehwah leyamiym shemownah uveyowm shishah ʿasar laḥodesh hariʾshown kilu׃ s

¹⁸ וַיָּבֹ֤ואוּ פְנִ֙ימָה֙ אֶל־חִזְקִיָּ֣הוּ הַמֶּ֔לֶךְ וַיֹּ֣אמְר֔וּ טִהַ֖רְנוּ אֶת־כָּל־בֵּ֣ית יְהוָ֑ה אֶת־מִזְבַּ֤ח הָעֹולָה֙ וְאֶת־כָּל־כֵּלָ֔יו וְאֶת־שֻׁלְחַ֥ן הַֽמַּעֲרֶ֖כֶת וְאֶת־כָּל־כֵּלָֽיו׃ wayavowʾu feniymah ʾel־ḥizeqiyahu hamelekhe wayoʾmeru ṭiharenu ʾet־kal־beyt yehwah ʾet־mizebaḥ haʿowlah weʾet־kal־kelayw weʾet־shuleḥan hamaʿarekhet weʾet־kal־kelayw׃

¹⁹ וְאֵ֣ת כָּל־הַכֵּלִ֗ים אֲשֶׁ֣ר הִזְנִיחַ֩ הַמֶּ֨לֶךְ אָחָ֧ז בְּמַלְכוּתֹ֛ו בְּמַעֲלֹ֖ו הֵכַ֣נּוּ וְהִקְדָּ֑שְׁנוּ וְהִנָּ֕ם לִפְנֵ֖י מִזְבַּ֥ח יְהוָֽה׃ ס weʾet kal־hakeliym ʾasher hizeniyḥa hamelekhe ʾaḥaz bemalekhutow bemaʿalow hekhanu wehiqedashenu wehinam lifeney mizebaḥ yehwah׃ s

²⁰ וַיַּשְׁכֵּם֙ יְחִזְקִיָּ֣הוּ הַמֶּ֔לֶךְ וַיֶּאֱסֹ֕ף אֵ֖ת שָׂרֵ֣י הָעִ֑יר וַיַּ֖עַל בֵּ֥ית יְהוָֽה׃ wayashekem yeḥizeqiyahu hamelekhe wayeʾesof ʾet sarey haʿiyr wayaʿal beyt yehwah׃

²¹ וַיָּבִ֣יאוּ פָרִים־שִׁבְעָה֩ וְאֵילִ֨ים שִׁבְעָ֜ה וּכְבָשִׂ֣ים שִׁבְעָ֗ה וּצְפִירֵ֨י עִזִּ֤ים שִׁבְעָה֙ לְחַטָּ֔את עַל־הַמַּמְלָכָ֥ה וְעַל־הַמִּקְדָּ֖שׁ וְעַל־יְהוּדָ֑ה וַיֹּ֗אמֶר לִבְנֵ֤י אַהֲרֹן֙ הַכֹּ֣הֲנִ֔ים לְהַעֲלֹ֖ות עַל־מִזְבַּ֥ח יְהוָֽה׃ wayaviyʾu fariym־shiveʿah weʾeyliym shiveʿah ukhevasiym shiveʿah utsefiyrey ʿiziym shiveʿah leḥaṭaʾt ʿal־hamamelakhah weʿal־hamiqedash weʿal־yehudah wayoʾmer liveney ʾaharon hakohaniym lehaʿalowt ʿal־mizebaḥ yehwah׃

²² וַֽיִּשְׁחֲטוּ֙ הַבָּקָ֔ר וַיְקַבְּל֤וּ הַכֹּֽהֲנִים֙ אֶת־הַדָּ֔ם וַֽיִּזְרְק֖וּ הַמִּזְבֵּ֑חָה וַיִּשְׁחֲט֣וּ הָאֵלִ֗ים וַיִּזְרְק֤וּ הַדָּם֙ הַמִּזְבֵּ֔חָה וַֽיִּשְׁחֲטוּ֙ הַכְּבָשִׂ֔ים וַיִּזְרְק֥וּ הַדָּ֖ם הַמִּזְבֵּֽחָה׃ wayisheḥaṭu habaqar wayeqabelu hakohaniym ʾet־hadam wayizerequ hamizebeḥah wayisheḥaṭu haʾeliym wayizerequ hadam hamizebeḥah wayisheḥaṭu hakevasiym wayizerequ hadam hamizebeḥah׃

²³ וַיַּגִּ֙ישׁוּ֙ אֶת־שְׂעִירֵ֣י הַֽחַטָּ֔את לִפְנֵ֥י הַמֶּ֖לֶךְ וְהַקָּהָ֑ל וַיִּסְמְכ֥וּ יְדֵיהֶ֖ם עֲלֵיהֶֽם׃ wayagiyshu ʾet־seʿiyrey haḥaṭaʾt lifeney hamelekhe wehaqahal wayisemekhu yedeyhem ʿaleyhem׃

²⁴ וַיִּשְׁחָטוּם֙ הַכֹּ֣הֲנִ֔ים וַֽיְחַטְּא֤וּ אֶת־דָּמָם֙ הַמִּזְבֵּ֔חָה לְכַפֵּ֖ר עַל־כָּל־יִשְׂרָאֵ֑ל כִּ֤י לְכָל־יִשְׂרָאֵל֙ אָמַ֣ר הַמֶּ֔לֶךְ הָעֹולָ֖ה וְהַחַטָּֽאת׃ wayisheḥaṭum hakohaniym wayeḥaṭeʾu ʾet־damam hamizebeḥah lekhaper ʿal־kal־yiseraʾel kiy lekhal־yiseraʾel ʾamar hamelekhe haʿowlah wehaḥaṭaʾt׃

²⁵ וַיַּֽעֲמֵ֨ד אֶת־הַלְוִיִּ֜ם בֵּ֣ית יְהוָ֗ה בִּמְצִלְתַּ֙יִם֙ בִּנְבָלִ֣ים וּבְכִנֹּרֹ֔ות בְּמִצְוַ֥ת דָּוִ֛יד וְגָ֥ד חֹזֵֽה־הַמֶּ֖לֶךְ וְנָתָ֣ן הַנָּבִ֑יא כִּ֧י בְיַד־יְהוָ֛ה הַמִּצְוָ֖ה בְּיַד־נְבִיאָֽיו׃ ס wayaʿamed ʾet־halewiyim beyt yehwah bimetsiletayim binevaliym uvekhinorowt bemitsewat dawiyd wegad ḥozeh־hamelekhe wenatan hanaviyʾ kiy veyad־yehwah hamitsewah beyad־neviyʾayw׃ s

²⁶ וַיַּֽעַמְד֤וּ הַלְוִיִּם֙ בִּכְלֵ֣י דָוִ֔יד וְהַכֹּהֲנִ֖ים בַּחֲצֹצְרֹֽות׃ ס wayaʿamedu halewiyim bikheley dawiyd wehakohaniym baḥatsotserowt׃ s

²⁷ וַיֹּ֙אמֶר֙ חִזְקִיָּ֔הוּ לְהַעֲלֹ֥ות הָעֹלָ֖ה לְהַמִּזְבֵּ֑חַ וּבְעֵ֞ת הֵחֵ֣ל הָֽעֹולָ֗ה הֵחֵ֤ל שִׁיר־יְהוָה֙ וְהַחֲצֹ֣צְרֹ֔ות וְעַ֨ל־יְדֵ֔י כְּלֵ֖י דָּוִ֥יד מֶֽלֶךְ־יִשְׂרָאֵֽל׃ wayoʾmer ḥizeqiyahu lehaʿalowt haʿolah lehamizebeaḥ uveʿet heḥel haʿowlah heḥel shiyr־yehwah wehaḥatsotserowt weʿal־yedey keley dawiyd melekhe־yiseraʾel׃

²⁸ וְכָל־הַקָּהָל֙ מִֽשְׁתַּחֲוִ֔ים וְהַשִּׁ֣יר מְשֹׁורֵ֔ר וְהַחֲצֹצְרֹ֖ות [מַחֲצֹצְרִים כ] (מַחְצְרִ֑ים ק) הַכֹּ֕ל עַ֖ד לִכְלֹ֥ות הָעֹלָֽה׃ wekhal־haqahal mishetaḥawiym wehashiyr meshowrer wehaḥatsotserowt [maḥatsotseriym kh] (maḥetseriym q) hakol ʿad likhelowt haʿolah׃

²⁹ וּכְכַלֹּ֖ות לְהַעֲלֹ֑ות כָּרְע֗וּ הַמֶּ֛לֶךְ וְכָֽל־הַנִּמְצְאִ֥ים אִתֹּ֖ו וַיִּֽשְׁתַּחֲוֽוּ׃ ukhekhalowt lehaʿalowt kareʿu hamelekhe wekhal־hanimetseʾiym ʾitow wayishetaḥawu׃

³⁰ וַ֠יֹּאמֶר יְחִזְקִיָּ֨הוּ הַמֶּ֤לֶךְ וְהַשָּׂרִים֙ לַלְוִיִּ֔ם לְהַלֵּל֙ לַֽיהוָ֔ה בְּדִבְרֵ֥י דָוִ֖יד וְאָסָ֣ף הַחֹזֶ֑ה וַֽיְהַלְלוּ֙ עַד־לְשִׂמְחָ֔ה וַֽיִּקְּד֖וּ וַיִּֽשְׁתַּחֲוֽוּ׃ פ wayoʾmer yeḥizeqiyahu hamelekhe wehasariym lalewiyim lehalel layhwah bediverey dawiyd weʾasaf haḥozeh wayehalelu ʿad־lesimeḥah wayiqedu wayishetaḥawu׃ f

³¹ וַיַּ֨עַן יְחִזְקִיָּ֜הוּ וַיֹּ֗אמֶר עַתָּ֨ה מִלֵּאתֶ֤ם יֶדְכֶם֙ לַיהוָ֔ה גֹּ֧שׁוּ וְהָבִ֛יאוּ זְבָחִ֥ים וְתֹודֹ֖ות לְבֵ֣ית יְהוָ֑ה וַיָּבִ֤יאוּ הַקָּהָל֙ זְבָחִ֣ים וְתֹודֹ֔ות וְכָל־נְדִ֥יב לֵ֖ב עֹלֹֽות׃ wayaʿan yeḥizeqiyahu wayoʾmer ʿatah mileʾtem yedekhem layhwah goshu wehaviyʾu zevaḥiym wetowdowt leveyt yehwah wayaviyʾu haqahal zevaḥiym wetowdowt wekhal־nediyv lev ʿolowt׃

³² וַיְהִ֞י מִסְפַּ֣ר הָעֹלָה֮ אֲשֶׁ֣ר הֵבִ֣יאוּ הַקָּהָל֒ בָּקָ֣ר שִׁבְעִ֔ים אֵילִ֥ים מֵאָ֖ה כְּבָשִׂ֣ים מָאתָ֑יִם לְעֹלָ֥ה לַיהוָ֖ה כָּל־אֵֽלֶּה׃ wayehiy misepar haʿolah ʾasher heviyʾu haqahal baqar shiveʿiym ʾeyliym meʾah kevasiym maʾtayim leʿolah layhwah kal־ʾeleh׃

³³ וְֽהַקֳּדָשִׁ֑ים בָּקָר֙ שֵׁ֣שׁ מֵאֹ֔ות וְצֹ֖אן שְׁלֹ֥שֶׁת אֲלָפִֽים׃ wehaqodashiym baqar shesh meʾowt wetsoʾn sheloshet ʾalafiym׃

³⁴ רַ֤ק הַכֹּֽהֲנִים֙ הָי֣וּ לִמְעָ֔ט וְלֹ֣א יָֽכְל֔וּ לְהַפְשִׁ֖יט אֶת־כָּל־הָעֹלֹ֑ות וַֽיְּחַזְּק֞וּם אֲחֵיהֶ֣ם הַלְוִיִּ֗ם עַד־כְּלֹ֤ות הַמְּלָאכָה֙ וְעַ֣ד יִתְקַדְּשׁ֣וּ הַכֹּֽהֲנִ֔ים כִּ֤י הַלְוִיִּם֙ יִשְׁרֵ֣י לֵבָ֔ב לְהִתְקַדֵּ֖שׁ מֵֽהַכֹּהֲנִֽים׃ raq hakohaniym hayu limeʿaṭ weloʾ yakhelu lehafeshiyṭ ʾet־kal־haʿolowt wayeḥazequm ʾaḥeyhem halewiyim ʿad־kelowt hamelaʾkhah weʿad yiteqadeshu hakohaniym kiy halewiyim yisherey levav lehiteqadesh mehakohaniym׃

³⁵ וְגַם־עֹלָ֨ה לָרֹ֜ב בְּחֶלְבֵ֧י הַשְּׁלָמִ֛ים וּבַנְּסָכִ֖ים לָעֹלָ֑ה וַתִּכֹּ֖ון עֲבֹודַ֥ת בֵּית־יְהוָֽה׃ wegam־ʿolah larov beḥelevey hashelamiym uvanesakhiym laʿolah watikown ʿavowdat beyt־yehwah׃

³⁶ וַיִּשְׂמַ֤ח יְחִזְקִיָּ֙הוּ֙ וְכָל־הָעָ֔ם עַ֛ל הַהֵכִ֥ין הָאֱלֹהִ֖ים לָעָ֑ם כִּ֥י בְּפִתְאֹ֖ם הָיָ֥ה הַדָּבָֽר׃ פ wayisemaḥ yeḥizeqiyahu wekhal־haʿam ʿal hahekhiyn haʾelohiym laʿam kiy befiteʾom hayah hadavar׃ f