1 מִ֤י יִתֶּנְךָ֙ כְּאָ֣ח לִ֔י יֹונֵ֖ק שְׁדֵ֣י אִמִּ֑י אֶֽמְצָאֲךָ֤ בַחוּץ֙ אֶשָּׁ֣קְךָ֔ גַּ֖ם לֹא־יָב֥וּזוּ לִֽי׃ miy yitenekha keʾaḥ liy yowneq shedey ʾimiy ʾemetsaʾakha vaḥuts ʾeshaqekha gam loʾ־yavuzu liy׃

2 אֶנְהָֽגֲךָ֗ אֲבִֽיאֲךָ֛ אֶל־בֵּ֥ית אִמִּ֖י תְּלַמְּדֵ֑נִי אַשְׁקְךָ֙ מִיַּ֣יִן הָרֶ֔קַח מֵעֲסִ֖יס רִמֹּנִֽי׃ ʾenehagakha ʾaviyʾakha ʾel־beyt ʾimiy telamedeniy ʾasheqekha miyayin hareqaḥ meʿasiys rimoniy׃

3 שְׂמֹאלֹו֙ תַּ֣חַת רֹאשִׁ֔י וִֽימִינֹ֖ו תְּחַבְּקֵֽנִי׃ semoʾlow taḥat roʾshiy wiymiynow teḥabeqeniy׃

4 הִשְׁבַּ֥עְתִּי אֶתְכֶ֖ם בְּנֹ֣ות יְרוּשָׁלִָ֑ם מַה־תָּעִ֧ירוּ ׀ וּֽמַה־תְּעֹֽרְר֛וּ אֶת־הָאַהֲבָ֖ה עַ֥ד שֶׁתֶּחְפָּֽץ׃ ס hishebaʿetiy ʾetekhem benowt yerushalim mah־taʿiyru ׀ umah־teʿoreru ʾet־haʾahavah ʿad sheteḥepats׃ s

5 מִ֣י זֹ֗את עֹלָה֙ מִן־הַמִּדְבָּ֔ר מִתְרַפֶּ֖קֶת עַל־דֹּודָ֑הּ תַּ֤חַת הַתַּפּ֙וּחַ֙ עֹֽורַרְתִּ֔יךָ מָּה חִבְּלַ֣תְךָ אִמֶּ֔ךָ שָׁ֖מָּה חִבְּלָ֥ה יְלָדַֽתְךָ׃ miy zoʾt ʿolah min־hamidebar miterapeqet ʿal־dowdah taḥat hatapuaḥ ʿowraretiykha mah ḥibelatekha ʾimekha shamah ḥibelah yeladatekha׃

6 שִׂימֵ֨נִי כַֽחֹותָ֜ם עַל־לִבֶּ֗ךָ כַּֽחֹותָם֙ עַל־זְרֹועֶ֔ךָ כִּֽי־עַזָּ֤ה כַמָּ֙וֶת֙ אַהֲבָ֔ה קָשָׁ֥ה כִשְׁאֹ֖ול קִנְאָ֑ה רְשָׁפֶ֕יהָ רִשְׁפֵּ֕י אֵ֖שׁ שַׁלְהֶ֥בֶתְיָֽה׃ siymeniy khaḥowtam ʿal־libekha kaḥowtam ʿal־zerowʿekha kiy־ʿazah khamawet ʾahavah qashah khisheʾowl qineʾah reshafeyha rishepey ʾesh shaleheveteyah׃

7 מַ֣יִם רַבִּ֗ים לֹ֤א יֽוּכְלוּ֙ לְכַבֹּ֣ות אֶת־הָֽאַהֲבָ֔ה וּנְהָרֹ֖ות לֹ֣א יִשְׁטְפ֑וּהָ אִם־יִתֵּ֨ן אִ֜ישׁ אֶת־כָּל־הֹ֤ון בֵּיתֹו֙ בָּאַהֲבָ֔ה בֹּ֖וז יָב֥וּזוּ לֹֽו׃ ס mayim rabiym loʾ yukhelu lekhabowt ʾet־haʾahavah uneharowt loʾ yisheṭefuah ʾim־yiten ʾiysh ʾet־kal־hown beytow baʾahavah bowz yavuzu low׃ s

8 אָחֹ֥ות לָ֙נוּ֙ קְטַנָּ֔ה וְשָׁדַ֖יִם אֵ֣ין לָ֑הּ מַֽה־נַּעֲשֶׂה֙ לַאֲחֹתֵ֔נוּ בַּיֹּ֖ום שֶׁיְּדֻבַּר־בָּֽהּ׃ ʾaḥowt lanu qeṭanah weshadayim ʾeyn lah mah־naʿaseh laʾaḥotenu bayowm sheyedubar־bah׃

9 אִם־חֹומָ֣ה הִ֔יא נִבְנֶ֥ה עָלֶ֖יהָ טִ֣ירַת כָּ֑סֶף וְאִם־דֶּ֣לֶת הִ֔יא נָצ֥וּר עָלֶ֖יהָ ל֥וּחַ אָֽרֶז׃ ʾim־ḥowmah hiyʾ niveneh ʿaleyha ṭiyrat kasef weʾim־delet hiyʾ natsur ʿaleyha luaḥ ʾarez׃

10 אֲנִ֣י חֹומָ֔ה וְשָׁדַ֖י כַּמִּגְדָּלֹ֑ות אָ֛ז הָיִ֥יתִי בְעֵינָ֖יו כְּמֹוצְאֵ֥ת שָׁלֹֽום׃ פ ʾaniy ḥowmah weshaday kamigedalowt ʾaz hayiytiy veʿeynayw kemowtseʾet shalowm׃ f

11 כֶּ֣רֶם הָיָ֤ה לִשְׁלֹמֹה֙ בְּבַ֣עַל הָמֹ֔ון נָתַ֥ן אֶת־הַכֶּ֖רֶם לַנֹּטְרִ֑ים אִ֛ישׁ יָבִ֥א בְּפִרְיֹ֖ו אֶ֥לֶף כָּֽסֶף׃ kerem hayah lishelomoh bevaʿal hamown natan ʾet־hakerem lanoṭeriym ʾiysh yaviʾ befireyow ʾelef kasef׃

12 כַּרְמִ֥י שֶׁלִּ֖י לְפָנָ֑י הָאֶ֤לֶף לְךָ֙ שְׁלֹמֹ֔ה וּמָאתַ֖יִם לְנֹטְרִ֥ים אֶת־פִּרְיֹֽו׃ karemiy sheliy lefanay haʾelef lekha shelomoh umaʾtayim lenoṭeriym ʾet־pireyow׃

13 הַיֹּושֶׁ֣בֶת בַּגַּנִּ֗ים חֲבֵרִ֛ים מַקְשִׁיבִ֥ים לְקֹולֵ֖ךְ הַשְׁמִיעִֽינִי׃ hayowshevet baganiym ḥaveriym maqeshiyviym leqowlekhe hashemiyʿiyniy׃

14 בְּרַ֣ח ׀ דֹּודִ֗י וּֽדְמֵה־לְךָ֤ לִצְבִי֙ אֹ֚ו לְעֹ֣פֶר הָֽאַיָּלִ֔ים עַ֖ל הָרֵ֥י בְשָׂמִֽים׃ beraḥ ׀ dowdiy udemeh־lekha litseviy ʾow leʿofer haʾayaliym ʿal harey vesamiym׃