2 Rois 25

¹ וַיְהִי֩ בִשְׁנַ֨ת הַתְּשִׁיעִ֜ית לְמָלְכֹ֗ו בַּחֹ֣דֶשׁ הָעֲשִׂירִי֮ בֶּעָשֹׂ֣ור לַחֹדֶשׁ֒ בָּ֠א נְבֻכַדְנֶאצַּ֨ר מֶֽלֶךְ־בָּבֶ֜ל ה֧וּא וְכָל־חֵילֹ֛ו עַל־יְרוּשָׁלִַ֖ם וַיִּ֣חַן עָלֶ֑יהָ וַיִּבְנ֥וּ עָלֶ֖יהָ דָּיֵ֥ק סָבִֽיב׃ wayehiy vishenat hateshiyʿiyt lemalekhow baḥodesh haʿasiyriy beʿasowr laḥodesh baʾ nevukhadeneʾtsar melekhe־bavel huʾ wekhal־ḥeylow ʿal־yerushalim wayiḥan ʿaleyha wayivenu ʿaleyha dayeq saviyv׃

² וַתָּבֹ֥א הָעִ֖יר בַּמָּצֹ֑ור עַ֚ד עַשְׁתֵּ֣י עֶשְׂרֵ֣ה שָׁנָ֔ה לַמֶּ֖לֶךְ צִדְקִיָּֽהוּ׃ watavoʾ haʿiyr bamatsowr ʿad ʿashetey ʿesereh shanah lamelekhe tsideqiyahu׃

³ בְּתִשְׁעָ֣ה לַחֹ֔דֶשׁ וַיֶּחֱזַ֥ק הָרָעָ֖ב בָּעִ֑יר וְלֹא־הָ֥יָה לֶ֖חֶם לְעַ֥ם הָאָֽרֶץ׃ betisheʿah laḥodesh wayeḥezaq haraʿav baʿiyr weloʾ־hayah leḥem leʿam haʾarets׃

⁴ וַתִּבָּקַ֣ע הָעִ֗יר וְכָל־אַנְשֵׁ֨י הַמִּלְחָמָ֤ה ׀ הַלַּ֙יְלָה֙ דֶּ֜רֶךְ שַׁ֣עַר ׀ בֵּ֣ין הַחֹמֹתַ֗יִם אֲשֶׁר֙ עַל־גַּ֣ן הַמֶּ֔לֶךְ וְכַשְׂדִּ֥ים עַל־הָעִ֖יר סָבִ֑יב וַיֵּ֖לֶךְ דֶּ֥רֶךְ הָעֲרָבָֽה׃ watibaqaʿ haʿiyr wekhal־ʾaneshey hamileḥamah ׀ halayelah derekhe shaʿar ׀ beyn haḥomotayim ʾasher ʿal־gan hamelekhe wekhasediym ʿal־haʿiyr saviyv wayelekhe derekhe haʿaravah׃

⁵ וַיִּרְדְּפ֤וּ חֵיל־כַּשְׂדִּים֙ אַחַ֣ר הַמֶּ֔לֶךְ וַיַּשִּׂ֥גוּ אֹתֹ֖ו בְּעַרְבֹ֣ות יְרֵחֹ֑ו וְכָל־חֵילֹ֔ו נָפֹ֖צוּ מֵעָלָֽיו׃ wayiredefu ḥeyl־kasediym ʾaḥar hamelekhe wayasigu ʾotow beʿarevowt yereḥow wekhal־ḥeylow nafotsu meʿalayw׃

⁶ וַֽיִּתְפְּשׂוּ֙ אֶת־הַמֶּ֔לֶךְ וַיַּעֲל֥וּ אֹתֹ֛ו אֶל־מֶ֥לֶךְ בָּבֶ֖ל רִבְלָ֑תָה וַיְדַבְּר֥וּ אִתֹּ֖ו מִשְׁפָּֽט׃ wayitepesu ʾet־hamelekhe wayaʿalu ʾotow ʾel־melekhe bavel rivelatah wayedaberu ʾitow mishepaṭ׃

⁷ וְאֶת־בְּנֵי֙ צִדְקִיָּ֔הוּ שָׁחֲט֖וּ לְעֵינָ֑יו וְאֶת־עֵינֵ֤י צִדְקִיָּ֙הוּ֙ עִוֵּ֔ר וַיַּאַסְרֵ֙הוּ֙ בַֽנְחֻשְׁתַּ֔יִם וַיְבִאֵ֖הוּ בָּבֶֽל׃ ס weʾet־beney tsideqiyahu shaḥaṭu leʿeynayw weʾet־ʿeyney tsideqiyahu ʿiuer wayaʾaserehu vaneḥushetayim wayeviʾehu bavel׃ s

⁸ וּבַחֹ֤דֶשׁ הַֽחֲמִישִׁי֙ בְּשִׁבְעָ֣ה לַחֹ֔דֶשׁ הִ֗יא שְׁנַת֙ תְּשַֽׁע־עֶשְׂרֵ֣ה שָׁנָ֔ה לַמֶּ֖לֶךְ נְבֻכַדְנֶאצַּ֣ר מֶֽלֶךְ־בָּבֶ֑ל בָּ֞א נְבוּזַרְאֲדָ֧ן רַב־טַבָּחִ֛ים עֶ֥בֶד מֶֽלֶךְ־בָּבֶ֖ל יְרוּשָׁלִָֽם׃ uvaḥodesh haḥamiyshiy beshiveʿah laḥodesh hiyʾ shenat teshaʿ־ʿesereh shanah lamelekhe nevukhadeneʾtsar melekhe־bavel baʾ nevuzareʾadan rav־ṭabaḥiym ʿeved melekhe־bavel yerushalim׃

⁹ וַיִּשְׂרֹ֥ף אֶת־בֵּית־יְהוָ֖ה וְאֶת־בֵּ֣ית הַמֶּ֑לֶךְ וְאֵ֨ת כָּל־בָּתֵּ֧י יְרוּשָׁלִַ֛ם וְאֶת־כָּל־בֵּ֥ית גָּדֹ֖ול שָׂרַ֥ף בָּאֵֽשׁ׃ wayiserof ʾet־beyt־yehwah weʾet־beyt hamelekhe weʾet kal־batey yerushalim weʾet־kal־beyt gadowl saraf baʾesh׃

¹⁰ וְאֶת־חֹומֹ֥ת יְרוּשָׁלִַ֖ם סָבִ֑יב נָֽתְצוּ֙ כָּל־חֵ֣יל כַּשְׂדִּ֔ים אֲשֶׁ֖ר רַב־טַבָּחִֽים׃ weʾet־ḥowmot yerushalim saviyv natetsu kal־ḥeyl kasediym ʾasher rav־ṭabaḥiym׃

¹¹ וְאֵת֩ יֶ֨תֶר הָעָ֜ם הַנִּשְׁאָרִ֣ים בָּעִ֗יר וְאֶת־הַנֹּֽפְלִים֙ אֲשֶׁ֤ר נָפְלוּ֙ עַל־הַמֶּ֣לֶךְ בָּבֶ֔ל וְאֵ֖ת יֶ֣תֶר הֶהָמֹ֑ון הֶגְלָ֕ה נְבוּזַרְאֲדָ֖ן רַב־טַבָּחִֽים׃ weʾet yeter haʿam hanisheʾariym baʿiyr weʾet־hanofeliym ʾasher nafelu ʿal־hamelekhe bavel weʾet yeter hehamown hegelah nevuzareʾadan rav־ṭabaḥiym׃

¹² וּמִדַּלַּ֣ת הָאָ֔רֶץ הִשְׁאִ֖יר רַב־טַבָּחִ֑ים לְכֹֽרְמִ֖ים וּלְיֹגְבִֽים׃ umidalat haʾarets hisheʾiyr rav־ṭabaḥiym lekhoremiym uleyogeviym׃

¹³ וְאֶת־עַמּוּדֵ֨י הַנְּחֹ֜שֶׁת אֲשֶׁ֣ר בֵּית־יְהוָ֗ה וְֽאֶת־הַמְּכֹנֹ֞ות וְאֶת־יָ֧ם הַנְּחֹ֛שֶׁת אֲשֶׁ֥ר בְּבֵית־יְהוָ֖ה שִׁבְּר֣וּ כַשְׂדִּ֑ים וַיִּשְׂא֥וּ אֶת־נְחֻשְׁתָּ֖ם בָּבֶֽלָה׃ weʾet־ʿamudey haneḥoshet ʾasher beyt־yehwah weʾet־hamekhonowt weʾet־yam haneḥoshet ʾasher beveyt־yehwah shiberu khasediym wayiseʾu ʾet־neḥushetam bavelah׃

¹⁴ וְאֶת־הַסִּירֹ֨ת וְאֶת־הַיָּעִ֜ים וְאֶת־הַֽמְזַמְּרֹ֣ות וְאֶת־הַכַּפֹּ֗ות וְאֵ֨ת כָּל־כְּלֵ֧י הַנְּחֹ֛שֶׁת אֲשֶׁ֥ר יְשָֽׁרְתוּ־בָ֖ם לָקָֽחוּ׃ weʾet־hasiyrot weʾet־hayaʿiym weʾet־hamezamerowt weʾet־hakapowt weʾet kal־keley haneḥoshet ʾasher yesharetu־vam laqaḥu׃

¹⁵ וְאֶת־הַמַּחְתֹּות֙ וְאֶת־הַמִּזְרָקֹ֗ות אֲשֶׁ֤ר זָהָב֙ זָהָ֔ב וַאֲשֶׁר־כֶּ֖סֶף כָּ֑סֶף לָקַ֖ח רַב־טַבָּחִֽים׃ weʾet־hamaḥetowt weʾet־hamizeraqowt ʾasher zahav zahav waʾasher־kesef kasef laqaḥ rav־ṭabaḥiym׃

¹⁶ הָעַמּוּדִ֣ים ׀ שְׁנַ֗יִם הַיָּ֤ם הָֽאֶחָד֙ וְהַמְּכֹנֹ֔ות אֲשֶׁר־עָשָׂ֥ה שְׁלֹמֹ֖ה לְבֵ֣ית יְהוָ֑ה לֹא־הָיָ֣ה מִשְׁקָ֔ל לִנְחֹ֖שֶׁת כָּל־הַכֵּלִ֥ים הָאֵֽלֶּה׃ haʿamudiym ׀ shenayim hayam haʾeḥad wehamekhonowt ʾasher־ʿasah shelomoh leveyt yehwah loʾ־hayah misheqal lineḥoshet kal־hakeliym haʾeleh׃

¹⁷ שְׁמֹנֶה֩ עֶשְׂרֵ֨ה אַמָּ֜ה קֹומַ֣ת ׀ הָעַמּ֣וּד הָאֶחָ֗ד וְכֹתֶ֨רֶת עָלָ֥יו ׀ נְחֹשֶׁת֮ וְקֹומַ֣ת הַכֹּתֶרֶת֮ שָׁלֹ֣שׁ [אַמָּה כ] (אַמֹּות֒ ק) וּשְׂבָכָ֨ה וְרִמֹּנִ֧ים עַֽל־הַכֹּתֶ֛רֶת סָבִ֖יב הַכֹּ֣ל נְחֹ֑שֶׁת וְכָאֵ֛לֶּה לַֽעַמּ֥וּד הַשֵּׁנִ֖י עַל־הַשְּׂבָכָֽה׃ shemoneh ʿesereh ʾamah qowmat ׀ haʿamud haʾeḥad wekhoteret ʿalayw ׀ neḥoshet weqowmat hakoteret shalosh [ʾamah kh] (ʾamowt q) usevakhah werimoniym ʿal־hakoteret saviyv hakol neḥoshet wekhaʾeleh laʿamud hasheniy ʿal־hasevakhah׃

¹⁸ וַיִּקַּ֣ח רַב־טַבָּחִ֗ים אֶת־שְׂרָיָה֙ כֹּהֵ֣ן הָרֹ֔אשׁ וְאֶת־צְפַנְיָ֖הוּ כֹּהֵ֣ן מִשְׁנֶ֑ה וְאֶת־שְׁלֹ֖שֶׁת שֹׁמְרֵ֥י הַסַּֽף׃ wayiqaḥ rav־ṭabaḥiym ʾet־serayah kohen haroʾsh weʾet־tsefaneyahu kohen misheneh weʾet־sheloshet shomerey hasaf׃

¹⁹ וּמִן־הָעִ֡יר לָקַח֩ סָרִ֨יס אֶחָ֜ד אֲ‍ֽשֶׁר־ה֥וּא פָקִ֣יד ׀ עַל־אַנְשֵׁ֣י הַמִּלְחָמָ֗ה וַחֲמִשָּׁ֨ה אֲנָשִׁ֜ים מֵרֹאֵ֤י פְנֵֽי־הַמֶּ֙לֶךְ֙ אֲשֶׁ֣ר נִמְצְא֣וּ בָעִ֔יר וְאֵ֗ת הַסֹּפֵר֙ שַׂ֣ר הַצָּבָ֔א הַמַּצְבִּ֖א אֶת־עַ֣ם הָאָ֑רֶץ וְשִׁשִּׁ֥ים אִישׁ֙ מֵעַ֣ם הָאָ֔רֶץ הַֽנִּמְצְאִ֖ים בָּעִֽיר׃ umin־haʿiyr laqaḥ sariys ʾeḥad א‍sher־huʾ faqiyd ׀ ʿal־ʾaneshey hamileḥamah waḥamishah ʾanashiym meroʾey feney־hamelekhe ʾasher nimetseʾu vaʿiyr weʾet hasofer sar hatsavaʾ hamatsebiʾ ʾet־ʿam haʾarets weshishiym ʾiysh meʿam haʾarets hanimetseʾiym baʿiyr׃

²⁰ וַיִּקַּ֣ח אֹתָ֔ם נְבוּזַרְאֲדָ֖ן רַב־טַבָּחִ֑ים וַיֹּ֧לֶךְ אֹתָ֛ם עַל־מֶ֥לֶךְ בָּבֶ֖ל רִבְלָֽתָה׃ wayiqaḥ ʾotam nevuzareʾadan rav־ṭabaḥiym wayolekhe ʾotam ʿal־melekhe bavel rivelatah׃

²¹ וַיַּ֣ךְ אֹתָם֩ מֶ֨לֶךְ בָּבֶ֧ל וַיְמִיתֵ֛ם בְּרִבְלָ֖ה בְּאֶ֣רֶץ חֲמָ֑ת וַיִּ֥גֶל יְהוּדָ֖ה מֵעַ֥ל אַדְמָתֹֽו׃ wayakhe ʾotam melekhe bavel wayemiytem berivelah beʾerets ḥamat wayigel yehudah meʿal ʾadematow׃

²² וְהָעָ֗ם הַנִּשְׁאָר֙ בְּאֶ֣רֶץ יְהוּדָ֔ה אֲשֶׁ֣ר הִשְׁאִ֔יר נְבֽוּכַדְנֶאצַּ֖ר מֶ֣לֶךְ בָּבֶ֑ל וַיַּפְקֵ֣ד עֲלֵיהֶ֔ם אֶת־גְּדַלְיָ֖הוּ בֶּן־אֲחִיקָ֥ם בֶּן־שָׁפָֽן׃ פ wehaʿam hanisheʾar beʾerets yehudah ʾasher hisheʾiyr nevukhadeneʾtsar melekhe bavel wayafeqed ʿaleyhem ʾet־gedaleyahu ben־ʾaḥiyqam ben־shafan׃ f

²³ וַיִּשְׁמְעוּ֩ כָל־שָׂרֵ֨י הַחֲיָלִ֜ים הֵ֣מָּה וְהָאֲנָשִׁ֗ים כִּֽי־הִפְקִ֤יד מֶֽלֶךְ־בָּבֶל֙ אֶת־גְּדַלְיָ֔הוּ וַיָּבֹ֥אוּ אֶל־גְּדַלְיָ֖הוּ הַמִּצְפָּ֑ה וְיִשְׁמָעֵ֣אל בֶּן־נְתַנְיָ֡ה וְיֹוחָנָ֣ן בֶּן־קָ֠רֵחַ וּשְׂרָיָ֨ה בֶן־תַּנְחֻ֜מֶת הַנְּטֹפָתִ֗י וְיַֽאֲזַנְיָ֙הוּ֙ בֶּן־הַמַּ֣עֲכָתִ֔י הֵ֖מָּה וְאַנְשֵׁיהֶֽם׃ wayishemeʿu khal־sarey haḥayaliym hemah wehaʾanashiym kiy־hifeqiyd melekhe־bavel ʾet־gedaleyahu wayavoʾu ʾel־gedaleyahu hamitsepah weyishemaʿeʾl ben־netaneyah weyowḥanan ben־qareaḥ userayah ven־taneḥumet haneṭofatiy weyaʾazaneyahu ben־hamaʿakhatiy hemah weʾanesheyhem׃

²⁴ וַיִּשָּׁבַ֨ע לָהֶ֤ם גְּדַלְיָ֙הוּ֙ וּלְאַנְשֵׁיהֶ֔ם וַיֹּ֣אמֶר לָהֶ֔ם אַל־תִּֽירְא֖וּ מֵעַבְדֵ֣י הַכַּשְׂדִּ֑ים שְׁב֣וּ בָאָ֗רֶץ וְעִבְד֛וּ אֶת־מֶ֥לֶךְ בָּבֶ֖ל וְיִטַ֥ב לָכֶֽם׃ ס wayishavaʿ lahem gedaleyahu uleʾanesheyhem wayoʾmer lahem ʾal־tiyreʾu meʿavedey hakasediym shevu vaʾarets weʿivedu ʾet־melekhe bavel weyiṭav lakhem׃ s

²⁵ וַיְהִ֣י ׀ בַּחֹ֣דֶשׁ הַשְּׁבִיעִ֗י בָּ֣א יִשְׁמָעֵ֣אל בֶּן־נְ֠תַנְיָה בֶּן־אֱלִ֨ישָׁמָ֜ע מִזֶּ֣רַע הַמְּלוּכָ֗ה וַעֲשָׂרָ֤ה אֲנָשִׁים֙ אִתֹּ֔ו וַיַּכּ֥וּ אֶת־גְּדַלְיָ֖הוּ וַיָּמֹ֑ת וְאֶת־הַיְּהוּדִים֙ וְאֶת־הַכַּשְׂדִּ֔ים אֲשֶׁר־הָי֥וּ אִתֹּ֖ו בַּמִּצְפָּֽה׃ wayehiy ׀ baḥodesh hasheviyʿiy baʾ yishemaʿeʾl ben־netaneyah ben־ʾeliyshamaʿ mizeraʿ hamelukhah waʿasarah ʾanashiym ʾitow wayaku ʾet־gedaleyahu wayamot weʾet־hayehudiym weʾet־hakasediym ʾasher־hayu ʾitow bamitsepah׃

²⁶ וַיָּקֻ֨מוּ כָל־הָעָ֜ם מִקָּטֹ֤ן וְעַד־גָּדֹול֙ וְשָׂרֵ֣י הַחֲיָלִ֔ים וַיָּבֹ֖אוּ מִצְרָ֑יִם כִּ֥י יָרְא֖וּ מִפְּנֵ֥י כַשְׂדִּֽים׃ פ wayaqumu khal־haʿam miqaṭon weʿad־gadowl wesarey haḥayaliym wayavoʾu mitserayim kiy yareʾu mipeney khasediym׃ f

²⁷ וַיְהִי֩ בִשְׁלֹשִׁ֨ים וָשֶׁ֜בַע שָׁנָ֗ה לְגָלוּת֙ יְהֹויָכִ֣ין מֶֽלֶךְ־יְהוּדָ֔ה בִּשְׁנֵ֤ים עָשָׂר֙ חֹ֔דֶשׁ בְּעֶשְׂרִ֥ים וְשִׁבְעָ֖ה לַחֹ֑דֶשׁ נָשָׂ֡א אֱוִ֣יל מְרֹדַךְ֩ מֶ֨לֶךְ בָּבֶ֜ל בִּשְׁנַ֣ת מָלְכֹ֗ו אֶת־רֹ֛אשׁ יְהֹויָכִ֥ין מֶֽלֶךְ־יְהוּדָ֖ה מִבֵּ֥ית כֶּֽלֶא׃ wayehiy visheloshiym washevaʿ shanah legalut yehowyakhiyn melekhe־yehudah bisheneym ʿasar ḥodesh beʿeseriym weshiveʿah laḥodesh nasaʾ ʾewiyl merodakhe melekhe bavel bishenat malekhow ʾet־roʾsh yehowyakhiyn melekhe־yehudah mibeyt keleʾ׃

²⁸ וַיְדַבֵּ֥ר אִתֹּ֖ו טֹבֹ֑ות וַיִּתֵּן֙ אֶת־כִּסְאֹ֔ו מֵעַ֗ל כִּסֵּ֧א הַמְּלָכִ֛ים אֲשֶׁ֥ר אִתֹּ֖ו בְּבָבֶֽל׃ wayedaber ʾitow ṭovowt wayiten ʾet־kiseʾow meʿal kiseʾ hamelakhiym ʾasher ʾitow bevavel׃

²⁹ וְשִׁנָּ֕א אֵ֖ת בִּגְדֵ֣י כִלְאֹ֑ו וְאָכַ֨ל לֶ֧חֶם תָּמִ֛יד לְפָנָ֖יו כָּל־יְמֵ֥י חַיָּֽיו׃ weshinaʾ ʾet bigedey khileʾow weʾakhal leḥem tamiyd lefanayw kal־yemey ḥayayw׃

³⁰ וַאֲרֻחָתֹ֗ו אֲרֻחַ֨ת תָּמִ֧יד נִתְּנָה־לֹּ֛ו מֵאֵ֥ת הַמֶּ֖לֶךְ דְּבַר־יֹ֣ום בְּיֹומֹ֑ו כֹּ֖ל יְמֵ֥י חַיָּֽו׃ waʾaruḥatow ʾaruḥat tamiyd nitenah־low meʾet hamelekhe devar־yowm beyowmow kol yemey ḥayaw׃